{
    "status": "locked",
    "versionTitle": "New Testament",
    "sectionNames": [
        "Chapter",
        "Verse"
    ],
    "license": "Public Domain",
    "language": "el",
    "title": "2. Peter",
    "licenseVetted": true,
    "text": [
        [
            "συμεων πετροϲ δουλοϲ και αποϲτολοϲ ι̅υ̅ χ̅υ̅ τοιϲ ιϲοτιμον ημιν λαχουϲιν πιϲτιν εν δικαιοϲυνη του θ̅υ̅ ημων και σωτηροϲ ι̅υ̅ χ̅υ̅",
            "χαριϲ υμιν και ειρηνη πληθυνθειη εν επιγνωϲει του θ̅υ̅ και ι̅υ̅ του κ̅υ̅ ημων",
            "ωϲ παντα ημιν τηϲ θειαϲ δυναμεωϲ αυτου τα προϲ ζωην και ευϲεβειαν δεδωρημενηϲ δια τηϲ επιγνωϲεωϲ του καλεϲαντοϲ ημαϲ ιδια δοξη και αρετη",
            "δι ων τα τιμια και μεγιϲτα ημιν επαγγελματα δεδωρηται ινα δια τουτων γενηϲθε θειαϲ κοινωνοι φυϲεωϲ αποφυγοντεϲ τηϲ εν τω κοϲμω εν επιθυμια φθοραϲ",
            "και αυτο τουτο δε ϲπουδην παϲαν παρειϲενεγκαντεϲ επιχορηγηϲατε εν τη πιϲτει υμων την αρετην εν δε τη αρετη την γνωϲιν",
            "εν δε τη γνωϲει την εγκρατειαν εν δε τη εγκρατεια την υπομονην εν δε τη υπομονη την ευϲεβειαν",
            "εν δε τη ευϲεβεια την φιλαδελφιαν εν δε τη φιλαδελφια την αγαπην",
            "ταυτα γαρ υμιν υπαρχοντα και πλεοναζοντα ουκ αργουϲ ουδε ακαρπουϲ καθιϲτηϲιν ειϲ την του κ̅υ̅ ημων ι̅υ̅ χ̅υ̅ επιγνωϲιν",
            "ω γαρ μη παρεϲτιν ταυτα τυφλοϲ εϲτιν μυωπαζων ληθην λαβων του καθαριϲμου των παλαι αυτου αμαρτιων",
            "διο μαλλον αδελφοι ϲπουδαϲατε βεβαιαν υμων την κληϲιν και εκλογην ποιειϲθαι ταυτα γαρ ποιουντεϲ ου μη πταιϲητε ποτε",
            "ουτωϲ γαρ πλουϲιωϲ επιχορηγηθηϲεται υμιν η ειϲοδοϲ ειϲ την αιωνιον βαϲιλειαν του κ̅υ̅ ημων και σωτηροϲ ι̅υ̅ χ̅υ̅",
            "διο μελληϲω αει υμαϲ υπομιμνηϲκειν περι τουτων καιπερ ειδοταϲ και εϲτηριγμενουϲ εν τη παρουϲη αληθεια",
            "δικαιον δε ηγουμαι εφ οϲον ειμι εν τουτω τω ϲκηνωματι διεγειρειν υμαϲ εν υπομνηϲει",
            "ειδωϲ οτι ταχινη εϲτιν η αποθεϲιϲ του ϲκηνωματοϲ μου καθωϲ και ο κ̅ϲ̅ ημων ι̅ϲ̅ χ̅ϲ̅ εδηλωϲεν μοι",
            "ϲπουδαϲω δε και εκαϲτοτε εχειν υμαϲ μετα την εμην εξοδον την τουτων μνημην ποιειϲθαι",
            "ου γαρ ϲεϲοφιϲμενοιϲ μυθοιϲ εξακολουθηϲαντεϲ εγνωριϲαμεν υμιν την του κ̅υ̅ ημων ι̅υ̅ χ̅υ̅ δυναμιν και παρουϲιαν αλλ εποπται γενηθεντεϲ τηϲ εκεινου μεγαλειοτητοϲ",
            "λαβων γαρ παρα θ̅υ̅ πατροϲ τιμην και δοξαν φωνηϲ ενεχθειϲηϲ αυτω τοιαϲδε υπο τηϲ μεγαλοπρεπουϲ δοξηϲ ο υιοϲ μου ο αγαπητοϲ μου ουτοϲ εϲτιν ειϲ ον εγω ευδοκηϲα",
            "και ταυτην την φωνην ημειϲ ηκουϲαμεν εξ ουρανου ενεχθειϲαν ϲυν αυτω οντεϲ εν τω αγιω ορει",
            "και εχομεν βεβαιοτερον τον προφητικον λογον ω καλωϲ ποιειτε προϲεχοντεϲ ωϲ λυχνω φαινοντι εν αυχμηρω τοπω εωϲ ου ημερα διαυγαϲη και φωϲφοροϲ ανατειλη εν ταιϲ καρδιαιϲ υμων",
            "τουτο πρωτον γινωϲκοντεϲ οτι παϲα προφητεια γραφηϲ ιδιαϲ επιλυϲεωϲ ου γινεται",
            "ου γαρ θεληματι ανθρωπου ηνεχθη προφητεια ποτε αλλα υπο π̅ν̅ϲ̅ αγιου φερομενοι ελαληϲαν απο θ̅υ̅ ανθρωποι"
        ],
        [
            "εγενοντο δε και ψευδοπροφηται εν τω λαω ωϲ και εν υμιν εϲονται ψευδοδιδαϲκαλοι οιτινεϲ παρειϲαξουϲιν αιρεϲειϲ απωλειαϲ και τον αγοραϲαντα αυτουϲ δεϲποτην αρνουμενοι επαγοντεϲ εαυτοιϲ ταχινην απωλειαν",
            "και πολλοι εξακολουθηϲουϲιν αυτων ταιϲ αϲελγειαιϲ δι ουϲ η οδοϲ τηϲ αληθειαϲ βλαϲφημηθηϲεται",
            "και εν πλεονεξια πλαϲτοιϲ λογοιϲ υμαϲ εμπορευϲονται οιϲ το κριμα εκπαλαι ουκ αργει και η απωλεια αυτων ου νυϲταζει",
            "ει γαρ ο θ̅ϲ̅ αγγελων αμαρτηϲαντων ουκ εφειϲατο αλλα ϲειραιϲ ζοφου ταρταρωϲαϲ παρεδωκεν ειϲ κριϲιν τηρουμενουϲ",
            "και αρχαιου κοϲμου ουκ εφειϲατο αλλα ογδοον νωε δικαιοϲυνηϲ κηρυκα εφυλαξεν κατακλυϲμον κοϲμω αϲεβων επαξαϲ",
            "και πολειϲ σοδομων και γομορραϲ τεφρωϲαϲ καταϲτροφη κατεκρινεν υποδειγμα μελλοντων αϲεβεϲιν τεθεικωϲ",
            "και δικαιον λωτ καταπονουμενον υπο τηϲ των αθεϲμων εν αϲελγεια αναϲτροφηϲ ερρυϲατο",
            "βλεμματι γαρ και ακοη ο δικαιοϲ ενκατοικων εν αυτοιϲ ημεραν εξ ημεραϲ ψυχην δικαιαν ανομοιϲ εργοιϲ εβαϲανιζεν",
            "οιδεν κ̅ϲ̅ ευϲεβειϲ εκ πειραϲμου ρυεϲθαι αδικουϲ δε ειϲ ημεραν κριϲεωϲ κολαζομενουϲ τηρειν",
            "μαλιϲτα δε τουϲ οπιϲω ϲαρκοϲ εν επιθυμια μιαϲμου πορευομενουϲ και κυριοτητοϲ καταφρονουνταϲ τολμηται αυθαδειϲ δοξαϲ ου τρεμουϲιν βλαϲφημουντεϲ",
            "οπου αγγελοι ιϲχυι και δυναμει μειζονεϲ οντεϲ ου φερουϲιν κατ αυτων παρα κ̅ω̅ βλαϲφημον κριϲιν",
            "ουτοι δε ωϲ αλογα ζωα γεγεννημενα φυϲικα ειϲ αλωϲιν και φθοραν εν οιϲ αγνοουϲιν βλαϲφημουντεϲ εν τη φθορα αυτων και φθαρηϲονται",
            "αδικουμενοι μιϲθον αδικιαϲ ηδονην ηγουμενοι την εν ημερα τρυφην ϲπιλοι και μωμοι εντρυφωντεϲ εν ταιϲ απαταιϲ αυτων ϲυνευωχουμενοι υμιν",
            "οφθαλμουϲ εχοντεϲ μεϲτουϲ μοιχαλιδοϲ και ακαταπαυϲτουϲ αμαρτιαϲ δελεαζοντεϲ ψυχαϲ αϲτηρικτουϲ καρδιαν γεγυμναϲμενην πλεονεξιαϲ εχοντεϲ καταραϲ τεκνα",
            "καταλιποντεϲ ευθειαν οδον επλανηθηϲαν εξακολουθηϲαντεϲ τη οδω του βαλααμ του βοϲορ οϲ μιϲθον αδικιαϲ ηγαπηϲεν",
            "ελεγξιν δε εϲχεν ιδιαϲ παρανομιαϲ υποζυγιον αφωνον εν ανθρωπου φωνη φθεγξαμενον εκωλυϲεν την του προφητου παραφρονιαν",
            "ουτοι ειϲιν πηγαι ανυδροι και ομιχλαι υπο λαιλαποϲ ελαυνομεναι οιϲ ο ζοφοϲ του ϲκοτουϲ τετηρηται",
            "υπερογκα γαρ ματαιοτητοϲ φθεγγομενοι δελεαζουϲιν εν επιθυμιαιϲ ϲαρκοϲ αϲελγειαιϲ τουϲ ολιγωϲ αποφευγονταϲ τουϲ εν πλανη αναϲτρεφομενουϲ",
            "ελευθεριαν αυτοιϲ επαγγελλομενοι αυτοι δουλοι υπαρχοντεϲ τηϲ φθοραϲ ω γαρ τιϲ ηττηται τουτω δεδουλωται",
            "ει γαρ αποφυγοντεϲ τα μιαϲματα του κοϲμου εν επιγνωϲει του κ̅υ̅ και σωτηροϲ ι̅υ̅ χ̅υ̅ τουτοιϲ δε παλιν εμπλακεντεϲ ηττωνται γεγονεν αυτοιϲ τα εϲχατα χειρονα των πρωτων",
            "κρειττον γαρ ην αυτοιϲ μη επεγνωκεναι την οδον τηϲ δικαιοϲυνηϲ η επιγνουϲιν υποϲτρεψαι εκ τηϲ παραδοθειϲηϲ αυτοιϲ αγιαϲ εντοληϲ",
            "ϲυμβεβηκεν αυτοιϲ το τηϲ αληθουϲ παροιμιαϲ κυων επιϲτρεψαϲ επι το ιδιον εξεραμα και υϲ λουϲαμενη ειϲ κυλιϲμον βορβορου"
        ],
        [
            "ταυτην ηδη αγαπητοι δευτεραν υμιν γραφω επιϲτολην εν αιϲ διεγειρω υμων εν υπομνηϲει την ειλικρινη διανοιαν",
            "μνηϲθηναι των προειρημενων ρηματων υπο των αγιων προφητων και τηϲ των αποϲτολων υμων εντοληϲ του κ̅υ̅ και σωτηροϲ",
            "τουτο πρωτον γινωϲκοντεϲ οτι ελευϲονται επ εϲχατων των ημερων εν εμπαιγμονη εμπαικται κατα ταϲ ιδιαϲ επιθυμιαϲ αυτων πορευομενοι",
            "και λεγοντεϲ που εϲτιν η επαγγελια τηϲ παρουϲιαϲ αυτου αφ ηϲ γαρ οι πατερεϲ εκοιμηθηϲαν παντα ουτωϲ διαμενει απ αρχηϲ κτιϲεωϲ",
            "λανθανει γαρ αυτουϲ τουτο θελονταϲ οτι ουρανοι ηϲαν εκπαλαι και γη εξ υδατοϲ και δι υδατοϲ ϲυνεϲτωϲα τω του θ̅υ̅ λογω",
            "δι ων ο τοτε κοϲμοϲ υδατι κατακλυϲθειϲ απωλετο",
            "οι δε νυν ουρανοι και η γη τω αυτω λογω τεθηϲαυριϲμενοι ειϲιν πυρι τηρουμενοι ειϲ ημεραν κριϲεωϲ και απωλειαϲ των αϲεβων ανθρωπων",
            "εν δε τουτο μη λανθανετω υμαϲ αγαπητοι οτι μια ημερα παρα κ̅ω̅ ωϲ χιλια ετη και χιλια ετη ωϲ ημερα μια",
            "ου βραδυνει κ̅ϲ̅ τηϲ επαγγελιαϲ ωϲ τινεϲ βραδυτητα ηγουνται αλλα μακροθυμει ειϲ υμαϲ μη βουλομενοϲ τιναϲ απολεϲθαι αλλα πανταϲ ειϲ μετανοιαν χωρηϲαι",
            "ηξει δε ημερα κ̅υ̅ ωϲ κλεπτηϲ εν η οι ουρανοι ροιζηδον παρελευϲονται ϲτοιχεια δε καυϲουμενα λυθηϲεται και γη και τα εν αυτη εργα ουχ ευρεθηϲεται",
            "τουτων ουτωϲ παντων λυομενων ποταπουϲ δει υπαρχειν υμαϲ εν αγιαιϲ αναϲτροφαιϲ και ευϲεβειαιϲ",
            "προϲδοκωνταϲ και ϲπευδονταϲ την παρουϲιαν τηϲ του θ̅υ̅ ημεραϲ δι ην ουρανοι πυρουμενοι λυθηϲονται και ϲτοιχεια καυϲουμενα τηκεται",
            "καινουϲ δε ουρανουϲ και γην καινην κατα το επαγγελμα αυτου προϲδοκωμεν εν οιϲ δικαιοϲυνη κατοικει",
            "διο αγαπητοι ταυτα προϲδοκωντεϲ ϲπουδαϲατε αϲπιλοι και αμωμητοι αυτω ευρεθηναι εν ειρηνη",
            "και την του κ̅υ̅ ημων μακροθυμιαν ϲωτηριαν ηγειϲθε καθωϲ και ο αγαπητοϲ ημων αδελφοϲ παυλοϲ κατα την δοθειϲαν αυτω ϲοφιαν εγραψεν υμιν",
            "ωϲ και εν παϲαιϲ ταιϲ επιϲτολαιϲ λαλων εν αυταιϲ περι τουτων εν αιϲ εϲτιν δυϲνοητα τινα α οι αμαθειϲ και αϲτηρικτοι ϲτρεβλουϲιν ωϲ και ταϲ λοιπαϲ γραφαϲ προϲ την ιδιαν αυτων απωλειαν",
            "υμειϲ ουν αγαπητοι προγινωϲκοντεϲ φυλαϲϲεϲθε ινα μη τη των αθεϲμων πλανη ϲυναπαχθεντεϲ εκπεϲητε του ιδιου ϲτηριγμου",
            "αυξανετε δε εν χαριτι και γνωϲει του κ̅υ̅ ημων και σωτηροϲ ι̅υ̅ χ̅υ̅ αυτω η δοξα και νυν και ειϲ ημεραν αιωνοϲ"
        ]
    ]
}