{ "status": "locked", "versionTitle": "New Testament", "sectionNames": [ "Chapter", "Verse" ], "license": "Public Domain", "language": "el", "title": "James", "licenseVetted": true, "text": [ [ "ιακωβοϲ θ̅υ̅ και κ̅υ̅ ι̅υ̅ χ̅υ̅ δουλοϲ ταιϲ δωδεκα φυλαιϲ ταιϲ εν τη διαϲπορα χαιρειν", "παϲαν χαραν ηγηϲαϲθε αδελφοι μου οταν πειραϲμοιϲ περιπεϲητε ποικιλοιϲ", "γινωϲκοντεϲ οτι το δοκιμιον υμων τηϲ πιϲτεωϲ κατεργαζεται υπομονην", "η δε υπομονη εργον τελειον εχετω ινα ητε τελειοι και ολοκληροι εν μηδενι λειπομενοι", "ει δε τιϲ υμων λειπεται ϲοφιαϲ αιτειτω παρα του διδοντοϲ θ̅υ̅ παϲιν απλωϲ και μη ονειδιζοντοϲ και δοθηϲεται αυτω", "αιτειτω δε εν πιϲτει μηδεν διακρινομενοϲ ο γαρ διακρινομενοϲ εοικεν κλυδωνι θαλαϲϲηϲ ανεμιζομενω και ριπιζομενω", "μη γαρ οιεϲθω ο ανθρωποϲ εκεινοϲ οτι λημψεται τι παρα του κ̅υ̅", "ανηρ διψυχοϲ ακαταϲτατοϲ εν παϲαιϲ ταιϲ οδοιϲ αυτου", "καυχαϲθω δε ο αδελφοϲ ο ταπεινοϲ εν τω υψει αυτου", "ο δε πλουϲιοϲ εν τη ταπεινωϲει αυτου οτι ωϲ ανθοϲ χορτου παρελευϲεται", "ανετειλεν γαρ ο ηλιοϲ ϲυν τω καυϲωνι και εξηρανεν τον χορτον και το ανθοϲ αυτου εξεπεϲεν και η ευπρεπεια του προϲωπου αυτου απωλετο ουτωϲ και ο πλουϲιοϲ εν ταιϲ πορειαιϲ αυτου μαρανθηϲεται", "μακαριοϲ ανηρ οϲ υπομενει πειραϲμον οτι δοκιμοϲ γενομενοϲ λημψεται τον ϲτεφανον τηϲ ζωηϲ ον επηγγειλατο τοιϲ αγαπωϲιν αυτον", "μηδειϲ πειραζομενοϲ λεγετω οτι απο θ̅υ̅ πειραζομαι ο γαρ θ̅ϲ̅ απειραϲτοϲ εϲτιν κακων πειραζει δε αυτοϲ ουδενα", "εκαϲτοϲ δε πειραζεται υπο τηϲ ιδιαϲ επιθυμιαϲ εξελκομενοϲ και δελεαζομενοϲ", "ειτα η επιθυμια ϲυλλαβουϲα τικτει αμαρτιαν η δε αμαρτια αποτελεϲθειϲα αποκυει θανατον", "μη πλαναϲθε αδελφοι μου αγαπητοι", "παϲα δοϲιϲ αγαθη και παν δωρημα τελειον ανωθεν εϲτιν καταβαινον απο του πατροϲ των φωτων παρ ω ουκ ενι παραλλαγη η τροπηϲ αποϲκιαϲμα", "βουληθειϲ απεκυηϲεν ημαϲ λογω αληθειαϲ ειϲ το ειναι ημαϲ απαρχην τινα των αυτου κτιϲματων", "ιϲτε αδελφοι μου αγαπητοι εϲτω δε παϲ ανθρωποϲ ταχυϲ ειϲ το ακουϲαι βραδυϲ ειϲ το λαληϲαι βραδυϲ ειϲ οργην", "οργη γαρ ανδροϲ δικαιοϲυνην θ̅υ̅ ουκ εργαζεται", "διο αποθεμενοι παϲαν ρυπαριαν και περιϲϲειαν κακιαϲ εν πραυτητι δεξαϲθε τον εμφυτον λογον τον δυναμενον ϲωϲαι ταϲ ψυχαϲ υμων", "γινεϲθε δε ποιηται λογου και μη μονον ακροαται παραλογιζομενοι εαυτουϲ", "οτι ει τιϲ ακροατηϲ λογου εϲτιν και ου ποιητηϲ ουτοϲ εοικεν ανδρι κατανοουντι το προϲωπον τηϲ γενεϲεωϲ αυτου εν εϲοπτρω", "κατενοηϲεν γαρ εαυτον και απεληλυθεν και ευθεωϲ επελαθετο οποιοϲ ην", "ο δε παρακυψαϲ ειϲ νομον τελειον τον τηϲ ελευθεριαϲ και παραμειναϲ ουκ ακροατηϲ επιληϲμονηϲ γενομενοϲ αλλα ποιητηϲ εργου ουτοϲ μακαριοϲ εν τη ποιηϲει αυτου εϲται", "ει τιϲ δοκει θρηϲκοϲ ειναι μη χαλιναγωγων γλωϲϲαν αυτου αλλα απατων καρδιαν αυτου τουτου ματαιοϲ η θρηϲκεια", "θρηϲκεια καθαρα και αμιαντοϲ παρα τω θ̅ω̅ και πατρι αυτη εϲτιν επιϲκεπτεϲθαι ορφανουϲ και χηραϲ εν τη θλιψει αυτων αϲπιλον εαυτον τηρειν απο του κοϲμου" ], [ "αδελφοι μου μη εν προϲωπολημψιαιϲ εχετε την πιϲτιν του κ̅υ̅ ημων ι̅υ̅ χ̅υ̅ τηϲ δοξηϲ", "εαν γαρ ειϲελθη ειϲ ϲυναγωγην υμων ανηρ χρυϲοδακτυλιοϲ εν εϲθητι λαμπρα ειϲελθη δε και πτωχοϲ εν ρυπαρα εϲθητι", "επιβλεψητε δε επι τον φορουντα την εϲθητα την λαμπραν και ειπητε συ καθου ωδε καλωϲ και τω πτωχω ειπητε συ ϲτηθι η καθου εκει υπο το υποποδιον μου", "και ου διεκριθητε εν εαυτοιϲ και εγενεϲθε κριται διαλογιϲμων πονηρων", "ακουϲατε αδελφοι μου αγαπητοι ουχ ο θ̅ϲ̅ εξελεξατο τουϲ πτωχουϲ τω κοϲμω πλουϲιουϲ εν πιϲτει και κληρονομουϲ τηϲ βαϲιλειαϲ ηϲ επηγγειλατο τοιϲ αγαπωϲιν αυτον", "υμειϲ δε ητιμαϲατε τον πτωχον ουχ οι πλουϲιοι καταδυναϲτευουϲιν υμων και αυτοι ελκουϲιν υμαϲ ειϲ κριτηρια", "ουκ αυτοι βλαϲφημουϲιν το καλον ονομα το επικληθεν εφ υμαϲ", "ει μεντοι νομον τελειτε βαϲιλικον κατα την γραφην αγαπηϲειϲ τον πληϲιον ϲου ωϲ ϲεαυτον καλωϲ ποιειτε", "ει δε προϲωπολημπτειτε αμαρτιαν εργαζεϲθε ελεγχομενοι υπο του νομου ωϲ παραβαται", "οϲτιϲ γαρ ολον τον νομον τηρηϲη πταιϲη δε εν ενι γεγονεν παντων ενοχοϲ", "ο γαρ ειπων μη μοιχευϲηϲ ειπεν και μη φονευϲηϲ ει δε ου μοιχευειϲ φονευειϲ δε γεγοναϲ παραβατηϲ νομου", "ουτωϲ λαλειτε και ουτωϲ ποιειτε ωϲ δια νομου ελευθεριαϲ μελλοντεϲ κρινεϲθαι", "η γαρ κριϲιϲ ανελεοϲ τω μη ποιηϲαντι ελεοϲ κατακαυχαται ελεοϲ κριϲεωϲ", "τι το οφελοϲ αδελφοι μου εαν πιϲτιν λεγη τιϲ εχειν εργα δε μη εχη μη δυναται η πιϲτιϲ ϲωϲαι αυτον", "εαν αδελφοϲ η αδελφη γυμνοι υπαρχωϲιν και λειπομενοι ωϲιν τηϲ εφημερου τροφηϲ", "ειπη δε τιϲ αυτοιϲ εξ υμων υπαγετε εν ειρηνη θερμαινεϲθε και χορταζεϲθε μη δωτε δε αυτοιϲ τα επιτηδεια του ϲωματοϲ τι το οφελοϲ", "ουτωϲ και η πιϲτιϲ εαν μη εχη εργα νεκρα εϲτιν καθ εαυτην", "αλλ ερει τιϲ συ πιϲτιν εχειϲ καγω εργα εχω δειξον μοι την πιϲτιν ϲου χωριϲ των εργων καγω ϲοι δειξω εκ των εργων μου την πιϲτιν", "ϲυ πιϲτευειϲ οτι ειϲ εϲτιν ο θ̅ϲ̅ καλωϲ ποιειϲ και τα δαιμονια πιϲτευουϲιν και φριϲϲουϲιν", "θελειϲ δε γνωναι ω ανθρωπε κενε οτι η πιϲτιϲ χωριϲ των εργων αργη εϲτιν", "αβρααμ ο πατηρ ημων ουκ εξ εργων εδικαιωθη ανενεγκαϲ ιϲαακ τον υιον αυτου επι το θυϲιαϲτηριον", "βλεπειϲ οτι η πιϲτιϲ ϲυνηργει τοιϲ εργοιϲ αυτου και εκ των εργων η πιϲτιϲ ετελειωθη", "και επληρωθη η γραφη η λεγουϲα επιϲτευϲεν δε αβρααμ τω θ̅ω̅ και ελογιϲθη αυτω ειϲ δικαιοϲυνην και φιλοϲ θ̅υ̅ εκληθη", "ορατε οτι εξ εργων δικαιουται ανθρωποϲ και ουκ εκ πιϲτεωϲ μονον", "ομοιωϲ δε και ρααβ η πορνη ουκ εξ εργων εδικαιωθη υποδεξαμενη τουϲ αγγελουϲ και ετερα οδω εκβαλουϲα", "ωϲπερ γαρ το ϲωμα χωριϲ π̅ν̅ϲ̅ νεκρον εϲτιν ουτωϲ και η πιϲτιϲ χωριϲ εργων νεκρα εϲτιν" ], [ "μη πολλοι διδαϲκαλοι γινεϲθε αδελφοι μου ειδοτεϲ οτι μειζον κριμα λημψομεθα", "πολλα γαρ πταιομεν απαντεϲ ει τιϲ εν λογω ου πταιει ουτοϲ τελειοϲ ανηρ δυνατοϲ χαλιναγωγηϲαι και ολον το ϲωμα", "ει δε των ιππων τουϲ χαλινουϲ ειϲ τα ϲτοματα βαλλομεν ειϲ το πειθεϲθαι αυτουϲ ημιν και ολον το ϲωμα αυτων μεταγομεν", "ιδου και τα πλοια τηλικαυτα οντα και υπο ανεμων ϲκληρων ελαυνομενα μεταγεται υπο ελαχιϲτου πηδαλιου οπου η ορμη του ευθυνοντοϲ βουλεται", "ουτωϲ και η γλωϲϲα μικρον μελοϲ εϲτιν και μεγαλα αυχει ιδου ηλικον πυρ ηλικην υλην αναπτει", "και η γλωϲϲα πυρ ο κοϲμοϲ τηϲ αδικιαϲ η γλωϲϲα καθιϲταται εν τοιϲ μελεϲιν ημων η ϲπιλουϲα ολον το ϲωμα και φλογιζουϲα τον τροχον τηϲ γενεϲεωϲ και φλογιζομενη υπο τηϲ γεεννηϲ", "παϲα γαρ φυϲιϲ θηριων τε και πετεινων ερπετων τε και εναλιων δαμαζεται και δεδαμαϲται τη φυϲει τη ανθρωπινη", "την δε γλωϲϲαν ουδειϲ δαμαϲαι δυναται ανθρωπων ακαταϲτατον κακον μεϲτη ιου θανατηφορου", "εν αυτη ευλογουμεν τον κ̅ν̅ και πατερα και εν αυτη καταρωμεθα τουϲ ανθρωπουϲ τουϲ καθ ομοιωϲιν θ̅υ̅ γεγονοταϲ", "εκ του αυτου ϲτοματοϲ εξερχεται ευλογια και καταρα ου χρη αδελφοι μου ταυτα ουτωϲ γινεϲθαι", "μητι η πηγη εκ τηϲ αυτηϲ οπηϲ βρυει το γλυκυ και το πικρον", "μη δυναται αδελφοι μου ϲυκη ελαιαϲ ποιηϲαι η αμπελοϲ ϲυκα ουτε αλυκον γλυκυ ποιηϲαι υδωρ", "τιϲ ϲοφοϲ και επιϲτημων εν υμιν δειξατω εκ τηϲ καληϲ αναϲτροφηϲ τα εργα αυτου εν πραυτητι ϲοφιαϲ", "ει δε ζηλον πικρον εχετε και εριθειαν εν τη καρδια υμων μη κατακαυχαϲθε και ψευδεϲθε κατα τηϲ αληθειαϲ", "ουκ εϲτιν αυτη η ϲοφια ανωθεν κατερχομενη αλλα επιγειοϲ ψυχικη δαιμονιωδηϲ", "οπου γαρ ζηλοϲ και εριθεια εκει ακαταϲταϲια και παν φαυλον πραγμα", "η δε ανωθεν ϲοφια πρωτον μεν αγνη εϲτιν επειτα ειρηνικη επιεικηϲ ευπειθηϲ μεϲτη ελεουϲ και καρπων αγαθων αδιακριτοϲ ανυποκριτοϲ", "καρποϲ δε δικαιοϲυνηϲ εν ειρηνη ϲπειρεται τοιϲ ποιουϲιν ειρηνην" ], [ "ποθεν πολεμοι και ποθεν μαχαι εν υμιν ουκ εντευθεν εκ των ηδονων υμων των ϲτρατευομενων εν τοιϲ μελεϲιν υμων", "επιθυμειτε και ουκ εχετε φονευετε και ζηλουτε και ου δυναϲθε επιτυχειν μαχεϲθε και πολεμειτε ουκ εχετε δια το μη αιτειϲθαι υμαϲ", "αιτειτε και ου λαμβανετε διοτι κακωϲ αιτειϲθε ινα εν ταιϲ ηδοναιϲ υμων δαπανηϲητε", "μοιχαλιδεϲ ουκ οιδατε οτι η φιλια του κοϲμου εχθρα του θ̅υ̅ εϲτιν οϲ εαν ουν βουληθη φιλοϲ ειναι του κοϲμου εχθροϲ του θ̅υ̅ καθιϲταται", "η δοκειτε οτι κενωϲ η γραφη λεγει προϲ φθονον επιποθει το π̅ν̅α̅ ο κατωκιϲεν εν ημιν", "μειζονα δε διδωϲιν χαριν διο λεγει ο θ̅ϲ̅ υπερηφανοιϲ αντιταϲϲεται ταπεινοιϲ δε διδωϲιν χαριν", "υποταγητε ουν τω θ̅ω̅ αντιϲτητε δε τω διαβολω και φευξεται αφ υμων", "εγγιϲατε τω θ̅ω̅ και εγγιει υμιν καθαριϲατε χειραϲ αμαρτωλοι και αγνιϲατε καρδιαϲ διψυχοι", "ταλαιπωρηϲατε και πενθηϲατε και κλαυϲατε ο γελωϲ υμων ειϲ πενθοϲ μετατραπητω και η χαρα ειϲ κατηφειαν", "ταπεινωθητε ενωπιον του κ̅υ̅ και υψωϲει υμαϲ", "μη καταλαλειτε αλληλων αδελφοι ο καταλαλων αδελφου η κρινων τον αδελφον αυτου καταλαλει νομου και κρινει νομον ει δε νομον κρινειϲ ουκ ει ποιητηϲ νομου αλλα κριτηϲ", "ειϲ εϲτιν ο νομοθετηϲ και κριτηϲ ο δυναμενοϲ ϲωϲαι και απολεϲαι ϲυ δε τιϲ ει ο κρινων τον πληϲιον", "αγε νυν οι λεγοντεϲ σημερον η αυριον πορευϲομεθα ειϲ τηνδε την πολιν και ποιηϲομεν εκει ενιαυτον και εμπορευϲομεθα και κερδηϲομεν", "οιτινεϲ ουκ επιϲταϲθε το τηϲ αυριον ποια η ζωη υμων ατμιϲ γαρ εϲτε η προϲ ολιγον φαινομενη επειτα και αφανιζομενη", "αντι του λεγειν υμαϲ εαν ο κ̅ϲ̅ θεληϲη και ζηϲομεν και ποιηϲομεν τουτο η εκεινο", "νυν δε καυχαϲθε εν ταιϲ αλαζονειαιϲ υμων παϲα καυχηϲιϲ τοιαυτη πονηρα εϲτιν", "ειδοτι ουν καλον ποιειν και μη ποιουντι αμαρτια αυτω εϲτιν" ], [ "αγε νυν οι πλουϲιοι κλαυϲατε ολολυζοντεϲ επι ταιϲ ταλαιπωριαιϲ υμων ταιϲ επερχομεναιϲ", "ο πλουτοϲ υμων ϲεϲηπεν και τα ιματια υμων ϲητοβρωτα γεγονεν", "ο χρυϲοϲ υμων και ο αργυροϲ κατιωται και ο ιοϲ αυτων ειϲ μαρτυριον υμιν εϲται και φαγεται ταϲ ϲαρκαϲ υμων ωϲ πυρ εθηϲαυριϲατε εν εϲχαταιϲ ημεραιϲ", "ιδου ο μιϲθοϲ των εργατων των αμηϲαντων ταϲ χωραϲ υμων ο αφυϲτερημενοϲ αφ υμων κραζει και αι βοαι των θεριϲαντων ειϲ τα ωτα κ̅υ̅ σαβαωθ ειϲεληλυθαϲιν", "ετρυφηϲατε επι τηϲ γηϲ και εϲπαταληϲατε εθρεψατε ταϲ καρδιαϲ υμων εν ημερα ϲφαγηϲ", "κατεδικαϲατε εφονευϲατε τον δικαιον ουκ αντιταϲϲεται υμιν", "μακροθυμηϲατε ουν αδελφοι εωϲ τηϲ παρουϲιαϲ του κ̅υ̅ ιδου ο γεωργοϲ εκδεχεται τον τιμιον καρπον τηϲ γηϲ μακροθυμων επ αυτω εωϲ λαβη προιμον και οψιμον", "μακροθυμηϲατε και υμειϲ ϲτηριξατε ταϲ καρδιαϲ υμων οτι η παρουϲια του κ̅υ̅ ηγγικεν", "μη ϲτεναζετε αδελφοι κατ αλληλων ινα μη κριθητε ιδου ο κριτηϲ προ των θυρων εϲτηκεν", "υποδειγμα λαβετε αδελφοι τηϲ κακοπαθιαϲ και τηϲ μακροθυμιαϲ τουϲ προφηταϲ οι ελαληϲαν εν τω ονοματι κ̅υ̅", "ιδου μακαριζομεν τουϲ υπομεινανταϲ την υπομονην ιωβ ηκουϲατε και το τελοϲ κ̅υ̅ ειδετε οτι πολυϲπλαγχνοϲ εϲτιν ο κ̅ϲ̅ και οικτιρμων", "προ παντων δε αδελφοι μου μη ομνυετε μητε τον ουρανον μητε την γην μητε αλλον τινα ορκον ητω δε υμων το ναι ναι και το ου ου ινα μη υπο κριϲιν πεϲητε", "κακοπαθει τιϲ εν υμιν προϲευχεϲθω ευθυμει τιϲ ψαλλετω", "αϲθενει τιϲ εν υμιν προϲκαλεϲαϲθω τουϲ πρεϲβυτερουϲ τηϲ εκκληϲιαϲ και προϲευξαϲθωϲαν επ αυτον αλειψαντεϲ αυτον ελαιω εν τω ονοματι του κ̅υ̅", "και η ευχη τηϲ πιϲτεωϲ ϲωϲει τον καμνοντα και εγερει αυτον ο κ̅ϲ̅ καν αμαρτιαϲ η πεποιηκωϲ αφεθηϲεται αυτω", "εξομολογειϲθε ουν αλληλοιϲ ταϲ αμαρτιαϲ και ευχεϲθε υπερ αλληλων οπωϲ ιαθητε πολυ ιϲχυει δεηϲιϲ δικαιου ενεργουμενη", "ηλιαϲ ανθρωποϲ ην ομοιοπαθηϲ ημιν και προϲευχη προϲηυξατο του μη βρεξαι και ουκ εβρεξεν επι τηϲ γηϲ ενιαυτουϲ τρειϲ και μηναϲ εξ", "και παλιν προϲηυξατο και ο ουρανοϲ υετον εδωκεν και η γη εβλαϲτηϲεν τον καρπον αυτηϲ", "αδελφοι μου εαν τιϲ εν υμιν πλανηθη απο τηϲ αληθειαϲ και επιϲτρεψη τιϲ αυτον", "γινωϲκετω οτι ο επιϲτρεψαϲ αμαρτωλον εκ πλανηϲ οδου αυτου ϲωϲει ψυχην αυτου εκ θανατου και καλυψει πληθοϲ αμαρτιων" ] ] }