{ "status": "locked", "versionTitle": "New Testament", "sectionNames": [ "Chapter", "Verse" ], "license": "Public Domain", "language": "el", "title": "Hebrews", "licenseVetted": true, "text": [ [ "πολυμερωϲ και πολυτροπωϲ παλαι ο θ̅ϲ̅ λαληϲαϲ τοιϲ πατραϲιν εν τοιϲ προφηταιϲ", "επ εϲχατου των ημερων τουτων ελαληϲεν ημιν εν υιω ον εθηκεν κληρονομον παντων δι ου και εποιηϲεν τουϲ αιωναϲ", "οϲ ων απαυγαϲμα τηϲ δοξηϲ και χαρακτηρ τηϲ υποϲταϲεωϲ αυτου φερων τε τα παντα τω ρηματι τηϲ δυναμεωϲ αυτου καθαριϲμον των αμαρτιων ποιηϲαμενοϲ εκαθιϲεν εν δεξια τηϲ μεγαλωϲυνηϲ εν υψηλοιϲ", "τοϲουτω κρειττων γενομενοϲ των αγγελων οϲω διαφορωτερον παρ αυτουϲ κεκληρονομηκεν ονομα", "τινι γαρ ειπεν ποτε των αγγελων υιοϲ μου ει ϲυ εγω ϲημερον γεγεννηκα ϲε και παλιν εγω εϲομαι αυτω ειϲ πατερα και αυτοϲ εϲται μοι ειϲ υιον", "οταν δε παλιν ειϲαγαγη τον πρωτοτοκον ειϲ την οικουμενην λεγει και προϲκυνηϲατωϲαν αυτω παντεϲ αγγελοι θ̅υ̅", "και προϲ μεν τουϲ αγγελουϲ λεγει ο ποιων τουϲ αγγελουϲ αυτου πνευματα και τουϲ λειτουργουϲ αυτου πυροϲ φλογα", "προϲ δε τον υιον ο θρονοϲ ϲου ο θ̅ϲ̅ ειϲ τον αιωνα του αιωνοϲ και η ραβδοϲ τηϲ ευθυτητοϲ ραβδοϲ τηϲ βαϲιλειαϲ ϲου", "ηγαπηϲαϲ δικαιοϲυνην και εμιϲηϲαϲ ανομιαν δια τουτο εχριϲεν ϲε ο θ̅ϲ̅ ο θ̅ϲ̅ ϲου ελαιον αγαλλιαϲεωϲ παρα τουϲ μετοχουϲ ϲου", "και συ κατ αρχαϲ κ̅ε̅ την γην εθεμελιωϲαϲ και εργα των χειρων ϲου ειϲιν οι ουρανοι", "αυτοι απολουνται ϲυ δε διαμενειϲ και παντεϲ ωϲ ιματιον παλαιωθηϲονται", "και ωϲει περιβολαιον ελιξειϲ αυτουϲ ωϲ ιματιον και αλλαγηϲονται ϲυ δε ο αυτοϲ ει και τα ετη ϲου ουκ εκλειψουϲιν", "προϲ τινα δε των αγγελων ειρηκεν ποτε καθου εκ δεξιων μου εωϲ αν θω τουϲ εχθρουϲ ϲου υποποδιον των ποδων ϲου", "ουχι παντεϲ ειϲιν λειτουργικα πνευματα ειϲ διακονιαν αποϲτελλομενα δια τουϲ μελλονταϲ κληρονομειν ϲωτηριαν" ], [ "δια τουτο δει περιϲϲοτερωϲ προϲεχειν ημαϲ τοιϲ ακουϲθειϲιν μηποτε παραρυωμεν", "ει γαρ ο δι αγγελων λαληθειϲ λογοϲ εγενετο βεβαιοϲ και παϲα παραβαϲιϲ και παρακοη ελαβεν ενδικον μιϲθαποδοϲιαν", "πωϲ ημειϲ εκφευξομεθα τηλικαυτηϲ αμεληϲαντεϲ ϲωτηριαϲ ητιϲ αρχην λαβουϲα λαλειϲθαι δια του κ̅υ̅ υπο των ακουϲαντων ειϲ ημαϲ εβεβαιωθη", "ϲυνεπιμαρτυρουντοϲ του θ̅υ̅ ϲημειοιϲ τε και τεραϲιν και ποικιλαιϲ δυναμεϲιν και π̅ν̅ϲ̅ αγιου μεριϲμοιϲ κατα την αυτου θεληϲιν", "ου γαρ αγγελοιϲ υπεταξεν την οικουμενην την μελλουϲαν περι ηϲ λαλουμεν", "διεμαρτυρατο δε που τιϲ λεγων τι εϲτιν ανθρωποϲ οτι μιμνηϲκη αυτου η υιοϲ ανθρωπου οτι επιϲκεπτη αυτον", "ηλαττωϲαϲ αυτον βραχυ τι παρ αγγελουϲ δοξη και τιμη εϲτεφανωϲαϲ αυτον", "παντα υπεταξαϲ υποκατω των ποδων αυτου εν τω γαρ υποταξαι αυτω τα παντα ουδεν αφηκεν αυτω ανυποτακτον νυν δε ουπω ορωμεν αυτω τα παντα υποτεταγμενα", "τον δε βραχυ τι παρ αγγελουϲ ηλαττωμενον βλεπομεν ι̅ν̅ δια το παθημα του θανατου δοξη και τιμη εϲτεφανωμενον οπωϲ χαριτι θ̅υ̅ υπερ παντοϲ γευϲηται θανατου", "επρεπεν γαρ αυτω δι ον τα παντα και δι ου τα παντα πολλουϲ υιουϲ ειϲ δοξαν αγαγοντα τον αρχηγον τηϲ ϲωτηριαϲ αυτων δια παθηματων τελειωϲαι", "ο τε γαρ αγιαζων και οι αγιαζομενοι εξ ενοϲ παντεϲ δι ην αιτιαν ουκ επαιϲχυνεται αδελφουϲ αυτουϲ καλειν", "λεγων απαγγελω το ονομα ϲου τοιϲ αδελφοιϲ μου εν μεϲω εκκληϲιαϲ υμνηϲω ϲε", "και παλιν εγω εϲομαι πεποιθωϲ επ αυτω και παλιν ιδου εγω και τα παιδια α μοι εδωκεν ο θ̅ϲ̅", "επει ουν τα παιδια κεκοινωνηκεν αιματοϲ και ϲαρκοϲ και αυτοϲ παραπληϲιωϲ μετεϲχεν των αυτων ινα δια του θανατου καταργηϲη τον το κρατοϲ εχοντα του θανατου τουτ εϲτιν τον διαβολον", "και απαλλαξη τουτουϲ οϲοι φοβω θανατου δια παντοϲ του ζην ενοχοι ηϲαν δουλειαϲ", "ου γαρ δηπου αγγελων επιλαμβανεται αλλα ϲπερματοϲ αβρααμ επιλαμβανεται", "οθεν ωφειλεν κατα παντα τοιϲ αδελφοιϲ ομοιωθηναι ινα ελεημων γενηται και πιϲτοϲ αρχιερευϲ τα προϲ τον θ̅ν̅ ειϲ το ιλαϲκεϲθαι ταϲ αμαρτιαϲ του λαου", "εν ω γαρ πεπονθεν αυτοϲ πειραϲθειϲ δυναται τοιϲ πειραζομενοιϲ βοηθηϲαι" ], [ "οθεν αδελφοι αγιοι κληϲεωϲ επουρανιου μετοχοι κατανοηϲατε τον αποϲτολον και αρχιερεα τηϲ ομολογιαϲ ημων ι̅ν̅", "πιϲτον οντα τω ποιηϲαντι αυτον ωϲ και μωυϲηϲ εν ολω τω οικω αυτου", "πλειονοϲ γαρ ουτοϲ δοξηϲ παρα μωυϲην ηξιωται καθ οϲον πλειονα τιμην εχει του οικου ο καταϲκευαϲαϲ αυτον", "παϲ γαρ οικοϲ καταϲκευαζεται υπο τινοϲ ο δε παντα καταϲκευαϲαϲ θ̅ϲ̅", "και μωυϲηϲ μεν πιϲτοϲ εν ολω τω οικω αυτου ωϲ θεραπων ειϲ μαρτυριον των λαληθηϲομενων", "χ̅ϲ̅ δε ωϲ υιοϲ επι τον οικον αυτου ου οικοϲ εϲμεν ημειϲ εαν την παρρηϲιαν και το καυχημα τηϲ ελπιδοϲ καταϲχωμεν", "διο καθωϲ λεγει το π̅ν̅α̅ το αγιον σημερον εαν τηϲ φωνηϲ αυτου ακουϲητε", "μη ϲκληρυνητε ταϲ καρδιαϲ υμων ωϲ εν τω παραπικραϲμω κατα την ημεραν του πειραϲμου εν τη ερημω", "ου επειραϲαν οι πατερεϲ υμων εν δοκιμαϲια και ειδον τα εργα μου", "τεϲϲερακοντα ετη διο προϲωχθιϲα τη γενεα ταυτη και ειπον αει πλανωνται τη καρδια αυτοι δε ουκ εγνωϲαν ταϲ οδουϲ μου", "ωϲ ωμοϲα εν τη οργη μου ει ειϲελευϲονται ειϲ την καταπαυϲιν μου", "βλεπετε αδελφοι μηποτε εϲται εν τινι υμων καρδια πονηρα απιϲτιαϲ εν τω αποϲτηναι απο θ̅υ̅ ζωντοϲ", "αλλα παρακαλειτε εαυτουϲ καθ εκαϲτην ημεραν αχριϲ ου το σημερον καλειται ινα μη ϲκληρυνθη τιϲ εξ υμων απατη τηϲ αμαρτιαϲ", "μετοχοι γαρ του χ̅υ̅ γεγοναμεν εανπερ την αρχην τηϲ υποϲταϲεωϲ μεχρι τελουϲ βεβαιαν καταϲχωμεν", "εν τω λεγεϲθαι σημερον εαν τηϲ φωνηϲ αυτου ακουϲητε μη ϲκληρυνητε ταϲ καρδιαϲ υμων ωϲ εν τω παραπικραϲμω", "τινεϲ γαρ ακουϲαντεϲ παρεπικραναν αλλ ου παντεϲ οι εξελθοντεϲ εξ αιγυπτου δια μωυϲεωϲ", "τιϲιν δε προϲωχθιϲεν τεϲϲερακοντα ετη ουχι τοιϲ αμαρτηϲαϲιν ων τα κωλα επεϲεν εν τη ερημω", "τιϲιν δε ωμοϲεν μη ειϲελευϲεϲθαι ειϲ την καταπαυϲιν αυτου ει μη τοιϲ απειθηϲαϲιν", "και βλεπομεν οτι ουκ ηδυνηθηϲαν ειϲελθειν δι απιϲτιαν" ], [ "φοβηθωμεν ουν μηποτε καταλειπομενηϲ επαγγελιαϲ ειϲελθειν ειϲ την καταπαυϲιν αυτου δοκη τιϲ εξ υμων υϲτερηκεναι", "και γαρ εϲμεν ευηγγελιϲμενοι καθαπερ κακεινοι αλλ ουκ ωφεληϲεν ο λογοϲ τηϲ ακοηϲ εκεινουϲ μη ϲυγκεκεραϲμενουϲ τη πιϲτει τοιϲ ακουϲαϲιν", "ειϲερχομεθα γαρ ειϲ την καταπαυϲιν οι πιϲτευϲαντεϲ καθωϲ ειρηκεν ωϲ ωμοϲα εν τη οργη μου ει ειϲελευϲονται ειϲ την καταπαυϲιν μου καιτοι των εργων απο καταβοληϲ κοϲμου γενηθεντων", "ειρηκεν γαρ που περι τηϲ εβδομηϲ ουτωϲ και κατεπαυϲεν ο θ̅ϲ̅ εν τη ημερα τη εβδομη απο παντων των εργων αυτου", "και εν τουτω παλιν ει ειϲελευϲονται ειϲ την καταπαυϲιν μου", "επει ουν απολειπεται τιναϲ ειϲελθειν ειϲ αυτην και οι προτερον ευαγγελιϲθεντεϲ ουκ ειϲηλθον δι απειθειαν", "παλιν τινα οριζει ημεραν σημερον εν δαυιδ λεγων μετα τοϲουτον χρονον καθωϲ προειρηται σημερον εαν τηϲ φωνηϲ αυτου ακουϲητε μη ϲκληρυνητε ταϲ καρδιαϲ υμων", "ει γαρ αυτουϲ ι̅ϲ̅ κατεπαυϲεν ουκ αν περι αλληϲ ελαλει μετα ταυτα ημεραϲ", "αρα απολειπεται ϲαββατιϲμοϲ τω λαω του θ̅υ̅", "ο γαρ ειϲελθων ειϲ την καταπαυϲιν αυτου και αυτοϲ κατεπαυϲεν απο των εργων αυτου ωϲπερ απο των ιδιων ο θ̅ϲ̅", "σπουδαϲωμεν ουν ειϲελθειν ειϲ εκεινην την καταπαυϲιν ινα μη εν τω αυτω τιϲ υποδειγματι πεϲη τηϲ απειθειαϲ", "ζων γαρ ο λογοϲ του θ̅υ̅ και ενεργηϲ και τομωτεροϲ υπερ παϲαν μαχαιραν διϲτομον και διικνουμενοϲ αχρι μεριϲμου ψυχηϲ και π̅ν̅ϲ̅ αρμων τε και μυελων και κριτικοϲ ενθυμηϲεων και εννοιων καρδιαϲ", "και ουκ εϲτιν κτιϲιϲ αφανηϲ ενωπιον αυτου παντα δε γυμνα και τετραχηλιϲμενα τοιϲ οφθαλμοιϲ αυτου προϲ ον ημιν ο λογοϲ", "εχοντεϲ ουν αρχιερεα μεγαν διεληλυθοτα τουϲ ουρανουϲ ι̅ν̅ τον υιον του θ̅υ̅ κρατωμεν τηϲ ομολογιαϲ", "ου γαρ εχομεν αρχιερεα μη δυναμενον ϲυμπαθηϲαι ταιϲ αϲθενειαιϲ ημων πεπειραϲμενον δε κατα παντα καθ ομοιοτητα χωριϲ αμαρτιαϲ", "προϲερχωμεθα ουν μετα παρρηϲιαϲ τω θρονω τηϲ χαριτοϲ ινα λαβωμεν ελεοϲ και χαριν ευρωμεν ειϲ ευκαιρον βοηθειαν" ], [ "παϲ γαρ αρχιερευϲ εξ ανθρωπων λαμβανομενοϲ υπερ ανθρωπων καθιϲταται τα προϲ τον θ̅ν̅ ινα προϲφερη δωρα τε και θυϲιαϲ υπερ αμαρτιων", "μετριοπαθειν δυναμενοϲ τοιϲ αγνοουϲιν και πλανωμενοιϲ επει και αυτοϲ περικειται αϲθενειαν", "και δι αυτην οφειλει καθωϲ περι του λαου ουτωϲ και περι αυτου προϲφερειν περι αμαρτιων", "και ουχ εαυτω τιϲ λαμβανει την τιμην αλλα καλουμενοϲ υπο του θ̅υ̅ καθωϲπερ και ααρων", "ουτωϲ και ο χ̅ϲ̅ ουχ εαυτον εδοξαϲεν γενηθηναι αρχιερεα αλλ ο λαληϲαϲ προϲ αυτον υιοϲ μου ει ϲυ εγω ϲημερον γεγεννηκα ϲε", "καθωϲ και εν ετερω λεγει συ ιερευϲ ειϲ τον αιωνα κατα την ταξιν μελχιϲεδεκ", "οϲ εν ταιϲ ημεραιϲ τηϲ ϲαρκοϲ αυτου δεηϲειϲ τε και ικετηριαϲ προϲ τον δυναμενον ϲωζειν αυτον εκ θανατου μετα κραυγηϲ ιϲχυραϲ και δακρυων προϲενεγκαϲ και ειϲακουϲθειϲ απο τηϲ ευλαβειαϲ", "καιπερ ων υιοϲ εμαθεν αφ ων επαθεν την υπακοην", "και τελειωθειϲ εγενετο παϲιν τοιϲ υπακουουϲιν αυτω αιτιοϲ ϲωτηριαϲ αιωνιου", "προϲαγορευθειϲ υπο του θ̅υ̅ αρχιερευϲ κατα την ταξιν μελχιϲεδεκ", "περι ου πολυϲ ημιν ο λογοϲ και δυϲερμηνευτοϲ λεγειν επει νωθροι γεγονατε ταιϲ ακοαιϲ", "και γαρ οφειλοντεϲ ειναι διδαϲκαλοι δια τον χρονον παλιν χρειαν εχετε του διδαϲκειν υμαϲ τινα τα ϲτοιχεια τηϲ αρχηϲ των λογιων του θ̅υ̅ και γεγονατε χρειαν εχοντεϲ γαλακτοϲ και ου ϲτερεαϲ τροφηϲ", "παϲ γαρ ο μετεχων γαλακτοϲ απειροϲ λογου δικαιοϲυνηϲ νηπιοϲ γαρ εϲτιν", "τελειων δε εϲτιν η ϲτερεα τροφη των δια την εξιν τα αιϲθητηρια γεγυμναϲμενα εχοντων προϲ διακριϲιν καλου τε και κακου" ], [ "διο αφεντεϲ τον τηϲ αρχηϲ του χ̅υ̅ λογον επι την τελειοτητα φερωμεθα μη παλιν θεμελιον καταβαλλομενοι μετανοιαϲ απο νεκρων εργων και πιϲτεωϲ επι θ̅ν̅", "βαπτιϲμων διδαχην επιθεϲεωϲ τε χειρων αναϲταϲεωϲ τε νεκρων και κριματοϲ αιωνιου", "και τουτο ποιηϲομεν εανπερ επιτρεπη ο θ̅ϲ̅", "αδυνατον γαρ τουϲ απαξ φωτιϲθενταϲ γευϲαμενουϲ τε τηϲ δωρεαϲ τηϲ επουρανιου και μετοχουϲ γενηθενταϲ π̅ν̅ϲ̅ αγιου", "και καλον γευϲαμενουϲ θ̅υ̅ ρημα δυναμειϲ τε μελλοντοϲ αιωνοϲ", "και παραπεϲονταϲ παλιν ανακαινιζειν ειϲ μετανοιαν αναϲταυρουνταϲ εαυτοιϲ τον υιον του θ̅υ̅ και παραδειγματιζονταϲ", "γη γαρ η πιουϲα τον επ αυτηϲ ερχομενον πολλακιϲ υετον και τικτουϲα βοτανην ευθετον εκεινοιϲ δι ουϲ και γεωργειται μεταλαμβανει ευλογιαϲ απο του θ̅υ̅", "εκφερουϲα δε ακανθαϲ και τριβολουϲ αδοκιμοϲ και καταραϲ εγγυϲ ηϲ το τελοϲ ειϲ καυϲιν", "πεπειϲμεθα δε περι υμων αγαπητοι τα κρειϲϲονα και εχομενα ϲωτηριαϲ ει και ουτωϲ λαλουμεν", "ου γαρ αδικοϲ ο θ̅ϲ̅ επιλαθεϲθαι του εργου υμων και τηϲ αγαπηϲ ηϲ ενεδειξαϲθε ειϲ το ονομα αυτου διακονηϲαντεϲ τοιϲ αγιοιϲ και διακονουντεϲ", "επιθυμουμεν δε εκαϲτον υμων την αυτην ενδεικνυϲθαι ϲπουδην προϲ την πληροφοριαν τηϲ ελπιδοϲ αχρι τελουϲ", "ινα μη νωθροι γενηϲθε μιμηται δε των δια πιϲτεωϲ και μακροθυμιαϲ κληρονομουντων ταϲ επαγγελιαϲ", "τω γαρ αβρααμ επαγγειλαμενοϲ ο θ̅ϲ̅ επει κατ ουδενοϲ ειχεν μειζονοϲ ομοϲαι ωμοϲεν καθ εαυτου", "λεγων ει μην ευλογων ευλογηϲω ϲε και πληθυνων πληθυνω ϲε", "και ουτωϲ μακροθυμηϲαϲ επετυχεν τηϲ επαγγελιαϲ", "ανθρωποι γαρ κατα του μειζονοϲ ομνυουϲιν και παϲηϲ αυτοιϲ αντιλογιαϲ περαϲ ειϲ βεβαιωϲιν ο ορκοϲ", "εν ω περιϲϲοτερον βουλομενοϲ ο θ̅ϲ̅ επιδειξαι τοιϲ κληρονομοιϲ τηϲ επαγγελιαϲ το αμεταθετον τηϲ βουληϲ αυτου εμεϲιτευϲεν ορκω", "ινα δια δυο πραγματων αμεταθετων εν οιϲ αδυνατον ψευϲαϲθαι τον θ̅ν̅ ιϲχυραν παρακληϲιν εχωμεν οι καταφυγοντεϲ κρατηϲαι τηϲ προκειμενηϲ ελπιδοϲ", "ην ωϲ αγκυραν εχομεν τηϲ ψυχηϲ αϲφαλη τε και βεβαιαν και ειϲερχομενην ειϲ το εϲωτερον του καταπεταϲματοϲ", "οπου προδρομοϲ υπερ ημων ειϲηλθεν ι̅ϲ̅ κατα την ταξιν μελχιϲεδεκ αρχιερευϲ γενομενοϲ ειϲ τον αιωνα" ], [ "ουτοϲ γαρ ο μελχιϲεδεκ βαϲιλευϲ σαλημ ιερευϲ του θ̅υ̅ του υψιϲτου ο ϲυναντηϲαϲ αβρααμ υποϲτρεφοντι απο τηϲ κοπηϲ των βαϲιλεων και ευλογηϲαϲ αυτον", "ω και δεκατην απο παντων εμεριϲεν αβρααμ πρωτον μεν ερμηνευομενοϲ βαϲιλευϲ δικαιοϲυνηϲ επειτα δε και βαϲιλευϲ σαλημ ο εϲτιν βαϲιλευϲ ειρηνηϲ", "απατωρ αμητωρ αγενεαλογητοϲ μητε αρχην ημερων μητε ζωηϲ τελοϲ εχων αφωμοιωμενοϲ δε τω υιω του θ̅υ̅ μενει ιερευϲ ειϲ το διηνεκεϲ", "θεωρειτε δε πηλικοϲ ουτοϲ ω και δεκατην αβρααμ εδωκεν εκ των ακροθινιων ο πατριαρχηϲ", "και οι μεν εκ των υιων λευι την ιερατειαν λαμβανοντεϲ εντολην εχουϲιν αποδεκατουν τον λαον κατα τον νομον τουτ εϲτιν τουϲ αδελφουϲ αυτων καιπερ εξεληλυθοταϲ εκ τηϲ οϲφυοϲ αβρααμ", "ο δε μη γενεαλογουμενοϲ εξ αυτων δεδεκατωκεν αβρααμ και τον εχοντα ταϲ επαγγελιαϲ ευλογηκεν", "χωριϲ δε παϲηϲ αντιλογιαϲ το ελαττον υπο του κρειττονοϲ ευλογειται", "και ωδε μεν δεκαταϲ αποθνηϲκοντεϲ ανθρωποι λαμβανουϲιν εκει δε μαρτυρουμενοϲ οτι ζη", "και ωϲ εποϲ ειπειν δι αβρααμ και λευι ο δεκαταϲ λαμβανων δεδεκατωται", "ετι γαρ εν τη οϲφυι του πατροϲ ην οτε ϲυνηντηϲεν αυτω μελχιϲεδεκ", "ει μεν ουν τελειωϲιϲ δια τηϲ λευιτικηϲ ιερωϲυνηϲ ην ο λαοϲ γαρ επ αυτηϲ νενομοθετηται τιϲ ετι χρεια κατα την ταξιν μελχιϲεδεκ ετερον ανιϲταϲθαι ιερεα και ου κατα την ταξιν ααρων λεγεϲθαι", "μετατιθεμενηϲ γαρ τηϲ ιερωϲυνηϲ εξ αναγκηϲ και νομου μεταθεϲιϲ γινεται", "εφ ον γαρ λεγεται ταυτα φυληϲ ετεραϲ μετεϲχηκεν αφ ηϲ ουδειϲ προϲεϲχηκεν τω θυϲιαϲτηριω", "προδηλον γαρ οτι εξ ιουδα ανατεταλκεν ο κ̅ϲ̅ ημων ειϲ ην φυλην περι ιερεων ουδεν μωυϲηϲ ελαληϲεν", "και περιϲϲοτερον ετι καταδηλον εϲτιν ει κατα την ομοιοτητα μελχιϲεδεκ ανιϲταται ιερευϲ ετεροϲ", "οϲ ου κατα νομον εντοληϲ ϲαρκινηϲ γεγονεν αλλα κατα δυναμιν ζωηϲ ακαταλυτου", "μαρτυρειται γαρ οτι συ ιερευϲ ειϲ τον αιωνα κατα την ταξιν μελχιϲεδεκ", "αθετηϲιϲ μεν γαρ γινεται προαγουϲηϲ εντοληϲ δια το αυτηϲ αϲθενεϲ και ανωφελεϲ", "ουδεν γαρ ετελειωϲεν ο νομοϲ επειϲαγωγη δε κρειττονοϲ ελπιδοϲ δι ηϲ εγγιζομεν τω θ̅ω̅", "και καθ οϲον ου χωριϲ ορκωμοϲιαϲ οι μεν γαρ χωριϲ ορκωμοϲιαϲ ειϲιν ιερειϲ γεγονοτεϲ", "ο δε μετα ορκωμοϲιαϲ δια του λεγοντοϲ προϲ αυτον ωμοϲεν κ̅ϲ̅ και ου μεταμεληθηϲεται συ ιερευϲ ειϲ τον αιωνα", "κατα τοϲουτο και κρειττονοϲ διαθηκηϲ γεγονεν εγγυοϲ ι̅ϲ̅", "και οι μεν πλειονεϲ ειϲιν γεγονοτεϲ ιερειϲ δια το θανατω κωλυεϲθαι παραμενειν", "ο δε δια το μενειν αυτον ειϲ τον αιωνα απαραβατον εχει την ιερωϲυνην", "οθεν και ϲωζειν ειϲ το παντελεϲ δυναται τουϲ προϲερχομενουϲ δι αυτου τω θ̅ω̅ παντοτε ζων ειϲ το εντυγχανειν υπερ αυτων", "τοιουτοϲ γαρ ημιν και επρεπεν αρχιερευϲ οϲιοϲ ακακοϲ αμιαντοϲ κεχωριϲμενοϲ απο των αμαρτωλων και υψηλοτεροϲ των ουρανων γενομενοϲ", "οϲ ουκ εχει καθ ημεραν αναγκην ωϲπερ οι αρχιερειϲ προτερον υπερ των ιδιων αμαρτιων θυϲιαϲ αναφερειν επειτα των του λαου τουτο γαρ εποιηϲεν εφαπαξ εαυτον ανενεγκαϲ", "ο νομοϲ γαρ ανθρωπουϲ καθιϲτηϲιν αρχιερειϲ εχονταϲ αϲθενειαν ο λογοϲ δε τηϲ ορκωμοϲιαϲ τηϲ μετα τον νομον υιον ειϲ τον αιωνα τετελειωμενον" ], [ "κεφαλαιον δε επι τοιϲ λεγομενοιϲ τοιουτον εχομεν αρχιερεα οϲ εκαθιϲεν εν δεξια του θρονου τηϲ μεγαλωϲυνηϲ εν τοιϲ ουρανοιϲ", "των αγιων λειτουργοϲ και τηϲ ϲκηνηϲ τηϲ αληθινηϲ ην επηξεν ο κ̅ϲ̅ ουκ ανθρωποϲ", "παϲ γαρ αρχιερευϲ ειϲ το προϲφερειν δωρα τε και θυϲιαϲ καθιϲταται οθεν αναγκαιον εχειν τι και τουτον ο προϲενεγκη", "ει μεν ουν ην επι γηϲ ουδ αν ην ιερευϲ οντων των προϲφεροντων κατα νομον τα δωρα", "οιτινεϲ υποδειγματι και ϲκια λατρευουϲιν των επουρανιων καθωϲ κεχρηματιϲται μωυϲηϲ μελλων επιτελειν την ϲκηνην ορα γαρ φηϲιν ποιηϲειϲ παντα κατα τον τυπον τον δειχθεντα ϲοι εν τω ορει", "νυνι δε διαφορωτεραϲ τετυχεν λειτουργιαϲ οϲω και κρειττονοϲ εϲτιν διαθηκηϲ μεϲιτηϲ ητιϲ επι κρειττοϲιν επαγγελιαιϲ νενομοθετηται", "ει γαρ η πρωτη εκεινη ην αμεμπτοϲ ουκ αν δευτεραϲ εζητειτο τοποϲ", "μεμφομενοϲ γαρ αυτουϲ λεγει ιδου ημεραι ερχονται λεγει κ̅ϲ̅ και ϲυντελεϲω επι τον οικον ιϲραηλ και επι τον οικον ιουδα διαθηκην καινην", "ου κατα την διαθηκην ην εποιηϲα τοιϲ πατραϲιν αυτων εν ημερα επιλαβομενου μου τηϲ χειροϲ αυτων εξαγαγειν αυτουϲ εκ γηϲ αιγυπτου οτι αυτοι ουκ ενεμειναν εν τη διαθηκη μου καγω ημεληϲα αυτων λεγει κ̅ϲ̅", "οτι αυτη η διαθηκη ην διαθηϲομαι τω οικω ιϲραηλ μετα ταϲ ημεραϲ εκειναϲ λεγει κ̅ϲ̅ διδουϲ νομουϲ μου ειϲ την διανοιαν αυτων και επι καρδιαϲ αυτων επιγραψω αυτουϲ και εϲομαι αυτοιϲ ειϲ θ̅ν̅ και αυτοι εϲονται μοι ειϲ λαον", "και ου μη διδαξωϲιν εκαϲτοϲ τον πολιτην αυτου και εκαϲτοϲ τον αδελφον αυτου λεγων γνωθι τον κ̅ν̅ οτι παντεϲ ειδηϲουϲιν με απο μικρου εωϲ μεγαλου αυτων", "οτι ιλεωϲ εϲομαι ταιϲ αδικιαιϲ αυτων και των αμαρτιων αυτων ου μη μνηϲθω ετι", "εν τω λεγειν καινην πεπαλαιωκεν την πρωτην το δε παλαιουμενον και γηραϲκον εγγυϲ αφανιϲμου" ], [ "ειχε μεν ουν και η πρωτη δικαιωματα λατρειαϲ το τε αγιον κοϲμικον", "ϲκηνη γαρ κατεϲκευαϲθη η πρωτη εν η η τε λυχνια και η τραπεζα και η προθεϲιϲ των αρτων ητιϲ λεγεται αγια", "μετα δε το δευτερον καταπεταϲμα ϲκηνη η λεγομενη αγια αγιων", "χρυϲουν εχουϲα θυμιατηριον και την κιβωτον τηϲ διαθηκηϲ περικεκαλυμμενην παντοθεν χρυϲιω εν η ϲταμνοϲ χρυϲη εχουϲα το μαννα και η ραβδοϲ ααρων η βλαϲτηϲαϲα και αι πλακεϲ τηϲ διαθηκηϲ", "υπερανω δε αυτηϲ χερουβιν δοξηϲ καταϲκιαζοντα το ιλαϲτηριον περι ων ουκ εϲτιν νυν λεγειν κατα μεροϲ", "τουτων δε ουτωϲ κατεϲκευαϲμενων ειϲ μεν την πρωτην ϲκηνην δια παντοϲ ειϲιαϲιν οι ιερειϲ ταϲ λατρειαϲ επιτελουντεϲ", "ειϲ δε την δευτεραν απαξ του ενιαυτου μονοϲ ο αρχιερευϲ ου χωριϲ αιματοϲ ο προϲφερει υπερ εαυτου και των του λαου αγνοηματων", "τουτο δηλουντοϲ του π̅ν̅ϲ̅ του αγιου μηπω πεφανερωϲθαι την των αγιων οδον ετι τηϲ πρωτηϲ ϲκηνηϲ εχουϲηϲ ϲταϲιν", "ητιϲ παραβολη ειϲ τον καιρον τον ενεϲτηκοτα καθ ην δωρα τε και θυϲιαι προϲφερονται μη δυναμεναι κατα ϲυνειδηϲιν τελειωϲαι τον λατρευοντα", "μονον επι βρωμαϲιν και πομαϲιν και διαφοροιϲ βαπτιϲμοιϲ δικαιωματα ϲαρκοϲ μεχρι καιρου διορθωϲεωϲ επικειμενα", "χ̅ϲ̅ δε παραγενομενοϲ αρχιερευϲ των γενομενων αγαθων δια τηϲ μειζονοϲ και τελειοτεραϲ ϲκηνηϲ ου χειροποιητου τουτ εϲτιν ου ταυτηϲ τηϲ κτιϲεωϲ", "ουδε δι αιματοϲ τραγων και μοϲχων δια δε του ιδιου αιματοϲ ειϲηλθεν εφαπαξ ειϲ τα αγια αιωνιαν λυτρωϲιν ευραμενοϲ", "ει γαρ το αιμα τραγων και ταυρων και ϲποδοϲ δαμαλεωϲ ραντιζουϲα τουϲ κεκοινωμενουϲ αγιαζει προϲ την τηϲ ϲαρκοϲ καθαροτητα", "ποϲω μαλλον το αιμα του χ̅υ̅ οϲ δια π̅ν̅ϲ̅ αιωνιου εαυτον προϲηνεγκεν αμωμον τω θ̅ω̅ καθαριει την ϲυνειδηϲιν ημων απο νεκρων εργων ειϲ το λατρευειν θ̅ω̅ ζωντι", "και δια τουτο διαθηκηϲ καινηϲ μεϲιτηϲ εϲτιν οπωϲ θανατου γενομενου ειϲ απολυτρωϲιν των επι τη πρωτη διαθηκη παραβαϲεων την επαγγελιαν λαβωϲιν οι κεκλημενοι τηϲ αιωνιου κληρονομιαϲ", "οπου γαρ διαθηκη θανατον αναγκη φερεϲθαι του διαθεμενου", "διαθηκη γαρ επι νεκροιϲ βεβαια επει μηποτε ιϲχυει οτε ζη ο διαθεμενοϲ", "οθεν ουδε η πρωτη χωριϲ αιματοϲ ενκεκαινιϲται", "λαληθειϲηϲ γαρ παϲηϲ εντοληϲ κατα τον νομον υπο μωυϲεωϲ παντι τω λαω λαβων το αιμα των μοϲχων και των τραγων μετα υδατοϲ και εριου κοκκινου και υϲϲωπου αυτο τε το βιβλιον και παντα τον λαον εραντιϲεν", "λεγων τουτο το αιμα τηϲ διαθηκηϲ ηϲ ενετειλατο προϲ υμαϲ ο θ̅ϲ̅", "και την ϲκηνην δε και παντα τα ϲκευη τηϲ λειτουργιαϲ τω αιματι ομοιωϲ εραντιϲεν", "και ϲχεδον εν αιματι παντα καθαριζεται κατα τον νομον και χωριϲ αιματεκχυϲιαϲ ου γινεται αφεϲιϲ", "αναγκη ουν τα μεν υποδειγματα των εν τοιϲ ουρανοιϲ τουτοιϲ καθαριζεϲθαι αυτα δε τα επουρανια κρειττοϲιν θυϲιαιϲ παρα ταυταϲ", "ου γαρ ειϲ χειροποιητα ειϲηλθεν αγια χ̅ϲ̅ αντιτυπα των αληθινων αλλ ειϲ αυτον τον ουρανον νυν εμφανιϲθηναι τω προϲωπω του θ̅υ̅ υπερ ημων", "ουδ ινα πολλακιϲ προϲφερη εαυτον ωϲπερ ο αρχιερευϲ ειϲερχεται ειϲ τα αγια κατ ενιαυτον εν αιματι αλλοτριω", "επει εδει αυτον πολλακιϲ παθειν απο καταβοληϲ κοϲμου νυνι δε απαξ επι ϲυντελεια των αιωνων ειϲ αθετηϲιν τηϲ αμαρτιαϲ δια τηϲ θυϲιαϲ αυτου πεφανερωται", "και καθ οϲον αποκειται τοιϲ ανθρωποιϲ απαξ αποθανειν μετα δε τουτο κριϲιϲ", "ουτωϲ και ο χ̅ϲ̅ απαξ προϲενεχθειϲ ειϲ το πολλων ανενεγκειν αμαρτιαϲ εκ δευτερου χωριϲ αμαρτιαϲ οφθηϲεται τοιϲ αυτον απεκδεχομενοιϲ ειϲ ϲωτηριαν" ], [ "σκιαν γαρ εχων ο νομοϲ των μελλοντων αγαθων ουκ αυτην την εικονα των πραγματων κατ ενιαυτον ταιϲ αυταιϲ θυϲιαιϲ αϲ προϲφερουϲιν ειϲ το διηνεκεϲ ουδεποτε δυναται τουϲ προϲερχομενουϲ τελειωϲαι", "επει ουκ αν επαυϲαντο προϲφερομεναι δια το μηδεμιαν εχειν ετι ϲυνειδηϲιν αμαρτιων τουϲ λατρευονταϲ απαξ κεκαθαριϲμενουϲ", "αλλ εν αυταιϲ αναμνηϲιϲ αμαρτιων κατ ενιαυτον", "αδυνατον γαρ αιμα ταυρων και τραγων αφαιρειν αμαρτιαϲ", "διο ειϲερχομενοϲ ειϲ τον κοϲμον λεγει θυϲιαν και προϲφοραν ουκ ηθεληϲαϲ σωμα δε κατηρτιϲω μοι", "ολοκαυτωματα και περι αμαρτιαϲ ουκ ευδοκηϲαϲ", "τοτε ειπον ιδου ηκω εν κεφαλιδι βιβλιου γεγραπται περι εμου του ποιηϲαι ο θ̅ϲ̅ το θελημα ϲου", "ανωτερον λεγων οτι θυϲιαϲ και προϲφοραϲ και ολοκαυτωματα και περι αμαρτιαϲ ουκ ηθεληϲαϲ ουδε ευδοκηϲαϲ αιτινεϲ κατα νομον προϲφερονται", "τοτε ειρηκεν ιδου ηκω του ποιηϲαι το θελημα ϲου αναιρει το πρωτον ινα το δευτερον ϲτηϲη", "εν ω θεληματι ηγιαϲμενοι εϲμεν δια τηϲ προϲφοραϲ του ϲωματοϲ ι̅υ̅ χ̅υ̅ εφαπαξ", "και παϲ μεν ιερευϲ εϲτηκεν καθ ημεραν λειτουργων και ταϲ αυταϲ πολλακιϲ προϲφερων θυϲιαϲ αιτινεϲ ουδεποτε δυνανται περιελειν αμαρτιαϲ", "ουτοϲ δε μιαν υπερ αμαρτιων προϲενεγκαϲ θυϲιαν ειϲ το διηνεκεϲ εκαθιϲεν εν δεξια του θ̅υ̅", "το λοιπον εκδεχομενοϲ εωϲ τεθωϲιν οι εχθροι αυτου υποποδιον των ποδων αυτου", "μια γαρ προϲφορα τετελειωκεν ειϲ το διηνεκεϲ τουϲ αγιαζομενουϲ", "μαρτυρει δε ημιν και το π̅ν̅α̅ το αγιον μετα γαρ το ειρηκεναι", "αυτη η διαθηκη ην διαθηϲομαι προϲ αυτουϲ μετα ταϲ ημεραϲ εκειναϲ λεγει κ̅ϲ̅ διδουϲ νομουϲ μου επι καρδιαϲ αυτων και επι την διανοιαν αυτων επιγραψω αυτουϲ", "και των αμαρτιων αυτων και των ανομιων αυτων ου μη μνηϲθηϲομαι ετι", "οπου δε αφεϲιϲ τουτων ουκετι προϲφορα περι αμαρτιαϲ", "εχοντεϲ ουν αδελφοι παρρηϲιαν ειϲ την ειϲοδον των αγιων εν τω αιματι ι̅υ̅", "ην ενεκαινιϲεν ημιν οδον προϲφατον και ζωϲαν δια του καταπεταϲματοϲ τουτ εϲτιν τηϲ ϲαρκοϲ αυτου", "και ιερεα μεγαν επι τον οικον του θ̅υ̅", "προϲερχωμεθα μετα αληθινηϲ καρδιαϲ εν πληροφορια πιϲτεωϲ ρεραντιϲμενοι ταϲ καρδιαϲ απο ϲυνειδηϲεωϲ πονηραϲ και λελουϲμενοι το ϲωμα υδατι καθαρω", "κατεχωμεν την ομολογιαν τηϲ ελπιδοϲ ακλινη πιϲτοϲ γαρ ο επαγγειλαμενοϲ", "και κατανοωμεν αλληλουϲ ειϲ παροξυϲμον αγαπηϲ και καλων εργων", "μη εγκαταλειποντεϲ την επιϲυναγωγην εαυτων καθωϲ εθοϲ τιϲιν αλλα παρακαλουντεϲ και τοϲουτω μαλλον οϲω βλεπετε εγγιζουϲαν την ημεραν", "εκουϲιωϲ γαρ αμαρτανοντων ημων μετα το λαβειν την επιγνωϲιν τηϲ αληθειαϲ ουκετι περι αμαρτιων απολειπεται θυϲια", "φοβερα δε τιϲ εκδοχη κριϲεωϲ και πυροϲ ζηλοϲ εϲθιειν μελλοντοϲ τουϲ υπεναντιουϲ", "αθετηϲαϲ τιϲ νομον μωυϲεωϲ χωριϲ οικτιρμων επι δυϲιν η τριϲιν μαρτυϲιν αποθνηϲκει", "ποϲω δοκειτε χειρονοϲ αξιωθηϲεται τιμωριαϲ ο τον υιον του θ̅υ̅ καταπατηϲαϲ και το αιμα τηϲ διαθηκηϲ κοινον ηγηϲαμενοϲ εν ω ηγιαϲθη και το π̅ν̅α̅ τηϲ χαριτοϲ ενυβριϲαϲ", "οιδαμεν γαρ τον ειποντα εμοι εκδικηϲιϲ εγω ανταποδωϲω και παλιν κρινει κ̅ϲ̅ τον λαον αυτου", "φοβερον το εμπεϲειν ειϲ χειραϲ θ̅υ̅ ζωντοϲ", "αναμιμνηϲκεϲθε δε ταϲ προτερον ημεραϲ εν αιϲ φωτιϲθεντεϲ πολλην αθληϲιν υπεμεινατε παθηματων", "τουτο μεν ονειδιϲμοιϲ τε και θλιψεϲιν θεατριζομενοι τουτο δε κοινωνοι των ουτωϲ αναϲτρεφομενων γενηθεντεϲ", "και γαρ τοιϲ δεϲμιοιϲ ϲυνεπαθηϲατε και την αρπαγην των υπαρχοντων υμων μετα χαραϲ προϲεδεξαϲθε γινωϲκοντεϲ εχειν εαυτουϲ κρειττονα υπαρξιν και μενουϲαν", "μη αποβαλητε ουν την παρρηϲιαν υμων ητιϲ εχει μεγαλην μιϲθαποδοϲιαν", "υπομονηϲ γαρ εχετε χρειαν ινα το θελημα του θ̅υ̅ ποιηϲαντεϲ κομιϲηϲθε την επαγγελιαν", "ετι γαρ μικρον οϲον οϲον ο ερχομενοϲ ηξει και ου χρονιϲει", "ο δε δικαιοϲ μου εκ πιϲτεωϲ ζηϲεται και εαν υποϲτειληται ουκ ευδοκει η ψυχη μου εν αυτω", "ημειϲ δε ουκ εϲμεν υποϲτοληϲ ειϲ απωλειαν αλλα πιϲτεωϲ ειϲ περιποιηϲιν ψυχηϲ" ], [ "εϲτιν δε πιϲτιϲ ελπιζομενων υποϲταϲιϲ πραγματων ελεγχοϲ ου βλεπομενων", "εν ταυτη γαρ εμαρτυρηθηϲαν οι πρεϲβυτεροι", "πιϲτει νοουμεν κατηρτιϲθαι τουϲ αιωναϲ ρηματι θ̅υ̅ ειϲ το μη εκ φαινομενων το βλεπομενον γεγονεναι", "πιϲτει πλειονα θυϲιαν αβελ παρα καιν προϲηνεγκεν τω θ̅ω̅ δι ηϲ εμαρτυρηθη ειναι δικαιοϲ μαρτυρουντοϲ επι τοιϲ δωροιϲ αυτου του θ̅υ̅ και δι αυτηϲ αποθανων ετι λαλει", "πιϲτει ενωχ μετετεθη του μη ιδειν θανατον και ουχ ηυριϲκετο διοτι μετεθηκεν αυτον ο θ̅ϲ̅ προ γαρ τηϲ μεταθεϲεωϲ μεμαρτυρηται ευαρεϲτηκεναι τω θ̅ω̅", "χωριϲ δε πιϲτεωϲ αδυνατον ευαρεϲτηϲαι πιϲτευϲαι γαρ δει τον προϲερχομενον τω θ̅ω̅ οτι εϲτιν και τοιϲ εκζητουϲιν αυτον μιϲθαποδοτηϲ γινεται", "πιϲτει χρηματιϲθειϲ νωε περι των μηδεπω βλεπομενων ευλαβηθειϲ κατεϲκευαϲεν κιβωτον ειϲ ϲωτηριαν του οικου αυτου δι ηϲ κατεκρινεν τον κοϲμον και τηϲ κατα πιϲτιν δικαιοϲυνηϲ εγενετο κληρονομοϲ", "πιϲτει καλουμενοϲ αβρααμ υπηκουϲεν εξελθειν ειϲ τοπον ον ημελλεν λαμβανειν ειϲ κληρονομιαν και εξηλθεν μη επιϲταμενοϲ που ερχεται", "πιϲτει παρωκηϲεν ειϲ γην τηϲ επαγγελιαϲ ωϲ αλλοτριαν εν ϲκηναιϲ κατοικηϲαϲ μετα ιϲαακ και ιακωβ των ϲυνκληρονομων τηϲ επαγγελιαϲ τηϲ αυτηϲ", "εξεδεχετο γαρ την τουϲ θεμελιουϲ εχουϲαν πολιν ηϲ τεχνιτηϲ και δημιουργοϲ ο θ̅ϲ̅", "πιϲτει και αυτη σαρρα ϲτειρα δυναμιν ειϲ καταβολην ϲπερματοϲ ελαβεν και παρα καιρον ηλικιαϲ επει πιϲτον ηγηϲατο τον επαγγειλαμενον", "διο και αφ ενοϲ εγεννηθηϲαν και ταυτα νενεκρωμενου καθωϲ τα αϲτρα του ουρανου τω πληθει και ωϲ η αμμοϲ η παρα το χειλοϲ τηϲ θαλαϲϲηϲ η αναριθμητοϲ", "κατα πιϲτιν απεθανον ουτοι παντεϲ μη λαβοντεϲ ταϲ επαγγελιαϲ αλλα πορρωθεν αυταϲ ιδοντεϲ και αϲπαϲαμενοι και ομολογηϲαντεϲ οτι ξενοι και παρεπιδημοι ειϲιν επι τηϲ γηϲ", "οι γαρ τοιαυτα λεγοντεϲ εμφανιζουϲιν οτι πατριδα επιζητουϲιν", "και ει μεν εκεινηϲ εμνημονευον αφ ηϲ εξεβηϲαν ειχον αν καιρον ανακαμψαι", "νυν δε κρειττονοϲ ορεγονται τουτ εϲτιν επουρανιου διο ουκ επαιϲχυνεται αυτουϲ ο θ̅ϲ̅ θ̅ϲ̅ επικαλειϲθαι αυτων ητοιμαϲεν γαρ αυτοιϲ πολιν", "πιϲτει προϲενηνοχεν αβρααμ τον ιϲαακ πειραζομενοϲ και τον μονογενη προϲεφερεν ο ταϲ επαγγελιαϲ αναδεξαμενοϲ", "προϲ ον ελαληθη οτι εν ιϲαακ κληθηϲεται ϲοι ϲπερμα", "λογιϲαμενοϲ οτι και εκ νεκρων εγειρειν δυνατοϲ ο θ̅ϲ̅ οθεν αυτον και εν παραβολη εκομιϲατο", "πιϲτει και περι μελλοντων ευλογηϲεν ιϲαακ τον ιακωβ και τον ηϲαυ", "πιϲτει ιακωβ αποθνηϲκων εκαϲτον των υιων ιωϲηφ ευλογηϲεν και προϲεκυνηϲεν επι το ακρον τηϲ ραβδου αυτου", "πιϲτει ιωϲηφ τελευτων περι τηϲ εξοδου των υιων ιϲραηλ εμνημονευϲεν και περι των οϲτεων αυτου ενετειλατο", "πιϲτει μωυϲηϲ γεννηθειϲ εκρυβη τριμηνον υπο των πατερων αυτου διοτι ειδον αϲτειον το παιδιον και ουκ εφοβηθηϲαν το διαταγμα του βαϲιλεωϲ", "πιϲτει μωυϲηϲ μεγαϲ γενομενοϲ ηρνηϲατο λεγεϲθαι υιοϲ θυγατροϲ φαραω", "μαλλον ελομενοϲ ϲυνκακουχειϲθαι τω λαω του θ̅υ̅ η προϲκαιρον εχειν αμαρτιαϲ απολαυϲιν", "μειζονα πλουτον ηγηϲαμενοϲ των αιγυπτου θηϲαυρων τον ονειδιϲμον του χ̅υ̅ απεβλεπεν γαρ ειϲ την μιϲθαποδοϲιαν", "πιϲτει κατελιπεν αιγυπτον μη φοβηθειϲ τον θυμον του βαϲιλεωϲ τον γαρ αορατον ωϲ ορων εκαρτερηϲεν", "πιϲτει πεποιηκεν το παϲχα και την προϲχυϲιν του αιματοϲ ινα μη ο ολοθρευων τα πρωτοτοκα θιγη αυτων", "πιϲτει διεβηϲαν την ερυθραν θαλαϲϲαν ωϲ δια ξηραϲ γηϲ ηϲ πειραν λαβοντεϲ οι αιγυπτιοι κατεποθηϲαν", "πιϲτει τα τειχη ιεριχω επεϲαν κυκλωθεντα επι επτα ημεραϲ", "πιϲτει ρααβ η πορνη ου ϲυναπωλετο τοιϲ απειθηϲαϲιν δεξαμενη τουϲ καταϲκοπουϲ μετ ειρηνηϲ", "και τι ετι λεγω επιλειψει με γαρ διηγουμενον ο χρονοϲ περι γεδεων βαρακ σαμψων ιεφθαε δαυιδ τε και σαμουηλ και των προφητων", "οι δια πιϲτεωϲ κατηγωνιϲαντο βαϲιλειαϲ ειργαϲαντο δικαιοϲυνην επετυχον επαγγελιων εφραξαν ϲτοματα λεοντων", "εϲβεϲαν δυναμιν πυροϲ εφυγον ϲτοματα μαχαιρηϲ εδυναμωθηϲαν απο αϲθενειαϲ εγενηθηϲαν ιϲχυροι εν πολεμω παρεμβολαϲ εκλιναν αλλοτριων", "ελαβον γυναικεϲ εξ αναϲταϲεωϲ τουϲ νεκρουϲ αυτων αλλοι δε ετυμπανιϲθηϲαν ου προϲδεξαμενοι την απολυτρωϲιν ινα κρειττονοϲ αναϲταϲεωϲ τυχωϲιν", "ετεροι δε εμπαιγμων και μαϲτιγων πειραν ελαβον ετι δε δεϲμων και φυλακηϲ", "ελιθαϲθηϲαν επριϲθηϲαν εν φονω μαχαιρηϲ απεθανον περιηλθον εν μηλωταιϲ εν αιγειοιϲ δερμαϲιν υϲτερουμενοι θλιβομενοι κακουχουμενοι", "ων ουκ ην αξιοϲ ο κοϲμοϲ επι ερημιαιϲ πλανωμενοι και ορεϲιν και ϲπηλαιοιϲ και ταιϲ οπαιϲ τηϲ γηϲ", "και ουτοι παντεϲ μαρτυρηθεντεϲ δια τηϲ πιϲτεωϲ ουκ εκομιϲαντο την επαγγελιαν", "του θ̅υ̅ περι ημων κρειττον τι προβλεψαμενου ινα μη χωριϲ ημων τελειωθωϲιν" ], [ "τοιγαρουν και ημειϲ τοϲουτον εχοντεϲ περικειμενον ημιν νεφοϲ μαρτυρων ογκον αποθεμενοι παντα και την ευπεριϲτατον αμαρτιαν δι υπομονηϲ τρεχωμεν τον προκειμενον ημιν αγωνα", "αφορωντεϲ ειϲ τον τηϲ πιϲτεωϲ αρχηγον και τελειωτην ι̅ν̅ οϲ αντι τηϲ προκειμενηϲ αυτω χαραϲ υπεμεινεν ϲταυρον αιϲχυνηϲ καταφρονηϲαϲ εν δεξια τε του θρονου του θ̅υ̅ κεκαθικεν", "αναλογιϲαϲθε γαρ τον τοιαυτην υπομεμενηκοτα υπο των αμαρτωλων ειϲ εαυτον αντιλογιαν ινα μη καμητε ταιϲ ψυχαιϲ υμων εκλυομενοι", "ουπω μεχριϲ αιματοϲ αντικατεϲτητε προϲ την αμαρτιαν ανταγωνιζομενοι", "και εκλεληϲθε τηϲ παρακληϲεωϲ ητιϲ υμιν ωϲ υιοιϲ διαλεγεται υιε μου μη ολιγωρει παιδειαϲ κ̅υ̅ μηδε εκλυου υπ αυτου ελεγχομενοϲ", "ον γαρ αγαπα κ̅ϲ̅ παιδευει μαϲτιγοι δε παντα υιον ον παραδεχεται", "ειϲ παιδειαν υπομενετε ωϲ υιοιϲ υμιν προϲφερεται ο θ̅ϲ̅ τιϲ γαρ υιοϲ ον ου παιδευει πατηρ", "ει δε χωριϲ εϲτε παιδειαϲ ηϲ μετοχοι γεγοναϲιν παντεϲ αρα νοθοι και ουχ υιοι εϲτε", "ειτα τουϲ μεν τηϲ ϲαρκοϲ ημων πατεραϲ ειχομεν παιδευταϲ και ενετρεπομεθα ου πολυ δε μαλλον υποταγηϲομεθα τω πατρι των πνευματων και ζηϲομεν", "οι μεν γαρ προϲ ολιγαϲ ημεραϲ κατα το δοκουν αυτοιϲ επαιδευον ο δε επι το ϲυμφερον ειϲ το μεταλαβειν τηϲ αγιοτητοϲ αυτου", "παϲα δε παιδεια προϲ μεν το παρον ου δοκει χαραϲ ειναι αλλα λυπηϲ υϲτερον δε καρπον ειρηνικον τοιϲ δι αυτηϲ γεγυμναϲμενοιϲ αποδιδωϲιν δικαιοϲυνηϲ", "διο ταϲ παρειμεναϲ χειραϲ και τα παραλελυμενα γονατα ανορθωϲατε", "και τροχιαϲ ορθαϲ ποιειτε τοιϲ ποϲιν υμων ινα μη το χωλον εκτραπη ιαθη δε μαλλον", "ειρηνην διωκετε μετα παντων και τον αγιαϲμον ου χωριϲ ουδειϲ οψεται τον κ̅ν̅", "επιϲκοπουντεϲ μη τιϲ υϲτερων απο τηϲ χαριτοϲ του θ̅υ̅ μη τιϲ ριζα πικριαϲ ανω φυουϲα ενοχλη και δι αυτηϲ μιανθωϲιν πολλοι", "μη τιϲ πορνοϲ η βεβηλοϲ ωϲ ηϲαυ οϲ αντι βρωϲεωϲ μιαϲ απεδετο τα πρωτοτοκια εαυτου", "ιϲτε γαρ οτι και μετεπειτα θελων κληρονομηϲαι την ευλογιαν απεδοκιμαϲθη μετανοιαϲ γαρ τοπον ουχ ευρεν καιπερ μετα δακρυων εκζητηϲαϲ αυτην", "ου γαρ προϲεληλυθατε ψηλαφωμενω και κεκαυμενω πυρι και γνοφω και ζοφω και θυελλη", "και ϲαλπιγγοϲ ηχω και φωνη ρηματων ηϲ οι ακουϲαντεϲ παρητηϲαντο μη προϲτεθηναι αυτοιϲ λογον", "ουκ εφερον γαρ το διαϲτελλομενον καν θηριον θιγη του ορουϲ λιθοβοληθηϲεται", "και ουτω φοβερον ην το φανταζομενον μωυϲηϲ ειπεν εκφοβοϲ ειμι και εντρομοϲ", "αλλα προϲεληλυθατε σιων ορει και πολει θ̅υ̅ ζωντοϲ ιερουϲαλημ επουρανιω και μυριαϲιν αγγελων πανηγυρει", "και εκκληϲια πρωτοτοκων απογεγραμμενων εν ουρανοιϲ και κριτη θ̅ω̅ παντων και πνευμαϲι δικαιων τετελειωμενων", "και διαθηκηϲ νεαϲ μεϲιτη ι̅υ̅ και αιματι ραντιϲμου κρειττον λαλουντι παρα τον αβελ", "βλεπετε μη παραιτηϲηϲθε τον λαλουντα ει γαρ εκεινοι ουκ εξεφυγον επι γηϲ παραιτηϲαμενοι τον χρηματιζοντα πολυ μαλλον ημειϲ οι τον απ ουρανων αποϲτρεφομενοι", "ου η φωνη την γην εϲαλευϲεν τοτε νυν δε επηγγελται λεγων ετι απαξ εγω ϲειϲω ου μονον την γην αλλα και τον ουρανον", "το δε ετι απαξ δηλοι την των ϲαλευομενων μεταθεϲιν ωϲ πεποιημενων ινα μεινη τα μη ϲαλευομενα", "διο βαϲιλειαν αϲαλευτον παραλαμβανοντεϲ εχωμεν χαριν δι ηϲ λατρευωμεν ευαρεϲτωϲ τω θ̅ω̅ μετα ευλαβειαϲ και δεουϲ", "και γαρ ο θ̅ϲ̅ ημων πυρ καταναλιϲκον" ], [ "η φιλαδελφια μενετω", "τηϲ φιλοξενιαϲ μη επιλανθανεϲθε δια ταυτηϲ γαρ ελαθον τινεϲ ξενιϲαντεϲ αγγελουϲ", "μιμνηϲκεϲθε των δεϲμιων ωϲ ϲυνδεδεμενοι των κακουχουμενων ωϲ και αυτοι οντεϲ εν ϲωματι", "τιμιοϲ ο γαμοϲ εν παϲιν και η κοιτη αμιαντοϲ πορνουϲ γαρ και μοιχουϲ κρινει ο θ̅ϲ̅", "αφιλαργυροϲ ο τροποϲ αρκουμενοι τοιϲ παρουϲιν αυτοϲ γαρ ειρηκεν ου μη ϲε ανω ουδ ου μη ϲε εγκαταλιπω", "ωϲτε θαρρουνταϲ ημαϲ λεγειν κ̅ϲ̅ εμοι βοηθοϲ και ου φοβηθηϲομαι τι ποιηϲει μοι ανθρωποϲ", "μνημονευετε των ηγουμενων υμων οιτινεϲ ελαληϲαν υμιν τον λογον του θ̅υ̅ ων αναθεωρουντεϲ την εκβαϲιν τηϲ αναϲτροφηϲ μιμειϲθε την πιϲτιν", "ι̅ϲ̅ χ̅ϲ̅ εχθεϲ και ϲημερον ο αυτοϲ και ειϲ τουϲ αιωναϲ", "διδαχαιϲ ποικιλαιϲ και ξεναιϲ μη παραφερεϲθε καλον γαρ χαριτι βεβαιουϲθαι την καρδιαν ου βρωμαϲιν εν οιϲ ουκ ωφεληθηϲαν οι περιπατουντεϲ", "εχομεν θυϲιαϲτηριον εξ ου φαγειν ουκ εχουϲιν εξουϲιαν οι τη ϲκηνη λατρευοντεϲ", "ων γαρ ειϲφερεται ζωων το αιμα περι αμαρτιαϲ ειϲ τα αγια δια του αρχιερεωϲ τουτων τα ϲωματα κατακαιεται εξω τηϲ παρεμβοληϲ", "διο και ι̅ϲ̅ ινα αγιαϲη δια του ιδιου αιματοϲ τον λαον εξω τηϲ πυληϲ επαθεν", "τοινυν εξερχωμεθα προϲ αυτον εξω τηϲ παρεμβοληϲ τον ονειδιϲμον αυτου φεροντεϲ", "ου γαρ εχομεν ωδε μενουϲαν πολιν αλλα την μελλουϲαν επιζητουμεν", "δι αυτου ουν αναφερωμεν θυϲιαν αινεϲεωϲ δια παντοϲ τω θ̅ω̅ τουτ εϲτιν καρπον χειλεων ομολογουντων τω ονοματι αυτου", "τηϲ δε ευποιιαϲ και κοινωνιαϲ μη επιλανθανεϲθε τοιαυταιϲ γαρ θυϲιαιϲ ευαρεϲτειται ο θ̅ϲ̅", "πειθεϲθε τοιϲ ηγουμενοιϲ υμων και υπεικετε αυτοι γαρ αγρυπνουϲιν υπερ των ψυχων υμων ωϲ λογον αποδωϲοντεϲ ινα μετα χαραϲ τουτο ποιωϲιν και μη ϲτεναζοντεϲ αλυϲιτελεϲ γαρ υμιν τουτο", "προϲευχεϲθε περι ημων πειθομεθα γαρ οτι καλην ϲυνειδηϲιν εχομεν εν παϲιν καλωϲ θελοντεϲ αναϲτρεφεϲθαι", "περιϲϲοτερωϲ δε παρακαλω τουτο ποιηϲαι ινα ταχιον αποκαταϲταθω υμιν", "ο δε θ̅ϲ̅ τηϲ ειρηνηϲ ο αναγαγων εκ νεκρων τον ποιμενα των προβατων τον μεγαν εν αιματι διαθηκηϲ αιωνιου τον κ̅ν̅ ημων ι̅ν̅", "καταρτιϲαι υμαϲ εν παντι αγαθω ειϲ το ποιηϲαι το θελημα αυτου ποιων εν ημιν το ευαρεϲτον ενωπιον αυτου δια ι̅υ̅ χ̅υ̅ ω η δοξα ειϲ τουϲ αιωναϲ των αιωνων αμην", "παρακαλω δε υμαϲ αδελφοι ανεχεϲθε του λογου τηϲ παρακληϲεωϲ και γαρ δια βραχεων επεϲτειλα υμιν", "γινωϲκετε τον αδελφον ημων τιμοθεον απολελυμενον μεθ ου εαν ταχιον ερχηται οψομαι υμαϲ", "αϲπαϲαϲθε πανταϲ τουϲ ηγουμενουϲ υμων και πανταϲ τουϲ αγιουϲ αϲπαζονται υμαϲ οι απο τηϲ ιταλιαϲ", "η χαριϲ μετα παντων υμων" ] ] }