{
    "status": "locked",
    "versionTitle": "New Testament",
    "sectionNames": [
        "Chapter",
        "Verse"
    ],
    "license": "Public Domain",
    "language": "el",
    "title": "Titus",
    "licenseVetted": true,
    "text": [
        [
            "παυλοϲ δουλοϲ θ̅υ̅ αποϲτολοϲ δε ι̅υ̅ χ̅υ̅ κατα πιϲτιν εκλεκτων θ̅υ̅ και επιγνωϲιν αληθειαϲ τηϲ κατ ευϲεβειαν",
            "επ ελπιδι ζωηϲ αιωνιου ην επηγγειλατο ο αψευδηϲ θ̅ϲ̅ προ χρονων αιωνιων",
            "εφανερωϲεν δε καιροιϲ ιδιοιϲ τον λογον αυτου εν κηρυγματι ο επιϲτευθην εγω κατ επιταγην του σωτηροϲ ημων θ̅υ̅",
            "τιτω γνηϲιω τεκνω κατα κοινην πιϲτιν χαριϲ και ειρηνη απο θ̅υ̅ πατροϲ και χ̅υ̅ ι̅υ̅ του σωτηροϲ ημων",
            "τουτου χαριν απελιπον ϲε εν κρητη ινα τα λειποντα επιδιορθωϲη και καταϲτηϲηϲ κατα πολιν πρεϲβυτερουϲ ωϲ εγω ϲοι διεταξαμην",
            "ει τιϲ εϲτιν ανεγκλητοϲ μιαϲ γυναικοϲ ανηρ τεκνα εχων πιϲτα μη εν κατηγορια αϲωτιαϲ η ανυποτακτα",
            "δει γαρ τον επιϲκοπον ανεγκλητον ειναι ωϲ θ̅υ̅ οικονομον μη αυθαδη μη οργιλον μη παροινον μη πληκτην μη αιϲχροκερδη",
            "αλλα φιλοξενον φιλαγαθον ϲωφρονα δικαιον οϲιον εγκρατη",
            "αντεχομενον του κατα την διδαχην πιϲτου λογου ινα δυνατοϲ η και παρακαλειν εν τη διδαϲκαλια τη υγιαινουϲη και τουϲ αντιλεγονταϲ ελεγχειν",
            "ειϲιν γαρ πολλοι και ανυποτακτοι ματαιολογοι και φρεναπαται μαλιϲτα οι εκ τηϲ περιτομηϲ",
            "ουϲ δει επιϲτομιζειν οιτινεϲ ολουϲ οικουϲ ανατρεπουϲιν διδαϲκοντεϲ α μη δει αιϲχρου κερδουϲ χαριν",
            "ειπεν τιϲ εξ αυτων ιδιοϲ αυτων προφητηϲ κρητεϲ αει ψευϲται κακα θηρια γαϲτερεϲ αργαι",
            "η μαρτυρια αυτη εϲτιν αληθηϲ δι ην αιτιαν ελεγχε αυτουϲ αποτομωϲ ινα υγιαινωϲιν εν τη πιϲτει",
            "μη προϲεχοντεϲ ιουδαικοιϲ μυθοιϲ και εντολαιϲ ανθρωπων αποϲτρεφομενων την αληθειαν",
            "παντα καθαρα τοιϲ καθαροιϲ τοιϲ δε μεμιαμμενοιϲ και απιϲτοιϲ ουδεν καθαρον αλλα μεμιανται αυτων και ο νουϲ και η ϲυνειδηϲιϲ",
            "θ̅ν̅ ομολογουϲιν ειδεναι τοιϲ δε εργοιϲ αρνουνται βδελυκτοι οντεϲ και απειθειϲ και προϲ παν εργον αγαθον αδοκιμοι"
        ],
        [
            "συ δε λαλει α πρεπει τη υγιαινουϲη διδαϲκαλια",
            "πρεϲβυταϲ νηφαλιουϲ ειναι ϲεμνουϲ ϲωφροναϲ υγιαινονταϲ τη πιϲτει τη αγαπη τη υπομονη",
            "πρεϲβυτιδαϲ ωϲαυτωϲ εν καταϲτηματι ιεροπρεπειϲ μη διαβολουϲ μηδε οινω πολλω δεδουλωμεναϲ καλοδιδαϲκαλουϲ",
            "ινα ϲωφρονιζωϲιν ταϲ νεαϲ φιλανδρουϲ ειναι φιλοτεκνουϲ",
            "ϲωφροναϲ αγναϲ οικουργουϲ αγαθαϲ υποταϲϲομεναϲ τοιϲ ιδιοιϲ ανδραϲιν ινα μη ο λογοϲ του θ̅υ̅ βλαϲφημηται",
            "τουϲ νεωτερουϲ ωϲαυτωϲ παρακαλει ϲωφρονειν",
            "περι παντα ϲεαυτον παρεχομενοϲ τυπον καλων εργων εν τη διδαϲκαλια αφθοριαν ϲεμνοτητα",
            "λογον υγιη ακαταγνωϲτον ινα ο εξ εναντιαϲ εντραπη μηδεν εχων λεγειν περι ημων φαυλον",
            "δουλουϲ ιδιοιϲ δεϲποταιϲ υποταϲϲεϲθαι εν παϲιν ευαρεϲτουϲ ειναι μη αντιλεγονταϲ",
            "μη νοϲφιζομενουϲ αλλα παϲαν πιϲτιν ενδεικνυμενουϲ αγαθην ινα την διδαϲκαλιαν την του σωτηροϲ ημων θ̅υ̅ κοϲμωϲιν εν παϲιν",
            "επεφανη γαρ η χαριϲ του θ̅υ̅ ϲωτηριοϲ παϲιν ανθρωποιϲ",
            "παιδευουϲα ημαϲ ινα αρνηϲαμενοι την αϲεβειαν και ταϲ κοϲμικαϲ επιθυμιαϲ ϲωφρονωϲ και δικαιωϲ και ευϲεβωϲ ζηϲωμεν εν τω νυν αιωνι",
            "προϲδεχομενοι την μακαριαν ελπιδα και επιφανειαν τηϲ δοξηϲ του μεγαλου θ̅υ̅ και σωτηροϲ ημων ι̅υ̅ χ̅υ̅",
            "οϲ εδωκεν εαυτον υπερ ημων ινα λυτρωϲηται ημαϲ απο παϲηϲ ανομιαϲ και καθαριϲη εαυτω λαον περιουϲιον ζηλωτην καλων εργων",
            "ταυτα λαλει και παρακαλει και ελεγχε μετα παϲηϲ επιταγηϲ μηδειϲ ϲου περιφρονειτω"
        ],
        [
            "υπομιμνηϲκε αυτουϲ αρχαιϲ εξουϲιαιϲ υποταϲϲεϲθαι πειθαρχειν προϲ παν εργον αγαθον ετοιμουϲ ειναι",
            "μηδενα βλαϲφημειν αμαχουϲ ειναι επιεικειϲ παϲαν ενδεικνυμενουϲ πραυτητα προϲ πανταϲ ανθρωπουϲ",
            "ημεν γαρ ποτε και ημειϲ ανοητοι απειθειϲ πλανωμενοι δουλευοντεϲ επιθυμιαιϲ και ηδοναιϲ ποικιλαιϲ εν κακια και φθονω διαγοντεϲ ϲτυγητοι μιϲουντεϲ αλληλουϲ",
            "οτε δε η χρηϲτοτηϲ και η φιλανθρωπια επεφανη του σωτηροϲ ημων θ̅υ̅",
            "ουκ εξ εργων των εν δικαιοϲυνη α εποιηϲαμεν ημειϲ αλλα κατα το αυτου ελεοϲ εϲωϲεν ημαϲ δια λουτρου παλινγενεϲιαϲ και ανακαινωϲεωϲ π̅ν̅ϲ̅ αγιου",
            "ου εξεχεεν εφ ημαϲ πλουϲιωϲ δια ι̅υ̅ χ̅υ̅ του σωτηροϲ ημων",
            "ινα δικαιωθεντεϲ τη εκεινου χαριτι κληρονομοι γενηθωμεν κατ ελπιδα ζωηϲ αιωνιου",
            "πιϲτοϲ ο λογοϲ και περι τουτων βουλομαι ϲε διαβεβαιουϲθαι ινα φροντιζωϲιν καλων εργων προιϲταϲθαι οι πεπιϲτευκοτεϲ θ̅ω̅ ταυτα εϲτιν καλα και ωφελιμα τοιϲ ανθρωποιϲ",
            "μωραϲ δε ζητηϲειϲ και γενεαλογιαϲ και ερειϲ και μαχαϲ νομικαϲ περιιϲταϲο ειϲιν γαρ ανωφελειϲ και ματαιοι",
            "αιρετικον ανθρωπον μετα μιαν και δευτεραν νουθεϲιαν παραιτου",
            "ειδωϲ οτι εξεϲτραπται ο τοιουτοϲ και αμαρτανει ων αυτοκατακριτοϲ",
            "οταν πεμψω αρτεμαν προϲ ϲε η τυχικον ϲπουδαϲον ελθειν προϲ με ειϲ νικοπολιν εκει γαρ κεκρικα παραχειμαϲαι",
            "ζηναν τον νομικον και απολλων ϲπουδαιωϲ προπεμψον ινα μηδεν αυτοιϲ λειπη",
            "μανθανετωϲαν δε και οι ημετεροι καλων εργων προιϲταϲθαι ειϲ ταϲ αναγκαιαϲ χρειαϲ ινα μη ωϲιν ακαρποι",
            "αϲπαζονται ϲε οι μετ εμου παντεϲ αϲπαϲαι τουϲ φιλουνταϲ ημαϲ εν πιϲτει η χαριϲ μετα παντων υμων"
        ]
    ]
}