{ "status": "locked", "versionTitle": "New Testament", "sectionNames": [ "Chapter", "Verse" ], "license": "Public Domain", "language": "el", "title": "2. Thessalonians", "licenseVetted": true, "text": [ [ "παυλοϲ και σιλουανοϲ και τιμοθεοϲ τη εκκληϲια θεϲϲαλονικεων εν θ̅ω̅ πατρι ημων και κ̅ω̅ ι̅υ̅ χ̅ω̅", "χαριϲ υμιν και ειρηνη απο θ̅υ̅ πατροϲ ημων και κ̅υ̅ ι̅υ̅ χ̅υ̅", "ευχαριϲτειν οφειλομεν τω θ̅ω̅ παντοτε περι υμων αδελφοι καθωϲ αξιον εϲτιν οτι υπεραυξανει η πιϲτιϲ υμων και πλεοναζει η αγαπη ενοϲ εκαϲτου παντων υμων ειϲ αλληλουϲ", "ωϲτε αυτουϲ ημαϲ εν υμιν ενκαυχαϲθαι εν ταιϲ εκκληϲιαιϲ του θ̅υ̅ υπερ τηϲ υπομονηϲ υμων και πιϲτεωϲ εν παϲιν τοιϲ διωγμοιϲ υμων και ταιϲ θλιψεϲιν αιϲ ανεχεϲθε", "ενδειγμα τηϲ δικαιαϲ κριϲεωϲ του θ̅υ̅ ειϲ το καταξιωθηναι υμαϲ τηϲ βαϲιλειαϲ του θ̅υ̅ υπερ ηϲ και παϲχετε", "ειπερ δικαιον παρα θ̅ω̅ ανταποδουναι τοιϲ θλιβουϲιν υμαϲ θλιψιν", "και υμιν τοιϲ θλιβομενοιϲ ανεϲιν μεθ ημων εν τη αποκαλυψει του κ̅υ̅ ι̅υ̅ απ ουρανου μετ αγγελων δυναμεωϲ αυτου", "εν πυρι φλογοϲ διδοντοϲ εκδικηϲιν τοιϲ μη ειδοϲιν θ̅ν̅ και τοιϲ μη υπακουουϲιν τω ευαγγελιω του κ̅υ̅ ημων ι̅υ̅", "οιτινεϲ δικην τιϲουϲιν ολεθρον αιωνιον απο προϲωπου του κ̅υ̅ και απο τηϲ δοξηϲ τηϲ ιϲχυοϲ αυτου", "οταν ελθη ενδοξαϲθηναι εν τοιϲ αγιοιϲ αυτου και θαυμαϲθηναι εν παϲιν τοιϲ πιϲτευϲαϲιν οτι επιϲτευθη το μαρτυριον ημων εφ υμαϲ εν τη ημερα εκεινη", "ειϲ ο και προϲευχομεθα παντοτε περι υμων ινα υμαϲ αξιωϲη τηϲ κληϲεωϲ ο θ̅ϲ̅ ημων και πληρωϲη παϲαν ευδοκιαν αγαθωϲυνηϲ και εργον πιϲτεωϲ εν δυναμει", "οπωϲ ενδοξαϲθη το ονομα του κ̅υ̅ ημων ι̅υ̅ εν υμιν και υμειϲ εν αυτω κατα την χαριν του θ̅υ̅ ημων και κ̅υ̅ ι̅υ̅ χ̅υ̅" ], [ "ερωτωμεν δε υμαϲ αδελφοι υπερ τηϲ παρουϲιαϲ του κ̅υ̅ ημων ι̅υ̅ χ̅υ̅ και ημων επιϲυναγωγηϲ επ αυτον", "ειϲ το μη ταχεωϲ ϲαλευθηναι υμαϲ απο του νοοϲ μηδε θροειϲθαι μητε δια π̅ν̅ϲ̅ μητε δια λογου μητε δι επιϲτοληϲ ωϲ δι ημων ωϲ οτι ενεϲτηκεν η ημερα του κ̅υ̅", "μη τιϲ υμαϲ εξαπατηϲη κατα μηδενα τροπον οτι εαν μη ελθη η αποϲταϲια πρωτον και αποκαλυφθη ο ανθρωποϲ τηϲ ανομιαϲ ο υιοϲ τηϲ απωλειαϲ", "ο αντικειμενοϲ και υπεραιρομενοϲ επι παντα λεγομενον θ̅ν̅ η ϲεβαϲμα ωϲτε αυτον ειϲ τον ναον του θ̅υ̅ καθιϲαι αποδεικνυντα εαυτον οτι εϲτιν θ̅ϲ̅", "ου μνημονευετε οτι ετι ων προϲ υμαϲ ταυτα ελεγον υμιν", "και νυν το κατεχον οιδατε ειϲ το αποκαλυφθηναι αυτον εν τω εαυτου καιρω", "το γαρ μυϲτηριον ηδη ενεργειται τηϲ ανομιαϲ μονον ο κατεχων αρτι εωϲ εκ μεϲου γενηται", "και τοτε αποκαλυφθηϲεται ο ανομοϲ ον ο κ̅ϲ̅ ι̅ϲ̅ ανελει τω π̅ν̅ι̅ του ϲτοματοϲ αυτου και καταργηϲει τη επιφανεια τηϲ παρουϲιαϲ αυτου", "ου εϲτιν η παρουϲια κατ ενεργειαν του σατανα εν παϲη δυναμει και ϲημειοιϲ και τεραϲιν ψευδουϲ", "και εν παϲη απατη αδικιαϲ τοιϲ απολλυμενοιϲ ανθ ων την αγαπην τηϲ αληθειαϲ ουκ εδεξαντο ειϲ το ϲωθηναι αυτουϲ", "και δια τουτο πεμπει αυτοιϲ ο θ̅ϲ̅ ενεργειαν πλανηϲ ειϲ το πιϲτευϲαι αυτουϲ τω ψευδει", "ινα κριθωϲιν παντεϲ οι μη πιϲτευϲαντεϲ τη αληθεια αλλα ευδοκηϲαντεϲ τη αδικια", "ημειϲ δε οφειλομεν ευχαριϲτειν τω θ̅ω̅ παντοτε περι υμων αδελφοι ηγαπημενοι υπο κ̅υ̅ οτι ειλατο υμαϲ ο θ̅ϲ̅ απαρχην ειϲ ϲωτηριαν εν αγιαϲμω π̅ν̅ϲ̅ και πιϲτει αληθειαϲ", "ειϲ ο και εκαλεϲεν υμαϲ δια του ευαγγελιου ημων ειϲ περιποιηϲιν δοξηϲ του κ̅υ̅ ημων ι̅υ̅ χ̅υ̅", "αρα ουν αδελφοι ϲτηκετε και κρατειτε ταϲ παραδοϲειϲ αϲ εδιδαχθητε ειτε δια λογου ειτε δι επιϲτοληϲ ημων", "αυτοϲ δε ο κ̅ϲ̅ ημων ι̅ϲ̅ χ̅ϲ̅ και ο θ̅ϲ̅ ο πατηρ ημων ο αγαπηϲαϲ ημαϲ και δουϲ παρακληϲιν αιωνιαν και ελπιδα αγαθην εν χαριτι", "παρακαλεϲαι υμων ταϲ καρδιαϲ και ϲτηριξαι εν παντι εργω και λογω αγαθω" ], [ "το λοιπον προϲευχεϲθε αδελφοι περι ημων ινα ο λογοϲ του κ̅υ̅ τρεχη και δοξαζηται καθωϲ και προϲ υμαϲ", "και ινα ρυϲθωμεν απο των ατοπων και πονηρων ανθρωπων ου γαρ παντων η πιϲτιϲ", "πιϲτοϲ δε εϲτιν ο κ̅ϲ̅ οϲ ϲτηριξει υμαϲ και φυλαξει απο του πονηρου", "πεποιθαμεν δε εν κ̅ω̅ εφ υμαϲ οτι α παραγγελλομεν και ποιειτε και ποιηϲετε", "ο δε κ̅ϲ̅ κατευθυναι υμων ταϲ καρδιαϲ ειϲ την αγαπην του θ̅υ̅ και ειϲ την υπομονην του χ̅υ̅", "παραγγελλομεν δε υμιν αδελφοι εν ονοματι του κ̅υ̅ ημων ι̅υ̅ χ̅υ̅ ϲτελλεϲθαι υμαϲ απο παντοϲ αδελφου ατακτωϲ περιπατουντοϲ και μη κατα την παραδοϲιν ην παρελαβοϲαν παρ ημων", "αυτοι γαρ οιδατε πωϲ δει μιμειϲθαι ημαϲ οτι ουκ ητακτηϲαμεν εν υμιν", "ουδε δωρεαν αρτον εφαγομεν παρα τινοϲ αλλ εν κοπω και μοχθω νυκτοϲ και ημεραϲ εργαζομενοι προϲ το μη επιβαρηϲαι τινα υμων", "ουχ οτι ουκ εχομεν εξουϲιαν αλλ ινα εαυτουϲ τυπον δωμεν υμιν ειϲ το μιμειϲθαι ημαϲ", "και γαρ οτε ημεν προϲ υμαϲ τουτο παρηγγελλομεν υμιν οτι ει τιϲ ου θελει εργαζεϲθαι μηδε εϲθιετω", "ακουομεν γαρ τιναϲ περιπατουνταϲ εν υμιν ατακτωϲ μηδεν εργαζομενουϲ αλλα περιεργαζομενουϲ", "τοιϲ δε τοιουτοιϲ παραγγελλομεν και παρακαλουμεν εν κ̅ω̅ ι̅υ̅ χ̅ω̅ ινα μετα ηϲυχιαϲ εργαζομενοι τον εαυτων αρτον εϲθιωϲιν", "υμειϲ δε αδελφοι μη εγκακηϲητε καλοποιουντεϲ", "ει δε τιϲ ουχ υπακουει τω λογω ημων δια τηϲ επιϲτοληϲ τουτον ϲημειουϲθε μη ϲυναναμιγνυϲθαι αυτω ινα εντραπη", "και μη ωϲ εχθρον ηγειϲθε αλλα νουθετειτε ωϲ αδελφον", "αυτοϲ δε ο κ̅ϲ̅ τηϲ ειρηνηϲ δωη υμιν την ειρηνην δια παντοϲ εν παντι τροπω ο κ̅ϲ̅ μετα παντων υμων", "ο αϲπαϲμοϲ τη εμη χειρι παυλου ο εϲτιν ϲημειον εν παϲη επιϲτολη ουτωϲ γραφω", "η χαριϲ του κ̅υ̅ ημων ι̅υ̅ χ̅υ̅ μετα παντων υμων" ] ] }