{ "status": "locked", "versionTitle": "New Testament", "sectionNames": [ "Chapter", "Verse" ], "license": "Public Domain", "language": "el", "title": "2. Corinthians", "licenseVetted": true, "text": [ [ "παυλοϲ αποϲτολοϲ χ̅υ̅ ι̅υ̅ δια θεληματοϲ θ̅υ̅ και τιμοθεοϲ ο αδελφοϲ τη εκκληϲια του θ̅υ̅ τη ουϲη εν κορινθω ϲυν τοιϲ αγιοιϲ παϲιν τοιϲ ουϲιν εν ολη τη αχαια", "χαριϲ υμιν και ειρηνη απο θ̅υ̅ πατροϲ ημων και κ̅υ̅ ι̅υ̅ χ̅υ̅", "ευλογητοϲ ο θ̅ϲ̅ και πατηρ του κ̅υ̅ ημων ι̅υ̅ χ̅υ̅ ο πατηρ των οικτιρμων και θ̅ϲ̅ παϲηϲ παρακληϲεωϲ", "ο παρακαλων ημαϲ επι παϲη τη θλιψει ημων ειϲ το δυναϲθαι ημαϲ παρακαλειν τουϲ εν παϲη θλιψει δια τηϲ παρακληϲεωϲ ηϲ παρακαλουμεθα αυτοι υπο του θ̅υ̅", "οτι καθωϲ περιϲϲευει τα παθηματα του χ̅υ̅ ειϲ ημαϲ ουτωϲ δια του χ̅υ̅ περιϲϲευει και η παρακληϲιϲ ημων", "ειτε δε θλιβομεθα υπερ τηϲ υμων παρακληϲεωϲ και ϲωτηριαϲ ειτε παρακαλουμεθα υπερ τηϲ υμων παρακληϲεωϲ τηϲ ενεργουμενηϲ εν υπομονη των αυτων παθηματων ων και ημειϲ παϲχομεν", "και η ελπιϲ ημων βεβαια υπερ υμων ειδοτεϲ οτι ωϲ κοινωνοι εϲτε των παθηματων ουτωϲ και τηϲ παρακληϲεωϲ", "ου γαρ θελομεν υμαϲ αγνοειν αδελφοι υπερ τηϲ θλιψεωϲ ημων τηϲ γενομενηϲ εν τη αϲια οτι καθ υπερβολην υπερ δυναμιν εβαρηθημεν ωϲτε εξαπορηθηναι ημαϲ και του ζην", "αλλα αυτοι εν εαυτοιϲ το αποκριμα του θανατου εϲχηκαμεν ινα μη πεποιθοτεϲ ωμεν εφ εαυτοιϲ αλλ επι τω θ̅ω̅ τω εγειροντι τουϲ νεκρουϲ", "οϲ εκ τηλικουτου θανατου ερρυϲατο ημαϲ και ρυϲεται ειϲ ον ηλπικαμεν οτι και ετι ρυϲεται", "ϲυνυπουργουντων και υμων υπερ ημων τη δεηϲει ινα εκ πολλων προϲωπων το ειϲ ημαϲ χαριϲμα δια πολλων ευχαριϲτηθη υπερ ημων", "η γαρ καυχηϲιϲ ημων αυτη εϲτιν το μαρτυριον τηϲ ϲυνειδηϲεωϲ ημων οτι εν αγιοτητι και ειλικρινεια του θ̅υ̅ και ουκ εν ϲοφια ϲαρκικη αλλ εν χαριτι θ̅υ̅ ανεϲτραφημεν εν τω κοϲμω περιϲϲοτερωϲ δε προϲ υμαϲ", "ου γαρ αλλα γραφομεν υμιν αλλ η α αναγινωϲκετε η και επιγινωϲκετε ελπιζω δε οτι εωϲ τελουϲ επιγνωϲεϲθε", "καθωϲ και επεγνωτε ημαϲ απο μερουϲ οτι καυχημα υμων εϲμεν καθαπερ και υμειϲ ημων εν τη ημερα του κ̅υ̅ ημων ι̅υ̅", "και ταυτη τη πεποιθηϲει εβουλομην προτερον προϲ υμαϲ ελθειν ινα δευτεραν χαριν ϲχητε", "και δι υμων διελθειν ειϲ μακεδονιαν και παλιν απο μακεδονιαϲ ελθειν προϲ υμαϲ και υφ υμων προπεμφθηναι ειϲ την ιουδαιαν", "τουτο ουν βουλομενοϲ μητι αρα τη ελαφρια εχρηϲαμην η α βουλευομαι κατα ϲαρκα βουλευομαι ινα η παρ εμοι το ναι ναι και το ου ου", "πιϲτοϲ δε ο θ̅ϲ̅ οτι ο λογοϲ ημων ο προϲ υμαϲ ουκ εϲτιν ναι και ου", "ο του θ̅υ̅ γαρ υιοϲ ι̅ϲ̅ χ̅ϲ̅ ο εν υμιν δι ημων κηρυχθειϲ δι εμου και σιλουανου και τιμοθεου ουκ εγενετο ναι και ου αλλα ναι εν αυτω γεγονεν", "οϲαι γαρ επαγγελιαι θ̅υ̅ εν αυτω το ναι διο και δι αυτου το αμην τω θ̅ω̅ προϲ δοξαν δι ημων", "ο δε βεβαιων ημαϲ ϲυν υμιν ειϲ χ̅ν̅ και χριϲαϲ ημαϲ θ̅ϲ̅", "ο και ϲφραγιϲαμενοϲ ημαϲ και δουϲ τον αρραβωνα του π̅ν̅ϲ̅ εν ταιϲ καρδιαιϲ ημων", "εγω δε μαρτυρα τον θ̅ν̅ επικαλουμαι επι την εμην ψυχην οτι φειδομενοϲ υμων ουκετι ηλθον ειϲ κορινθον", "ουχ οτι κυριευομεν υμων τηϲ πιϲτεωϲ αλλα ϲυνεργοι εϲμεν τηϲ χαραϲ υμων τη γαρ πιϲτει εϲτηκατε" ], [ "εκρινα γαρ εμαυτω τουτο το μη παλιν εν λυπη προϲ υμαϲ ελθειν", "ει γαρ εγω λυπω υμαϲ και τιϲ ο ευφραινων με ει μη ο λυπουμενοϲ εξ εμου", "και εγραψα τουτο αυτο ινα μη ελθων λυπην ϲχω αφ ων εδει με χαιρειν πεποιθωϲ επι πανταϲ υμαϲ οτι η εμη χαρα παντων υμων εϲτιν", "εκ γαρ πολληϲ θλιψεωϲ και ϲυνοχηϲ καρδιαϲ εγραψα υμιν δια πολλων δακρυων ουχ ινα λυπηθητε αλλα την αγαπην ινα γνωτε ην εχω περιϲϲοτερωϲ ειϲ υμαϲ", "ει δε τιϲ λελυπηκεν ουκ εμε λελυπηκεν αλλα απο μερουϲ ινα μη επιβαρω πανταϲ υμαϲ", "ικανον τω τοιουτω η επιτιμια αυτη η υπο των πλειονων", "ωϲτε τουναντιον μαλλον υμαϲ χαριϲαϲθαι και παρακαλεϲαι μη πωϲ τη περιϲϲοτερα λυπη καταποθη ο τοιουτοϲ", "διο παρακαλω υμαϲ κυρωϲαι ειϲ αυτον αγαπην", "ειϲ τουτο γαρ και εγραψα ινα γνω την δοκιμην υμων ει ειϲ παντα υπηκοοι εϲτε", "ω δε τι χαριζεϲθε καγω και γαρ εγω ο κεχαριϲμαι ει τι κεχαριϲμαι δι υμαϲ εν προϲωπω χ̅υ̅", "ινα μη πλεονεκτηθωμεν υπο του σατανα ου γαρ αυτου τα νοηματα αγνοουμεν", "ελθων δε ειϲ την τρωαδα ειϲ το ευαγγελιον του χ̅υ̅ και θυραϲ μοι ανεωγμενηϲ εν κ̅ω̅", "ουκ εϲχηκα ανεϲιν τω π̅ν̅ι̅ μου τω μη ευρειν με τιτον τον αδελφον μου αλλα αποταξαμενοϲ αυτοιϲ εξηλθον ειϲ μακεδονιαν", "τω δε θ̅ω̅ χαριϲ τω παντοτε θριαμβευοντι ημαϲ εν τω χ̅ω̅ και την οϲμην τηϲ γνωϲεωϲ αυτου φανερουντι δι ημων εν παντι τοπω", "οτι χ̅υ̅ ευωδια εϲμεν τω θ̅ω̅ εν τοιϲ ϲωζομενοιϲ και εν τοιϲ απολλυμενοιϲ", "οιϲ μεν οϲμη εκ θανατου ειϲ θανατον οιϲ δε οϲμη εκ ζωηϲ ειϲ ζωην και προϲ ταυτα τιϲ ικανοϲ", "ου γαρ εϲμεν ωϲ οι πολλοι καπηλευοντεϲ τον λογον του θ̅υ̅ αλλ ωϲ εξ ειλικρινειαϲ αλλ ωϲ εκ θ̅υ̅ κατεναντι θ̅υ̅ εν χ̅ω̅ λαλουμεν" ], [ "αρχομεθα παλιν εαυτουϲ ϲυνιϲτανειν η μη χρηζομεν ωϲ τινεϲ ϲυϲτατικων επιϲτολων προϲ υμαϲ η εξ υμων", "η επιϲτολη ημων υμειϲ εϲτε ενγεγραμμενη εν ταιϲ καρδιαιϲ ημων γινωϲκομενη και αναγινωϲκομενη υπο παντων ανθρωπων", "φανερουμενοι οτι εϲτε επιϲτολη χ̅υ̅ διακονηθειϲα υφ ημων ενγεγραμμενη ου μελανι αλλα π̅ν̅ι̅ θ̅υ̅ ζωντοϲ ουκ εν πλαξιν λιθιναιϲ αλλ εν πλαξιν καρδιαιϲ ϲαρκιναιϲ", "πεποιθηϲιν δε τοιαυτην εχομεν δια του χ̅υ̅ προϲ τον θ̅ν̅", "ουχ οτι αφ εαυτων ικανοι εϲμεν λογιϲαϲθαι τι ωϲ εξ εαυτων αλλ η ικανοτηϲ ημων εκ του θ̅υ̅", "οϲ και ικανωϲεν ημαϲ διακονουϲ καινηϲ διαθηκηϲ ου γραμματοϲ αλλα π̅ν̅ϲ̅ το γαρ γραμμα αποκτεννει το δε π̅ν̅α̅ ζωοποιει", "ει δε η διακονια του θανατου εν γραμμαϲιν εντετυπωμενη λιθοιϲ εγενηθη εν δοξη ωϲτε μη δυναϲθαι ατενιϲαι τουϲ υιουϲ ιϲραηλ ειϲ το προϲωπον μωυϲεωϲ δια την δοξαν του προϲωπου αυτου την καταργουμενην", "πωϲ ουχι μαλλον η διακονια του π̅ν̅ϲ̅ εϲται εν δοξη", "ει γαρ τη διακονια τηϲ κατακριϲεωϲ δοξα πολλω μαλλον περιϲϲευει η διακονια τηϲ δικαιοϲυνηϲ δοξη", "και γαρ ου δεδοξαϲται το δεδοξαϲμενον εν τουτω τω μερει εινεκεν τηϲ υπερβαλλουϲηϲ δοξηϲ", "ει γαρ το καταργουμενον δια δοξηϲ πολλω μαλλον το μενον εν δοξη", "εχοντεϲ ουν τοιαυτην ελπιδα πολλη παρρηϲια χρωμεθα", "και ου καθαπερ μωυϲηϲ ετιθει καλυμμα επι το προϲωπον αυτου προϲ το μη ατενιϲαι τουϲ υιουϲ ιϲραηλ ειϲ το τελοϲ του καταργουμενου", "αλλα επωρωθη τα νοηματα αυτων αχρι γαρ τηϲ ϲημερον ημεραϲ το αυτο καλυμμα επι τη αναγνωϲει τηϲ παλαιαϲ διαθηκηϲ μενει μη ανακαλυπτομενον οτι εν χ̅ω̅ καταργειται", "αλλ εωϲ ϲημερον ηνικα αν αναγινωϲκηται μωυϲηϲ καλυμμα επι την καρδιαν αυτων κειται", "ηνικα δε εαν επιϲτρεψη προϲ κ̅ν̅ περιαιρειται το καλυμμα", "ο δε κ̅ϲ̅ το π̅ν̅α̅ εϲτιν ου δε το π̅ν̅α̅ κ̅υ̅ ελευθερια", "ημειϲ δε παντεϲ ανακεκαλυμμενω προϲωπω την δοξαν κ̅υ̅ κατοπτριζομενοι την αυτην εικονα μεταμορφουμεθα απο δοξηϲ ειϲ δοξαν καθαπερ απο κ̅υ̅ π̅ν̅ϲ̅" ], [ "δια τουτο εχοντεϲ την διακονιαν ταυτην καθωϲ ηλεηθημεν ουκ εγκακουμεν", "αλλα απειπαμεθα τα κρυπτα τηϲ αιϲχυνηϲ μη περιπατουντεϲ εν πανουργια μηδε δολουντεϲ τον λογον του θ̅υ̅ αλλα τη φανερωϲει τηϲ αληθειαϲ ϲυνιϲτανοντεϲ εαυτουϲ προϲ παϲαν ϲυνειδηϲιν ανθρωπων ενωπιον του θ̅υ̅", "ει δε και εϲτιν κεκαλυμμενον το ευαγγελιον ημων εν τοιϲ απολλυμενοιϲ εϲτιν κεκαλυμμενον", "εν οιϲ ο θ̅ϲ̅ του αιωνοϲ τουτου ετυφλωϲεν τα νοηματα των απιϲτων ειϲ το μη αυγαϲαι τον φωτιϲμον του ευαγγελιου τηϲ δοξηϲ του χ̅υ̅ οϲ εϲτιν εικων του θ̅υ̅", "ου γαρ εαυτουϲ κηρυϲϲομεν αλλα ι̅ν̅ χ̅ν̅ κ̅ν̅ εαυτουϲ δε δουλουϲ υμων δια ι̅ν̅", "οτι ο θ̅ϲ̅ ο ειπων εκ ϲκοτουϲ φωϲ λαμψει οϲ ελαμψεν εν ταιϲ καρδιαιϲ ημων προϲ φωτιϲμον τηϲ γνωϲεωϲ τηϲ δοξηϲ του θ̅υ̅ εν προϲωπω ι̅υ̅ χ̅υ̅", "εχομεν δε τον θηϲαυρον τουτον εν οϲτρακινοιϲ ϲκευεϲιν ινα η υπερβολη τηϲ δυναμεωϲ η του θ̅υ̅ και μη εξ ημων", "εν παντι θλιβομενοι αλλ ου ϲτενοχωρουμενοι απορουμενοι αλλ ουκ εξαπορουμενοι", "διωκομενοι αλλ ουκ εγκαταλειπομενοι καταβαλλομενοι αλλ ουκ απολλυμενοι", "παντοτε την νεκρωϲιν του ι̅υ̅ εν τω ϲωματι περιφεροντεϲ ινα και η ζωη του ι̅υ̅ εν τω ϲωματι ημων φανερωθη", "αει γαρ ημειϲ οι ζωντεϲ ειϲ θανατον παραδιδομεθα δια ι̅ν̅ ινα και η ζωη του ι̅υ̅ φανερωθη εν τη θνητη ϲαρκι ημων", "ωϲτε ο θανατοϲ εν ημιν ενεργειται η δε ζωη εν υμιν", "εχοντεϲ δε το αυτο π̅ν̅α̅ τηϲ πιϲτεωϲ κατα το γεγραμμενον επιϲτευϲα διο ελαληϲα και ημειϲ πιϲτευομεν διο και λαλουμεν", "ειδοτεϲ οτι ο εγειραϲ τον κ̅ν̅ ι̅ν̅ και ημαϲ ϲυν ι̅υ̅ εγερει και παραϲτηϲει ϲυν υμιν", "τα γαρ παντα δι υμαϲ ινα η χαριϲ πλεοναϲαϲα δια των πλειονων την ευχαριϲτιαν περιϲϲευϲη ειϲ την δοξαν του θ̅υ̅", "διο ουκ εγκακουμεν αλλ ει και ο εξω ημων ανθρωποϲ διαφθειρεται αλλ ο εϲω ημων ανακαινουται ημερα και ημερα", "το γαρ παραυτικα ελαφρον τηϲ θλιψεωϲ ημων καθ υπερβολην ειϲ υπερβολην αιωνιον βαροϲ δοξηϲ κατεργαζεται ημιν", "μη ϲκοπουντων ημων τα βλεπομενα αλλα τα μη βλεπομενα τα γαρ βλεπομενα προϲκαιρα τα δε μη βλεπομενα αιωνια" ], [ "οιδαμεν γαρ οτι εαν η επιγειοϲ ημων οικια του ϲκηνουϲ καταλυθη οικοδομην εκ θ̅υ̅ εχομεν οικιαν αχειροποιητον αιωνιον εν τοιϲ ουρανοιϲ", "και γαρ εν τουτω ϲτεναζομεν το οικητηριον ημων το εξ ουρανου επενδυϲαϲθαι επιποθουντεϲ", "ει γε και ενδυϲαμενοι ου γυμνοι ευρεθηϲομεθα", "και γαρ οι οντεϲ εν τω ϲκηνει ϲτεναζομεν βαρουμενοι εφ ω ου θελομεν εκδυϲαϲθαι αλλ επενδυϲαϲθαι ινα καταποθη το θνητον υπο τηϲ ζωηϲ", "ο δε κατεργαϲαμενοϲ ημαϲ ειϲ αυτο τουτο θ̅ϲ̅ ο δουϲ ημιν τον αρραβωνα του π̅ν̅ϲ̅", "θαρρουντεϲ ουν παντοτε και ειδοτεϲ οτι ενδημουντεϲ εν τω ϲωματι εκδημουμεν απο του κ̅υ̅", "δια πιϲτεωϲ γαρ περιπατουμεν ου δια ειδουϲ", "θαρρουμεν δε και ευδοκουμεν μαλλον εκδημηϲαι εκ του ϲωματοϲ και ενδημηϲαι προϲ τον κ̅ν̅", "διο και φιλοτιμουμεθα ειτε ενδημουντεϲ ειτε εκδημουντεϲ ευαρεϲτοι αυτω ειναι", "τουϲ γαρ πανταϲ ημαϲ φανερωθηναι δει εμπροϲθεν του βηματοϲ του χ̅υ̅ ινα κομιϲηται εκαϲτοϲ τα δια του ϲωματοϲ προϲ α επραξεν ειτε αγαθον ειτε φαυλον", "ειδοτεϲ ουν τον φοβον του κ̅υ̅ ανθρωπουϲ πειθομεν θ̅ω̅ δε πεφανερωμεθα ελπιζω δε και εν ταιϲ ϲυνειδηϲεϲιν υμων πεφανερωϲθαι", "ου παλιν εαυτουϲ ϲυνιϲτανομεν υμιν αλλα αφορμην διδοντεϲ υμιν καυχηματοϲ υπερ ημων ινα εχητε προϲ τουϲ εν προϲωπω καυχωμενουϲ και μη εν καρδια", "ειτε γαρ εξεϲτημεν θ̅ω̅ ειτε ϲωφρονουμεν υμιν", "η γαρ αγαπη του χ̅υ̅ ϲυνεχει ημαϲ κρινανταϲ τουτο οτι ειϲ υπερ παντων απεθανεν αρα οι παντεϲ απεθανον", "και υπερ παντων απεθανεν ινα οι ζωντεϲ μηκετι εαυτοιϲ ζωϲιν αλλα τω υπερ αυτων αποθανοντι και εγερθεντι", "ωϲτε ημειϲ απο του νυν ουδενα οιδαμεν κατα ϲαρκα ει και εγνωκαμεν κατα ϲαρκα χ̅ν̅ αλλα νυν ουκετι γινωϲκομεν", "ωϲτε ει τιϲ εν χ̅ω̅ καινη κτιϲιϲ τα αρχαια παρηλθεν ιδου γεγονεν καινα", "τα δε παντα εκ του θ̅υ̅ του καταλλαξαντοϲ ημαϲ εαυτω δια χ̅υ̅ και δοντοϲ ημιν την διακονιαν τηϲ καταλλαγηϲ", "ωϲ οτι θ̅ϲ̅ ην εν χ̅ω̅ κοϲμον καταλλαϲϲων εαυτω μη λογιζομενοϲ αυτοιϲ τα παραπτωματα αυτων και θεμενοϲ εν ημιν τον λογον τηϲ καταλλαγηϲ", "υπερ χ̅υ̅ ουν πρεϲβευομεν ωϲ του θ̅υ̅ παρακαλουντοϲ δι ημων δεομεθα υπερ χ̅υ̅ καταλλαγητε τω θ̅ω̅", "τον μη γνοντα αμαρτιαν υπερ ημων αμαρτιαν εποιηϲεν ινα ημειϲ γενωμεθα δικαιοϲυνη θ̅υ̅ εν αυτω" ], [ "συνεργουντεϲ δε και παρακαλουμεν μη ειϲ κενον την χαριν του θ̅υ̅ δεξαϲθαι υμαϲ", "λεγει γαρ καιρω δεκτω επηκουϲα ϲου και εν ημερα ϲωτηριαϲ εβοηθηϲα ϲοι ιδου νυν καιροϲ ευπροϲδεκτοϲ ιδου νυν ημερα ϲωτηριαϲ", "μηδεμιαν εν μηδενι διδοντεϲ προϲκοπην ινα μη μωμηθη η διακονια", "αλλ εν παντι ϲυνιϲταντεϲ εαυτουϲ ωϲ θ̅υ̅ διακονοι εν υπομονη πολλη εν θλιψεϲιν εν αναγκαιϲ εν ϲτενοχωριαιϲ", "εν πληγαιϲ εν φυλακαιϲ εν ακαταϲταϲιαιϲ εν κοποιϲ εν αγρυπνιαιϲ εν νηϲτειαιϲ", "εν αγνοτητι εν γνωϲει εν μακροθυμια εν χρηϲτοτητι εν π̅ν̅ι̅ αγιω εν αγαπη ανυποκριτω", "εν λογω αληθειαϲ εν δυναμει θ̅υ̅ δια των οπλων τηϲ δικαιοϲυνηϲ των δεξιων και αριϲτερων", "δια δοξηϲ και ατιμιαϲ δια δυϲφημιαϲ και ευφημιαϲ ωϲ πλανοι και αληθειϲ", "ωϲ αγνοουμενοι και επιγινωϲκομενοι ωϲ αποθνηϲκοντεϲ και ιδου ζωμεν ωϲ παιδευομενοι και μη θανατουμενοι", "ωϲ λυπουμενοι αει δε χαιροντεϲ ωϲ πτωχοι πολλουϲ δε πλουτιζοντεϲ ωϲ μηδεν εχοντεϲ και παντα κατεχοντεϲ", "το ϲτομα ημων ανεωγεν προϲ υμαϲ κορινθιοι η καρδια ημων πεπλατυνται", "ου ϲτενοχωρειϲθε εν ημιν ϲτενοχωρειϲθε δε εν τοιϲ ϲπλαγχνοιϲ υμων", "την δε αυτην αντιμιϲθιαν ωϲ τεκνοιϲ λεγω πλατυνθητε και υμειϲ", "μη γινεϲθε ετεροζυγουντεϲ απιϲτοιϲ τιϲ γαρ μετοχη δικαιοϲυνη και ανομια η τιϲ κοινωνια φωτι προϲ ϲκοτοϲ", "τιϲ δε ϲυμφωνηϲιϲ χ̅υ̅ προϲ βελιαρ η τιϲ μεριϲ πιϲτω μετα απιϲτου", "τιϲ δε ϲυνκαταθεϲιϲ ναω θ̅υ̅ μετα ειδωλων ημειϲ γαρ ναοϲ θ̅υ̅ εϲμεν ζωντοϲ καθωϲ ειπεν ο θ̅ϲ̅ οτι ενοικηϲω εν αυτοιϲ και εμπεριπατηϲω και εϲομαι αυτων θ̅ϲ̅ και αυτοι εϲονται μου λαοϲ", "διο εξελθατε εκ μεϲου αυτων και αφοριϲθητε λεγει κ̅ϲ̅ και ακαθαρτου μη απτεϲθε καγω ειϲδεξομαι υμαϲ", "και εϲομαι υμιν ειϲ πατερα και υμειϲ εϲεϲθε μοι ειϲ υιουϲ και θυγατεραϲ λεγει κ̅ϲ̅ παντοκρατωρ" ], [ "ταυταϲ ουν εχοντεϲ ταϲ επαγγελιαϲ αγαπητοι καθαριϲωμεν εαυτουϲ απο παντοϲ μολυϲμου ϲαρκοϲ και π̅ν̅ϲ̅ επιτελουντεϲ αγιωϲυνην εν φοβω θ̅υ̅", "χωρηϲατε ημαϲ ουδενα ηδικηϲαμεν ουδενα εφθειραμεν ουδενα επλεονεκτηϲαμεν", "προϲ κατακριϲιν ου λεγω προειρηκα γαρ οτι εν ταιϲ καρδιαιϲ ημων εϲτε ειϲ το ϲυναποθανειν και ϲυζην", "πολλη μοι παρρηϲια προϲ υμαϲ πολλη μοι καυχηϲιϲ υπερ υμων πεπληρωμαι τη παρακληϲει υπερπεριϲϲευομαι τη χαρα επι παϲη τη θλιψει ημων", "και γαρ ελθοντων ημων ειϲ μακεδονιαν ουδεμιαν εϲχηκεν ανεϲιν η ϲαρξ ημων αλλ εν παντι θλιβομενοι εξωθεν μαχαι εϲωθεν φοβοι", "αλλ ο παρακαλων τουϲ ταπεινουϲ παρεκαλεϲεν ημαϲ ο θ̅ϲ̅ εν τη παρουϲια τιτου", "ου μονον δε εν τη παρουϲια αυτου αλλα και εν τη παρακληϲει η παρεκληθη εφ υμιν αναγγελλων ημιν την υμων επιποθηϲιν τον υμων οδυρμον τον υμων ζηλον υπερ εμου ωϲτε με μαλλον χαρηναι", "οτι ει και ελυπηϲα υμαϲ εν τη επιϲτολη ου μεταμελομαι ει και μετεμελομην βλεπω γαρ οτι η επιϲτολη εκεινη ει και προϲ ωραν ελυπηϲεν υμαϲ", "νυν χαιρω ουχ οτι ελυπηθητε αλλ οτι ελυπηθητε ειϲ μετανοιαν ελυπηθητε γαρ κατα θ̅ν̅ ινα εν μηδενι ζημιωθητε εξ ημων", "η γαρ κατα θ̅ν̅ λυπη μετανοιαν ειϲ ϲωτηριαν αμεταμελητον εργαζεται η δε του κοϲμου λυπη θανατον κατεργαζεται", "ιδου γαρ αυτο τουτο το κατα θ̅ν̅ λυπηθηναι ποϲην κατειργαϲατο υμιν ϲπουδην αλλα απολογιαν αλλα αγανακτηϲιν αλλα φοβον αλλα επιποθηϲιν αλλα ζηλον αλλα εκδικηϲιν εν παντι ϲυνεϲτηϲατε εαυτουϲ αγνουϲ ειναι τω πραγματι", "αρα ει και εγραψα υμιν ουχ ενεκεν του αδικηϲαντοϲ ουδε ενεκεν του αδικηθεντοϲ αλλ ενεκεν του φανερωθηναι την ϲπουδην υμων την υπερ ημων προϲ υμαϲ ενωπιον του θ̅υ̅", "δια τουτο παρακεκλημεθα επι δε τη παρακληϲει ημων περιϲϲοτερωϲ μαλλον εχαρημεν επι τη χαρα τιτου οτι αναπεπαυται το π̅ν̅α̅ αυτου απο παντων υμων", "οτι ει τι αυτω υπερ υμων κεκαυχημαι ου κατηϲχυνθην αλλ ωϲ παντα εν αληθεια ελαληϲαμεν υμιν ουτωϲ και η καυχηϲιϲ ημων η επι τιτου αληθεια εγενηθη", "και τα ϲπλαγχνα αυτου περιϲϲοτερωϲ ειϲ υμαϲ εϲτιν αναμιμνηϲκομενου την παντων υμων υπακοην ωϲ μετα φοβου και τρομου εδεξαϲθε αυτον", "χαιρω οτι εν παντι θαρρω εν υμιν" ], [ "γνωριζομεν δε υμιν αδελφοι την χαριν του θ̅υ̅ την δεδομενην εν ταιϲ εκκληϲιαιϲ τηϲ μακεδονιαϲ", "οτι εν πολλη δοκιμη θλιψεωϲ η περιϲϲεια τηϲ χαραϲ αυτων και η κατα βαθουϲ πτωχεια αυτων επεριϲϲευϲεν ειϲ το πλουτοϲ τηϲ απλοτητοϲ αυτων", "οτι κατα δυναμιν μαρτυρω και παρα δυναμιν αυθαιρετοι", "μετα πολληϲ παρακληϲεωϲ δεομενοι ημων την χαριν και την κοινωνιαν τηϲ διακονιαϲ τηϲ ειϲ τουϲ αγιουϲ", "και ου καθωϲ ηλπιϲαμεν αλλ εαυτουϲ εδωκαν πρωτον τω κ̅ω̅ και ημιν δια θεληματοϲ θ̅υ̅", "ειϲ το παρακαλεϲαι ημαϲ τιτον ινα καθωϲ προενηρξατο ουτωϲ και επιτελεϲη ειϲ υμαϲ και την χαριν ταυτην", "αλλ ωϲπερ εν παντι περιϲϲευετε πιϲτει και λογω και γνωϲει και παϲη ϲπουδη και τη εξ ημων εν υμιν αγαπη ινα και εν ταυτη τη χαριτι περιϲϲευητε", "ου κατ επιταγην λεγω αλλα δια τηϲ ετερων ϲπουδηϲ και το τηϲ υμετεραϲ αγαπηϲ γνηϲιον δοκιμαζων", "γινωϲκετε γαρ την χαριν του κ̅υ̅ ημων ι̅υ̅ χ̅υ̅ οτι δι υμαϲ επτωχευϲεν πλουϲιοϲ ων ινα υμειϲ τη εκεινου πτωχεια πλουτηϲητε", "και γνωμην εν τουτω διδωμι τουτο γαρ υμιν ϲυμφερει οιτινεϲ ου μονον το ποιηϲαι αλλα και το θελειν προενηρξαϲθε απο περυϲι", "νυνι δε και το ποιηϲαι επιτελεϲατε οπωϲ καθαπερ η προθυμια του θελειν ουτωϲ και το επιτελεϲαι εκ του εχειν", "ει γαρ η προθυμια προκειται καθο εαν εχη ευπροϲδεκτοϲ ου καθο ουκ εχει", "ου γαρ ινα αλλοιϲ ανεϲιϲ υμιν θλιψιϲ αλλ εξ ιϲοτητοϲ", "εν τω νυν καιρω το υμων περιϲϲευμα ειϲ το εκεινων υϲτερημα ινα και το εκεινων περιϲϲευμα γενηται ειϲ το υμων υϲτερημα οπωϲ γενηται ιϲοτηϲ", "καθωϲ γεγραπται ο το πολυ ουκ επλεοναϲεν και ο το ολιγον ουκ ηλαττονηϲεν", "χαριϲ δε τω θ̅ω̅ τω διδοντι την αυτην ϲπουδην υπερ υμων εν τη καρδια τιτου", "οτι την μεν παρακληϲιν εδεξατο ϲπουδαιοτεροϲ δε υπαρχων αυθαιρετοϲ εξηλθεν προϲ υμαϲ", "συνεπεμψαμεν δε μετ αυτου τον αδελφον ου ο επαινοϲ εν τω ευαγγελιω δια παϲων των εκκληϲιων", "ου μονον δε αλλα και χειροτονηθειϲ υπο των εκκληϲιων ϲυνεκδημοϲ ημων ϲυν τη χαριτι ταυτη τη διακονουμενη υφ ημων προϲ την αυτου του κ̅υ̅ δοξαν και προθυμιαν ημων", "ϲτελλομενοι τουτο μη τιϲ ημαϲ μωμηϲηται εν τη αδροτητι ταυτη τη διακονουμενη υφ ημων", "προνοουμεν γαρ καλα ου μονον ενωπιον κ̅υ̅ αλλα και ενωπιον ανθρωπων", "συνεπεμψαμεν δε αυτοιϲ τον αδελφον ημων ον εδοκιμαϲαμεν εν πολλοιϲ πολλακιϲ ϲπουδαιον οντα νυνι δε πολυ ϲπουδαιοτερον πεποιθηϲει πολλη τη ειϲ υμαϲ", "ειτε υπερ τιτου κοινωνοϲ εμοϲ και ειϲ υμαϲ ϲυνεργοϲ ειτε αδελφοι ημων αποϲτολοι εκκληϲιων δοξα χ̅υ̅", "την ουν ενδειξιν τηϲ αγαπηϲ υμων και ημων καυχηϲεωϲ υπερ υμων ειϲ αυτουϲ ενδεικνυμενοι ειϲ προϲωπον των εκκληϲιων" ], [ "περι μεν γαρ τηϲ διακονιαϲ τηϲ ειϲ τουϲ αγιουϲ περιϲϲον μοι εϲτιν το γραφειν υμιν", "οιδα γαρ την προθυμιαν υμων ην υπερ υμων καυχωμαι μακεδοϲιν οτι αχαια παρεϲκευαϲται απο περυϲι και το υμων ζηλοϲ ηρεθιϲεν τουϲ πλειοναϲ", "επεμψα δε τουϲ αδελφουϲ ινα μη το καυχημα ημων το υπερ υμων κενωθη εν τω μερει τουτω ινα καθωϲ ελεγον παρεϲκευαϲμενοι ητε", "μη πωϲ εαν ελθωϲιν ϲυν εμοι μακεδονεϲ και ευρωϲιν υμαϲ απαραϲκευαϲτουϲ καταιϲχυνθωμεν ημειϲ ινα μη λεγωμεν υμειϲ εν τη υποϲταϲει ταυτη", "αναγκαιον ουν ηγηϲαμην παρακαλεϲαι τουϲ αδελφουϲ ινα προελθωϲιν ειϲ υμαϲ και προκαταρτιϲωϲιν την προεπηγγελμενην ευλογιαν υμων ταυτην ετοιμην ειναι ουτωϲ ωϲ ευλογιαν και μη ωϲ πλεονεξιαν", "τουτο δε ο ϲπειρων φειδομενωϲ φειδομενωϲ και θεριϲει και ο ϲπειρων επ ευλογιαιϲ επ ευλογιαιϲ και θεριϲει", "εκαϲτοϲ καθωϲ προηρηται τη καρδια μη εκ λυπηϲ η εξ αναγκηϲ ιλαρον γαρ δοτην αγαπα ο θ̅ϲ̅", "δυνατει δε ο θ̅ϲ̅ παϲαν χαριν περιϲϲευϲαι ειϲ υμαϲ ινα εν παντι παντοτε παϲαν αυταρκειαν εχοντεϲ περιϲϲευητε ειϲ παν εργον αγαθον", "καθωϲ γεγραπται εϲκορπιϲεν εδωκεν τοιϲ πενηϲιν η δικαιοϲυνη αυτου μενει ειϲ τον αιωνα", "ο δε επιχορηγων ϲπορον τω ϲπειροντι και αρτον ειϲ βρωϲιν χορηγηϲει και πληθυνει τον ϲπορον υμων και αυξηϲει τα γενηματα τηϲ δικαιοϲυνηϲ υμων", "εν παντι πλουτιζομενοι ειϲ παϲαν απλοτητα ητιϲ κατεργαζεται δι ημων ευχαριϲτιαν τω θ̅ω̅", "οτι η διακονια τηϲ λειτουργιαϲ ταυτηϲ ου μονον εϲτιν προϲαναπληρουϲα τα υϲτερηματα των αγιων αλλα και περιϲϲευουϲα δια πολλων ευχαριϲτιων τω θ̅ω̅", "δια τηϲ δοκιμηϲ τηϲ διακονιαϲ ταυτηϲ δοξαζοντεϲ τον θ̅ν̅ επι τη υποταγη τηϲ ομολογιαϲ υμων ειϲ το ευαγγελιον του χ̅υ̅ και απλοτητι τηϲ κοινωνιαϲ ειϲ αυτουϲ και ειϲ πανταϲ", "και αυτων δεηϲει υπερ υμων επιποθουντων υμαϲ δια την υπερβαλλουϲαν χαριν του θ̅υ̅ εφ υμιν", "χαριϲ τω θ̅ω̅ επι τη ανεκδιηγητω αυτου δωρεα" ], [ "αυτοϲ δε εγω παυλοϲ παρακαλω υμαϲ δια τηϲ πραυτητοϲ και επιεικειαϲ του χ̅υ̅ οϲ κατα προϲωπον μεν ταπεινοϲ εν υμιν απων δε θαρρω ειϲ υμαϲ", "δεομαι δε το μη παρων θαρρηϲαι τη πεποιθηϲει η λογιζομαι τολμηϲαι επι τιναϲ τουϲ λογιζομενουϲ ημαϲ ωϲ κατα ϲαρκα περιπατουνταϲ", "εν ϲαρκι γαρ περιπατουντεϲ ου κατα ϲαρκα ϲτρατευομεθα", "τα γαρ οπλα τηϲ ϲτρατειαϲ ημων ου ϲαρκικα αλλα δυνατα τω θ̅ω̅ προϲ καθαιρεϲιν οχυρωματων λογιϲμουϲ καθαιρουντεϲ", "και παν υψωμα επαιρομενον κατα τηϲ γνωϲεωϲ του θ̅υ̅ και αιχμαλωτιζοντεϲ παν νοημα ειϲ την υπακοην του χ̅υ̅", "και εν ετοιμω εχοντεϲ εκδικηϲαι παϲαν παρακοην οταν πληρωθη υμων η υπακοη", "τα κατα προϲωπον βλεπετε ει τιϲ πεποιθεν εαυτω χ̅υ̅ ειναι τουτο λογιζεϲθω παλιν εφ εαυτου οτι καθωϲ αυτοϲ χ̅υ̅ ουτωϲ και ημειϲ", "εαν τε γαρ περιϲϲοτερον τι καυχηϲωμαι περι τηϲ εξουϲιαϲ ημων ηϲ εδωκεν ο κ̅ϲ̅ ειϲ οικοδομην και ουκ ειϲ καθαιρεϲιν υμων ουκ αιϲχυνθηϲομαι", "ινα μη δοξω ωϲ αν εκφοβειν υμαϲ δια των επιϲτολων", "οτι αι επιϲτολαι μεν φηϲιν βαρειαι και ιϲχυραι η δε παρουϲια του ϲωματοϲ αϲθενηϲ και ο λογοϲ εξουθενημενοϲ", "τουτο λογιζεϲθω ο τοιουτοϲ οτι οιοι εϲμεν τω λογω δι επιϲτολων αποντεϲ τοιουτοι και παροντεϲ τω εργω", "ου γαρ τολμωμεν ενκριναι η ϲυνκριναι εαυτουϲ τιϲιν των εαυτουϲ ϲυνιϲτανοντων αλλα αυτοι εν εαυτοιϲ εαυτουϲ μετρουντεϲ και ϲυνκρινοντεϲ εαυτουϲ εαυτοιϲ ου ϲυνιαϲιν", "ημειϲ δε ουκ ειϲ τα αμετρα καυχηϲομεθα αλλα κατα το μετρον του κανονοϲ ου εμεριϲεν ημιν ο θ̅ϲ̅ μετρου εφικεϲθαι αχρι και υμων", "ου γαρ ωϲ μη εφικνουμενοι ειϲ υμαϲ υπερεκτεινομεν εαυτουϲ αχρι γαρ και υμων εφθαϲαμεν εν τω ευαγγελιω του χ̅υ̅", "ουκ ειϲ τα αμετρα καυχωμενοι εν αλλοτριοιϲ κοποιϲ ελπιδα δε εχοντεϲ αυξανομενηϲ τηϲ πιϲτεωϲ υμων εν υμιν μεγαλυνθηναι κατα τον κανονα ημων ειϲ περιϲϲειαν", "ειϲ τα υπερεκεινα υμων ευαγγελιϲαϲθαι ουκ εν αλλοτριω κανονι ειϲ τα ετοιμα καυχηϲαϲθαι", "ο δε καυχωμενοϲ εν κ̅ω̅ καυχαϲθω", "ου γαρ ο εαυτον ϲυνιϲτανων εκεινοϲ εϲτιν δοκιμοϲ αλλα ον ο κ̅ϲ̅ ϲυνιϲτηϲιν" ], [ "οφελον ανειχεϲθε μου μικρον τι αφροϲυνηϲ αλλα και ανεχεϲθε μου", "ζηλω γαρ υμαϲ θ̅υ̅ ζηλω ηρμοϲαμην γαρ υμαϲ ενι ανδρι παρθενον αγνην παραϲτηϲαι τω χ̅ω̅", "φοβουμαι δε μη πωϲ ωϲ ο οφιϲ εξηπατηϲεν ευαν εν τη πανουργια αυτου φθαρη τα νοηματα υμων απο τηϲ απλοτητοϲ και τηϲ αγνοτητοϲ τηϲ ειϲ τον χ̅ν̅", "ει μεν γαρ ο ερχομενοϲ αλλον ι̅ν̅ κηρυϲϲει ον ουκ εκηρυξαμεν η π̅ν̅α̅ ετερον λαμβανετε ο ουκ ελαβετε η ευαγγελιον ετερον ο ουκ εδεξαϲθε καλωϲ ανεχεϲθε", "λογιζομαι γαρ μηδεν υϲτερηκεναι των υπερλιαν αποϲτολων", "ει δε και ιδιωτηϲ τω λογω αλλ ου τη γνωϲει αλλ εν παντι φανερωϲαντεϲ εν παϲιν ειϲ υμαϲ", "η αμαρτιαν εποιηϲα εμαυτον ταπεινων ινα υμειϲ υψωθητε οτι δωρεαν το του θ̅υ̅ ευαγγελιον ευηγγελιϲαμην υμιν", "αλλαϲ εκκληϲιαϲ εϲυληϲα λαβων οψωνιον προϲ την υμων διακονιαν", "και παρων προϲ υμαϲ και υϲτερηθειϲ ου κατεναρκηϲα ουθενοϲ το γαρ υϲτερημα μου προϲανεπληρωϲαν οι αδελφοι ελθοντεϲ απο μακεδονιαϲ και εν παντι αβαρη εμαυτον υμιν ετηρηϲα και τηρηϲω", "εϲτιν αληθεια χ̅υ̅ εν εμοι οτι η καυχηϲιϲ αυτη ου φραγηϲεται ειϲ εμε εν τοιϲ κλιμαϲιν τηϲ αχαιαϲ", "δια τι οτι ουκ αγαπω υμαϲ ο θ̅ϲ̅ οιδεν", "ο δε ποιω και ποιηϲω ινα εκκοψω την αφορμην των θελοντων αφορμην ινα εν ω καυχωνται ευρεθωϲιν καθωϲ και ημειϲ", "οι γαρ τοιουτοι ψευδαποϲτολοι εργαται δολιοι μεταϲχηματιζομενοι ειϲ αποϲτολουϲ χ̅υ̅", "και ου θαυμα αυτοϲ γαρ ο σαταναϲ μεταϲχηματιζεται ειϲ αγγελον φωτοϲ", "ου μεγα ουν ει και οι διακονοι αυτου μεταϲχηματιζονται ωϲ διακονοι δικαιοϲυνηϲ ων το τελοϲ εϲται κατα τα εργα αυτων", "παλιν λεγω μη τιϲ με δοξη αφρονα ειναι ει δε μη γε καν ωϲ αφρονα δεξαϲθε με ινα καγω μικρον τι καυχηϲωμαι", "ο λαλω ου κατα κ̅ν̅ λαλω αλλ ωϲ εν αφροϲυνη εν ταυτη τη υποϲταϲει τηϲ καυχηϲεωϲ", "επει πολλοι καυχωνται κατα ϲαρκα καγω καυχηϲομαι", "ηδεωϲ γαρ ανεχεϲθε των αφρονων φρονιμοι οντεϲ", "ανεχεϲθε γαρ ει τιϲ υμαϲ καταδουλοι ει τιϲ κατεϲθιει ει τιϲ λαμβανει ει τιϲ επαιρεται ει τιϲ ειϲ προϲωπον υμαϲ δερει", "κατα ατιμιαν λεγω ωϲ οτι ημειϲ ηϲθενηκαμεν εν ω δ αν τιϲ τολμα εν αφροϲυνη λεγω τολμω καγω", "εβραιοι ειϲιν καγω ιϲραηλιται ειϲιν καγω ϲπερμα αβρααμ ειϲιν καγω", "διακονοι χ̅υ̅ ειϲιν παραφρονων λαλω υπερ εγω εν κοποιϲ περιϲϲοτερωϲ εν φυλακαιϲ περιϲϲοτερωϲ εν πληγαιϲ υπερβαλλοντωϲ εν θανατοιϲ πολλακιϲ", "υπο ιουδαιων πεντακιϲ τεϲϲερακοντα παρα μιαν ελαβον", "τριϲ εραβδιϲθην απαξ ελιθαϲθην τριϲ εναυαγηϲα νυχθημερον εν τω βυθω πεποιηκα", "οδοιποριαιϲ πολλακιϲ κινδυνοιϲ ποταμων κινδυνοιϲ ληϲτων κινδυνοιϲ εκ γενουϲ κινδυνοιϲ εξ εθνων κινδυνοιϲ εν πολει κινδυνοιϲ εν ερημια κινδυνοιϲ εν θαλαϲϲη κινδυνοιϲ εν ψευδαδελφοιϲ", "κοπω και μοχθω εν αγρυπνιαιϲ πολλακιϲ εν λιμω και διψει εν νηϲτειαιϲ πολλακιϲ εν ψυχει και γυμνοτητι", "χωριϲ των παρεκτοϲ η επιϲταϲιϲ μοι η καθ ημεραν η μεριμνα παϲων των εκκληϲιων", "τιϲ αϲθενει και ουκ αϲθενω τιϲ ϲκανδαλιζεται και ουκ εγω πυρουμαι", "ει καυχαϲθαι δει τα τηϲ αϲθενειαϲ μου καυχηϲομαι", "ο θ̅ϲ̅ και πατηρ του κ̅υ̅ ι̅υ̅ οιδεν ο ων ευλογητοϲ ειϲ τουϲ αιωναϲ οτι ου ψευδομαι", "εν δαμαϲκω ο εθναρχηϲ αρετα του βαϲιλεωϲ εφρουρει την πολιν δαμαϲκηνων πιαϲαι με", "και δια θυριδοϲ εν ϲαργανη εχαλαϲθην δια του τειχουϲ και εξεφυγον ταϲ χειραϲ αυτου" ], [ "καυχαϲθαι δει ου ϲυμφερον μεν ελευϲομαι δε ειϲ οπταϲιαϲ και αποκαλυψειϲ κ̅υ̅", "οιδα ανθρωπον εν χ̅ω̅ προ ετων δεκατεϲϲαρων ειτε εν ϲωματι ουκ οιδα ειτε εκτοϲ του ϲωματοϲ ουκ οιδα ο θ̅ϲ̅ οιδεν αρπαγεντα τον τοιουτον εωϲ τριτου ουρανου", "και οιδα τον τοιουτον ανθρωπον ειτε εν ϲωματι ειτε χωριϲ του ϲωματοϲ ουκ οιδα ο θ̅ϲ̅ οιδεν", "οτι ηρπαγη ειϲ τον παραδειϲον και ηκουϲεν αρρητα ρηματα α ουκ εξον ανθρωπω λαληϲαι", "υπερ του τοιουτου καυχηϲομαι υπερ δε εμαυτου ου καυχηϲομαι ει μη εν ταιϲ αϲθενειαιϲ", "εαν γαρ θεληϲω καυχηϲαϲθαι ουκ εϲομαι αφρων αληθειαν γαρ ερω φειδομαι δε μη τιϲ ειϲ εμε λογιϲηται υπερ ο βλεπει με η ακουει τι εξ εμου", "και τη υπερβολη των αποκαλυψεων διο ινα μη υπεραιρωμαι εδοθη μοι ϲκολοψ τη ϲαρκι αγγελοϲ σατανα ινα με κολαφιζη ινα μη υπεραιρωμαι", "υπερ τουτου τριϲ τον κ̅ν̅ παρεκαλεϲα ινα αποϲτη απ εμου", "και ειρηκεν μοι αρκει ϲοι η χαριϲ μου η γαρ δυναμιϲ εν αϲθενεια τελειται ηδιϲτα ουν μαλλον καυχηϲομαι εν ταιϲ αϲθενειαιϲ μου ινα επιϲκηνωϲη επ εμε η δυναμιϲ του χ̅υ̅", "διο ευδοκω εν αϲθενειαιϲ εν υβρεϲιν εν αναγκαιϲ εν διωγμοιϲ και ϲτενοχωριαιϲ υπερ χ̅υ̅ οταν γαρ αϲθενω τοτε δυνατοϲ ειμι", "γεγονα αφρων υμειϲ με ηναγκαϲατε εγω γαρ ωφειλον υφ υμων ϲυνιϲταϲθαι ουδεν γαρ υϲτερηϲα των υπερλιαν αποϲτολων ει και ουδεν ειμι", "τα μεν ϲημεια του αποϲτολου κατειργαϲθη εν υμιν εν παϲη υπομονη ϲημειοιϲ τε και τεραϲιν και δυναμεϲιν", "τι γαρ εϲτιν ο ηϲϲωθητε υπερ ταϲ λοιπαϲ εκκληϲιαϲ ει μη οτι αυτοϲ εγω ου κατεναρκηϲα υμων χαριϲαϲθε μοι την αδικιαν ταυτην", "ιδου τριτον τουτο ετοιμωϲ εχω ελθειν προϲ υμαϲ και ου καταναρκηϲω ου γαρ ζητω τα υμων αλλα υμαϲ ου γαρ οφειλει τα τεκνα τοιϲ γονευϲιν θηϲαυριζειν αλλα οι γονειϲ τοιϲ τεκνοιϲ", "εγω δε ηδιϲτα δαπανηϲω και εκδαπανηθηϲομαι υπερ των ψυχων υμων ει περιϲϲοτερωϲ υμαϲ αγαπων ηϲϲον αγαπωμαι", "εϲτω δε εγω ου κατεβαρηϲα υμαϲ αλλα υπαρχων πανουργοϲ δολω υμαϲ ελαβον", "μη τινα ων απεϲταλκα προϲ υμαϲ δι αυτου επλεονεκτηϲα υμαϲ", "παρεκαλεϲα τιτον και ϲυναπεϲτειλα τον αδελφον μητι επλεονεκτηϲεν υμαϲ τιτοϲ ου τω αυτω π̅ν̅ι̅ περιεπατηϲαμεν ου τοιϲ αυτοιϲ ιχνεϲιν", "παλαι δοκειτε οτι υμιν απολογουμεθα κατεναντι θ̅υ̅ εν χ̅ω̅ λαλουμεν τα δε παντα αγαπητοι υπερ τηϲ υμων οικοδομηϲ", "φοβουμαι γαρ μη πωϲ ελθων ουχ οιουϲ θελω ευρω υμαϲ καγω ευρεθω υμιν οιον ου θελετε μη πωϲ εριϲ ζηλοϲ θυμοι εριθειαι καταλαλιαι ψιθυριϲμοι φυϲιωϲειϲ ακαταϲταϲιαι", "μη παλιν ελθοντοϲ μου ταπεινωϲη με ο θ̅ϲ̅ μου προϲ υμαϲ και πενθηϲω πολλουϲ των προημαρτηκοτων και μη μετανοηϲαντων επι τη ακαθαρϲια και πορνεια και αϲελγεια η επραξαν" ], [ "τριτον τουτο ερχομαι προϲ υμαϲ επι ϲτοματοϲ δυο μαρτυρων και τριων ϲταθηϲεται παν ρημα", "προειρηκα και προλεγω ωϲ παρων το δευτερον και απων νυν τοιϲ προημαρτηκοϲιν και τοιϲ λοιποιϲ παϲιν οτι εαν ελθω ειϲ το παλιν ου φειϲομαι", "επει δοκιμην ζητειτε του εν εμοι λαλουντοϲ χ̅υ̅ οϲ ειϲ υμαϲ ουκ αϲθενει αλλα δυνατει εν υμιν", "και γαρ εϲταυρωθη εξ αϲθενειαϲ αλλα ζη εκ δυναμεωϲ θ̅υ̅ και γαρ ημειϲ αϲθενουμεν εν αυτω αλλα ζηϲομεν ϲυν αυτω εκ δυναμεωϲ θ̅υ̅ ειϲ υμαϲ", "εαυτουϲ πειραζετε ει εϲτε εν τη πιϲτει εαυτουϲ δοκιμαζετε η ουκ επιγινωϲκετε εαυτουϲ οτι ι̅ϲ̅ χ̅ϲ̅ εν υμιν ει μητι αδοκιμοι εϲτε", "ελπιζω δε οτι γνωϲεϲθε οτι ημειϲ ουκ εϲμεν αδοκιμοι", "ευχομεθα δε προϲ τον θ̅ν̅ μη ποιηϲαι υμαϲ κακον μηδεν ουχ ινα ημειϲ δοκιμοι φανωμεν αλλ ινα υμειϲ το καλον ποιητε ημειϲ δε ωϲ αδοκιμοι ωμεν", "ου γαρ δυναμεθα τι κατα τηϲ αληθειαϲ αλλα υπερ τηϲ αληθειαϲ", "χαιρομεν γαρ οταν ημειϲ αϲθενωμεν υμειϲ δε δυνατοι ητε τουτο και ευχομεθα την υμων καταρτιϲιν", "δια τουτο ταυτα απων γραφω ινα παρων μη αποτομωϲ χρηϲωμαι κατα την εξουϲιαν ην ο κ̅ϲ̅ εδωκεν μοι ειϲ οικοδομην και ουκ ειϲ καθαιρεϲιν", "λοιπον αδελφοι χαιρετε καταρτιζεϲθε παρακαλειϲθε το αυτο φρονειτε ειρηνευετε και ο θ̅ϲ̅ τηϲ αγαπηϲ και ειρηνηϲ εϲται μεθ υμων", "αϲπαϲαϲθε αλληλουϲ εν αγιω φιληματι αϲπαζονται υμαϲ οι αγιοι παντεϲ", "η χαριϲ του κ̅υ̅ ι̅υ̅ χ̅υ̅ και η αγαπη του θ̅υ̅ και η κοινωνια του αγιου π̅ν̅ϲ̅ μετα παντων υμων" ] ] }