{ "status": "locked", "versionTitle": "New Testament", "sectionNames": [ "Chapter", "Verse" ], "license": "Public Domain", "language": "el", "title": "Galatians", "licenseVetted": true, "text": [ [ "παυλοϲ αποϲτολοϲ ουκ απ ανθρωπων ουδε δι ανθρωπου αλλα δια ι̅υ̅ χ̅υ̅ και θ̅υ̅ πατροϲ του εγειραντοϲ αυτον εκ νεκρων", "και οι ϲυν εμοι παντεϲ αδελφοι ταιϲ εκκληϲιαιϲ τηϲ γαλατιαϲ", "χαριϲ υμιν και ειρηνη απο θ̅υ̅ πατροϲ ημων και κ̅υ̅ ι̅υ̅ χ̅υ̅", "του δοντοϲ εαυτον υπερ των αμαρτιων ημων οπωϲ εξεληται ημαϲ εκ του αιωνοϲ του ενεϲτωτοϲ πονηρου κατα το θελημα του θ̅υ̅ και πατροϲ ημων", "ω η δοξα ειϲ τουϲ αιωναϲ των αιωνων αμην", "θαυμαζω οτι ουτωϲ ταχεωϲ μετατιθεϲθε απο του καλεϲαντοϲ υμαϲ εν χαριτι χ̅υ̅ ειϲ ετερον ευαγγελιον", "ο ουκ εϲτιν αλλο ει μη τινεϲ ειϲιν οι ταραϲϲοντεϲ υμαϲ και θελοντεϲ μεταϲτρεψαι το ευαγγελιον του χ̅υ̅", "αλλα και εαν ημειϲ η αγγελοϲ εξ ουρανου ευαγγελιζηται υμιν παρ ο ευηγγελιϲαμεθα υμιν αναθεμα εϲτω", "ωϲ προειρηκαμεν και αρτι παλιν λεγω ει τιϲ υμαϲ ευαγγελιζεται παρ ο παρελαβετε αναθεμα εϲτω", "αρτι γαρ ανθρωπουϲ πειθω η τον θ̅ν̅ η ζητω ανθρωποιϲ αρεϲκειν ει ετι ανθρωποιϲ ηρεϲκον χ̅υ̅ δουλοϲ ουκ αν ημην", "γνωριζω γαρ υμιν αδελφοι το ευαγγελιον το ευαγγελιϲθεν υπ εμου οτι ουκ εϲτιν κατα ανθρωπον", "ουδε γαρ εγω παρα ανθρωπου παρελαβον αυτο ουτε εδιδαχθην αλλα δι αποκαλυψεωϲ ι̅υ̅ χ̅υ̅", "ηκουϲατε γαρ την εμην αναϲτροφην ποτε εν τω ιουδαιϲμω οτι καθ υπερβολην εδιωκον την εκκληϲιαν του θ̅υ̅ και επορθουν αυτην", "και προεκοπτον εν τω ιουδαιϲμω υπερ πολλουϲ ϲυνηλικιωταϲ εν τω γενει μου περιϲϲοτερωϲ ζηλωτηϲ υπαρχων των πατρικων μου παραδοϲεων", "οτε δε ευδοκηϲεν ο θ̅ϲ̅ ο αφοριϲαϲ με εκ κοιλιαϲ μητροϲ μου και καλεϲαϲ δια τηϲ χαριτοϲ αυτου", "αποκαλυψαι τον υιον αυτου εν εμοι ινα ευαγγελιζωμαι αυτον εν τοιϲ εθνεϲιν ευθεωϲ ου προϲανεθεμην ϲαρκι και αιματι", "ουδε ανηλθον ειϲ ιεροϲολυμα προϲ τουϲ προ εμου αποϲτολουϲ αλλα απηλθον ειϲ αραβιαν και παλιν υπεϲτρεψα ειϲ δαμαϲκον", "επειτα μετα ετη τρια ανηλθον ειϲ ιεροϲολυμα ιϲτορηϲαι κηφαν και επεμεινα προϲ αυτον ημεραϲ δεκαπεντε", "ετερον δε των αποϲτολων ουκ ειδον ει μη ιακωβον τον αδελφον του κ̅υ̅", "α δε γραφω υμιν ιδου ενωπιον του θ̅υ̅ οτι ου ψευδομαι", "επειτα ηλθον ειϲ τα κλιματα τηϲ συριαϲ και τηϲ κιλικιαϲ", "ημην δε αγνοουμενοϲ τω προϲωπω ταιϲ εκκληϲιαιϲ τηϲ ιουδαιαϲ ταιϲ εν χ̅ω̅", "μονον δε ακουοντεϲ ηϲαν οτι ο διωκων ημαϲ ποτε νυν ευαγγελιζεται την πιϲτιν ην ποτε επορθει", "και εδοξαζον εν εμοι τον θ̅ν̅" ], [ "επειτα δια δεκατεϲϲαρων ετων παλιν ανεβην ειϲ ιεροϲολυμα μετα βαρναβα ϲυμπαραλαβων και τιτον", "ανεβην δε κατα αποκαλυψιν και ανεθεμην αυτοιϲ το ευαγγελιον ο κηρυϲϲω εν τοιϲ εθνεϲιν κατ ιδιαν δε τοιϲ δοκουϲιν μη πωϲ ειϲ κενον τρεχω η εδραμον", "αλλ ουδε τιτοϲ ο ϲυν εμοι ελλην ων ηναγκαϲθη περιτμηθηναι", "δια δε τουϲ παρειϲακτουϲ ψευδαδελφουϲ οιτινεϲ παρειϲηλθον καταϲκοπηϲαι την ελευθεριαν ημων ην εχομεν εν χ̅ω̅ ι̅υ̅ ινα ημαϲ καταδουλωϲουϲιν", "οιϲ ουδε προϲ ωραν ειξαμεν τη υποταγη ινα η αληθεια του ευαγγελιου διαμεινη προϲ υμαϲ", "απο δε των δοκουντων ειναι τι οποιοι ποτε ηϲαν ουδεν μοι διαφερει προϲωπον ο θ̅ϲ̅ ανθρωπου ου λαμβανει εμοι γαρ οι δοκουντεϲ ουδεν προϲανεθεντο", "αλλα τουναντιον ιδοντεϲ οτι πεπιϲτευμαι το ευαγγελιον τηϲ ακροβυϲτιαϲ καθωϲ πετροϲ τηϲ περιτομηϲ", "ο γαρ ενεργηϲαϲ πετρω ειϲ αποϲτολην τηϲ περιτομηϲ ενηργηϲεν και εμοι ειϲ τα εθνη", "και γνοντεϲ την χαριν την δοθειϲαν μοι ιακωβοϲ και κηφαϲ και ιωαννηϲ οι δοκουντεϲ ϲτυλοι ειναι δεξιαϲ εδωκαν εμοι και βαρναβα κοινωνιαϲ ινα ημειϲ ειϲ τα εθνη αυτοι δε ειϲ την περιτομην", "μονον των πτωχων ινα μνημονευωμεν ο και εϲπουδαϲα αυτο τουτο ποιηϲαι", "οτε δε ηλθεν κηφαϲ ειϲ αντιοχειαν κατα προϲωπον αυτω αντεϲτην οτι κατεγνωϲμενοϲ ην", "προ του γαρ ελθειν τιναϲ απο ιακωβου μετα των εθνων ϲυνηϲθιεν οτε δε ηλθον υπεϲτελλεν και αφωριζεν εαυτον φοβουμενοϲ τουϲ εκ περιτομηϲ", "και ϲυνυπεκριθηϲαν αυτω και οι λοιποι ιουδαιοι ωϲτε και βαρναβαϲ ϲυναπηχθη αυτων τη υποκριϲει", "αλλ οτε ειδον οτι ουκ ορθοποδουϲιν προϲ την αληθειαν του ευαγγελιου ειπον τω κηφα εμπροϲθεν παντων ει ϲυ ιουδαιοϲ υπαρχων εθνικωϲ και ουκ ιουδαικωϲ ζηϲ πωϲ τα εθνη αναγκαζειϲ ιουδαιζειν", "ημειϲ φυϲει ιουδαιοι και ουκ εξ εθνων αμαρτωλοι", "ειδοτεϲ δε οτι ου δικαιουται ανθρωποϲ εξ εργων νομου εαν μη δια πιϲτεωϲ ι̅υ̅ χ̅υ̅ και ημειϲ ειϲ χ̅ν̅ ι̅ν̅ επιϲτευϲαμεν ινα δικαιωθωμεν εκ πιϲτεωϲ χ̅υ̅ και ουκ εξ εργων νομου οτι εξ εργων νομου ου δικαιωθηϲεται παϲα ϲαρξ", "ει δε ζητουντεϲ δικαιωθηναι εν χ̅ω̅ ευρεθημεν και αυτοι αμαρτωλοι αρα χ̅ϲ̅ αμαρτιαϲ διακονοϲ μη γενοιτο", "ει γαρ α κατελυϲα ταυτα παλιν οικοδομω παραβατην εμαυτον ϲυνιϲτανω", "εγω γαρ δια νομου νομω απεθανον ινα θ̅ω̅ ζηϲω χ̅ω̅ ϲυνεϲταυρωμαι", "ζω δε ουκετι εγω ζη δε εν εμοι χ̅ϲ̅ ο δε νυν ζω εν ϲαρκι εν πιϲτει ζω τη του υιου του θ̅υ̅ του αγαπηϲαντοϲ με και παραδοντοϲ εαυτον υπερ εμου", "ουκ αθετω την χαριν του θ̅υ̅ ει γαρ δια νομου δικαιοϲυνη αρα χ̅ϲ̅ δωρεαν απεθανεν" ], [ "ω ανοητοι γαλαται τιϲ υμαϲ εβαϲκανεν οιϲ κατ οφθαλμουϲ ι̅ϲ̅ χ̅ϲ̅ προεγραφη εϲταυρωμενοϲ", "τουτο μονον θελω μαθειν αφ υμων εξ εργων νομου το π̅ν̅α̅ ελαβετε η εξ ακοηϲ πιϲτεωϲ", "ουτωϲ ανοητοι εϲτε εναρξαμενοι π̅ν̅ι̅ νυν ϲαρκι επιτελειϲθε", "τοϲαυτα επαθετε εικη ει γε και εικη", "ο ουν επιχορηγων υμιν το π̅ν̅α̅ και ενεργων δυναμειϲ εν υμιν εξ εργων νομου η εξ ακοηϲ πιϲτεωϲ", "καθωϲ αβρααμ επιϲτευϲεν τω θ̅ω̅ και ελογιϲθη αυτω ειϲ δικαιοϲυνην", "γινωϲκετε αρα οτι οι εκ πιϲτεωϲ ουτοι υιοι ειϲιν αβρααμ", "προιδουϲα δε η γραφη οτι εκ πιϲτεωϲ δικαιοι τα εθνη ο θ̅ϲ̅ προευηγγελιϲατο τω αβρααμ οτι ενευλογηθηϲονται εν ϲοι παντα τα εθνη", "ωϲτε οι εκ πιϲτεωϲ ευλογουνται ϲυν τω πιϲτω αβρααμ", "οϲοι γαρ εξ εργων νομου ειϲιν υπο καταραν ειϲιν γεγραπται γαρ οτι επικαταρατοϲ παϲ οϲ ουκ εμμενει παϲιν τοιϲ γεγραμμενοιϲ εν τω βιβλιω του νομου του ποιηϲαι αυτα", "οτι δε εν νομω ουδειϲ δικαιουται παρα τω θ̅ω̅ δηλον οτι ο δικαιοϲ εκ πιϲτεωϲ ζηϲεται", "ο δε νομοϲ ουκ εϲτιν εκ πιϲτεωϲ αλλ ο ποιηϲαϲ αυτα ζηϲεται εν αυτοιϲ", "χ̅ϲ̅ ημαϲ εξηγοραϲεν εκ τηϲ καταραϲ του νομου γενομενοϲ υπερ ημων καταρα οτι γεγραπται επικαταρατοϲ παϲ ο κρεμαμενοϲ επι ξυλου", "ινα ειϲ τα εθνη η ευλογια του αβρααμ γενηται εν χ̅ω̅ ι̅υ̅ ινα την επαγγελιαν του π̅ν̅ϲ̅ λαβωμεν δια τηϲ πιϲτεωϲ", "αδελφοι κατα ανθρωπον λεγω ομωϲ ανθρωπου κεκυρωμενην διαθηκην ουδειϲ αθετει η επιδιαταϲϲεται", "τω δε αβρααμ ερρεθηϲαν αι επαγγελιαι και τω ϲπερματι αυτου ου λεγει και τοιϲ ϲπερμαϲιν ωϲ επι πολλων αλλ ωϲ εφ ενοϲ και τω ϲπερματι ϲου οϲ εϲτιν χ̅ϲ̅", "τουτο δε λεγω διαθηκην προκεκυρωμενην υπο του θ̅υ̅ ο μετα τετρακοϲια και τριακοντα ετη γεγονωϲ νομοϲ ουκ ακυροι ειϲ το καταργηϲαι την επαγγελιαν", "ει γαρ εκ νομου η κληρονομια ουκετι εξ επαγγελιαϲ τω δε αβρααμ δι επαγγελιαϲ κεχαριϲται ο θ̅ϲ̅", "τι ουν ο νομοϲ των παραβαϲεων χαριν προϲετεθη αχριϲ ου ελθη το ϲπερμα ω επηγγελται διαταγειϲ δι αγγελων εν χειρι μεϲιτου", "ο δε μεϲιτηϲ ενοϲ ουκ εϲτιν ο δε θ̅ϲ̅ ειϲ εϲτιν", "ο ουν νομοϲ κατα των επαγγελιων του θ̅υ̅ μη γενοιτο ει γαρ εδοθη νομοϲ ο δυναμενοϲ ζωοποιηϲαι οντωϲ εκ νομου αν ην η δικαιοϲυνη", "αλλα ϲυνεκλειϲεν η γραφη τα παντα υπο αμαρτιαν ινα η επαγγελια εκ πιϲτεωϲ ι̅υ̅ χ̅υ̅ δοθη τοιϲ πιϲτευουϲιν", "προ του δε ελθειν την πιϲτιν υπο νομον εφρουρουμεθα ϲυνκλειομενοι ειϲ την μελλουϲαν πιϲτιν αποκαλυφθηναι", "ωϲτε ο νομοϲ παιδαγωγοϲ ημων γεγονεν ειϲ χ̅ν̅ ινα εκ πιϲτεωϲ δικαιωθωμεν", "ελθουϲηϲ δε τηϲ πιϲτεωϲ ουκετι υπο παιδαγωγον εϲμεν", "παντεϲ γαρ υιοι θ̅υ̅ εϲτε δια τηϲ πιϲτεωϲ εν χ̅ω̅ ι̅υ̅", "οϲοι γαρ ειϲ χ̅ν̅ εβαπτιϲθητε χ̅ν̅ ενεδυϲαϲθε", "ουκ ενι ιουδαιοϲ ουδε ελλην ουκ ενι δουλοϲ ουδε ελευθεροϲ ουκ ενι αρϲεν και θηλυ παντεϲ γαρ υμειϲ ειϲ εϲτε εν χ̅ω̅ ι̅υ̅", "ει δε υμειϲ χ̅υ̅ αρα του αβρααμ ϲπερμα εϲτε κατ επαγγελιαν κληρονομοι" ], [ "λεγω δε εφ οϲον χρονον ο κληρονομοϲ νηπιοϲ εϲτιν ουδεν διαφερει δουλου κ̅ϲ̅ παντων ων", "αλλα υπο επιτροπουϲ εϲτιν και οικονομουϲ αχρι τηϲ προθεϲμιαϲ του πατροϲ", "ουτωϲ και ημειϲ οτε ημεν νηπιοι υπο τα ϲτοιχεια του κοϲμου ημεθα δεδουλωμενοι", "οτε δε ηλθεν το πληρωμα του χρονου εξαπεϲτειλεν ο θ̅ϲ̅ τον υιον αυτου γενομενον εκ γυναικοϲ γενομενον υπο νομον", "ινα τουϲ υπο νομον εξαγοραϲη ινα την υιοθεϲιαν απολαβωμεν", "οτι δε εϲτε υιοι εξαπεϲτειλεν ο θ̅ϲ̅ το π̅ν̅α̅ του υιου αυτου ειϲ ταϲ καρδιαϲ ημων κραζον αββα ο πατηρ", "ωϲτε ουκετι ει δουλοϲ αλλα υιοϲ ει δε υιοϲ και κληρονομοϲ δια θ̅υ̅", "αλλα τοτε μεν ουκ ειδοτεϲ θ̅ν̅ εδουλευϲατε τοιϲ φυϲει μη ουϲιν θεοιϲ", "νυν δε γνοντεϲ θ̅ν̅ μαλλον δε γνωϲθεντεϲ υπο θ̅υ̅ πωϲ επιϲτρεφετε παλιν επι τα αϲθενη και πτωχα ϲτοιχεια οιϲ παλιν ανωθεν δουλευειν θελετε", "ημεραϲ παρατηρειϲθε και μηναϲ και καιρουϲ και ενιαυτουϲ", "φοβουμαι υμαϲ μη πωϲ εικη κεκοπιακα ειϲ υμαϲ", "γινεϲθε ωϲ εγω οτι καγω ωϲ υμειϲ αδελφοι δεομαι υμων ουδεν με ηδικηϲατε", "οιδατε δε οτι δι αϲθενειαν τηϲ ϲαρκοϲ ευηγγελιϲαμην υμιν το προτερον", "και τον πειραϲμον υμων εν τη ϲαρκι μου ουκ εξουθενηϲατε ουδε εξεπτυϲατε αλλα ωϲ αγγελον θ̅υ̅ εδεξαϲθε με ωϲ χ̅ν̅ ι̅ν̅", "που ουν ο μακαριϲμοϲ υμων μαρτυρω γαρ υμιν οτι ει δυνατον τουϲ οφθαλμουϲ υμων εξορυξαντεϲ εδωκατε μοι", "ωϲτε εχθροϲ υμων γεγονα αληθευων υμιν", "ζηλουϲιν υμαϲ ου καλωϲ αλλα εκκλειϲαι υμαϲ θελουϲιν ινα αυτουϲ ζηλουτε", "καλον δε ζηλουϲθαι εν καλω παντοτε και μη μονον εν τω παρειναι με προϲ υμαϲ", "τεκνα μου ουϲ παλιν ωδινω μεχριϲ ου μορφωθη χ̅ϲ̅ εν υμιν", "ηθελον δε παρειναι προϲ υμαϲ αρτι και αλλαξαι την φωνην μου οτι απορουμαι εν υμιν", "λεγετε μοι οι υπο νομον θελοντεϲ ειναι τον νομον ουκ ακουετε", "γεγραπται γαρ οτι αβρααμ δυο υιουϲ εϲχεν ενα εκ τηϲ παιδιϲκηϲ και ενα εκ τηϲ ελευθεραϲ", "αλλ ο μεν εκ τηϲ παιδιϲκηϲ κατα ϲαρκα γεγεννηται ο δε εκ τηϲ ελευθεραϲ δι επαγγελιαϲ", "ατινα εϲτιν αλληγορουμενα αυται γαρ ειϲιν δυο διαθηκαι μια μεν απο ορουϲ σινα ειϲ δουλειαν γεννωϲα ητιϲ εϲτιν αγαρ", "το δε αγαρ σινα οροϲ εϲτιν εν τη αραβια ϲυϲτοιχει δε τη νυν ιερουϲαλημ δουλευει γαρ μετα των τεκνων αυτηϲ", "η δε ανω ιερουϲαλημ ελευθερα εϲτιν ητιϲ εϲτιν μητηρ ημων", "γεγραπται γαρ ευφρανθητι ϲτειρα η ου τικτουϲα ρηξον και βοηϲον η ουκ ωδινουϲα οτι πολλα τα τεκνα τηϲ ερημου μαλλον η τηϲ εχουϲηϲ τον ανδρα", "υμειϲ δε αδελφοι κατα ιϲαακ επαγγελιαϲ τεκνα εϲτε", "αλλ ωϲπερ τοτε ο κατα ϲαρκα γεννηθειϲ εδιωκεν τον κατα π̅ν̅α̅ ουτωϲ και νυν", "αλλα τι λεγει η γραφη εκβαλε την παιδιϲκην και τον υιον αυτηϲ ου γαρ μη κληρονομηϲει ο υιοϲ τηϲ παιδιϲκηϲ μετα του υιου τηϲ ελευθεραϲ", "διο αδελφοι ουκ εϲμεν παιδιϲκηϲ τεκνα αλλα τηϲ ελευθεραϲ" ], [ "τη ελευθερια ημαϲ χ̅ϲ̅ ηλευθερωϲεν ϲτηκετε ουν και μη παλιν ζυγω δουλειαϲ ενεχεϲθε", "ιδε εγω παυλοϲ λεγω υμιν οτι εαν περιτεμνηϲθε χ̅ϲ̅ υμαϲ ουδεν ωφεληϲει", "μαρτυρομαι δε παλιν παντι ανθρωπω περιτεμνομενω οτι οφειλετηϲ εϲτιν ολον τον νομον ποιηϲαι", "κατηργηθητε απο χ̅υ̅ οιτινεϲ εν νομω δικαιουϲθε τηϲ χαριτοϲ εξεπεϲατε", "ημειϲ γαρ π̅ν̅ι̅ εκ πιϲτεωϲ ελπιδα δικαιοϲυνηϲ απεκδεχομεθα", "εν γαρ χ̅ω̅ ι̅υ̅ ουτε περιτομη τι ιϲχυει ουτε ακροβυϲτια αλλα πιϲτιϲ δι αγαπηϲ ενεργουμενη", "ετρεχετε καλωϲ τιϲ υμαϲ ενεκοψεν τη αληθεια μη πειθεϲθαι", "η πειϲμονη ουκ εκ του καλουντοϲ υμαϲ", "μικρα ζυμη ολον το φυραμα ζυμοι", "εγω πεποιθα ειϲ υμαϲ εν κ̅ω̅ οτι ουδεν αλλο φρονηϲετε ο δε ταραϲϲων υμαϲ βαϲταϲει το κριμα οϲτιϲ εαν η", "εγω δε αδελφοι ει περιτομην ετι κηρυϲϲω τι ετι διωκομαι αρα κατηργηται το ϲκανδαλον του ϲταυρου", "οφελον και αποκοψονται οι αναϲτατουντεϲ υμαϲ", "υμειϲ γαρ επ ελευθερια εκληθητε αδελφοι μονον μη την ελευθεριαν ειϲ αφορμην τη ϲαρκι αλλα δια τηϲ αγαπηϲ δουλευετε αλληλοιϲ", "ο γαρ παϲ νομοϲ εν ενι λογω πεπληρωται εν τω αγαπηϲειϲ τον πληϲιον ϲου ωϲ ϲεαυτον", "ει δε αλληλουϲ δακνετε και κατεϲθιετε βλεπετε μη υπ αλληλων αναλωθητε", "λεγω δε π̅ν̅ι̅ περιπατειτε και επιθυμιαν ϲαρκοϲ ου μη τελεϲητε", "η γαρ ϲαρξ επιθυμει κατα του π̅ν̅ϲ̅ το δε π̅ν̅α̅ κατα τηϲ ϲαρκοϲ ταυτα γαρ αλληλοιϲ αντικειται ινα μη α εαν θελητε ταυτα ποιητε", "ει δε π̅ν̅ι̅ αγεϲθε ουκ εϲτε υπο νομον", "φανερα δε εϲτιν τα εργα τηϲ ϲαρκοϲ ατινα εϲτιν πορνεια ακαθαρϲια αϲελγεια", "ειδωλολατρια φαρμακεια εχθραι εριϲ ζηλοϲ θυμοι εριθειαι διχοϲταϲιαι αιρεϲειϲ", "φθονοι μεθαι κωμοι και τα ομοια τουτοιϲ α προλεγω υμιν καθωϲ προειπον οτι οι τα τοιαυτα πραϲϲοντεϲ βαϲιλειαν θ̅υ̅ ου κληρονομηϲουϲιν", "ο δε καρποϲ του π̅ν̅ϲ̅ εϲτιν αγαπη χαρα ειρηνη μακροθυμια χρηϲτοτηϲ αγαθωϲυνη πιϲτιϲ", "πραυτηϲ εγκρατεια κατα των τοιουτων ουκ εϲτιν νομοϲ", "οι δε του χ̅υ̅ ι̅υ̅ την ϲαρκα εϲταυρωϲαν ϲυν τοιϲ παθημαϲιν και ταιϲ επιθυμιαιϲ", "ει ζωμεν π̅ν̅ι̅ π̅ν̅ι̅ και ϲτοιχωμεν", "μη γινωμεθα κενοδοξοι αλληλουϲ προκαλουμενοι αλληλοιϲ φθονουντεϲ" ], [ "αδελφοι εαν και προλημφθη ανθρωποϲ εν τινι παραπτωματι υμειϲ οι πνευματικοι καταρτιζετε τον τοιουτον εν π̅ν̅ι̅ πραυτητοϲ ϲκοπων ϲεαυτον μη και ϲυ πειραϲθηϲ", "αλληλων τα βαρη βαϲταζετε και ουτωϲ αναπληρωϲετε τον νομον του χ̅υ̅", "ει γαρ δοκει τιϲ ειναι τι μηδεν ων φρεναπατα εαυτον", "το δε εργον εαυτου δοκιμαζετω εκαϲτοϲ και τοτε ειϲ εαυτον μονον το καυχημα εξει και ουκ ειϲ τον ετερον", "εκαϲτοϲ γαρ το ιδιον φορτιον βαϲταϲει", "κοινωνειτω δε ο κατηχουμενοϲ τον λογον τω κατηχουντι εν παϲιν αγαθοιϲ", "μη πλαναϲθε θ̅ϲ̅ ου μυκτηριζεται ο γαρ εαν ϲπειρη ανθρωποϲ τουτο και θεριϲει", "οτι ο ϲπειρων ειϲ την ϲαρκα εαυτου εκ τηϲ ϲαρκοϲ θεριϲει φθοραν ο δε ϲπειρων ειϲ το π̅ν̅α̅ εκ του π̅ν̅ϲ̅ θεριϲει ζωην αιωνιον", "το δε καλον ποιουντεϲ μη ενκακωμεν καιρω γαρ ιδιω θεριϲομεν μη εκλυομενοι", "αρα ουν ωϲ καιρον εχομεν εργαζωμεθα το αγαθον προϲ πανταϲ μαλιϲτα δε προϲ τουϲ οικειουϲ τηϲ πιϲτεωϲ", "ιδετε πηλικοιϲ υμιν γραμμαϲιν εγραψα τη εμη χειρι", "οϲοι θελουϲιν ευπροϲωπηϲαι εν ϲαρκι ουτοι αναγκαζουϲιν υμαϲ περιτεμνεϲθαι μονον ινα τω ϲταυρω του χ̅υ̅ μη διωκωνται", "ουδε γαρ οι περιτεμνομενοι αυτοι νομον φυλαϲϲουϲιν αλλα θελουϲιν υμαϲ περιτεμνεϲθαι ινα εν τη υμετερα ϲαρκι καυχηϲωνται", "εμοι δε μη γενοιτο καυχαϲθαι ει μη εν τω ϲταυρω του κ̅υ̅ ημων ι̅υ̅ χ̅υ̅ δι ου εμοι κοϲμοϲ εϲταυρωται καγω κοϲμω", "ουτε γαρ περιτομη τι εϲτιν ουτε ακροβυϲτια αλλα καινη κτιϲιϲ", "και οϲοι τω κανονι τουτω ϲτοιχηϲουϲιν ειρηνη επ αυτουϲ και ελεοϲ και επι τον ιϲραηλ του θ̅υ̅", "του λοιπου κοπουϲ μοι μηδειϲ παρεχετω εγω γαρ τα ϲτιγματα του ι̅υ̅ εν τω ϲωματι μου βαϲταζω", "η χαριϲ του κ̅υ̅ ημων ι̅υ̅ χ̅υ̅ μετα του π̅ν̅ϲ̅ υμων αδελφοι αμην" ] ] }