daily_psalms_api/texts/bible/65.json

{
    "status": "locked",
    "versionTitle": "New Testament",
    "sectionNames": [
        "Chapter",
        "Verse"
    ],
    "license": "Public Domain",
    "language": "el",
    "title": "Jude",
    "licenseVetted": true,
    "text": [
        [
            "ιουδαϲ ι̅υ̅ χ̅υ̅ δουλοϲ αδελφοϲ δε ιακωβου τοιϲ εν θ̅ω̅ πατρι ηγαπημενοιϲ και ι̅υ̅ χ̅ω̅ τετηρημενοιϲ κλητοιϲ",
            "ελεοϲ υμιν και ειρηνη και αγαπη πληθυνθειη",
            "αγαπητοι παϲαν ϲπουδην ποιουμενοϲ γραφειν υμιν περι τηϲ κοινηϲ ημων ϲωτηριαϲ αναγκην εϲχον γραψαι υμιν παρακαλων επαγωνιζεϲθαι τη απαξ παραδοθειϲη τοιϲ αγιοιϲ πιϲτει",
            "παρειϲεδυϲαν γαρ τινεϲ ανθρωποι οι παλαι προγεγραμμενοι ειϲ τουτο το κριμα αϲεβειϲ την του θ̅υ̅ ημων χαριτα μετατιθεντεϲ ειϲ αϲελγειαν και τον μονον δεϲποτην και κ̅ν̅ ημων ι̅ν̅ χ̅ν̅ αρνουμενοι",
            "υπομνηϲαι δε υμαϲ βουλομαι ειδοταϲ υμαϲ απαξ παντα οτι ι̅ϲ̅ λαον εκ γηϲ αιγυπτου ϲωϲαϲ το δευτερον τουϲ μη πιϲτευϲανταϲ απωλεϲεν",
            "αγγελουϲ τε τουϲ μη τηρηϲανταϲ την εαυτων αρχην αλλα απολιπονταϲ το ιδιον οικητηριον ειϲ κριϲιν μεγαληϲ ημεραϲ δεϲμοιϲ αιδιοιϲ υπο ζοφον τετηρηκεν",
            "ωϲ σοδομα και γομορρα και αι περι αυταϲ πολειϲ τον ομοιον τροπον τουτοιϲ εκπορνευϲαϲαι και απελθουϲαι οπιϲω ϲαρκοϲ ετεραϲ προκεινται δειγμα πυροϲ αιωνιου δικην υπεχουϲαι",
            "ομοιωϲ μεντοι και ουτοι ενυπνιαζομενοι ϲαρκα μεν μιαινουϲιν κυριοτητα δε αθετουϲιν δοξαϲ δε βλαϲφημουϲιν",
            "ο δε μιχαηλ ο αρχαγγελοϲ οτε τω διαβολω διακρινομενοϲ διελεγετο περι του μωυϲεωϲ ϲωματοϲ ουκ ετολμηϲεν κριϲιν επενεγκειν βλαϲφημιαϲ αλλα ειπεν επιτιμηϲαι ϲοι κ̅ϲ̅",
            "ουτοι δε οϲα μεν ουκ οιδαϲιν βλαϲφημουϲιν οϲα δε φυϲικωϲ ωϲ τα αλογα ζωα επιϲτανται εν τουτοιϲ φθειρονται",
            "ουαι αυτοιϲ οτι τη οδω του καιν επορευθηϲαν και τη πλανη του βαλααμ μιϲθου εξεχυθηϲαν και τη αντιλογια του κορε απωλοντο",
            "ουτοι ειϲιν οι εν ταιϲ αγαπαιϲ υμων ϲπιλαδεϲ ϲυνευωχουμενοι αφοβωϲ εαυτουϲ ποιμαινοντεϲ νεφελαι ανυδροι υπο ανεμων παραφερομεναι δενδρα φθινοπωρινα ακαρπα διϲ αποθανοντα εκριζωθεντα",
            "κυματα αγρια θαλαϲϲηϲ επαφριζοντα ταϲ εαυτων αιϲχυναϲ αϲτερεϲ πλανηται οιϲ ο ζοφοϲ του ϲκοτουϲ ειϲ αιωνα τετηρηται",
            "προεφητευϲεν δε και τουτοιϲ εβδομοϲ απο αδαμ ενωχ λεγων ιδου ηλθεν κ̅ϲ̅ εν αγιαιϲ μυριαϲιν αυτου",
            "ποιηϲαι κριϲιν κατα παντων και ελεγξαι παϲαν ψυχην περι παντων των εργων αϲεβειαϲ αυτων ων ηϲεβηϲαν και περι παντων των ϲκληρων ων ελαληϲαν κατ αυτου αμαρτωλοι αϲεβειϲ",
            "ουτοι ειϲιν γογγυϲται μεμψιμοιροι κατα ταϲ επιθυμιαϲ αυτων πορευομενοι και το ϲτομα αυτων λαλει υπερογκα θαυμαζοντεϲ προϲωπα ωφελειαϲ χαριν",
            "υμειϲ δε αγαπητοι μνηϲθητε των ρηματων των προειρημενων υπο των αποϲτολων του κ̅υ̅ ημων ι̅υ̅ χ̅υ̅",
            "οτι ελεγον υμιν επ εϲχατου χρονου εϲονται εμπαικται κατα ταϲ εαυτων επιθυμιαϲ πορευομενοι των αϲεβειων",
            "ουτοι ειϲιν οι αποδιοριζοντεϲ ψυχικοι π̅ν̅α̅ μη εχοντεϲ",
            "υμειϲ δε αγαπητοι εποικοδομουντεϲ εαυτουϲ τη αγιωτατη υμων πιϲτει εν π̅ν̅ι̅ αγιω προϲευχομενοι",
            "εαυτουϲ εν αγαπη θ̅υ̅ τηρηϲατε προϲδεχομενοι το ελεοϲ του κ̅υ̅ ημων ι̅υ̅ χ̅υ̅ ειϲ ζωην αιωνιον",
            "και ουϲ μεν ελεατε διακρινομενουϲ",
            "ουϲ δε ϲωζετε εκ πυροϲ αρπαζοντεϲ ουϲ δε ελεατε εν φοβω μιϲουντεϲ και τον απο τηϲ ϲαρκοϲ εϲπιλωμενον χιτωνα",
            "τω δε δυναμενω φυλαξαι υμαϲ απταιϲτουϲ και ϲτηϲαι κατενωπιον τηϲ δοξηϲ αυτου αμωμουϲ εν αγαλλιαϲει",
            "μονω θ̅ω̅ σωτηρι ημων δια ι̅υ̅ χ̅υ̅ του κ̅υ̅ ημων δοξα μεγαλωϲυνη κρατοϲ και εξουϲια προ παντοϲ του αιωνοϲ και νυν και ειϲ πανταϲ τουϲ αιωναϲ αμην"
        ]
    ]
}