daily_psalms_api/texts/bible/55.json

{
    "status": "locked",
    "versionTitle": "New Testament",
    "sectionNames": [
        "Chapter",
        "Verse"
    ],
    "license": "Public Domain",
    "language": "el",
    "title": "2. Timothy",
    "licenseVetted": true,
    "text": [
        [
            "παυλοϲ αποϲτολοϲ χ̅υ̅ ι̅υ̅ δια θεληματοϲ θ̅υ̅ κατ επαγγελιαν ζωηϲ τηϲ εν χ̅ω̅ ι̅υ̅",
            "τιμοθεω αγαπητω τεκνω χαριϲ ελεοϲ ειρηνη απο θ̅υ̅ πατροϲ και χ̅υ̅ ι̅υ̅ του κ̅υ̅ ημων",
            "χαριν εχω τω θ̅ω̅ ω λατρευω απο προγονων εν καθαρα ϲυνειδηϲει ωϲ αδιαλειπτον εχω την περι ϲου μνειαν εν ταιϲ δεηϲεϲιν μου νυκτοϲ και ημεραϲ",
            "επιποθων ϲε ιδειν μεμνημενοϲ ϲου των δακρυων ινα χαραϲ πληρωθω",
            "υπομνηϲιν λαβων τηϲ εν ϲοι ανυποκριτου πιϲτεωϲ ητιϲ ενωκηϲεν πρωτον εν τη μαμμη ϲου λωιδι και τη μητρι ϲου ευνικη πεπειϲμαι δε οτι και εν ϲοι",
            "δι ην αιτιαν αναμιμνηϲκω ϲε αναζωπυρειν το χαριϲμα του θ̅υ̅ ο εϲτιν εν ϲοι δια τηϲ επιθεϲεωϲ των χειρων μου",
            "ου γαρ εδωκεν ημιν ο θ̅ϲ̅ π̅ν̅α̅ δειλιαϲ αλλα δυναμεωϲ και αγαπηϲ και ϲωφρονιϲμου",
            "μη ουν επαιϲχυνθηϲ το μαρτυριον του κ̅υ̅ ημων μηδε εμε τον δεϲμιον αυτου αλλα ϲυνκακοπαθηϲον τω ευαγγελιω κατα δυναμιν θ̅υ̅",
            "του ϲωϲαντοϲ ημαϲ και καλεϲαντοϲ κληϲει αγια ου κατα τα εργα ημων αλλα κατα ιδιαν προθεϲιν και χαριν την δοθειϲαν ημιν εν χ̅ω̅ ι̅υ̅ προ χρονων αιωνιων",
            "φανερωθειϲαν δε νυν δια τηϲ επιφανειαϲ του σωτηροϲ ημων χ̅υ̅ ι̅υ̅ καταργηϲαντοϲ μεν τον θανατον φωτιϲαντοϲ δε ζωην και αφθαρϲιαν δια του ευαγγελιου",
            "ειϲ ο ετεθην εγω κηρυξ και αποϲτολοϲ και διδαϲκαλοϲ",
            "δι ην αιτιαν και ταυτα παϲχω αλλ ουκ επαιϲχυνομαι οιδα γαρ ω πεπιϲτευκα και πεπειϲμαι οτι δυνατοϲ εϲτιν την παραθηκην μου φυλαξαι ειϲ εκεινην την ημεραν",
            "υποτυπωϲιν εχε υγιαινοντων λογων ων παρ εμου ηκουϲαϲ εν πιϲτει και αγαπη τη εν χ̅ω̅ ι̅υ̅",
            "την καλην παραθηκην φυλαξον δια π̅ν̅ϲ̅ αγιου του ενοικουντοϲ εν ημιν",
            "οιδαϲ τουτο οτι απεϲτραφηϲαν με παντεϲ οι εν τη αϲια ων εϲτιν φυγελοϲ και ερμογενηϲ",
            "δωη ελεοϲ ο κ̅ϲ̅ τω ονηϲιφορου οικω οτι πολλακιϲ με ανεψυξεν και την αλυϲιν μου ουκ επαιϲχυνθη",
            "αλλα γενομενοϲ εν ρωμη ϲπουδαιωϲ εζητηϲεν με και ευρεν",
            "δωη αυτω ο κ̅ϲ̅ ευρειν ελεοϲ παρα κ̅υ̅ εν εκεινη τη ημερα και οϲα εν εφεϲω διηκονηϲεν βελτιον ϲυ γινωϲκειϲ"
        ],
        [
            "συ ουν τεκνον μου ενδυναμου εν τη χαριτι τη εν χ̅ω̅ ι̅υ̅",
            "και α ηκουϲαϲ παρ εμου δια πολλων μαρτυρων ταυτα παραθου πιϲτοιϲ ανθρωποιϲ οιτινεϲ ικανοι εϲονται και ετερουϲ διδαξαι",
            "συνκακοπαθηϲον ωϲ καλοϲ ϲτρατιωτηϲ χ̅υ̅ ι̅υ̅",
            "ουδειϲ ϲτρατευομενοϲ εμπλεκεται ταιϲ του βιου πραγματειαιϲ ινα τω ϲτρατολογηϲαντι αρεϲη",
            "εαν δε και αθλη τιϲ ου ϲτεφανουται εαν μη νομιμωϲ αθληϲη",
            "τον κοπιωντα γεωργον δει πρωτον των καρπων μεταλαμβανειν",
            "νοει ο λεγω δωϲει γαρ ϲοι ο κ̅ϲ̅ ϲυνεϲιν εν παϲιν",
            "μνημονευε ι̅ν̅ χ̅ν̅ εγηγερμενον εκ νεκρων εκ ϲπερματοϲ δαυιδ κατα το ευαγγελιον μου",
            "εν ω κακοπαθω μεχρι δεϲμων ωϲ κακουργοϲ αλλα ο λογοϲ του θ̅υ̅ ου δεδεται",
            "δια τουτο παντα υπομενω δια τουϲ εκλεκτουϲ ινα και αυτοι ϲωτηριαϲ τυχωϲιν τηϲ εν χ̅ω̅ ι̅υ̅ μετα δοξηϲ αιωνιου",
            "πιϲτοϲ ο λογοϲ ει γαρ ϲυναπεθανομεν και ϲυζηϲομεν",
            "ει υπομενομεν και ϲυμβαϲιλευϲομεν ει αρνηϲομεθα κακεινοϲ αρνηϲεται ημαϲ",
            "ει απιϲτουμεν εκεινοϲ πιϲτοϲ μενει αρνηϲαϲθαι γαρ εαυτον ου δυναται",
            "ταυτα υπομιμνηϲκε διαμαρτυρομενοϲ ενωπιον του θ̅υ̅ μη λογομαχειν επ ουδεν χρηϲιμον επι καταϲτροφη των ακουοντων",
            "σπουδαϲον ϲεαυτον δοκιμον παραϲτηϲαι τω θ̅ω̅ εργατην ανεπαιϲχυντον ορθοτομουντα τον λογον τηϲ αληθειαϲ",
            "ταϲ δε βεβηλουϲ κενοφωνιαϲ περιιϲταϲο επι πλειον γαρ προκοψουϲιν αϲεβειαϲ",
            "και ο λογοϲ αυτων ωϲ γαγγραινα νομην εξει ων εϲτιν υμεναιοϲ και φιλητοϲ",
            "οιτινεϲ περι την αληθειαν ηϲτοχηϲαν λεγοντεϲ την αναϲταϲιν ηδη γεγονεναι και ανατρεπουϲιν την τινων πιϲτιν",
            "ο μεντοι ϲτερεοϲ θεμελιοϲ του θ̅υ̅ εϲτηκεν εχων την ϲφραγιδα ταυτην εγνω κ̅ϲ̅ τουϲ ονταϲ αυτου και αποϲτητω απο αδικιαϲ παϲ ο ονομαζων το ονομα κ̅υ̅",
            "εν μεγαλη δε οικια ουκ εϲτιν μονον ϲκευη χρυϲα και αργυρα αλλα και ξυλινα και οϲτρακινα και α μεν ειϲ τιμην α δε ειϲ ατιμιαν",
            "εαν ουν τιϲ εκκαθαρη εαυτον απο τουτων εϲται ϲκευοϲ ειϲ τιμην ηγιαϲμενον ευχρηϲτον τω δεϲποτη ειϲ παν εργον αγαθον ητοιμαϲμενον",
            "ταϲ δε νεωτερικαϲ επιθυμιαϲ φευγε διωκε δε δικαιοϲυνην πιϲτιν αγαπην ειρηνην μετα των επικαλουμενων τον κ̅ν̅ εκ καθαραϲ καρδιαϲ",
            "ταϲ δε μωραϲ και απαιδευτουϲ ζητηϲειϲ παραιτου ειδωϲ οτι γεννωϲιν μαχαϲ",
            "δουλον δε κ̅υ̅ ου δει μαχεϲθαι αλλα ηπιον ειναι προϲ πανταϲ διδακτικον ανεξικακον",
            "εν πραυτητι παιδευοντα τουϲ αντιδιατιθεμενουϲ μηποτε δωη αυτοιϲ ο θ̅ϲ̅ μετανοιαν ειϲ επιγνωϲιν αληθειαϲ",
            "και ανανηψωϲιν εκ τηϲ του διαβολου παγιδοϲ εζωγρημενοι υπ αυτου ειϲ το εκεινου θελημα"
        ],
        [
            "τουτο δε γινωϲκε οτι εν εϲχαταιϲ ημεραιϲ ενϲτηϲονται καιροι χαλεποι",
            "εϲονται γαρ οι ανθρωποι φιλαυτοι φιλαργυροι αλαζονεϲ υπερηφανοι βλαϲφημοι γονευϲιν απειθειϲ αχαριϲτοι ανοϲιοι",
            "αϲτοργοι αϲπονδοι διαβολοι ακρατειϲ ανημεροι αφιλαγαθοι",
            "προδοται προπετειϲ τετυφωμενοι φιληδονοι μαλλον η φιλοθεοι",
            "εχοντεϲ μορφωϲιν ευϲεβειαϲ την δε δυναμιν αυτηϲ ηρνημενοι και τουτουϲ αποτρεπου",
            "εκ τουτων γαρ ειϲιν οι ενδυνοντεϲ ειϲ ταϲ οικιαϲ και αιχμαλωτιζοντεϲ γυναικαρια ϲεϲωρευμενα αμαρτιαιϲ αγομενα επιθυμιαιϲ ποικιλαιϲ",
            "παντοτε μανθανοντα και μηδεποτε ειϲ επιγνωϲιν αληθειαϲ ελθειν δυναμενα",
            "ον τροπον δε ιαννηϲ και ιαμβρηϲ αντεϲτηϲαν μωυϲει ουτωϲ και ουτοι ανθιϲτανται τη αληθεια ανθρωποι κατεφθαρμενοι τον νουν αδοκιμοι περι την πιϲτιν",
            "αλλ ου προκοψουϲιν επι πλειον η γαρ ανοια αυτων εκδηλοϲ εϲται παϲιν ωϲ και η εκεινων εγενετο",
            "συ δε παρηκολουθηϲαϲ μου τη διδαϲκαλια τη αγωγη τη προθεϲει τη πιϲτει τη μακροθυμια τη αγαπη τη υπομονη",
            "τοιϲ διωγμοιϲ τοιϲ παθημαϲιν οια μοι εγενετο εν αντιοχεια εν ικονιω εν λυϲτροιϲ οιουϲ διωγμουϲ υπηνεγκα και εκ παντων με ερρυϲατο ο κ̅ϲ̅",
            "και παντεϲ δε οι θελοντεϲ ευϲεβωϲ ζην εν χ̅ω̅ ι̅υ̅ διωχθηϲονται",
            "πονηροι δε ανθρωποι και γοητεϲ προκοψουϲιν επι το χειρον πλανωντεϲ και πλανωμενοι",
            "συ δε μενε εν οιϲ εμαθεϲ και επιϲτωθηϲ ειδωϲ παρα τινων εμαθεϲ",
            "και οτι απο βρεφουϲ τα ιερα γραμματα οιδαϲ τα δυναμενα ϲε ϲοφιϲαι ειϲ ϲωτηριαν δια πιϲτεωϲ τηϲ εν χ̅ω̅ ι̅υ̅",
            "παϲα γραφη θεοπνευϲτοϲ και ωφελιμοϲ προϲ διδαϲκαλιαν προϲ ελεγμον προϲ επανορθωϲιν προϲ παιδειαν την εν δικαιοϲυνη",
            "ινα αρτιοϲ η ο του θ̅υ̅ ανθρωποϲ προϲ παν εργον αγαθον εξηρτιϲμενοϲ"
        ],
        [
            "διαμαρτυρομαι ενωπιον του θ̅υ̅ και χ̅υ̅ ι̅υ̅ του μελλοντοϲ κρινειν ζωνταϲ και νεκρουϲ και την επιφανειαν αυτου και την βαϲιλειαν αυτου",
            "κηρυξον τον λογον επιϲτηθι ευκαιρωϲ ακαιρωϲ ελεγξον επιτιμηϲον παρακαλεϲον εν παϲη μακροθυμια και διδαχη",
            "εϲται γαρ καιροϲ οτε τηϲ υγιαινουϲηϲ διδαϲκαλιαϲ ουκ ανεξονται αλλα κατα ταϲ ιδιαϲ επιθυμιαϲ εαυτοιϲ επιϲωρευϲουϲιν διδαϲκαλουϲ κνηθομενοι την ακοην",
            "και απο μεν τηϲ αληθειαϲ την ακοην αποϲτρεψουϲιν επι δε τουϲ μυθουϲ εκτραπηϲονται",
            "συ δε νηφε εν παϲιν κακοπαθηϲον εργον ποιηϲον ευαγγελιϲτου την διακονιαν ϲου πληροφορηϲον",
            "εγω γαρ ηδη ϲπενδομαι και ο καιροϲ τηϲ αναλυϲεωϲ μου εφεϲτηκεν",
            "τον καλον αγωνα ηγωνιϲμαι τον δρομον τετελεκα την πιϲτιν τετηρηκα",
            "λοιπον αποκειται μοι ο τηϲ δικαιοϲυνηϲ ϲτεφανοϲ ον αποδωϲει μοι ο κ̅ϲ̅ εν εκεινη τη ημερα ο δικαιοϲ κριτηϲ ου μονον δε εμοι αλλα και παϲι τοιϲ ηγαπηκοϲι την επιφανειαν αυτου",
            "σπουδαϲον ελθειν προϲ με ταχεωϲ",
            "δημαϲ γαρ με εγκατελιπεν αγαπηϲαϲ τον νυν αιωνα και επορευθη ειϲ θεϲϲαλονικην κρηϲκηϲ ειϲ γαλατιαν τιτοϲ ειϲ δαλματιαν",
            "λουκαϲ εϲτιν μονοϲ μετ εμου μαρκον αναλαβων αγε μετα ϲεαυτου εϲτιν γαρ μοι ευχρηϲτοϲ ειϲ διακονιαν",
            "τυχικον δε απεϲτειλα ειϲ εφεϲον",
            "τον φαιλονην ον απελιπον εν τρωαδι παρα καρπω ερχομενοϲ φερε και τα βιβλια μαλιϲτα ταϲ μεμβραναϲ",
            "αλεξανδροϲ ο χαλκευϲ πολλα μοι κακα ενεδειξατο αποδωϲει αυτω ο κ̅ϲ̅ κατα τα εργα αυτου",
            "ον και ϲυ φυλαϲϲου λιαν γαρ αντεϲτη τοιϲ ημετεροιϲ λογοιϲ",
            "εν τη πρωτη μου απολογια ουδειϲ μοι παρεγενετο αλλα παντεϲ με εγκατελιπον μη αυτοιϲ λογιϲθειη",
            "ο δε κ̅ϲ̅ μοι παρεϲτη και ενεδυναμωϲεν με ινα δι εμου το κηρυγμα πληροφορηθη και ακουϲωϲιν παντα τα εθνη και ερρυϲθην εκ ϲτοματοϲ λεοντοϲ",
            "ρυϲεται με ο κ̅ϲ̅ απο παντοϲ εργου πονηρου και ϲωϲει ειϲ την βαϲιλειαν αυτου την επουρανιον ω η δοξα ειϲ τουϲ αιωναϲ των αιωνων αμην",
            "αϲπαϲαι πριϲκαν και ακυλαν και τον ονηϲιφορου οικον",
            "εραϲτοϲ εμεινεν εν κορινθω τροφιμον δε απελιπον εν μιλητω αϲθενουντα",
            "σπουδαϲον προ χειμωνοϲ ελθειν αϲπαζεται ϲε ευβουλοϲ και πουδηϲ και λινοϲ και κλαυδια και οι αδελφοι παντεϲ",
            "ο κ̅ϲ̅ μετα του π̅ν̅ϲ̅ ϲου η χαριϲ μεθ υμων"
        ]
    ]
}