daily_psalms_api/texts/bible/49.json

{
    "status": "locked",
    "versionTitle": "New Testament",
    "sectionNames": [
        "Chapter",
        "Verse"
    ],
    "license": "Public Domain",
    "language": "el",
    "title": "Ephesians",
    "licenseVetted": true,
    "text": [
        [
            "παυλοϲ αποϲτολοϲ χ̅υ̅ ι̅υ̅ δια θεληματοϲ θ̅υ̅ τοιϲ αγιοιϲ τοιϲ ουϲιν εν εφεϲω και πιϲτοιϲ εν χ̅ω̅ ι̅υ̅",
            "χαριϲ υμιν και ειρηνη απο θ̅υ̅ πατροϲ ημων και κ̅υ̅ ι̅υ̅ χ̅υ̅",
            "ευλογητοϲ ο θ̅ϲ̅ και πατηρ του κ̅υ̅ ημων ι̅υ̅ χ̅υ̅ ο ευλογηϲαϲ ημαϲ εν παϲη ευλογια πνευματικη εν τοιϲ επουρανιοιϲ εν χ̅ω̅",
            "καθωϲ εξελεξατο ημαϲ εν αυτω προ καταβοληϲ κοϲμου ειναι ημαϲ αγιουϲ και αμωμουϲ κατενωπιον αυτου εν αγαπη",
            "προοριϲαϲ ημαϲ ειϲ υιοθεϲιαν δια ι̅υ̅ χ̅υ̅ ειϲ αυτον κατα την ευδοκιαν του θεληματοϲ αυτου",
            "ειϲ επαινον δοξηϲ τηϲ χαριτοϲ αυτου ηϲ εχαριτωϲεν ημαϲ εν τω ηγαπημενω",
            "εν ω εχομεν την απολυτρωϲιν δια του αιματοϲ αυτου την αφεϲιν των παραπτωματων κατα το πλουτοϲ τηϲ χαριτοϲ αυτου",
            "ηϲ επεριϲϲευϲεν ειϲ ημαϲ εν παϲη ϲοφια και φρονηϲει",
            "γνωριϲαϲ ημιν το μυϲτηριον του θεληματοϲ αυτου κατα την ευδοκιαν αυτου ην προεθετο εν αυτω",
            "ειϲ οικονομιαν του πληρωματοϲ των καιρων ανακεφαλαιωϲαϲθαι τα παντα εν τω χ̅ω̅ τα επι τοιϲ ουρανοιϲ και τα επι τηϲ γηϲ εν αυτω",
            "εν ω και εκληρωθημεν προοριϲθεντεϲ κατα προθεϲιν του τα παντα ενεργουντοϲ κατα την βουλην του θεληματοϲ αυτου",
            "ειϲ το ειναι ημαϲ ειϲ επαινον δοξηϲ αυτου τουϲ προηλπικοταϲ εν τω χ̅ω̅",
            "εν ω και υμειϲ ακουϲαντεϲ τον λογον τηϲ αληθειαϲ το ευαγγελιον τηϲ ϲωτηριαϲ υμων εν ω και πιϲτευϲαντεϲ εϲφραγιϲθητε τω π̅ν̅ι̅ τηϲ επαγγελιαϲ τω αγιω",
            "ο εϲτιν αρραβων τηϲ κληρονομιαϲ ημων ειϲ απολυτρωϲιν τηϲ περιποιηϲεωϲ ειϲ επαινον τηϲ δοξηϲ αυτου",
            "δια τουτο καγω ακουϲαϲ την καθ υμαϲ πιϲτιν εν τω κ̅ω̅ ι̅υ̅ και την αγαπην την ειϲ πανταϲ τουϲ αγιουϲ",
            "ου παυομαι ευχαριϲτων υπερ υμων μνειαν ποιουμενοϲ επι των προϲευχων μου",
            "ινα ο θ̅ϲ̅ του κ̅υ̅ ημων ι̅υ̅ χ̅υ̅ ο πατηρ τηϲ δοξηϲ δωη υμιν π̅ν̅α̅ ϲοφιαϲ και αποκαλυψεωϲ εν επιγνωϲει αυτου",
            "πεφωτιϲμενουϲ τουϲ οφθαλμουϲ τηϲ καρδιαϲ υμων ειϲ το ειδεναι υμαϲ τιϲ εϲτιν η ελπιϲ τηϲ κληϲεωϲ αυτου τιϲ ο πλουτοϲ τηϲ δοξηϲ τηϲ κληρονομιαϲ αυτου εν τοιϲ αγιοιϲ",
            "και τι το υπερβαλλον μεγεθοϲ τηϲ δυναμεωϲ αυτου ειϲ ημαϲ τουϲ πιϲτευονταϲ κατα την ενεργειαν του κρατουϲ τηϲ ιϲχυοϲ αυτου",
            "ην ενηργηκεν εν τω χ̅ω̅ εγειραϲ αυτον εκ νεκρων και καθιϲαϲ εν δεξια αυτου εν τοιϲ επουρανιοιϲ",
            "υπερανω παϲηϲ αρχηϲ και εξουϲιαϲ και δυναμεωϲ και κυριοτητοϲ και παντοϲ ονοματοϲ ονομαζομενου ου μονον εν τω αιωνι τουτω αλλα και εν τω μελλοντι",
            "και παντα υπεταξεν υπο τουϲ ποδαϲ αυτου και αυτον εδωκεν κεφαλην υπερ παντα τη εκκληϲια",
            "ητιϲ εϲτιν το ϲωμα αυτου το πληρωμα του τα παντα εν παϲιν πληρουμενου"
        ],
        [
            "και υμαϲ ονταϲ νεκρουϲ τοιϲ παραπτωμαϲιν και ταιϲ αμαρτιαιϲ υμων",
            "εν αιϲ ποτε περιεπατηϲατε κατα τον αιωνα του κοϲμου τουτου κατα τον αρχοντα τηϲ εξουϲιαϲ του αεροϲ του π̅ν̅ϲ̅ του νυν ενεργουντοϲ εν τοιϲ υιοιϲ τηϲ απειθειαϲ",
            "εν οιϲ και ημειϲ παντεϲ ανεϲτραφημεν ποτε εν ταιϲ επιθυμιαιϲ τηϲ ϲαρκοϲ ημων ποιουντεϲ τα θεληματα τηϲ ϲαρκοϲ και των διανοιων και ημεθα τεκνα φυϲει οργηϲ ωϲ και οι λοιποι",
            "ο δε θ̅ϲ̅ πλουϲιοϲ ων εν ελεει δια την πολλην αγαπην αυτου ην ηγαπηϲεν ημαϲ",
            "και ονταϲ ημαϲ νεκρουϲ τοιϲ παραπτωμαϲιν ϲυνεζωοποιηϲεν τω χ̅ω̅ χαριτι εϲτε ϲεϲωϲμενοι",
            "και ϲυνηγειρεν και ϲυνεκαθιϲεν εν τοιϲ επουρανιοιϲ εν χ̅ω̅ ι̅υ̅",
            "ινα ενδειξηται εν τοιϲ αιωϲιν τοιϲ επερχομενοιϲ το υπερβαλλον πλουτοϲ τηϲ χαριτοϲ αυτου εν χρηϲτοτητι εφ ημαϲ εν χ̅ω̅ ι̅υ̅",
            "τη γαρ χαριτι εϲτε ϲεϲωϲμενοι δια πιϲτεωϲ και τουτο ουκ εξ υμων θ̅υ̅ το δωρον",
            "ουκ εξ εργων ινα μη τιϲ καυχηϲηται",
            "αυτου γαρ εϲμεν ποιημα κτιϲθεντεϲ εν χ̅ω̅ ι̅υ̅ επι εργοιϲ αγαθοιϲ οιϲ προητοιμαϲεν ο θ̅ϲ̅ ινα εν αυτοιϲ περιπατηϲωμεν",
            "διο μνημονευετε οτι ποτε υμειϲ τα εθνη εν ϲαρκι οι λεγομενοι ακροβυϲτια υπο τηϲ λεγομενηϲ περιτομηϲ εν ϲαρκι χειροποιητου",
            "οτι ητε τω καιρω εκεινω χωριϲ χ̅υ̅ απηλλοτριωμενοι τηϲ πολιτειαϲ του ιϲραηλ και ξενοι των διαθηκων τηϲ επαγγελιαϲ ελπιδα μη εχοντεϲ και αθεοι εν τω κοϲμω",
            "νυνι δε εν χ̅ω̅ ι̅υ̅ υμειϲ οι ποτε οντεϲ μακραν εγενηθητε εγγυϲ εν τω αιματι του χ̅υ̅",
            "αυτοϲ γαρ εϲτιν η ειρηνη ημων ο ποιηϲαϲ τα αμφοτερα εν και το μεϲοτοιχον του φραγμου λυϲαϲ την εχθραν εν τη ϲαρκι αυτου",
            "τον νομον των εντολων εν δογμαϲιν καταργηϲαϲ ινα τουϲ δυο κτιϲη εν αυτω ειϲ ενα καινον ανθρωπον ποιων ειρηνην",
            "και αποκαταλλαξη τουϲ αμφοτερουϲ εν ενι ϲωματι τω θ̅ω̅ δια του ϲταυρου αποκτειναϲ την εχθραν εν αυτω",
            "και ελθων ευηγγελιϲατο ειρηνην υμιν τοιϲ μακραν και ειρηνην τοιϲ εγγυϲ",
            "οτι δι αυτου εχομεν την προϲαγωγην οι αμφοτεροι εν ενι π̅ν̅ι̅ προϲ τον πατερα",
            "αρα ουν ουκετι εϲτε ξενοι και παροικοι αλλα εϲτε ϲυμπολιται των αγιων και οικειοι του θ̅υ̅",
            "εποικοδομηθεντεϲ επι τω θεμελιω των αποϲτολων και προφητων οντοϲ ακρογωνιαιου αυτου χ̅υ̅ ι̅υ̅",
            "εν ω παϲα οικοδομη ϲυναρμολογουμενη αυξει ειϲ ναον αγιον εν κ̅ω̅",
            "εν ω και υμειϲ ϲυνοικοδομειϲθε ειϲ κατοικητηριον του θ̅υ̅ εν π̅ν̅ι̅"
        ],
        [
            "τουτου χαριν εγω παυλοϲ ο δεϲμιοϲ του χ̅υ̅ ι̅υ̅ υπερ υμων των εθνων",
            "ει γε ηκουϲατε την οικονομιαν τηϲ χαριτοϲ του θ̅υ̅ τηϲ δοθειϲηϲ μοι ειϲ υμαϲ",
            "οτι κατα αποκαλυψιν εγνωριϲθη μοι το μυϲτηριον καθωϲ προεγραψα εν ολιγω",
            "προϲ ο δυναϲθε αναγινωϲκοντεϲ νοηϲαι την ϲυνεϲιν μου εν τω μυϲτηριω του χ̅υ̅",
            "ο ετεραιϲ γενεαιϲ ουκ εγνωριϲθη τοιϲ υιοιϲ των ανθρωπων ωϲ νυν απεκαλυφθη τοιϲ αγιοιϲ αποϲτολοιϲ αυτου και προφηταιϲ εν π̅ν̅ι̅",
            "ειναι τα εθνη ϲυνκληρονομα και ϲυϲϲωμα και ϲυμμετοχα τηϲ επαγγελιαϲ εν χ̅ω̅ ι̅υ̅ δια του ευαγγελιου",
            "ου εγενηθην διακονοϲ κατα την δωρεαν τηϲ χαριτοϲ του θ̅υ̅ τηϲ δοθειϲηϲ μοι κατα την ενεργειαν τηϲ δυναμεωϲ αυτου",
            "εμοι τω ελαχιϲτοτερω παντων αγιων εδοθη η χαριϲ αυτη τοιϲ εθνεϲιν ευαγγελιϲαϲθαι το ανεξιχνιαϲτον πλουτοϲ του χ̅υ̅",
            "και φωτιϲαι πανταϲ τιϲ η οικονομια του μυϲτηριου του αποκεκρυμμενου απο των αιωνων εν τω θ̅ω̅ τω τα παντα κτιϲαντι",
            "ινα γνωριϲθη νυν ταιϲ αρχαιϲ και ταιϲ εξουϲιαιϲ εν τοιϲ επουρανιοιϲ δια τηϲ εκκληϲιαϲ η πολυποικιλοϲ ϲοφια του θ̅υ̅",
            "κατα προθεϲιν των αιωνων ην εποιηϲεν εν τω χ̅ω̅ ι̅υ̅ τω κ̅ω̅ ημων",
            "εν ω εχομεν την παρρηϲιαν και προϲαγωγην εν πεποιθηϲει δια τηϲ πιϲτεωϲ αυτου",
            "διο αιτουμαι μη ενκακειν εν ταιϲ θλιψεϲιν μου υπερ υμων ητιϲ εϲτιν δοξα υμων",
            "τουτου χαριν καμπτω τα γονατα μου προϲ τον πατερα",
            "εξ ου παϲα πατρια εν ουρανοιϲ και επι γηϲ ονομαζεται",
            "ινα δω υμιν κατα το πλουτοϲ τηϲ δοξηϲ αυτου δυναμει κραταιωθηναι δια του π̅ν̅ϲ̅ αυτου ειϲ τον εϲω ανθρωπον",
            "κατοικηϲαι τον χ̅ν̅ δια τηϲ πιϲτεωϲ εν ταιϲ καρδιαιϲ υμων εν αγαπη ερριζωμενοι και τεθεμελιωμενοι",
            "ινα εξιϲχυϲητε καταλαβεϲθαι ϲυν παϲιν τοιϲ αγιοιϲ τι το πλατοϲ και μηκοϲ και υψοϲ και βαθοϲ",
            "γνωναι τε την υπερβαλλουϲαν τηϲ γνωϲεωϲ αγαπην του χ̅υ̅ ινα πληρωθητε ειϲ παν το πληρωμα του θ̅υ̅",
            "τω δε δυναμενω υπερ παντα ποιηϲαι υπερεκπεριϲϲου ων αιτουμεθα η νοουμεν κατα την δυναμιν την ενεργουμενην εν ημιν",
            "αυτω η δοξα εν τη εκκληϲια και εν χ̅ω̅ ι̅υ̅ ειϲ παϲαϲ ταϲ γενεαϲ του αιωνοϲ των αιωνων αμην"
        ],
        [
            "παρακαλω ουν υμαϲ εγω ο δεϲμιοϲ εν κ̅ω̅ αξιωϲ περιπατηϲαι τηϲ κληϲεωϲ ηϲ εκληθητε",
            "μετα παϲηϲ ταπεινοφροϲυνηϲ και πραυτητοϲ μετα μακροθυμιαϲ ανεχομενοι αλληλων εν αγαπη",
            "ϲπουδαζοντεϲ τηρειν την ενοτητα του π̅ν̅ϲ̅ εν τω ϲυνδεϲμω τηϲ ειρηνηϲ",
            "εν ϲωμα και εν π̅ν̅α̅ καθωϲ και εκληθητε εν μια ελπιδι τηϲ κληϲεωϲ υμων",
            "ειϲ κ̅ϲ̅ μια πιϲτιϲ εν βαπτιϲμα",
            "ειϲ θ̅ϲ̅ και πατηρ παντων ο επι παντων και δια παντων και εν παϲιν",
            "ενι δε εκαϲτω ημων εδοθη η χαριϲ κατα το μετρον τηϲ δωρεαϲ του χ̅υ̅",
            "διο λεγει αναβαϲ ειϲ υψοϲ ηχμαλωτευϲεν αιχμαλωϲιαν εδωκεν δοματα τοιϲ ανθρωποιϲ",
            "το δε ανεβη τι εϲτιν ει μη οτι και κατεβη ειϲ τα κατωτερα μερη τηϲ γηϲ",
            "ο καταβαϲ αυτοϲ εϲτιν και ο αναβαϲ υπερανω παντων των ουρανων ινα πληρωϲη τα παντα",
            "και αυτοϲ εδωκεν τουϲ μεν αποϲτολουϲ τουϲ δε προφηταϲ τουϲ δε ευαγγελιϲταϲ τουϲ δε ποιμεναϲ και διδαϲκαλουϲ",
            "προϲ τον καταρτιϲμον των αγιων ειϲ εργον διακονιαϲ ειϲ οικοδομην του ϲωματοϲ του χ̅υ̅",
            "μεχρι καταντηϲωμεν οι παντεϲ ειϲ την ενοτητα τηϲ πιϲτεωϲ και τηϲ επιγνωϲεωϲ του υιου του θ̅υ̅ ειϲ ανδρα τελειον ειϲ μετρον ηλικιαϲ του πληρωματοϲ του χ̅υ̅",
            "ινα μηκετι ωμεν νηπιοι κλυδωνιζομενοι και περιφερομενοι παντι ανεμω τηϲ διδαϲκαλιαϲ εν τη κυβεια των ανθρωπων εν πανουργια προϲ την μεθοδειαν τηϲ πλανηϲ",
            "αληθευοντεϲ δε εν αγαπη αυξηϲωμεν ειϲ αυτον τα παντα οϲ εϲτιν η κεφαλη χ̅ϲ̅",
            "εξ ου παν το ϲωμα ϲυναρμολογουμενον και ϲυμβιβαζομενον δια παϲηϲ αφηϲ τηϲ επιχορηγιαϲ κατ ενεργειαν εν μετρω ενοϲ εκαϲτου μερουϲ την αυξηϲιν του ϲωματοϲ ποιειται ειϲ οικοδομην εαυτου εν αγαπη",
            "τουτο ουν λεγω και μαρτυρομαι εν κ̅ω̅ μηκετι υμαϲ περιπατειν καθωϲ και τα εθνη περιπατει εν ματαιοτητι του νοοϲ αυτων",
            "εϲκοτωμενοι τη διανοια οντεϲ απηλλοτριωμενοι τηϲ ζωηϲ του θ̅υ̅ δια την αγνοιαν την ουϲαν εν αυτοιϲ δια την πωρωϲιν τηϲ καρδιαϲ αυτων",
            "οιτινεϲ απηλγηκοτεϲ εαυτουϲ παρεδωκαν τη αϲελγεια ειϲ εργαϲιαν ακαθαρϲιαϲ παϲηϲ εν πλεονεξια",
            "υμειϲ δε ουχ ουτωϲ εμαθετε τον χ̅ν̅",
            "ει γε αυτον ηκουϲατε και εν αυτω εδιδαχθητε καθωϲ εϲτιν αληθεια εν τω ι̅υ̅",
            "αποθεϲθαι υμαϲ κατα την προτεραν αναϲτροφην τον παλαιον ανθρωπον τον φθειρομενον κατα ταϲ επιθυμιαϲ τηϲ απατηϲ",
            "ανανεουϲθαι δε τω π̅ν̅ι̅ του νοοϲ υμων",
            "και ενδυϲαϲθαι τον καινον ανθρωπον τον κατα θ̅ν̅ κτιϲθεντα εν δικαιοϲυνη και οϲιοτητι τηϲ αληθειαϲ",
            "διο αποθεμενοι το ψευδοϲ λαλειτε αληθειαν εκαϲτοϲ μετα του πληϲιον αυτου οτι εϲμεν αλληλων μελη",
            "οργιζεϲθε και μη αμαρτανετε ο ηλιοϲ μη επιδυετω επι τω παροργιϲμω υμων",
            "μηδε διδοτε τοπον τω διαβολω",
            "ο κλεπτων μηκετι κλεπτετω μαλλον δε κοπιατω εργαζομενοϲ ταιϲ ιδιαιϲ χερϲιν το αγαθον ινα εχη μεταδιδοναι τω χρειαν εχοντι",
            "παϲ λογοϲ ϲαπροϲ εκ του ϲτοματοϲ υμων μη εκπορευεϲθω αλλα ει τιϲ αγαθοϲ προϲ οικοδομην τηϲ χρειαϲ ινα δω χαριν τοιϲ ακουουϲιν",
            "και μη λυπειτε το π̅ν̅α̅ το αγιον του θ̅υ̅ εν ω εϲφραγιϲθητε ειϲ ημεραν απολυτρωϲεωϲ",
            "παϲα πικρια και θυμοϲ και οργη και κραυγη και βλαϲφημια αρθητω αφ υμων ϲυν παϲη κακια",
            "γινεϲθε δε ειϲ αλληλουϲ χρηϲτοι ευϲπλαγχνοι χαριζομενοι εαυτοιϲ καθωϲ και ο θ̅ϲ̅ εν χ̅ω̅ εχαριϲατο υμιν"
        ],
        [
            "γινεϲθε ουν μιμηται του θ̅υ̅ ωϲ τεκνα αγαπητα",
            "και περιπατειτε εν αγαπη καθωϲ και ο χ̅ϲ̅ ηγαπηϲεν ημαϲ και παρεδωκεν εαυτον υπερ ημων προϲφοραν και θυϲιαν τω θ̅ω̅ ειϲ οϲμην ευωδιαϲ",
            "πορνεια δε και ακαθαρϲια παϲα η πλεονεξια μηδε ονομαζεϲθω εν υμιν καθωϲ πρεπει αγιοιϲ",
            "και αιϲχροτηϲ και μωρολογια η ευτραπελια α ουκ ανηκεν αλλα μαλλον ευχαριϲτια",
            "τουτο γαρ ιϲτε γινωϲκοντεϲ οτι παϲ πορνοϲ η ακαθαρτοϲ η πλεονεκτηϲ ο εϲτιν ειδωλολατρηϲ ουκ εχει κληρονομιαν εν τη βαϲιλεια του χ̅υ̅ και θ̅υ̅",
            "μηδειϲ υμαϲ απατατω κενοιϲ λογοιϲ δια ταυτα γαρ ερχεται η οργη του θ̅υ̅ επι τουϲ υιουϲ τηϲ απειθειαϲ",
            "μη ουν γινεϲθε ϲυμμετοχοι αυτων",
            "ητε γαρ ποτε ϲκοτοϲ νυν δε φωϲ εν κ̅ω̅ ωϲ τεκνα φωτοϲ περιπατειτε",
            "ο γαρ καρποϲ του φωτοϲ εν παϲη αγαθωϲυνη και δικαιοϲυνη και αληθεια",
            "δοκιμαζοντεϲ τι εϲτιν ευαρεϲτον τω κ̅ω̅",
            "και μη ϲυνκοινωνειτε τοιϲ εργοιϲ τοιϲ ακαρποιϲ του ϲκοτουϲ μαλλον δε και ελεγχετε",
            "τα γαρ κρυφη γινομενα υπ αυτων αιϲχρον εϲτιν και λεγειν",
            "τα δε παντα ελεγχομενα υπο του φωτοϲ φανερουται",
            "παν γαρ το φανερουμενον φωϲ εϲτιν διο λεγει εγειρε ο καθευδων και αναϲτα εκ των νεκρων και επιφαυϲει ϲοι ο χ̅ϲ̅",
            "βλεπετε ουν ακριβωϲ πωϲ περιπατειτε μη ωϲ αϲοφοι αλλ ωϲ ϲοφοι",
            "εξαγοραζομενοι τον καιρον οτι αι ημεραι πονηραι ειϲιν",
            "δια τουτο μη γινεϲθε αφρονεϲ αλλα ϲυνιετε τι το θελημα του κ̅υ̅",
            "και μη μεθυϲκεϲθε οινω εν ω εϲτιν αϲωτια αλλα πληρουϲθε εν π̅ν̅ι̅",
            "λαλουντεϲ εαυτοιϲ εν ψαλμοιϲ και υμνοιϲ και ωδαιϲ πνευματικαιϲ αδοντεϲ και ψαλλοντεϲ τη καρδια υμων τω κ̅ω̅",
            "ευχαριϲτουντεϲ παντοτε υπερ παντων εν ονοματι του κ̅υ̅ ημων ι̅υ̅ χ̅υ̅ τω θ̅ω̅ και πατρι",
            "υποταϲϲομενοι αλληλοιϲ εν φοβω χ̅υ̅",
            "αι γυναικεϲ τοιϲ ιδιοιϲ ανδραϲιν ωϲ τω κ̅ω̅",
            "οτι ανηρ εϲτιν κεφαλη τηϲ γυναικοϲ ωϲ και ο χ̅ϲ̅ κεφαλη τηϲ εκκληϲιαϲ αυτοϲ ϲωτηρ του ϲωματοϲ",
            "αλλα ωϲ η εκκληϲια υποταϲϲεται τω χ̅ω̅ ουτωϲ και αι γυναικεϲ τοιϲ ανδραϲιν εν παντι",
            "οι ανδρεϲ αγαπατε ταϲ γυναικαϲ καθωϲ και ο χ̅ϲ̅ ηγαπηϲεν την εκκληϲιαν και εαυτον παρεδωκεν υπερ αυτηϲ",
            "ινα αυτην αγιαϲη καθαριϲαϲ τω λουτρω του υδατοϲ εν ρηματι",
            "ινα παραϲτηϲη αυτοϲ εαυτω ενδοξον την εκκληϲιαν μη εχουϲαν ϲπιλον η ρυτιδα η τι των τοιουτων αλλ ινα η αγια και αμωμοϲ",
            "ουτωϲ οφειλουϲιν και οι ανδρεϲ αγαπαν ταϲ εαυτων γυναικαϲ ωϲ τα εαυτων ϲωματα ο αγαπων την εαυτου γυναικα εαυτον αγαπα",
            "ουδειϲ γαρ ποτε την εαυτου ϲαρκα εμιϲηϲεν αλλα εκτρεφει και θαλπει αυτην καθωϲ και ο χ̅ϲ̅ την εκκληϲιαν",
            "οτι μελη εϲμεν του ϲωματοϲ αυτου",
            "αντι τουτου καταλειψει ανθρωποϲ τον πατερα και την μητερα και προϲκολληθηϲεται προϲ την γυναικα αυτου και εϲονται οι δυο ειϲ ϲαρκα μιαν",
            "το μυϲτηριον τουτο μεγα εϲτιν εγω δε λεγω ειϲ χ̅ν̅ και ειϲ την εκκληϲιαν",
            "πλην και υμειϲ οι καθ ενα εκαϲτοϲ την εαυτου γυναικα ουτωϲ αγαπατω ωϲ εαυτον η δε γυνη ινα φοβηται τον ανδρα"
        ],
        [
            "τα τεκνα υπακουετε τοιϲ γονευϲιν υμων εν κ̅ω̅ τουτο γαρ εϲτιν δικαιον",
            "τιμα τον πατερα ϲου και την μητερα ητιϲ εϲτιν εντολη πρωτη εν επαγγελια",
            "ινα ευ ϲοι γενηται και εϲη μακροχρονιοϲ επι τηϲ γηϲ",
            "και οι πατερεϲ μη παροργιζετε τα τεκνα υμων αλλα εκτρεφετε αυτα εν παιδεια και νουθεϲια κ̅υ̅",
            "οι δουλοι υπακουετε τοιϲ κατα ϲαρκα κυριοιϲ μετα φοβου και τρομου εν απλοτητι τηϲ καρδιαϲ υμων ωϲ τω χ̅ω̅",
            "μη κατ οφθαλμοδουλιαν ωϲ ανθρωπαρεϲκοι αλλ ωϲ δουλοι χ̅υ̅ ποιουντεϲ το θελημα του θ̅υ̅ εκ ψυχηϲ",
            "μετ ευνοιαϲ δουλευοντεϲ ωϲ τω κ̅ω̅ και ουκ ανθρωποιϲ",
            "ειδοτεϲ οτι εκαϲτοϲ εαν τι ποιηϲη αγαθον τουτο κομιϲεται παρα κ̅υ̅ ειτε δουλοϲ ειτε ελευθεροϲ",
            "και οι κυριοι τα αυτα ποιειτε προϲ αυτουϲ ανιεντεϲ την απειλην ειδοτεϲ οτι και αυτων και υμων ο κ̅ϲ̅ εϲτιν εν ουρανοιϲ και προϲωπολημψια ουκ εϲτιν παρ αυτω",
            "του λοιπου ενδυναμουϲθε εν κ̅ω̅ και εν τω κρατει τηϲ ιϲχυοϲ αυτου",
            "ενδυϲαϲθε την πανοπλιαν του θ̅υ̅ προϲ το δυναϲθαι υμαϲ ϲτηναι προϲ ταϲ μεθοδειαϲ του διαβολου",
            "οτι ουκ εϲτιν ημιν η παλη προϲ αιμα και ϲαρκα αλλα προϲ ταϲ αρχαϲ προϲ ταϲ εξουϲιαϲ προϲ τουϲ κοϲμοκρατοραϲ του ϲκοτουϲ τουτου προϲ τα πνευματικα τηϲ πονηριαϲ εν τοιϲ επουρανιοιϲ",
            "δια τουτο αναλαβετε την πανοπλιαν του θ̅υ̅ ινα δυνηθητε αντιϲτηναι εν τη ημερα τη πονηρα και απαντα κατεργαϲαμενοι ϲτηναι",
            "ϲτητε ουν περιζωϲαμενοι την οϲφυν υμων εν αληθεια και ενδυϲαμενοι τον θωρακα τηϲ δικαιοϲυνηϲ",
            "και υποδηϲαμενοι τουϲ ποδαϲ εν ετοιμαϲια του ευαγγελιου τηϲ ειρηνηϲ",
            "εν παϲιν αναλαβοντεϲ τον θυρεον τηϲ πιϲτεωϲ εν ω δυνηϲεϲθε παντα τα βελη του πονηρου τα πεπυρωμενα ϲβεϲαι",
            "και την περικεφαλαιαν του ϲωτηριου δεξαϲθε και την μαχαιραν του π̅ν̅ϲ̅ ο εϲτιν ρημα θ̅υ̅",
            "δια παϲηϲ προϲευχηϲ και δεηϲεωϲ προϲευχομενοι εν παντι καιρω εν π̅ν̅ι̅ και ειϲ αυτο αγρυπνουντεϲ εν παϲη προϲκαρτερηϲει και δεηϲει περι παντων των αγιων",
            "και υπερ εμου ινα μοι δοθη λογοϲ εν ανοιξει του ϲτοματοϲ μου εν παρρηϲια γνωριϲαι το μυϲτηριον του ευαγγελιου",
            "υπερ ου πρεϲβευω εν αλυϲει ινα εν αυτω παρρηϲιαϲωμαι ωϲ δει με λαληϲαι",
            "ινα δε ειδητε και υμειϲ τα κατ εμε τι πραϲϲω παντα γνωριϲει υμιν τυχικοϲ ο αγαπητοϲ αδελφοϲ και πιϲτοϲ διακονοϲ εν κ̅ω̅",
            "ον επεμψα προϲ υμαϲ ειϲ αυτο τουτο ινα γνωτε τα περι ημων και παρακαλεϲη ταϲ καρδιαϲ υμων",
            "ειρηνη τοιϲ αδελφοιϲ και αγαπη μετα πιϲτεωϲ απο θ̅υ̅ πατροϲ και κ̅υ̅ ι̅υ̅ χ̅υ̅",
            "η χαριϲ μετα παντων των αγαπωντων τον κ̅ν̅ ημων ι̅ν̅ χ̅ν̅ εν αφθαρϲια"
        ]
    ]
}