daily_psalms_api/texts/bible/46.json

{
    "status": "locked",
    "versionTitle": "New Testament",
    "sectionNames": [
        "Chapter",
        "Verse"
    ],
    "license": "Public Domain",
    "language": "el",
    "title": "1. Corinthians",
    "licenseVetted": true,
    "text": [
        [
            "παυλοϲ κλητοϲ αποϲτολοϲ χ̅υ̅ ι̅υ̅ δια θεληματοϲ θ̅υ̅ και σωϲθενηϲ ο αδελφοϲ",
            "τη εκκληϲια του θ̅υ̅ τη ουϲη εν κορινθω ηγιαϲμενοιϲ εν χ̅ω̅ ι̅υ̅ κλητοιϲ αγιοιϲ ϲυν παϲιν τοιϲ επικαλουμενοιϲ το ονομα του κ̅υ̅ ημων ι̅υ̅ χ̅υ̅ εν παντι τοπω αυτων και ημων",
            "χαριϲ υμιν και ειρηνη απο θ̅υ̅ πατροϲ ημων και κ̅υ̅ ι̅υ̅ χ̅υ̅",
            "ευχαριϲτω τω θ̅ω̅ μου παντοτε περι υμων επι τη χαριτι του θ̅υ̅ τη δοθειϲη υμιν εν χ̅ω̅ ι̅υ̅",
            "οτι εν παντι επλουτιϲθητε εν αυτω εν παντι λογω και παϲη γνωϲει",
            "καθωϲ το μαρτυριον του χ̅υ̅ εβεβαιωθη εν υμιν",
            "ωϲτε υμαϲ μη υϲτερειϲθαι εν μηδενι χαριϲματι απεκδεχομενουϲ την αποκαλυψιν του κ̅υ̅ ημων ι̅υ̅ χ̅υ̅",
            "οϲ και βεβαιωϲει υμαϲ εωϲ τελουϲ ανεγκλητουϲ εν τη ημερα του κ̅υ̅ ημων ι̅υ̅ χ̅υ̅",
            "πιϲτοϲ ο θ̅ϲ̅ δι ου εκληθητε ειϲ κοινωνιαν του υιου αυτου ι̅υ̅ χ̅υ̅ του κ̅υ̅ ημων",
            "παρακαλω δε υμαϲ αδελφοι δια του ονοματοϲ του κ̅υ̅ ημων ι̅υ̅ χ̅υ̅ ινα το αυτο λεγητε παντεϲ και μη η εν υμιν ϲχιϲματα ητε δε κατηρτιϲμενοι εν τω αυτω νοι και εν τη αυτη γνωμη",
            "εδηλωθη γαρ μοι περι υμων αδελφοι μου υπο των χλοηϲ οτι εριδεϲ εν υμιν ειϲιν",
            "λεγω δε τουτο οτι εκαϲτοϲ υμων λεγει εγω μεν ειμι παυλου εγω δε απολλω εγω δε κηφα εγω δε χ̅υ̅",
            "μεμεριϲται ο χ̅ϲ̅ μη παυλοϲ εϲταυρωθη υπερ υμων η ειϲ το ονομα παυλου εβαπτιϲθητε",
            "ευχαριϲτω τω θ̅ω̅ οτι ουδενα υμων εβαπτιϲα ει μη κριϲπον και γαιον",
            "ινα μη τιϲ ειπη οτι ειϲ το εμον ονομα εβαπτιϲθητε",
            "εβαπτιϲα δε και τον στεφανα οικον λοιπον ουκ οιδα ει τινα αλλον εβαπτιϲα",
            "ου γαρ απεϲτειλεν με χ̅ϲ̅ βαπτιζειν αλλα ευαγγελιζεϲθαι ουκ εν ϲοφια λογου ινα μη κενωθη ο ϲταυροϲ του χ̅υ̅",
            "ο λογοϲ γαρ ο του ϲταυρου τοιϲ μεν απολλυμενοιϲ μωρια εϲτιν τοιϲ δε ϲωζομενοιϲ ημιν δυναμιϲ θ̅υ̅ εϲτιν",
            "γεγραπται γαρ απολω την ϲοφιαν των ϲοφων και την ϲυνεϲιν των ϲυνετων αθετηϲω",
            "που ϲοφοϲ που γραμματευϲ που ϲυζητητηϲ του αιωνοϲ τουτου ουχι εμωρανεν ο θ̅ϲ̅ την ϲοφιαν του κοϲμου",
            "επειδη γαρ εν τη ϲοφια του θ̅υ̅ ουκ εγνω ο κοϲμοϲ δια τηϲ ϲοφιαϲ τον θ̅ν̅ ευδοκηϲεν ο θ̅ϲ̅ δια τηϲ μωριαϲ του κηρυγματοϲ ϲωϲαι τουϲ πιϲτευονταϲ",
            "επειδη και ιουδαιοι ϲημεια αιτουϲιν και ελληνεϲ ϲοφιαν ζητουϲιν",
            "ημειϲ δε κηρυϲϲομεν χ̅ν̅ εϲταυρωμενον ιουδαιοιϲ μεν ϲκανδαλον εθνεϲιν δε μωριαν",
            "αυτοιϲ δε τοιϲ κλητοιϲ ιουδαιοιϲ τε και ελληϲιν χ̅ν̅ θ̅υ̅ δυναμιν και θ̅υ̅ ϲοφιαν",
            "οτι το μωρον του θ̅υ̅ ϲοφωτερον των ανθρωπων εϲτιν και το αϲθενεϲ του θ̅υ̅ ιϲχυροτερον των ανθρωπων",
            "βλεπετε γαρ την κληϲιν υμων αδελφοι οτι ου πολλοι ϲοφοι κατα ϲαρκα ου πολλοι δυνατοι ου πολλοι ευγενειϲ",
            "αλλα τα μωρα του κοϲμου εξελεξατο ο θ̅ϲ̅ ινα καταιϲχυνη τουϲ ϲοφουϲ και τα αϲθενη του κοϲμου εξελεξατο ο θ̅ϲ̅ ινα καταιϲχυνη τα ιϲχυρα",
            "και τα αγενη του κοϲμου και τα εξουθενημενα εξελεξατο ο θ̅ϲ̅ τα μη οντα ινα τα οντα καταργηϲη",
            "οπωϲ μη καυχηϲηται παϲα ϲαρξ ενωπιον του θ̅υ̅",
            "εξ αυτου δε υμειϲ εϲτε εν χ̅ω̅ ι̅υ̅ οϲ εγενηθη ϲοφια ημιν απο θ̅υ̅ δικαιοϲυνη τε και αγιαϲμοϲ και απολυτρωϲιϲ",
            "ινα καθωϲ γεγραπται ο καυχωμενοϲ εν κ̅ω̅ καυχαϲθω"
        ],
        [
            "καγω ελθων προϲ υμαϲ αδελφοι ηλθον ου καθ υπεροχην λογου η ϲοφιαϲ καταγγελλων υμιν το μυϲτηριον του θ̅υ̅",
            "ου γαρ εκρινα τι ειδεναι εν υμιν ει μη ι̅ν̅ χ̅ν̅ και τουτον εϲταυρωμενον",
            "καγω εν αϲθενεια και εν φοβω και εν τρομω πολλω εγενομην προϲ υμαϲ",
            "και ο λογοϲ μου και το κηρυγμα μου ουκ εν πειθοιϲ ϲοφιαϲ λογοιϲ αλλ εν αποδειξει π̅ν̅ϲ̅ και δυναμεωϲ",
            "ινα η πιϲτιϲ υμων μη η εν ϲοφια ανθρωπων αλλ εν δυναμει θ̅υ̅",
            "σοφιαν δε λαλουμεν εν τοιϲ τελειοιϲ ϲοφιαν δε ου του αιωνοϲ τουτου ουδε των αρχοντων του αιωνοϲ τουτου των καταργουμενων",
            "αλλα λαλουμεν θ̅υ̅ ϲοφιαν εν μυϲτηριω την αποκεκρυμμενην ην προωριϲεν ο θ̅ϲ̅ προ των αιωνων ειϲ δοξαν ημων",
            "ην ουδειϲ των αρχοντων του αιωνοϲ τουτου εγνωκεν ει γαρ εγνωϲαν ουκ αν τον κ̅ν̅ τηϲ δοξηϲ εϲταυρωϲαν",
            "αλλα καθωϲ γεγραπται α οφθαλμοϲ ουκ ειδεν και ουϲ ουκ ηκουϲεν και επι καρδιαν ανθρωπου ουκ ανεβη α ητοιμαϲεν ο θ̅ϲ̅ τοιϲ αγαπωϲιν αυτον",
            "ημιν γαρ απεκαλυψεν ο θ̅ϲ̅ δια του π̅ν̅ϲ̅ το γαρ π̅ν̅α̅ παντα εραυνα και τα βαθη του θ̅υ̅",
            "τιϲ γαρ οιδεν ανθρωπων τα του ανθρωπου ει μη το π̅ν̅α̅ του ανθρωπου το εν αυτω ουτωϲ και τα του θ̅υ̅ ουδειϲ εγνωκεν ει μη το π̅ν̅α̅ του θ̅υ̅",
            "ημειϲ δε ου το π̅ν̅α̅ του κοϲμου ελαβομεν αλλα το π̅ν̅α̅ το εκ του θ̅υ̅ ινα ειδωμεν τα υπο του θ̅υ̅ χαριϲθεντα ημιν",
            "α και λαλουμεν ουκ εν διδακτοιϲ ανθρωπινηϲ ϲοφιαϲ λογοιϲ αλλ εν διδακτοιϲ π̅ν̅ϲ̅ πνευματικοιϲ πνευματικα ϲυνκρινοντεϲ",
            "ψυχικοϲ δε ανθρωποϲ ου δεχεται τα του π̅ν̅ϲ̅ του θ̅υ̅ μωρια γαρ αυτω εϲτιν και ου δυναται γνωναι οτι πνευματικωϲ ανακρινεται",
            "ο δε πνευματικοϲ ανακρινει τα παντα αυτοϲ δε υπ ουδενοϲ ανακρινεται",
            "τιϲ γαρ εγνω νουν κ̅υ̅ οϲ ϲυμβιβαϲει αυτον ημειϲ δε νουν χ̅υ̅ εχομεν"
        ],
        [
            "καγω αδελφοι ουκ ηδυνηθην λαληϲαι υμιν ωϲ πνευματικοιϲ αλλ ωϲ ϲαρκινοιϲ ωϲ νηπιοιϲ εν χ̅ω̅",
            "γαλα υμαϲ εποτιϲα ου βρωμα ουπω γαρ εδυναϲθε αλλ ουδε ετι νυν δυναϲθε",
            "ετι γαρ ϲαρκικοι εϲτε οπου γαρ εν υμιν ζηλοϲ και εριϲ ουχι ϲαρκικοι εϲτε και κατα ανθρωπον περιπατειτε",
            "οταν γαρ λεγη τιϲ εγω μεν ειμι παυλου ετεροϲ δε εγω απολλω ουκ ανθρωποι εϲτε",
            "τι ουν εϲτιν απολλωϲ τι δε εϲτιν παυλοϲ διακονοι δι ων επιϲτευϲατε και εκαϲτω ωϲ ο κ̅ϲ̅ εδωκεν",
            "εγω εφυτευϲα απολλωϲ εποτιϲεν αλλα ο θ̅ϲ̅ ηυξανεν",
            "ωϲτε ουτε ο φυτευων εϲτιν τι ουτε ο ποτιζων αλλ ο αυξανων θ̅ϲ̅",
            "ο φυτευων δε και ο ποτιζων εν ειϲιν εκαϲτοϲ δε τον ιδιον μιϲθον λημψεται κατα τον ιδιον κοπον",
            "θ̅υ̅ γαρ εϲμεν ϲυνεργοι θ̅υ̅ γεωργιον θ̅υ̅ οικοδομη εϲτε",
            "κατα την χαριν του θ̅υ̅ την δοθειϲαν μοι ωϲ ϲοφοϲ αρχιτεκτων θεμελιον εθηκα αλλοϲ δε εποικοδομει εκαϲτοϲ δε βλεπετω πωϲ εποικοδομει",
            "θεμελιον γαρ αλλον ουδειϲ δυναται θειναι παρα τον κειμενον οϲ εϲτιν ι̅ϲ̅ χ̅ϲ̅",
            "ει δε τιϲ εποικοδομει επι τον θεμελιον χρυϲον αργυρον λιθουϲ τιμιουϲ ξυλα χορτον καλαμην",
            "εκαϲτου το εργον φανερον γενηϲεται η γαρ ημερα δηλωϲει οτι εν πυρι αποκαλυπτεται και εκαϲτου το εργον οποιον εϲτιν το πυρ αυτο δοκιμαϲει",
            "ει τινοϲ το εργον μενει ο εποικοδομηϲεν μιϲθον λημψεται",
            "ει τινοϲ το εργον κατακαηϲεται ζημιωθηϲεται αυτοϲ δε ϲωθηϲεται ουτωϲ δε ωϲ δια πυροϲ",
            "ουκ οιδατε οτι ναοϲ θ̅υ̅ εϲτε και το π̅ν̅α̅ του θ̅υ̅ οικει εν υμιν",
            "ει τιϲ τον ναον του θ̅υ̅ φθειρει φθερει τουτον ο θ̅ϲ̅ ο γαρ ναοϲ του θ̅υ̅ αγιοϲ εϲτιν οιτινεϲ εϲτε υμειϲ",
            "μηδειϲ εαυτον εξαπατατω ει τιϲ δοκει ϲοφοϲ ειναι εν υμιν εν τω αιωνι τουτω μωροϲ γενεϲθω ινα γενηται ϲοφοϲ",
            "η γαρ ϲοφια του κοϲμου τουτου μωρια παρα τω θ̅ω̅ εϲτιν γεγραπται γαρ ο δραϲϲομενοϲ τουϲ ϲοφουϲ εν τη πανουργια αυτων",
            "και παλιν κ̅ϲ̅ γινωϲκει τουϲ διαλογιϲμουϲ των ϲοφων οτι ειϲιν ματαιοι",
            "ωϲτε μηδειϲ καυχαϲθω εν ανθρωποιϲ παντα γαρ υμων εϲτιν",
            "ειτε παυλοϲ ειτε απολλωϲ ειτε κηφαϲ ειτε κοϲμοϲ ειτε ζωη ειτε θανατοϲ ειτε ενεϲτωτα ειτε μελλοντα παντα υμων",
            "υμειϲ δε χ̅υ̅ χ̅ϲ̅ δε θ̅υ̅"
        ],
        [
            "ουτωϲ ημαϲ λογιζεϲθω ανθρωποϲ ωϲ υπηρεταϲ χ̅υ̅ και οικονομουϲ μυϲτηριων θ̅υ̅",
            "ωδε λοιπον ζητειται εν τοιϲ οικονομοιϲ ινα πιϲτοϲ τιϲ ευρεθη",
            "εμοι δε ειϲ ελαχιϲτον εϲτιν ινα υφ υμων ανακριθω η υπο ανθρωπινηϲ ημεραϲ αλλ ουδε εμαυτον ανακρινω",
            "ουδεν γαρ εμαυτω ϲυνοιδα αλλ ουκ εν τουτω δεδικαιωμαι ο δε ανακρινων με κ̅ϲ̅ εϲτιν",
            "ωϲτε μη προ καιρου τι κρινετε εωϲ αν ελθη ο κ̅ϲ̅ οϲ και φωτιϲει τα κρυπτα του ϲκοτουϲ και φανερωϲει ταϲ βουλαϲ των καρδιων και τοτε ο επαινοϲ γενηϲεται εκαϲτω απο του θ̅υ̅",
            "ταυτα δε αδελφοι μετεϲχηματιϲα ειϲ εμαυτον και απολλων δι υμαϲ ινα εν ημιν μαθητε το μη υπερ α γεγραπται ινα μη ειϲ υπερ του ενοϲ φυϲιουϲθε κατα του ετερου",
            "τιϲ γαρ ϲε διακρινει τι δε εχειϲ ο ουκ ελαβεϲ ει δε και ελαβεϲ τι καυχαϲαι ωϲ μη λαβων",
            "ηδη κεκορεϲμενοι εϲτε ηδη επλουτηϲατε χωριϲ ημων εβαϲιλευϲατε και οφελον γε εβαϲιλευϲατε ινα και ημειϲ υμιν ϲυμβαϲιλευϲωμεν",
            "δοκω γαρ ο θ̅ϲ̅ ημαϲ τουϲ αποϲτολουϲ εϲχατουϲ απεδειξεν ωϲ επιθανατιουϲ οτι θεατρον εγενηθημεν τω κοϲμω και αγγελοιϲ και ανθρωποιϲ",
            "ημειϲ μωροι δια χ̅ν̅ υμειϲ δε φρονιμοι εν χ̅ω̅ ημειϲ αϲθενειϲ υμειϲ δε ιϲχυροι υμειϲ ενδοξοι ημειϲ δε ατιμοι",
            "αχρι τηϲ αρτι ωραϲ και πεινωμεν και διψωμεν και γυμνιτευομεν και κολαφιζομεθα και αϲτατουμεν",
            "και κοπιωμεν εργαζομενοι ταιϲ ιδιαιϲ χερϲιν λοιδορουμενοι ευλογουμεν διωκομενοι ανεχομεθα",
            "δυϲφημουμενοι παρακαλουμεν ωϲ περικαθαρματα του κοϲμου εγενηθημεν παντων περιψημα εωϲ αρτι",
            "ουκ εντρεπων υμαϲ γραφω ταυτα αλλ ωϲ τεκνα μου αγαπητα νουθετων",
            "εαν γαρ μυριουϲ παιδαγωγουϲ εχητε εν χ̅ω̅ αλλ ου πολλουϲ πατεραϲ εν γαρ χ̅ω̅ ι̅υ̅ δια του ευαγγελιου εγω υμαϲ εγεννηϲα",
            "παρακαλω ουν υμαϲ μιμηται μου γινεϲθε",
            "δια τουτο επεμψα υμιν τιμοθεον οϲ εϲτιν μου τεκνον αγαπητον και πιϲτον εν κ̅ω̅ οϲ υμαϲ αναμνηϲει ταϲ οδουϲ μου ταϲ εν χ̅ω̅ ι̅υ̅ καθωϲ πανταχου εν παϲη εκκληϲια διδαϲκω",
            "ωϲ μη ερχομενου δε μου προϲ υμαϲ εφυϲιωθηϲαν τινεϲ",
            "ελευϲομαι δε ταχεωϲ προϲ υμαϲ εαν ο κ̅ϲ̅ θεληϲη και γνωϲομαι ου τον λογον των πεφυϲιωμενων αλλα την δυναμιν",
            "ου γαρ εν λογω η βαϲιλεια του θ̅υ̅ αλλ εν δυναμει",
            "τι θελετε εν ραβδω ελθω προϲ υμαϲ η εν αγαπη π̅ν̅ι̅ τε πραυτητοϲ"
        ],
        [
            "ολωϲ ακουεται εν υμιν πορνεια και τοιαυτη πορνεια ητιϲ ουδε εν τοιϲ εθνεϲιν ωϲτε γυναικα τινα του πατροϲ εχειν",
            "και υμειϲ πεφυϲιωμενοι εϲτε και ουχι μαλλον επενθηϲατε ινα αρθη εκ μεϲου υμων ο το εργον τουτο πραξαϲ",
            "εγω μεν γαρ απων τω ϲωματι παρων δε τω π̅ν̅ι̅ ηδη κεκρικα ωϲ παρων τον ουτωϲ τουτο κατεργαϲαμενον",
            "εν τω ονοματι του κ̅υ̅ ημων ι̅υ̅ ϲυναχθεντων υμων και του εμου π̅ν̅ϲ̅ ϲυν τη δυναμει του κ̅υ̅ ημων ι̅υ̅",
            "παραδουναι τον τοιουτον τω σατανα ειϲ ολεθρον τηϲ ϲαρκοϲ ινα το π̅ν̅α̅ ϲωθη εν τη ημερα του κ̅υ̅",
            "ου καλον το καυχημα υμων ουκ οιδατε οτι μικρα ζυμη ολον το φυραμα ζυμοι",
            "εκκαθαρατε την παλαιαν ζυμην ινα ητε νεον φυραμα καθωϲ εϲτε αζυμοι και γαρ το παϲχα ημων ετυθη χ̅ϲ̅",
            "ωϲτε εορταζωμεν μη εν ζυμη παλαια μηδε εν ζυμη κακιαϲ και πονηριαϲ αλλ εν αζυμοιϲ ειλικρινειαϲ και αληθειαϲ",
            "εγραψα υμιν εν τη επιϲτολη μη ϲυναναμιγνυϲθαι πορνοιϲ",
            "ου παντωϲ τοιϲ πορνοιϲ του κοϲμου τουτου η τοιϲ πλεονεκταιϲ και αρπαξιν η ειδωλολατραιϲ επει ωφειλετε αρα εκ του κοϲμου εξελθειν",
            "νυν δε εγραψα υμιν μη ϲυναναμιγνυϲθαι εαν τιϲ αδελφοϲ ονομαζομενοϲ η πορνοϲ η πλεονεκτηϲ η ειδωλολατρηϲ η λοιδοροϲ η μεθυϲοϲ η αρπαξ τω τοιουτω μηδε ϲυνεϲθιειν",
            "τι γαρ μοι τουϲ εξω κρινειν ουχι τουϲ εϲω υμειϲ κρινετε",
            "τουϲ δε εξω ο θ̅ϲ̅ κρινει εξαρατε τον πονηρον εξ υμων αυτων"
        ],
        [
            "τολμα τιϲ υμων πραγμα εχων προϲ τον ετερον κρινεϲθαι επι των αδικων και ουχι επι των αγιων",
            "η ουκ οιδατε οτι οι αγιοι τον κοϲμον κρινουϲιν και ει εν υμιν κρινεται ο κοϲμοϲ αναξιοι εϲτε κριτηριων ελαχιϲτων",
            "ουκ οιδατε οτι αγγελουϲ κρινουμεν μητι γε βιωτικα",
            "βιωτικα μεν ουν κριτηρια εαν εχητε τουϲ εξουθενημενουϲ εν τη εκκληϲια τουτουϲ καθιζετε",
            "προϲ εντροπην υμιν λεγω ουτωϲ ουκ ενι εν υμιν ουδειϲ ϲοφοϲ οϲ δυνηϲεται διακριναι ανα μεϲον του αδελφου αυτου",
            "αλλα αδελφοϲ μετα αδελφου κρινεται και τουτο επι απιϲτων",
            "ηδη μεν ουν ολωϲ ηττημα υμιν εϲτιν οτι κριματα εχετε μεθ εαυτων δια τι ουχι μαλλον αδικειϲθε δια τι ουχι μαλλον αποϲτερειϲθε",
            "αλλα υμειϲ αδικειτε και αποϲτερειτε και τουτο αδελφουϲ",
            "η ουκ οιδατε οτι αδικοι θ̅υ̅ βαϲιλειαν ου κληρονομηϲουϲιν μη πλαναϲθε ουτε πορνοι ουτε ειδωλολατραι ουτε μοιχοι ουτε μαλακοι ουτε αρϲενοκοιται",
            "ουτε κλεπται ουτε πλεονεκται ου μεθυϲοι ου λοιδοροι ουχ αρπαγεϲ βαϲιλειαν θ̅υ̅ κληρονομηϲουϲιν",
            "και ταυτα τινεϲ ητε αλλα απελουϲαϲθε αλλα ηγιαϲθητε αλλα εδικαιωθητε εν τω ονοματι του κ̅υ̅ ι̅υ̅ χ̅υ̅ και εν τω π̅ν̅ι̅ του θ̅υ̅ ημων",
            "παντα μοι εξεϲτιν αλλ ου παντα ϲυμφερει παντα μοι εξεϲτιν αλλ ουκ εγω εξουϲιαϲθηϲομαι υπο τινοϲ",
            "τα βρωματα τη κοιλια και η κοιλια τοιϲ βρωμαϲιν ο δε θ̅ϲ̅ και ταυτην και ταυτα καταργηϲει το δε ϲωμα ου τη πορνεια αλλα τω κ̅ω̅ και ο κ̅ϲ̅ τω ϲωματι",
            "ο δε θ̅ϲ̅ και τον κ̅ν̅ ηγειρεν και ημαϲ εξεγερει δια τηϲ δυναμεωϲ αυτου",
            "ουκ οιδατε οτι τα ϲωματα υμων μελη χ̅υ̅ εϲτιν αραϲ ουν τα μελη του χ̅υ̅ ποιηϲω πορνηϲ μελη μη γενοιτο",
            "η ουκ οιδατε οτι ο κολλωμενοϲ τη πορνη εν ϲωμα εϲτιν εϲονται γαρ φηϲιν οι δυο ειϲ ϲαρκα μιαν",
            "ο δε κολλωμενοϲ τω κ̅ω̅ εν π̅ν̅α̅ εϲτιν",
            "φευγετε την πορνειαν παν αμαρτημα ο εαν ποιηϲη ανθρωποϲ εκτοϲ του ϲωματοϲ εϲτιν ο δε πορνευων ειϲ το ιδιον ϲωμα αμαρτανει",
            "η ουκ οιδατε οτι το ϲωμα υμων ναοϲ του εν υμιν αγιου π̅ν̅ϲ̅ εϲτιν ου εχετε απο θ̅υ̅ και ουκ εϲτε εαυτων",
            "ηγοραϲθητε γαρ τιμηϲ δοξαϲατε δη τον θ̅ν̅ εν τω ϲωματι υμων"
        ],
        [
            "περι δε ων εγραψατε καλον ανθρωπω γυναικοϲ μη απτεϲθαι",
            "δια δε ταϲ πορνειαϲ εκαϲτοϲ την εαυτου γυναικα εχετω και εκαϲτη τον ιδιον ανδρα εχετω",
            "τη γυναικι ο ανηρ την οφειλην αποδιδοτω ομοιωϲ δε και η γυνη τω ανδρι",
            "η γυνη του ιδιου ϲωματοϲ ουκ εξουϲιαζει αλλα ο ανηρ ομοιωϲ δε και ο ανηρ του ιδιου ϲωματοϲ ουκ εξουϲιαζει αλλα η γυνη",
            "μη αποϲτερειτε αλληλουϲ ει μητι αν εκ ϲυμφωνου προϲ καιρον ινα ϲχολαϲητε τη προϲευχη και παλιν επι το αυτο ητε ινα μη πειραζη υμαϲ ο σαταναϲ δια την ακραϲιαν υμων",
            "τουτο δε λεγω κατα ϲυνγνωμην ου κατ επιταγην",
            "θελω δε πανταϲ ανθρωπουϲ ειναι ωϲ και εμαυτον αλλα εκαϲτοϲ ιδιον εχει χαριϲμα εκ θ̅υ̅ ο μεν ουτωϲ ο δε ουτωϲ",
            "λεγω δε τοιϲ αγαμοιϲ και ταιϲ χηραιϲ καλον αυτοιϲ εαν μεινωϲιν ωϲ καγω",
            "ει δε ουκ εγκρατευονται γαμηϲατωϲαν κρειττον γαρ εϲτιν γαμηϲαι η πυρουϲθαι",
            "τοιϲ δε γεγαμηκοϲιν παραγγελλω ουκ εγω αλλα ο κ̅ϲ̅ γυναικα απο ανδροϲ μη χωριϲθηναι",
            "εαν δε και χωριϲθη μενετω αγαμοϲ η τω ανδρι καταλλαγητω και ανδρα γυναικα μη αφιεναι",
            "τοιϲ δε λοιποιϲ λεγω εγω ουχ ο κ̅ϲ̅ ει τιϲ αδελφοϲ γυναικα εχει απιϲτον και αυτη ϲυνευδοκει οικειν μετ αυτου μη αφιετω αυτην",
            "και γυνη ει τιϲ εχει ανδρα απιϲτον και ουτοϲ ϲυνευδοκει οικειν μετ αυτηϲ μη αφιετω τον ανδρα",
            "ηγιαϲται γαρ ο ανηρ ο απιϲτοϲ εν τη γυναικι και ηγιαϲται η γυνη η απιϲτοϲ εν τω αδελφω επει αρα τα τεκνα υμων ακαθαρτα εϲτιν νυν δε αγια εϲτιν",
            "ει δε ο απιϲτοϲ χωριζεται χωριζεϲθω ου δεδουλωται ο αδελφοϲ η η αδελφη εν τοιϲ τοιουτοιϲ εν δε ειρηνη κεκληκεν υμαϲ ο θ̅ϲ̅",
            "τι γαρ οιδαϲ γυναι ει τον ανδρα ϲωϲειϲ η τι οιδαϲ ανερ ει την γυναικα ϲωϲειϲ",
            "ει μη εκαϲτω ωϲ εμεριϲεν ο κ̅ϲ̅ εκαϲτον ωϲ κεκληκεν ο θ̅ϲ̅ ουτωϲ περιπατειτω και ουτωϲ εν ταιϲ εκκληϲιαιϲ παϲαιϲ διαταϲϲομαι",
            "περιτετμημενοϲ τιϲ εκληθη μη επιϲπαϲθω εν ακροβυϲτια κεκληται τιϲ μη περιτεμνεϲθω",
            "η περιτομη ουδεν εϲτιν και η ακροβυϲτια ουδεν εϲτιν αλλα τηρηϲιϲ εντολων θ̅υ̅",
            "εκαϲτοϲ εν τη κληϲει η εκληθη εν ταυτη μενετω",
            "δουλοϲ εκληθηϲ μη ϲοι μελετω αλλ ει και δυναϲαι ελευθεροϲ γενεϲθαι μαλλον χρηϲαι",
            "ο γαρ εν κ̅ω̅ κληθειϲ δουλοϲ απελευθεροϲ κ̅υ̅ εϲτιν ομοιωϲ ο ελευθεροϲ κληθειϲ δουλοϲ εϲτιν χ̅υ̅",
            "τιμηϲ ηγοραϲθητε μη γινεϲθε δουλοι ανθρωπων",
            "εκαϲτοϲ εν ω εκληθη αδελφοι εν τουτω μενετω παρα θ̅ω̅",
            "περι δε των παρθενων επιταγην κ̅υ̅ ουκ εχω γνωμην δε διδωμι ωϲ ηλεημενοϲ υπο κ̅υ̅ πιϲτοϲ ειναι",
            "νομιζω ουν τουτο καλον υπαρχειν δια την ενεϲτωϲαν αναγκην οτι καλον ανθρωπω το ουτωϲ ειναι",
            "δεδεϲαι γυναικι μη ζητει λυϲιν λελυϲαι απο γυναικοϲ μη ζητει γυναικα",
            "εαν δε και γαμηϲηϲ ουχ ημαρτεϲ και εαν γημη η παρθενοϲ ουχ ημαρτεν θλιψιν δε τη ϲαρκι εξουϲιν οι τοιουτοι εγω δε υμων φειδομαι",
            "τουτο δε φημι αδελφοι ο καιροϲ ϲυνεϲταλμενοϲ εϲτιν το λοιπον ινα και οι εχοντεϲ γυναικαϲ ωϲ μη εχοντεϲ ωϲιν",
            "και οι κλαιοντεϲ ωϲ μη κλαιοντεϲ και οι χαιροντεϲ ωϲ μη χαιροντεϲ και οι αγοραζοντεϲ ωϲ μη κατεχοντεϲ",
            "και οι χρωμενοι τον κοϲμον ωϲ μη καταχρωμενοι παραγει γαρ το ϲχημα του κοϲμου τουτου",
            "θελω δε υμαϲ αμεριμνουϲ ειναι ο αγαμοϲ μεριμνα τα του κ̅υ̅ πωϲ αρεϲη τω κ̅ω̅",
            "ο δε γαμηϲαϲ μεριμνα τα του κοϲμου πωϲ αρεϲη τη γυναικι",
            "και μεμεριϲται και η γυνη η αγαμοϲ και η παρθενοϲ μεριμνα τα του κ̅υ̅ ινα η αγια και τω ϲωματι και τω π̅ν̅ι̅ η δε γαμηϲαϲα μεριμνα τα του κοϲμου πωϲ αρεϲη τω ανδρι",
            "τουτο δε προϲ το υμων αυτων ϲυμφορον λεγω ουχ ινα βροχον υμιν επιβαλω αλλα προϲ το ευϲχημον και ευπαρεδρον τω κ̅ω̅ απεριϲπαϲτωϲ",
            "ει δε τιϲ αϲχημονειν επι την παρθενον αυτου νομιζει εαν η υπερακμοϲ και ουτωϲ οφειλει γινεϲθαι ο θελει ποιειτω ουχ αμαρτανει γαμειτωϲαν",
            "οϲ δε εϲτηκεν εν τη καρδια αυτου εδραιοϲ μη εχων αναγκην εξουϲιαν δε εχει περι του ιδιου θεληματοϲ και τουτο κεκρικεν εν τη ιδια καρδια τηρειν την εαυτου παρθενον καλωϲ ποιηϲει",
            "ωϲτε και ο γαμιζων την εαυτου παρθενον καλωϲ ποιει και ο μη γαμιζων κρειϲϲον ποιηϲει",
            "γυνη δεδεται εφ οϲον χρονον ζη ο ανηρ αυτηϲ εαν δε κοιμηθη ο ανηρ ελευθερα εϲτιν ω θελει γαμηθηναι μονον εν κ̅ω̅",
            "μακαριωτερα δε εϲτιν εαν ουτωϲ μεινη κατα την εμην γνωμην δοκω δε καγω π̅ν̅α̅ θ̅υ̅ εχειν"
        ],
        [
            "περι δε των ειδωλοθυτων οιδαμεν οτι παντεϲ γνωϲιν εχομεν η γνωϲιϲ φυϲιοι η δε αγαπη οικοδομει",
            "ει τιϲ δοκει εγνωκεναι τι ουπω εγνω καθωϲ δει γνωναι",
            "ει δε τιϲ αγαπα τον θ̅ν̅ ουτοϲ εγνωϲται υπ αυτου",
            "περι τηϲ βρωϲεωϲ ουν των ειδωλοθυτων οιδαμεν οτι ουδεν ειδωλον εν κοϲμω και οτι ουδειϲ θ̅ϲ̅ ει μη ειϲ",
            "και γαρ ειπερ ειϲιν λεγομενοι θεοι ειτε εν ουρανω ειτε επι γηϲ ωϲπερ ειϲιν θεοι πολλοι και κυριοι πολλοι",
            "αλλ ημιν ειϲ θ̅ϲ̅ ο πατηρ εξ ου τα παντα και ημειϲ ειϲ αυτον και ειϲ κ̅ϲ̅ ι̅ϲ̅ χ̅ϲ̅ δι ου τα παντα και ημειϲ δι αυτου",
            "αλλ ουκ εν παϲιν η γνωϲιϲ τινεϲ δε τη ϲυνηθεια εωϲ αρτι του ειδωλου ωϲ ειδωλοθυτον εϲθιουϲιν και η ϲυνειδηϲιϲ αυτων αϲθενηϲ ουϲα μολυνεται",
            "βρωμα δε ημαϲ ου παραϲτηϲει τω θ̅ω̅ ουτε εαν μη φαγωμεν υϲτερουμεθα ουτε εαν φαγωμεν περιϲϲευομεν",
            "βλεπετε δε μη πωϲ η εξουϲια υμων αυτη προϲκομμα γενηται τοιϲ αϲθενεϲιν",
            "εαν γαρ τιϲ ιδη ϲε τον εχοντα γνωϲιν εν ειδωλειω κατακειμενον ουχι η ϲυνειδηϲιϲ αυτου αϲθενουϲ οντοϲ οικοδομηθηϲεται ειϲ το τα ειδωλοθυτα εϲθιειν",
            "απολλυται γαρ ο αϲθενων εν τη ϲη γνωϲει ο αδελφοϲ δι ον χ̅ϲ̅ απεθανεν",
            "ουτωϲ δε αμαρτανοντεϲ ειϲ τουϲ αδελφουϲ και τυπτοντεϲ αυτων την ϲυνειδηϲιν αϲθενουϲαν ειϲ χ̅ν̅ αμαρτανετε",
            "διοπερ ει βρωμα ϲκανδαλιζει τον αδελφον μου ου μη φαγω κρεα ειϲ τον αιωνα ινα μη τον αδελφον μου ϲκανδαλιϲω"
        ],
        [
            "ουκ ειμι ελευθεροϲ ουκ ειμι αποϲτολοϲ ουχι ι̅ν̅ τον κ̅ν̅ ημων εορακα ου το εργον μου υμειϲ εϲτε εν κ̅ω̅",
            "ει αλλοιϲ ουκ ειμι αποϲτολοϲ αλλα γε υμιν ειμι η γαρ ϲφραγιϲ μου τηϲ αποϲτοληϲ υμειϲ εϲτε εν κ̅ω̅",
            "η εμη απολογια τοιϲ εμε ανακρινουϲιν εϲτιν αυτη",
            "μη ουκ εχομεν εξουϲιαν φαγειν και πειν",
            "μη ουκ εχομεν εξουϲιαν αδελφην γυναικα περιαγειν ωϲ και οι λοιποι αποϲτολοι και οι αδελφοι του κ̅υ̅ και κηφαϲ",
            "η μονοϲ εγω και βαρναβαϲ ουκ εχομεν εξουϲιαν μη εργαζεϲθαι",
            "τιϲ ϲτρατευεται ιδιοιϲ οψωνιοιϲ ποτε τιϲ φυτευει αμπελωνα και τον καρπον αυτου ουκ εϲθιει η τιϲ ποιμαινει ποιμνην και εκ του γαλακτοϲ τηϲ ποιμνηϲ ουκ εϲθιει",
            "μη κατα ανθρωπον ταυτα λαλω η και ο νομοϲ ταυτα ου λεγει",
            "εν γαρ τω μωυϲεωϲ νομω γεγραπται ου κημωϲειϲ βουν αλοωντα μη των βοων μελει τω θ̅ω̅",
            "η δι ημαϲ παντωϲ λεγει δι ημαϲ γαρ εγραφη οτι οφειλει επ ελπιδι ο αροτριων αροτριαν και ο αλοων επ ελπιδι του μετεχειν",
            "ει ημειϲ υμιν τα πνευματικα εϲπειραμεν μεγα ει ημειϲ υμων τα ϲαρκικα θεριϲομεν",
            "ει αλλοι τηϲ υμων εξουϲιαϲ μετεχουϲιν ου μαλλον ημειϲ αλλ ουκ εχρηϲαμεθα τη εξουϲια ταυτη αλλα παντα ϲτεγομεν ινα μη τινα ενκοπην δωμεν τω ευαγγελιω του χ̅υ̅",
            "ουκ οιδατε οτι οι τα ιερα εργαζομενοι τα εκ του ιερου εϲθιουϲιν οι τω θυϲιαϲτηριω παρεδρευοντεϲ τω θυϲιαϲτηριω ϲυμμεριζονται",
            "ουτωϲ και ο κ̅ϲ̅ διεταξεν τοιϲ το ευαγγελιον καταγγελλουϲιν εκ του ευαγγελιου ζην",
            "εγω δε ου κεχρημαι ουδενι τουτων ουκ εγραψα δε ταυτα ινα ουτωϲ γενηται εν εμοι καλον γαρ μοι μαλλον αποθανειν η το καυχημα μου ουδειϲ κενωϲει",
            "εαν γαρ ευαγγελιζωμαι ουκ εϲτιν μοι καυχημα αναγκη γαρ μοι επικειται ουαι γαρ μοι εϲτιν εαν μη ευαγγελιϲωμαι",
            "ει γαρ εκων τουτο πραϲϲω μιϲθον εχω ει δε ακων οικονομιαν πεπιϲτευμαι",
            "τιϲ ουν μου εϲτιν ο μιϲθοϲ ινα ευαγγελιζομενοϲ αδαπανον θηϲω το ευαγγελιον ειϲ το μη καταχρηϲαϲθαι τη εξουϲια μου εν τω ευαγγελιω",
            "ελευθεροϲ γαρ ων εκ παντων παϲιν εμαυτον εδουλωϲα ινα τουϲ πλειοναϲ κερδηϲω",
            "και εγενομην τοιϲ ιουδαιοιϲ ωϲ ιουδαιοϲ ινα ιουδαιουϲ κερδηϲω τοιϲ υπο νομον ωϲ υπο νομον μη ων αυτοϲ υπο νομον ινα τουϲ υπο νομον κερδηϲω",
            "τοιϲ ανομοιϲ ωϲ ανομοϲ μη ων ανομοϲ θ̅υ̅ αλλ εννομοϲ χ̅υ̅ ινα κερδανω τουϲ ανομουϲ",
            "εγενομην τοιϲ αϲθενεϲιν αϲθενηϲ ινα τουϲ αϲθενειϲ κερδηϲω τοιϲ παϲιν γεγονα παντα ινα παντωϲ τιναϲ ϲωϲω",
            "παντα δε ποιω δια το ευαγγελιον ινα ϲυνκοινωνοϲ αυτου γενωμαι",
            "ουκ οιδατε οτι οι εν ϲταδιω τρεχοντεϲ παντεϲ μεν τρεχουϲιν ειϲ δε λαμβανει το βραβειον ουτωϲ τρεχετε ινα καταλαβητε",
            "παϲ δε ο αγωνιζομενοϲ παντα εγκρατευεται εκεινοι μεν ουν ινα φθαρτον ϲτεφανον λαβωϲιν ημειϲ δε αφθαρτον",
            "εγω τοινυν ουτωϲ τρεχω ωϲ ουκ αδηλωϲ ουτωϲ πυκτευω ωϲ ουκ αερα δερων",
            "αλλα υπωπιαζω μου το ϲωμα και δουλαγωγω μη πωϲ αλλοιϲ κηρυξαϲ αυτοϲ αδοκιμοϲ γενωμαι"
        ],
        [
            "ου θελω γαρ υμαϲ αγνοειν αδελφοι οτι οι πατερεϲ ημων παντεϲ υπο την νεφελην ηϲαν και παντεϲ δια τηϲ θαλαϲϲηϲ διηλθον",
            "και παντεϲ ειϲ τον μωυϲην εβαπτιϲαντο εν τη νεφελη και εν τη θαλαϲϲη",
            "και παντεϲ το αυτο πνευματικον βρωμα εφαγον",
            "και παντεϲ το αυτο πνευματικον επιον πομα επινον γαρ εκ πνευματικηϲ ακολουθουϲηϲ πετραϲ η πετρα δε ην ο χ̅ϲ̅",
            "αλλ ουκ εν τοιϲ πλειοϲιν αυτων ευδοκηϲεν ο θ̅ϲ̅ κατεϲτρωθηϲαν γαρ εν τη ερημω",
            "ταυτα δε τυποι ημων εγενηθηϲαν ειϲ το μη ειναι ημαϲ επιθυμηταϲ κακων καθωϲ κακεινοι επεθυμηϲαν",
            "μηδε ειδωλολατραι γινεϲθε καθωϲ τινεϲ αυτων ωϲπερ γεγραπται εκαθιϲεν ο λαοϲ φαγειν και πειν και ανεϲτηϲαν παιζειν",
            "μηδε πορνευωμεν καθωϲ τινεϲ αυτων επορνευϲαν και επεϲαν μια ημερα εικοϲι τρειϲ χιλιαδεϲ",
            "μηδε εκπειραζωμεν τον χ̅ν̅ καθωϲ τινεϲ αυτων επειραϲαν και υπο των οφεων απωλλυντο",
            "μηδε γογγυζετε καθαπερ τινεϲ αυτων εγογγυϲαν και απωλοντο υπο του ολοθρευτου",
            "ταυτα δε τυπικωϲ ϲυνεβαινεν εκεινοιϲ εγραφη δε προϲ νουθεϲιαν ημων ειϲ ουϲ τα τελη των αιωνων κατηντηκεν",
            "ωϲτε ο δοκων εϲταναι βλεπετω μη πεϲη",
            "πειραϲμοϲ υμαϲ ουκ ειληφεν ει μη ανθρωπινοϲ πιϲτοϲ δε ο θ̅ϲ̅ οϲ ουκ εαϲει υμαϲ πειραϲθηναι υπερ ο δυναϲθε αλλα ποιηϲει ϲυν τω πειραϲμω και την εκβαϲιν του δυναϲθαι υπενεγκειν",
            "διοπερ αγαπητοι μου φευγετε απο τηϲ ειδωλολατριαϲ",
            "ωϲ φρονιμοιϲ λεγω κρινατε υμειϲ ο φημι",
            "το ποτηριον τηϲ ευλογιαϲ ο ευλογουμεν ουχι κοινωνια εϲτιν του αιματοϲ του χ̅υ̅ τον αρτον ον κλωμεν ουχι κοινωνια του ϲωματοϲ του χ̅υ̅ εϲτιν",
            "οτι ειϲ αρτοϲ εν ϲωμα οι πολλοι εϲμεν οι γαρ παντεϲ εκ του ενοϲ αρτου μετεχομεν",
            "βλεπετε τον ιϲραηλ κατα ϲαρκα ουχ οι εϲθιοντεϲ ταϲ θυϲιαϲ κοινωνοι του θυϲιαϲτηριου ειϲιν",
            "τι ουν φημι οτι ειδωλοθυτον τι εϲτιν η οτι ειδωλον τι εϲτιν",
            "αλλ οτι α θυουϲιν δαιμονιοιϲ και ου θ̅ω̅ θυουϲιν ου θελω δε υμαϲ κοινωνουϲ των δαιμονιων γινεϲθαι",
            "ου δυναϲθε ποτηριον κ̅υ̅ πινειν και ποτηριον δαιμονιων ου δυναϲθε τραπεζηϲ κ̅υ̅ μετεχειν και τραπεζηϲ δαιμονιων",
            "η παραζηλουμεν τον κ̅ν̅ μη ιϲχυροτεροι αυτου εϲμεν",
            "παντα εξεϲτιν αλλ ου παντα ϲυμφερει παντα εξεϲτιν αλλ ου παντα οικοδομει",
            "μηδειϲ το εαυτου ζητειτω αλλα το του ετερου",
            "παν το εν μακελλω πωλουμενον εϲθιετε μηδεν ανακρινοντεϲ δια την ϲυνειδηϲιν",
            "του κ̅υ̅ γαρ η γη και το πληρωμα αυτηϲ",
            "ει τιϲ καλει υμαϲ των απιϲτων και θελετε πορευεϲθαι παν το παρατιθεμενον υμιν εϲθιετε μηδεν ανακρινοντεϲ δια την ϲυνειδηϲιν",
            "εαν δε τιϲ υμιν ειπη τουτο ιεροθυτον εϲτιν μη εϲθιετε δι εκεινον τον μηνυϲαντα και την ϲυνειδηϲιν",
            "ϲυνειδηϲιν δε λεγω ουχι την εαυτου αλλα την του ετερου ινατι γαρ η ελευθερια μου κρινεται υπο αλληϲ ϲυνειδηϲεωϲ",
            "ει εγω χαριτι μετεχω τι βλαϲφημουμαι υπερ ου εγω ευχαριϲτω",
            "ειτε ουν εϲθιετε ειτε πινετε ειτε τι ποιειτε παντα ειϲ δοξαν θ̅υ̅ ποιειτε",
            "απροϲκοποι και ιουδαιοιϲ γινεϲθε και ελληϲιν και τη εκκληϲια του θ̅υ̅",
            "καθωϲ καγω παντα παϲιν αρεϲκω μη ζητων το εμαυτου ϲυμφορον αλλα το των πολλων ινα ϲωθωϲιν"
        ],
        [
            "μιμηται μου γινεϲθε καθωϲ καγω χ̅υ̅",
            "επαινω δε υμαϲ οτι παντα μου μεμνηϲθε και καθωϲ παρεδωκα υμιν ταϲ παραδοϲειϲ κατεχετε",
            "θελω δε υμαϲ ειδεναι οτι παντοϲ ανδροϲ η κεφαλη ο χ̅ϲ̅ εϲτιν κεφαλη δε γυναικοϲ ο ανηρ κεφαλη δε του χ̅υ̅ ο θ̅ϲ̅",
            "παϲ ανηρ προϲευχομενοϲ η προφητευων κατα κεφαληϲ εχων καταιϲχυνει την κεφαλην αυτου",
            "παϲα δε γυνη προϲευχομενη η προφητευουϲα ακατακαλυπτω τη κεφαλη καταιϲχυνει την κεφαλην αυτηϲ εν γαρ εϲτιν και το αυτο τη εξυρημενη",
            "ει γαρ ου κατακαλυπτεται γυνη και κειραϲθω ει δε αιϲχρον γυναικι το κειραϲθαι η ξυραϲθαι κατακαλυπτεϲθω",
            "ανηρ μεν γαρ ουκ οφειλει κατακαλυπτεϲθαι την κεφαλην εικων και δοξα θ̅υ̅ υπαρχων η γυνη δε δοξα ανδροϲ εϲτιν",
            "ου γαρ εϲτιν ανηρ εκ γυναικοϲ αλλα γυνη εξ ανδροϲ",
            "και γαρ ουκ εκτιϲθη ανηρ δια την γυναικα αλλα γυνη δια τον ανδρα",
            "δια τουτο οφειλει η γυνη εξουϲιαν εχειν επι τηϲ κεφαληϲ δια τουϲ αγγελουϲ",
            "πλην ουτε γυνη χωριϲ ανδροϲ ουτε ανηρ χωριϲ γυναικοϲ εν κ̅ω̅",
            "ωϲπερ γαρ η γυνη εκ του ανδροϲ ουτωϲ και ο ανηρ δια τηϲ γυναικοϲ τα δε παντα εκ του θ̅υ̅",
            "εν υμιν αυτοιϲ κρινατε πρεπον εϲτιν γυναικα ακατακαλυπτον τω θ̅ω̅ προϲευχεϲθαι",
            "ουδε η φυϲιϲ αυτη διδαϲκει υμαϲ οτι ανηρ μεν εαν κομα ατιμια αυτω εϲτιν",
            "γυνη δε εαν κομα δοξα αυτη εϲτιν οτι η κομη αντι περιβολαιου δεδοται αυτη",
            "ει δε τιϲ δοκει φιλονεικοϲ ειναι ημειϲ τοιαυτην ϲυνηθειαν ουκ εχομεν ουδε αι εκκληϲιαι του θ̅υ̅",
            "τουτο δε παραγγελλων ουκ επαινω οτι ουκ ειϲ το κρειϲϲον αλλα ειϲ το ηϲϲον ϲυνερχεϲθε",
            "πρωτον μεν γαρ ϲυνερχομενων υμων εν εκκληϲια ακουω ϲχιϲματα εν υμιν υπαρχειν και μεροϲ τι πιϲτευω",
            "δει γαρ και αιρεϲειϲ εν υμιν ειναι ινα και οι δοκιμοι φανεροι γενωνται εν υμιν",
            "συνερχομενων ουν υμων επι το αυτο ουκ εϲτιν κυριακον δειπνον φαγειν",
            "εκαϲτοϲ γαρ το ιδιον δειπνον προλαμβανει εν τω φαγειν και οϲ μεν πεινα οϲ δε μεθυει",
            "μη γαρ οικιαϲ ουκ εχετε ειϲ το εϲθιειν και πινειν η τηϲ εκκληϲιαϲ του θ̅υ̅ καταφρονειτε και καταιϲχυνετε τουϲ μη εχονταϲ τι ειπω υμιν επαινεϲω υμαϲ εν τουτω ουκ επαινω",
            "εγω γαρ παρελαβον απο του κ̅υ̅ ο και παρεδωκα υμιν οτι ο κ̅ϲ̅ ι̅ϲ̅ εν τη νυκτι η παρεδιδετο ελαβεν αρτον",
            "και ευχαριϲτηϲαϲ εκλαϲεν και ειπεν τουτο μου εϲτιν το ϲωμα το υπερ υμων τουτο ποιειτε ειϲ την εμην αναμνηϲιν",
            "ωϲαυτωϲ και το ποτηριον μετα το δειπνηϲαι λεγων τουτο το ποτηριον η καινη διαθηκη εϲτιν εν τω εμω αιματι τουτο ποιειτε οϲακιϲ εαν πινητε ειϲ την εμην αναμνηϲιν",
            "οϲακιϲ γαρ εαν εϲθιητε τον αρτον τουτον και το ποτηριον πινητε τον θανατον του κ̅υ̅ καταγγελλετε αχρι ου ελθη",
            "ωϲτε οϲ αν εϲθιη τον αρτον η πινη το ποτηριον του κ̅υ̅ αναξιωϲ ενοχοϲ εϲται του ϲωματοϲ και του αιματοϲ του κ̅υ̅",
            "δοκιμαζετω δε ανθρωποϲ εαυτον και ουτωϲ εκ του αρτου εϲθιετω και εκ του ποτηριου πινετω",
            "ο γαρ εϲθιων και πινων κριμα εαυτω εϲθιει και πινει μη διακρινων το ϲωμα",
            "δια τουτο εν υμιν πολλοι αϲθενειϲ και αρρωϲτοι και κοιμωνται ικανοι",
            "ει δε εαυτουϲ διεκρινομεν ουκ αν εκρινομεθα",
            "κρινομενοι δε υπο του κ̅υ̅ παιδευομεθα ινα μη ϲυν τω κοϲμω κατακριθωμεν",
            "ωϲτε αδελφοι μου ϲυνερχομενοι ειϲ το φαγειν αλληλουϲ εκδεχεϲθε",
            "ει τιϲ πεινα εν οικω εϲθιετω ινα μη ειϲ κριμα ϲυνερχηϲθε τα δε λοιπα ωϲ αν ελθω διαταξομαι"
        ],
        [
            "περι δε των πνευματικων αδελφοι ου θελω υμαϲ αγνοειν",
            "οιδατε οτι οτε εθνη ητε προϲ τα ειδωλα τα αφωνα ωϲ αν ηγεϲθε απαγομενοι",
            "διο γνωριζω υμιν οτι ουδειϲ εν π̅ν̅ι̅ θ̅υ̅ λαλων λεγει αναθεμα ι̅ϲ̅ και ουδειϲ δυναται ειπειν κ̅ϲ̅ ι̅ϲ̅ ει μη εν π̅ν̅ι̅ αγιω",
            "διαιρεϲειϲ δε χαριϲματων ειϲιν το δε αυτο π̅ν̅α̅",
            "και διαιρεϲειϲ διακονιων ειϲιν και ο αυτοϲ κ̅ϲ̅",
            "και διαιρεϲειϲ ενεργηματων ειϲιν ο δε αυτοϲ θ̅ϲ̅ ο ενεργων τα παντα εν παϲιν",
            "εκαϲτω δε διδοται η φανερωϲιϲ του π̅ν̅ϲ̅ προϲ το ϲυμφερον",
            "ω μεν γαρ δια του π̅ν̅ϲ̅ διδοται λογοϲ ϲοφιαϲ αλλω δε λογοϲ γνωϲεωϲ κατα το αυτο π̅ν̅α̅",
            "ετερω πιϲτιϲ εν τω αυτω π̅ν̅ι̅ αλλω δε χαριϲματα ιαματων εν τω ενι π̅ν̅ι̅",
            "αλλω δε ενεργηματα δυναμεων αλλω δε προφητεια αλλω δε διακριϲειϲ πνευματων ετερω γενη γλωϲϲων αλλω δε ερμηνεια γλωϲϲων",
            "παντα δε ταυτα ενεργει το εν και το αυτο π̅ν̅α̅ διαιρουν ιδια εκαϲτω καθωϲ βουλεται",
            "καθαπερ γαρ το ϲωμα εν εϲτιν και μελη πολλα εχει παντα δε τα μελη του ϲωματοϲ πολλα οντα εν εϲτιν ϲωμα ουτωϲ και ο χ̅ϲ̅",
            "και γαρ εν ενι π̅ν̅ι̅ ημειϲ παντεϲ ειϲ εν ϲωμα εβαπτιϲθημεν ειτε ιουδαιοι ειτε ελληνεϲ ειτε δουλοι ειτε ελευθεροι και παντεϲ εν π̅ν̅α̅ εποτιϲθημεν",
            "και γαρ το ϲωμα ουκ εϲτιν εν μελοϲ αλλα πολλα",
            "εαν ειπη ο πουϲ οτι ουκ ειμι χειρ ουκ ειμι εκ του ϲωματοϲ ου παρα τουτο ουκ εϲτιν εκ του ϲωματοϲ",
            "και εαν ειπη το ουϲ οτι ουκ ειμι οφθαλμοϲ ουκ ειμι εκ του ϲωματοϲ ου παρα τουτο ουκ εϲτιν εκ του ϲωματοϲ",
            "ει ολον το ϲωμα οφθαλμοϲ που η ακοη ει ολον ακοη που η οϲφρηϲιϲ",
            "νυνι δε ο θ̅ϲ̅ εθετο τα μελη εν εκαϲτον αυτων εν τω ϲωματι καθωϲ ηθεληϲεν",
            "ει δε ην τα παντα εν μελοϲ που το ϲωμα",
            "νυν δε πολλα μεν μελη εν δε ϲωμα",
            "ου δυναται δε ο οφθαλμοϲ ειπειν τη χειρι χρειαν ϲου ουκ εχω η παλιν η κεφαλη τοιϲ ποϲιν χρειαν υμων ουκ εχω",
            "αλλα πολλω μαλλον τα δοκουντα μελη του ϲωματοϲ αϲθενεϲτερα υπαρχειν αναγκαια εϲτιν",
            "και α δοκουμεν ατιμοτερα ειναι του ϲωματοϲ τουτοιϲ τιμην περιϲϲοτεραν περιτιθεμεν και τα αϲχημονα ημων ευϲχημοϲυνην περιϲϲοτεραν εχει",
            "τα δε ευϲχημονα ημων ου χρειαν εχει αλλα ο θ̅ϲ̅ ϲυνεκεραϲεν το ϲωμα τω υϲτερουμενω περιϲϲοτεραν δουϲ τιμην",
            "ινα μη η ϲχιϲμα εν τω ϲωματι αλλα το αυτο υπερ αλληλων μεριμνωϲιν τα μελη",
            "και ειτε παϲχει εν μελοϲ ϲυμπαϲχει παντα τα μελη ειτε δοξαζεται εν μελοϲ ϲυνχαιρει παντα τα μελη",
            "υμειϲ δε εϲτε ϲωμα χ̅υ̅ και μελη εκ μερουϲ",
            "και ουϲ μεν εθετο ο θ̅ϲ̅ εν τη εκκληϲια πρωτον αποϲτολουϲ δευτερον προφηταϲ τριτον διδαϲκαλουϲ επειτα δυναμειϲ επειτα χαριϲματα ιαματων αντιλημψειϲ κυβερνηϲειϲ γενη γλωϲϲων",
            "μη παντεϲ αποϲτολοι μη παντεϲ προφηται μη παντεϲ διδαϲκαλοι μη παντεϲ δυναμειϲ",
            "μη παντεϲ χαριϲματα εχουϲιν ιαματων μη παντεϲ γλωϲϲαιϲ λαλουϲιν μη παντεϲ διερμηνευουϲιν",
            "ζηλουτε δε τα χαριϲματα τα μειζονα και ετι καθ υπερβολην οδον υμιν δεικνυμι"
        ],
        [
            "εαν ταιϲ γλωϲϲαιϲ των ανθρωπων λαλω και των αγγελων αγαπην δε μη εχω γεγονα χαλκοϲ ηχων η κυμβαλον αλαλαζον",
            "και εαν εχω προφητειαν και ειδω τα μυϲτηρια παντα και παϲαν την γνωϲιν και εαν εχω παϲαν την πιϲτιν ωϲτε ορη μεθιϲταναι αγαπην δε μη εχω ουθεν ειμι",
            "καν ψωμιϲω παντα τα υπαρχοντα μου και εαν παραδω το ϲωμα μου ινα καυχηϲωμαι αγαπην δε μη εχω ουδεν ωφελουμαι",
            "η αγαπη μακροθυμει χρηϲτευεται η αγαπη ου ζηλοι η αγαπη ου περπερευεται ου φυϲιουται",
            "ουκ αϲχημονει ου ζητει τα εαυτηϲ ου παροξυνεται ου λογιζεται το κακον",
            "ου χαιρει επι τη αδικια ϲυνχαιρει δε τη αληθεια",
            "παντα ϲτεγει παντα πιϲτευει παντα ελπιζει παντα υπομενει",
            "η αγαπη ουδεποτε πιπτει ειτε δε προφητειαι καταργηθηϲονται ειτε γλωϲϲαι παυϲονται ειτε γνωϲιϲ καταργηθηϲεται",
            "εκ μερουϲ γαρ γινωϲκομεν και εκ μερουϲ προφητευομεν",
            "οταν δε ελθη το τελειον το εκ μερουϲ καταργηθηϲεται",
            "οτε ημην νηπιοϲ ελαλουν ωϲ νηπιοϲ εφρονουν ωϲ νηπιοϲ ελογιζομην ωϲ νηπιοϲ οτε γεγονα ανηρ κατηργηκα τα του νηπιου",
            "βλεπομεν γαρ αρτι δι εϲοπτρου εν αινιγματι τοτε δε προϲωπον προϲ προϲωπον αρτι γινωϲκω εκ μερουϲ τοτε δε επιγνωϲομαι καθωϲ και επεγνωϲθην",
            "νυνι δε μενει πιϲτιϲ ελπιϲ αγαπη τα τρια ταυτα μειζων δε τουτων η αγαπη"
        ],
        [
            "διωκετε την αγαπην ζηλουτε δε τα πνευματικα μαλλον δε ινα προφητευητε",
            "ο γαρ λαλων γλωϲϲη ουκ ανθρωποιϲ λαλει αλλα θ̅ω̅ ουδειϲ γαρ ακουει π̅ν̅ι̅ δε λαλει μυϲτηρια",
            "ο δε προφητευων ανθρωποιϲ λαλει οικοδομην και παρακληϲιν και παραμυθιαν",
            "ο λαλων γλωϲϲη εαυτον οικοδομει ο δε προφητευων εκκληϲιαν οικοδομει",
            "θελω δε πανταϲ υμαϲ λαλειν γλωϲϲαιϲ μαλλον δε ινα προφητευητε μειζων δε ο προφητευων η ο λαλων γλωϲϲαιϲ εκτοϲ ει μη διερμηνευη ινα η εκκληϲια οικοδομην λαβη",
            "νυν δε αδελφοι εαν ελθω προϲ υμαϲ γλωϲϲαιϲ λαλων τι υμαϲ ωφεληϲω εαν μη υμιν λαληϲω η εν αποκαλυψει η εν γνωϲει η εν προφητεια η εν διδαχη",
            "ομωϲ τα αψυχα φωνην διδοντα ειτε αυλοϲ ειτε κιθαρα εαν διαϲτολην τοιϲ φθογγοιϲ μη δω πωϲ γνωϲθηϲεται το αυλουμενον η το κιθαριζομενον",
            "και γαρ εαν αδηλον ϲαλπιγξ φωνην δω τιϲ παραϲκευαϲεται ειϲ πολεμον",
            "ουτωϲ και υμειϲ δια τηϲ γλωϲϲηϲ εαν μη ευϲημον λογον δωτε πωϲ γνωϲθηϲεται το λαλουμενον εϲεϲθε γαρ ειϲ αερα λαλουντεϲ",
            "τοϲαυτα ει τυχοι γενη φωνων ειϲιν εν κοϲμω και ουδεν αφωνον",
            "εαν ουν μη ειδω την δυναμιν τηϲ φωνηϲ εϲομαι τω λαλουντι βαρβαροϲ και ο λαλων εν εμοι βαρβαροϲ",
            "ουτωϲ και υμειϲ επει ζηλωται εϲτε πνευματων προϲ την οικοδομην τηϲ εκκληϲιαϲ ζητειτε ινα περιϲϲευητε",
            "διο ο λαλων γλωϲϲη προϲευχεϲθω ινα διερμηνευη",
            "εαν γαρ προϲευχωμαι γλωϲϲη το π̅ν̅α̅ μου προϲευχεται ο δε νουϲ μου ακαρποϲ εϲτιν",
            "τι ουν εϲτιν προϲευξομαι τω π̅ν̅ι̅ προϲευξομαι δε και τω νοι ψαλω τω π̅ν̅ι̅ ψαλω δε και τω νοι",
            "επει εαν ευλογηϲ εν π̅ν̅ι̅ ο αναπληρων τον τοπον του ιδιωτου πωϲ ερει το αμην επι τη ϲη ευχαριϲτια επειδη τι λεγειϲ ουκ οιδεν",
            "ϲυ μεν γαρ καλωϲ ευχαριϲτειϲ αλλ ο ετεροϲ ουκ οικοδομειται",
            "ευχαριϲτω τω θ̅ω̅ παντων υμων μαλλον γλωϲϲαιϲ λαλω",
            "αλλα εν εκκληϲια θελω πεντε λογουϲ τω νοι μου λαληϲαι ινα και αλλουϲ κατηχηϲω η μυριουϲ λογουϲ εν γλωϲϲη",
            "αδελφοι μη παιδια γινεϲθε ταιϲ φρεϲιν αλλα τη κακια νηπιαζετε ταιϲ δε φρεϲιν τελειοι γινεϲθε",
            "εν τω νομω γεγραπται οτι εν ετερογλωϲϲοιϲ και εν χειλεϲιν ετερων λαληϲω τω λαω τουτω και ουδ ουτωϲ ειϲακουϲονται μου λεγει κ̅ϲ̅",
            "ωϲτε αι γλωϲϲαι ειϲ ϲημειον ειϲιν ου τοιϲ πιϲτευουϲιν αλλα τοιϲ απιϲτοιϲ η δε προφητεια ου τοιϲ απιϲτοιϲ αλλα τοιϲ πιϲτευουϲιν",
            "εαν ουν ϲυνελθη η εκκληϲια ολη επι το αυτο και παντεϲ λαλωϲιν γλωϲϲαιϲ ειϲελθωϲιν δε ιδιωται η απιϲτοι ουκ ερουϲιν οτι μαινεϲθε",
            "εαν δε παντεϲ προφητευωϲιν ειϲελθη δε τιϲ απιϲτοϲ η ιδιωτηϲ ελεγχεται υπο παντων ανακρινεται υπο παντων",
            "τα κρυπτα τηϲ καρδιαϲ αυτου φανερα γινεται και ουτωϲ πεϲων επι προϲωπον προϲκυνηϲει τω θ̅ω̅ απαγγελλων οτι οντωϲ ο θ̅ϲ̅ εν υμιν εϲτιν",
            "τι ουν εϲτιν αδελφοι οταν ϲυνερχηϲθε εκαϲτοϲ ψαλμον εχει διδαχην εχει αποκαλυψιν εχει γλωϲϲαν εχει ερμηνειαν εχει παντα προϲ οικοδομην γινεϲθω",
            "ειτε γλωϲϲη τιϲ λαλει κατα δυο η το πλειϲτον τρειϲ και ανα μεροϲ και ειϲ διερμηνευετω",
            "εαν δε μη η διερμηνευτηϲ ϲιγατω εν εκκληϲια εαυτω δε λαλειτω και τω θ̅ω̅",
            "προφηται δε δυο η τρειϲ λαλειτωϲαν και οι αλλοι διακρινετωϲαν",
            "εαν δε αλλω αποκαλυφθη καθημενω ο πρωτοϲ ϲιγατω",
            "δυναϲθε γαρ καθ ενα παντεϲ προφητευειν ινα παντεϲ μανθανωϲιν και παντεϲ παρακαλωνται",
            "και πνευματα προφητων προφηταιϲ υποταϲϲεται",
            "ου γαρ εϲτιν ακαταϲταϲιαϲ ο θ̅ϲ̅ αλλα ειρηνηϲ ωϲ εν παϲαιϲ ταιϲ εκκληϲιαιϲ των αγιων",
            "αι γυναικεϲ εν ταιϲ εκκληϲιαιϲ ϲιγατωϲαν ου γαρ επιτρεπεται αυταιϲ λαλειν αλλα υποταϲϲεϲθωϲαν καθωϲ και ο νομοϲ λεγει",
            "ει δε τι μαθειν θελουϲιν εν οικω τουϲ ιδιουϲ ανδραϲ επερωτατωϲαν αιϲχρον γαρ εϲτιν γυναικι λαλειν εν εκκληϲια",
            "η αφ υμων ο λογοϲ του θ̅υ̅ εξηλθεν η ειϲ υμαϲ μονουϲ κατηντηϲεν",
            "ει τιϲ δοκει προφητηϲ ειναι η πνευματικοϲ επιγινωϲκετω α γραφω υμιν οτι κ̅υ̅ εϲτιν εντολη",
            "ει δε τιϲ αγνοει αγνοειται",
            "ωϲτε αδελφοι μου ζηλουτε το προφητευειν και το λαλειν μη κωλυετε γλωϲϲαιϲ",
            "παντα δε ευϲχημονωϲ και κατα ταξιν γινεϲθω"
        ],
        [
            "γνωριζω δε υμιν αδελφοι το ευαγγελιον ο ευηγγελιϲαμην υμιν ο και παρελαβετε εν ω και εϲτηκατε",
            "δι ου και ϲωζεϲθε τινι λογω ευηγγελιϲαμην υμιν ει κατεχετε εκτοϲ ει μη εικη επιϲτευϲατε",
            "παρεδωκα γαρ υμιν εν πρωτοιϲ ο και παρελαβον οτι χ̅ϲ̅ απεθανεν υπερ των αμαρτιων ημων κατα ταϲ γραφαϲ",
            "και οτι εταφη και οτι εγηγερται τη ημερα τη τριτη κατα ταϲ γραφαϲ",
            "και οτι ωφθη κηφα ειτα τοιϲ δωδεκα",
            "επειτα ωφθη επανω πεντακοϲιοιϲ αδελφοιϲ εφαπαξ εξ ων οι πλειονεϲ μενουϲιν εωϲ αρτι τινεϲ δε εκοιμηθηϲαν",
            "επειτα ωφθη ιακωβω ειτα τοιϲ αποϲτολοιϲ παϲιν",
            "εϲχατον δε παντων ωϲπερει τω εκτρωματι ωφθη καμοι",
            "εγω γαρ ειμι ο ελαχιϲτοϲ των αποϲτολων οϲ ουκ ειμι ικανοϲ καλειϲθαι αποϲτολοϲ διοτι εδιωξα την εκκληϲιαν του θ̅υ̅",
            "χαριτι δε θ̅υ̅ ειμι ο ειμι και η χαριϲ αυτου η ειϲ εμε ου κενη εγενηθη αλλα περιϲϲοτερον αυτων παντων εκοπιαϲα ουκ εγω δε αλλα η χαριϲ του θ̅υ̅ η ϲυν εμοι",
            "ειτε ουν εγω ειτε εκεινοι ουτωϲ κηρυϲϲομεν και ουτωϲ επιϲτευϲατε",
            "ει δε χ̅ϲ̅ κηρυϲϲεται οτι εκ νεκρων εγηγερται πωϲ λεγουϲιν εν υμιν τινεϲ οτι αναϲταϲιϲ νεκρων ουκ εϲτιν",
            "ει δε αναϲταϲιϲ νεκρων ουκ εϲτιν ουδε χ̅ϲ̅ εγηγερται",
            "ει δε χ̅ϲ̅ ουκ εγηγερται κενον αρα και το κηρυγμα ημων κενη και η πιϲτιϲ υμων",
            "ευριϲκομεθα δε και ψευδομαρτυρεϲ του θ̅υ̅ οτι εμαρτυρηϲαμεν κατα του θ̅υ̅ οτι ηγειρεν τον χ̅ν̅ ον ουκ ηγειρεν ειπερ αρα νεκροι ουκ εγειρονται",
            "ει γαρ νεκροι ουκ εγειρονται ουδε χ̅ϲ̅ εγηγερται",
            "ει δε χ̅ϲ̅ ουκ εγηγερται ματαια η πιϲτιϲ υμων ετι εϲτε εν ταιϲ αμαρτιαιϲ υμων",
            "αρα και οι κοιμηθεντεϲ εν χ̅ω̅ απωλοντο",
            "ει εν τη ζωη ταυτη εν χ̅ω̅ ηλπικοτεϲ εϲμεν μονον ελεεινοτεροι παντων ανθρωπων εϲμεν",
            "νυνι δε χ̅ϲ̅ εγηγερται εκ νεκρων απαρχη των κεκοιμημενων",
            "επειδη γαρ δι ανθρωπου θανατοϲ και δι ανθρωπου αναϲταϲιϲ νεκρων",
            "ωϲπερ γαρ εν τω αδαμ παντεϲ αποθνηϲκουϲιν ουτωϲ και εν τω χ̅ω̅ παντεϲ ζωοποιηθηϲονται",
            "εκαϲτοϲ δε εν τω ιδιω ταγματι απαρχη χ̅ϲ̅ επειτα οι του χ̅υ̅ εν τη παρουϲια αυτου",
            "ειτα το τελοϲ οταν παραδιδω την βαϲιλειαν τω θ̅ω̅ και πατρι οταν καταργηϲη παϲαν αρχην και παϲαν εξουϲιαν και δυναμιν",
            "δει γαρ αυτον βαϲιλευειν αχρι ου θη πανταϲ τουϲ εχθρουϲ υπο τουϲ ποδαϲ αυτου",
            "εϲχατοϲ εχθροϲ καταργειται ο θανατοϲ",
            "παντα γαρ υπεταξεν υπο τουϲ ποδαϲ αυτου οταν δε ειπη οτι παντα υποτετακται δηλον οτι εκτοϲ του υποταξαντοϲ αυτω τα παντα",
            "οταν δε υποταγη αυτω τα παντα τοτε και αυτοϲ ο υιοϲ υποταγηϲεται τω υποταξαντι αυτω τα παντα ινα η ο θ̅ϲ̅ τα παντα εν παϲιν",
            "επει τι ποιηϲουϲιν οι βαπτιζομενοι υπερ των νεκρων ει ολωϲ νεκροι ουκ εγειρονται τι και βαπτιζονται υπερ αυτων",
            "τι και ημειϲ κινδυνευομεν παϲαν ωραν",
            "καθ ημεραν αποθνηϲκω νη την υμετεραν καυχηϲιν αδελφοι ην εχω εν χ̅ω̅ ι̅υ̅ τω κ̅ω̅ ημων",
            "ει κατα ανθρωπον εθηριομαχηϲα εν εφεϲω τι μοι το οφελοϲ ει νεκροι ουκ εγειρονται φαγωμεν και πιωμεν αυριον γαρ αποθνηϲκομεν",
            "μη πλαναϲθε φθειρουϲιν ηθη χρηϲτα ομιλιαι κακαι",
            "εκνηψατε δικαιωϲ και μη αμαρτανετε αγνωϲιαν γαρ θ̅υ̅ τινεϲ εχουϲιν προϲ εντροπην υμιν λαλω",
            "αλλα ερει τιϲ πωϲ εγειρονται οι νεκροι ποιω δε ϲωματι ερχονται",
            "αφρων ϲυ ο ϲπειρειϲ ου ζωοποιειται εαν μη αποθανη",
            "και ο ϲπειρειϲ ου το ϲωμα το γενηϲομενον ϲπειρειϲ αλλα γυμνον κοκκον ει τυχοι ϲιτου η τινοϲ των λοιπων",
            "ο δε θ̅ϲ̅ διδωϲιν αυτω ϲωμα καθωϲ ηθεληϲεν και εκαϲτω των ϲπερματων ιδιον ϲωμα",
            "ου παϲα ϲαρξ η αυτη ϲαρξ αλλα αλλη μεν ανθρωπων αλλη δε ϲαρξ κτηνων αλλη δε ϲαρξ πτηνων αλλη δε ιχθυων",
            "και ϲωματα επουρανια και ϲωματα επιγεια αλλα ετερα μεν η των επουρανιων δοξα ετερα δε η των επιγειων",
            "αλλη δοξα ηλιου και αλλη δοξα ϲεληνηϲ και αλλη δοξα αϲτερων αϲτηρ γαρ αϲτεροϲ διαφερει εν δοξη",
            "ουτωϲ και η αναϲταϲιϲ των νεκρων ϲπειρεται εν φθορα εγειρεται εν αφθαρϲια",
            "ϲπειρεται εν ατιμια εγειρεται εν δοξη ϲπειρεται εν αϲθενεια εγειρεται εν δυναμει",
            "ϲπειρεται ϲωμα ψυχικον εγειρεται ϲωμα πνευματικον ει εϲτιν ϲωμα ψυχικον εϲτιν και πνευματικον",
            "ουτωϲ και γεγραπται εγενετο ο πρωτοϲ ανθρωποϲ αδαμ ειϲ ψυχην ζωϲαν ο εϲχατοϲ αδαμ ειϲ π̅ν̅α̅ ζωοποιουν",
            "αλλ ου πρωτον το πνευματικον αλλα το ψυχικον επειτα το πνευματικον",
            "ο πρωτοϲ ανθρωποϲ εκ γηϲ χοικοϲ ο δευτεροϲ ανθρωποϲ εξ ουρανου",
            "οιοϲ ο χοικοϲ τοιουτοι και οι χοικοι και οιοϲ ο επουρανιοϲ τοιουτοι και οι επουρανιοι",
            "και καθωϲ εφορεϲαμεν την εικονα του χοικου φορεϲομεν και την εικονα του επουρανιου",
            "τουτο δε φημι αδελφοι οτι ϲαρξ και αιμα βαϲιλειαν θ̅υ̅ κληρονομηϲαι ου δυναται ουδε η φθορα την αφθαρϲιαν κληρονομει",
            "ιδου μυϲτηριον υμιν λεγω παντεϲ ου κοιμηθηϲομεθα παντεϲ δε αλλαγηϲομεθα",
            "εν ατομω εν ριπη οφθαλμου εν τη εϲχατη ϲαλπιγγι ϲαλπιϲει γαρ και οι νεκροι εγερθηϲονται αφθαρτοι και ημειϲ αλλαγηϲομεθα",
            "δει γαρ το φθαρτον τουτο ενδυϲαϲθαι αφθαρϲιαν και το θνητον τουτο ενδυϲαϲθαι αθαναϲιαν",
            "οταν δε το φθαρτον τουτο ενδυϲηται αφθαρϲιαν και το θνητον τουτο ενδυϲηται αθαναϲιαν τοτε γενηϲεται ο λογοϲ ο γεγραμμενοϲ κατεποθη ο θανατοϲ ειϲ νικοϲ",
            "που ϲου θανατε το νικοϲ που ϲου θανατε το κεντρον",
            "το δε κεντρον του θανατου η αμαρτια η δε δυναμιϲ τηϲ αμαρτιαϲ ο νομοϲ",
            "τω δε θ̅ω̅ χαριϲ τω διδοντι ημιν το νικοϲ δια του κ̅υ̅ ημων ι̅υ̅ χ̅υ̅",
            "ωϲτε αδελφοι μου αγαπητοι εδραιοι γινεϲθε αμετακινητοι περιϲϲευοντεϲ εν τω εργω του κ̅υ̅ παντοτε ειδοτεϲ οτι ο κοποϲ υμων ουκ εϲτιν κενοϲ εν κ̅ω̅"
        ],
        [
            "περι δε τηϲ λογειαϲ τηϲ ειϲ τουϲ αγιουϲ ωϲπερ διεταξα ταιϲ εκκληϲιαιϲ τηϲ γαλατιαϲ ουτωϲ και υμειϲ ποιηϲατε",
            "κατα μιαν ϲαββατου εκαϲτοϲ υμων παρ εαυτω τιθετω θηϲαυριζων ο τι εαν ευοδωται ινα μη οταν ελθω τοτε λογειαι γινωνται",
            "οταν δε παραγενωμαι ουϲ εαν δοκιμαϲητε δι επιϲτολων τουτουϲ πεμψω απενεγκειν την χαριν υμων ειϲ ιερουϲαλημ",
            "εαν δε αξιον η του καμε πορευεϲθαι ϲυν εμοι πορευϲονται",
            "ελευϲομαι δε προϲ υμαϲ οταν μακεδονιαν διελθω μακεδονιαν γαρ διερχομαι",
            "προϲ υμαϲ δε τυχον παραμενω η και παραχειμαϲω ινα υμειϲ με προπεμψητε ου εαν πορευωμαι",
            "ου θελω γαρ υμαϲ αρτι εν παροδω ιδειν ελπιζω γαρ χρονον τινα επιμειναι προϲ υμαϲ εαν ο κ̅ϲ̅ επιτρεψη",
            "επιμενω δε εν εφεϲω εωϲ τηϲ πεντηκοϲτηϲ",
            "θυρα γαρ μοι ανεωγεν μεγαλη και ενεργηϲ και αντικειμενοι πολλοι",
            "εαν δε ελθη τιμοθεοϲ βλεπετε ινα αφοβωϲ γενηται προϲ υμαϲ το γαρ εργον κ̅υ̅ εργαζεται ωϲ καγω",
            "μη τιϲ ουν αυτον εξουθενηϲη προπεμψατε δε αυτον εν ειρηνη ινα ελθη προϲ με εκδεχομαι γαρ αυτον μετα των αδελφων",
            "περι δε απολλω του αδελφου πολλα παρεκαλεϲα αυτον ινα ελθη προϲ υμαϲ μετα των αδελφων και παντωϲ ουκ ην θελημα ινα νυν ελθη ελευϲεται δε οταν ευκαιρηϲη",
            "γρηγορειτε ϲτηκετε εν τη πιϲτει ανδριζεϲθε κραταιουϲθε",
            "παντα υμων εν αγαπη γινεϲθω",
            "παρακαλω δε υμαϲ αδελφοι οιδατε την οικιαν στεφανα οτι εϲτιν απαρχη τηϲ αχαιαϲ και ειϲ διακονιαν τοιϲ αγιοιϲ εταξαν εαυτουϲ",
            "ινα και υμειϲ υποταϲϲηϲθε τοιϲ τοιουτοιϲ και παντι τω ϲυνεργουντι και κοπιωντι",
            "χαιρω δε επι τη παρουϲια στεφανα και φορτουνατου και αχαικου οτι το υμετερον υϲτερημα ουτοι ανεπληρωϲαν",
            "ανεπαυϲαν γαρ το εμον π̅ν̅α̅ και το υμων επιγινωϲκετε ουν τουϲ τοιουτουϲ",
            "αϲπαζονται υμαϲ αι εκκληϲιαι τηϲ αϲιαϲ αϲπαζεται υμαϲ εν κ̅ω̅ πολλα ακυλαϲ και πριϲκα ϲυν τη κατ οικον αυτων εκκληϲια",
            "αϲπαζονται υμαϲ οι αδελφοι παντεϲ αϲπαϲαϲθε αλληλουϲ εν φιληματι αγιω",
            "ο αϲπαϲμοϲ τη εμη χειρι παυλου",
            "ει τιϲ ου φιλει τον κ̅ν̅ ητω αναθεμα μαρανα θα",
            "η χαριϲ του κ̅υ̅ ι̅υ̅ μεθ υμων",
            "η αγαπη μου μετα παντων υμων εν χ̅ω̅ ι̅υ̅"
        ]
    ]
}