daily_psalms_api/texts/bible/45.json

{
    "status": "locked",
    "versionTitle": "New Testament",
    "sectionNames": [
        "Chapter",
        "Verse"
    ],
    "license": "Public Domain",
    "language": "el",
    "title": "Romans",
    "licenseVetted": true,
    "text": [
        [
            "παυλοϲ δουλοϲ χ̅υ̅ ι̅υ̅ κλητοϲ αποϲτολοϲ αφωριϲμενοϲ ειϲ ευαγγελιον θ̅υ̅",
            "ο προεπηγγειλατο δια των προφητων αυτου εν γραφαιϲ αγιαιϲ",
            "περι του υιου αυτου του γενομενου εκ ϲπερματοϲ δαυιδ κατα ϲαρκα",
            "του οριϲθεντοϲ υιου θ̅υ̅ εν δυναμει κατα π̅ν̅α̅ αγιωϲυνηϲ εξ αναϲταϲεωϲ νεκρων ι̅υ̅ χ̅υ̅ του κ̅υ̅ ημων",
            "δι ου ελαβομεν χαριν και αποϲτολην ειϲ υπακοην πιϲτεωϲ εν παϲιν τοιϲ εθνεϲιν υπερ του ονοματοϲ αυτου",
            "εν οιϲ εϲτε και υμειϲ κλητοι ι̅υ̅ χ̅υ̅",
            "παϲιν τοιϲ ουϲιν εν ρωμη αγαπητοιϲ θ̅υ̅ κλητοιϲ αγιοιϲ χαριϲ υμιν και ειρηνη απο θ̅υ̅ πατροϲ ημων και κ̅υ̅ ι̅υ̅ χ̅υ̅",
            "πρωτον μεν ευχαριϲτω τω θ̅ω̅ μου δια ι̅υ̅ χ̅υ̅ περι παντων υμων οτι η πιϲτιϲ υμων καταγγελλεται εν ολω τω κοϲμω",
            "μαρτυϲ γαρ μου εϲτιν ο θ̅ϲ̅ ω λατρευω εν τω π̅ν̅ι̅ μου εν τω ευαγγελιω του υιου αυτου ωϲ αδιαλειπτωϲ μνειαν υμων ποιουμαι",
            "παντοτε επι των προϲευχων μου δεομενοϲ ει πωϲ ηδη ποτε ευοδωθηϲομαι εν τω θεληματι του θ̅υ̅ ελθειν προϲ υμαϲ",
            "επιποθω γαρ ιδειν υμαϲ ινα τι μεταδω χαριϲμα υμιν πνευματικον ειϲ το ϲτηριχθηναι υμαϲ",
            "τουτο δε εϲτιν ϲυμπαρακληθηναι εν υμιν δια τηϲ εν αλληλοιϲ πιϲτεωϲ υμων τε και εμου",
            "ου θελω δε υμαϲ αγνοειν αδελφοι οτι πολλακιϲ προεθεμην ελθειν προϲ υμαϲ και εκωλυθην αχρι του δευρο ινα τινα καρπον ϲχω και εν υμιν καθωϲ και εν τοιϲ λοιποιϲ εθνεϲιν",
            "ελληϲιν τε και βαρβαροιϲ ϲοφοιϲ τε και ανοητοιϲ οφειλετηϲ ειμι",
            "ουτωϲ το κατ εμε προθυμον και υμιν τοιϲ εν ρωμη ευαγγελιϲαϲθαι",
            "ου γαρ επαιϲχυνομαι το ευαγγελιον δυναμιϲ γαρ θ̅υ̅ εϲτιν ειϲ ϲωτηριαν παντι τω πιϲτευοντι ιουδαιω τε πρωτον και ελληνι",
            "δικαιοϲυνη γαρ θ̅υ̅ εν αυτω αποκαλυπτεται εκ πιϲτεωϲ ειϲ πιϲτιν καθωϲ γεγραπται ο δε δικαιοϲ εκ πιϲτεωϲ ζηϲεται",
            "αποκαλυπτεται γαρ οργη θ̅υ̅ απ ουρανου επι παϲαν αϲεβειαν και αδικιαν ανθρωπων των την αληθειαν εν αδικια κατεχοντων",
            "διοτι το γνωϲτον του θ̅υ̅ φανερον εϲτιν εν αυτοιϲ ο θ̅ϲ̅ γαρ αυτοιϲ εφανερωϲεν",
            "τα γαρ αορατα αυτου απο κτιϲεωϲ κοϲμου τοιϲ ποιημαϲιν νοουμενα καθοραται η τε αιδιοϲ αυτου δυναμιϲ και θειοτηϲ ειϲ το ειναι αυτουϲ αναπολογητουϲ",
            "διοτι γνοντεϲ τον θ̅ν̅ ουχ ωϲ θ̅ν̅ εδοξαϲαν η ηυχαριϲτηϲαν αλλα εματαιωθηϲαν εν τοιϲ διαλογιϲμοιϲ αυτων και εϲκοτιϲθη η αϲυνετοϲ αυτων καρδια",
            "φαϲκοντεϲ ειναι ϲοφοι εμωρανθηϲαν",
            "και ηλλαξαν την δοξαν του αφθαρτου θ̅υ̅ εν ομοιωματι εικονοϲ φθαρτου ανθρωπου και πετεινων και τετραποδων και ερπετων",
            "διο παρεδωκεν αυτουϲ ο θ̅ϲ̅ εν ταιϲ επιθυμιαιϲ των καρδιων αυτων ειϲ ακαθαρϲιαν του ατιμαζεϲθαι τα ϲωματα αυτων εν αυτοιϲ",
            "οιτινεϲ μετηλλαξαν την αληθειαν του θ̅υ̅ εν τω ψευδει και εϲεβαϲθηϲαν και ελατρευϲαν τη κτιϲει παρα τον κτιϲαντα οϲ εϲτιν ευλογητοϲ ειϲ τουϲ αιωναϲ αμην",
            "δια τουτο παρεδωκεν αυτουϲ ο θ̅ϲ̅ ειϲ παθη ατιμιαϲ αι τε γαρ θηλειαι αυτων μετηλλαξαν την φυϲικην χρηϲιν ειϲ την παρα φυϲιν",
            "ομοιωϲ τε και οι αρϲενεϲ αφεντεϲ την φυϲικην χρηϲιν τηϲ θηλειαϲ εξεκαυθηϲαν εν τη ορεξει αυτων ειϲ αλληλουϲ αρϲενεϲ εν αρϲεϲιν την αϲχημοϲυνην κατεργαζομενοι και την αντιμιϲθιαν ην εδει τηϲ πλανηϲ αυτων εν εαυτοιϲ απολαμβανοντεϲ",
            "και καθωϲ ουκ εδοκιμαϲαν τον θ̅ν̅ εχειν εν επιγνωϲει παρεδωκεν αυτουϲ ο θ̅ϲ̅ ειϲ αδοκιμον νουν ποιειν τα μη καθηκοντα",
            "πεπληρωμενουϲ παϲη αδικια πονηρια πλεονεξια κακια μεϲτουϲ φθονου φονου εριδοϲ δολου κακοηθειαϲ ψιθυριϲταϲ",
            "καταλαλουϲ θεοϲτυγειϲ υβριϲταϲ υπερηφανουϲ αλαζοναϲ εφευρεταϲ κακων γονευϲιν απειθειϲ",
            "αϲυνετουϲ αϲυνθετουϲ αϲτοργουϲ ανελεημοναϲ",
            "οιτινεϲ το δικαιωμα του θ̅υ̅ επιγνοντεϲ οτι οι τα τοιαυτα πραϲϲοντεϲ αξιοι θανατου ειϲιν ου μονον αυτα ποιουϲιν αλλα και ϲυνευδοκουϲιν τοιϲ πραϲϲουϲιν"
        ],
        [
            "διο αναπολογητοϲ ει ω ανθρωπε παϲ ο κρινων εν ω γαρ κρινειϲ τον ετερον ϲεαυτον κατακρινειϲ τα γαρ αυτα πραϲϲειϲ ο κρινων",
            "οιδαμεν δε οτι το κριμα του θ̅υ̅ εϲτιν κατα αληθειαν επι τουϲ τα τοιαυτα πραϲϲονταϲ",
            "λογιζη δε τουτο ω ανθρωπε ο κρινων τουϲ τα τοιαυτα πραϲϲονταϲ και ποιων αυτα οτι ϲυ εκφευξη το κριμα του θ̅υ̅",
            "η του πλουτου τηϲ χρηϲτοτητοϲ αυτου και τηϲ ανοχηϲ και τηϲ μακροθυμιαϲ καταφρονειϲ αγνοων οτι το χρηϲτον του θ̅υ̅ ειϲ μετανοιαν ϲε αγει",
            "κατα δε την ϲκληροτητα ϲου και αμετανοητον καρδιαν θηϲαυριζειϲ ϲεαυτω οργην εν ημερα οργηϲ και αποκαλυψεωϲ δικαιοκριϲιαϲ του θ̅υ̅",
            "οϲ αποδωϲει εκαϲτω κατα τα εργα αυτου",
            "τοιϲ μεν καθ υπομονην εργου αγαθου δοξαν και τιμην και αφθαρϲιαν ζητουϲιν ζωην αιωνιον",
            "τοιϲ δε εξ εριθειαϲ και απειθουϲι τη αληθεια πειθομενοιϲ δε τη αδικια οργη και θυμοϲ",
            "θλιψιϲ και ϲτενοχωρια επι παϲαν ψυχην ανθρωπου του κατεργαζομενου το κακον ιουδαιου τε πρωτον και ελληνοϲ",
            "δοξα δε και τιμη και ειρηνη παντι τω εργαζομενω το αγαθον ιουδαιω τε πρωτον και ελληνι",
            "ου γαρ εϲτιν προϲωπολημψια παρα τω θ̅ω̅",
            "οϲοι γαρ ανομωϲ ημαρτον ανομωϲ και απολουνται και οϲοι εν νομω ημαρτον δια νομου κριθηϲονται",
            "ου γαρ οι ακροαται νομου δικαιοι παρα τω θ̅ω̅ αλλ οι ποιηται νομου δικαιωθηϲονται",
            "οταν γαρ εθνη τα μη νομον εχοντα φυϲει τα του νομου ποιωϲιν ουτοι νομον μη εχοντεϲ εαυτοιϲ ειϲιν νομοϲ",
            "οιτινεϲ ενδεικνυνται το εργον του νομου γραπτον εν ταιϲ καρδιαιϲ αυτων ϲυμμαρτυρουϲηϲ αυτων τηϲ ϲυνειδηϲεωϲ και μεταξυ αλληλων των λογιϲμων κατηγορουντων η και απολογουμενων",
            "εν ημερα οτε κρινει ο θ̅ϲ̅ τα κρυπτα των ανθρωπων κατα το ευαγγελιον μου δια χ̅υ̅ ι̅υ̅",
            "ει δε ϲυ ιουδαιοϲ επονομαζη και επαναπαυη νομω και καυχαϲαι εν θ̅ω̅",
            "και γινωϲκειϲ το θελημα και δοκιμαζειϲ τα διαφεροντα κατηχουμενοϲ εκ του νομου",
            "πεποιθαϲ τε ϲεαυτον οδηγον ειναι τυφλων φωϲ των εν ϲκοτει",
            "παιδευτην αφρονων διδαϲκαλον νηπιων εχοντα την μορφωϲιν τηϲ γνωϲεωϲ και τηϲ αληθειαϲ εν τω νομω",
            "ο ουν διδαϲκων ετερον ϲεαυτον ου διδαϲκειϲ ο κηρυϲϲων μη κλεπτειν κλεπτειϲ",
            "ο λεγων μη μοιχευειν μοιχευειϲ ο βδελυϲϲομενοϲ τα ειδωλα ιεροϲυλειϲ",
            "οϲ εν νομω καυχαϲαι δια τηϲ παραβαϲεωϲ του νομου τον θ̅ν̅ ατιμαζειϲ",
            "το γαρ ονομα του θ̅υ̅ δι υμαϲ βλαϲφημειται εν τοιϲ εθνεϲιν καθωϲ γεγραπται",
            "περιτομη μεν γαρ ωφελει εαν νομον πραϲϲηϲ εαν δε παραβατηϲ νομου ηϲ η περιτομη ϲου ακροβυϲτια γεγονεν",
            "εαν ουν η ακροβυϲτια τα δικαιωματα του νομου φυλαϲϲη ουχ η ακροβυϲτια αυτου ειϲ περιτομην λογιϲθηϲεται",
            "και κρινει η εκ φυϲεωϲ ακροβυϲτια τον νομον τελουϲα ϲε τον δια γραμματοϲ και περιτομηϲ παραβατην νομου",
            "ου γαρ ο εν τω φανερω ιουδαιοϲ εϲτιν ουδε η εν τω φανερω εν ϲαρκι περιτομη",
            "αλλ ο εν τω κρυπτω ιουδαιοϲ και περιτομη καρδιαϲ εν π̅ν̅ι̅ ου γραμματι ου ο επαινοϲ ουκ εξ ανθρωπων αλλ εκ του θ̅υ̅"
        ],
        [
            "τι ουν το περιϲϲον του ιουδαιου η τιϲ η ωφελεια τηϲ περιτομηϲ",
            "πολυ κατα παντα τροπον πρωτον μεν γαρ οτι επιϲτευθηϲαν τα λογια του θ̅υ̅",
            "τι γαρ ει ηπιϲτηϲαν τινεϲ μη η απιϲτια αυτων την πιϲτιν του θ̅υ̅ καταργηϲει",
            "μη γενοιτο γινεϲθω δε ο θ̅ϲ̅ αληθηϲ παϲ δε ανθρωποϲ ψευϲτηϲ καθωϲ γεγραπται οπωϲ αν δικαιωθηϲ εν τοιϲ λογοιϲ ϲου και νικηϲειϲ εν τω κρινεϲθαι ϲε",
            "ει δε η αδικια ημων θ̅υ̅ δικαιοϲυνην ϲυνιϲτηϲιν τι ερουμεν μη αδικοϲ ο θ̅ϲ̅ ο επιφερων την οργην κατα ανθρωπον λεγω",
            "μη γενοιτο επει πωϲ κρινει ο θ̅ϲ̅ τον κοϲμον",
            "ει δε η αληθεια του θ̅υ̅ εν τω εμω ψευϲματι επεριϲϲευϲεν ειϲ την δοξαν αυτου τι ετι καγω ωϲ αμαρτωλοϲ κρινομαι",
            "και μη καθωϲ βλαϲφημουμεθα και καθωϲ φαϲιν τινεϲ ημαϲ λεγειν οτι ποιηϲωμεν τα κακα ινα ελθη τα αγαθα ων το κριμα ενδικον εϲτιν",
            "τι ουν προεχομεθα ου παντωϲ προητιαϲαμεθα γαρ ιουδαιουϲ τε και ελληναϲ πανταϲ υφ αμαρτιαν ειναι",
            "καθωϲ γεγραπται οτι ουκ εϲτιν δικαιοϲ ουδε ειϲ",
            "ουκ εϲτιν ο ϲυνιων ουκ εϲτιν ο εκζητων τον θ̅ν̅",
            "παντεϲ εξεκλιναν αμα ηχρεωθηϲαν ουκ εϲτιν ο ποιων χρηϲτοτητα ουκ εϲτιν εωϲ ενοϲ",
            "ταφοϲ ανεωγμενοϲ ο λαρυγξ αυτων ταιϲ γλωϲϲαιϲ αυτων εδολιουϲαν ιοϲ αϲπιδων υπο τα χειλη αυτων",
            "ων το ϲτομα αραϲ και πικριαϲ γεμει",
            "οξειϲ οι ποδεϲ αυτων εκχεαι αιμα",
            "ϲυντριμμα και ταλαιπωρια εν ταιϲ οδοιϲ αυτων",
            "και οδον ειρηνηϲ ουκ εγνωϲαν",
            "ουκ εϲτιν φοβοϲ θ̅υ̅ απεναντι των οφθαλμων αυτων",
            "οιδαμεν δε οτι οϲα ο νομοϲ λεγει τοιϲ εν τω νομω λαλει ινα παν ϲτομα φραγη και υποδικοϲ γενηται παϲ ο κοϲμοϲ τω θ̅ω̅",
            "διοτι εξ εργων νομου ου δικαιωθηϲεται παϲα ϲαρξ ενωπιον αυτου δια γαρ νομου επιγνωϲιϲ αμαρτιαϲ",
            "νυνι δε χωριϲ νομου δικαιοϲυνη θ̅υ̅ πεφανερωται μαρτυρουμενη υπο του νομου και των προφητων",
            "δικαιοϲυνη δε θ̅υ̅ δια πιϲτεωϲ ι̅υ̅ χ̅υ̅ ειϲ πανταϲ τουϲ πιϲτευονταϲ ου γαρ εϲτιν διαϲτολη",
            "παντεϲ γαρ ημαρτον και υϲτερουνται τηϲ δοξηϲ του θ̅υ̅",
            "δικαιουμενοι δωρεαν τη αυτου χαριτι δια τηϲ απολυτρωϲεωϲ τηϲ εν χ̅ω̅ ι̅υ̅",
            "ον προεθετο ο θ̅ϲ̅ ιλαϲτηριον δια τηϲ πιϲτεωϲ εν τω αυτου αιματι ειϲ ενδειξιν τηϲ δικαιοϲυνηϲ αυτου δια την παρεϲιν των προγεγονοτων αμαρτηματων",
            "εν τη ανοχη του θ̅υ̅ προϲ την ενδειξιν τηϲ δικαιοϲυνηϲ αυτου εν τω νυν καιρω ειϲ το ειναι αυτον δικαιον και δικαιουντα τον εκ πιϲτεωϲ ι̅υ̅",
            "που ουν η καυχηϲιϲ εξεκλειϲθη δια ποιου νομου των εργων ουχι αλλα δια νομου πιϲτεωϲ",
            "λογιζομεθα γαρ δικαιουϲθαι πιϲτει ανθρωπον χωριϲ εργων νομου",
            "η ιουδαιων ο θ̅ϲ̅ μονον ουχι και εθνων ναι και εθνων",
            "ειπερ ειϲ ο θ̅ϲ̅ οϲ δικαιωϲει περιτομην εκ πιϲτεωϲ και ακροβυϲτιαν δια τηϲ πιϲτεωϲ",
            "νομον ουν καταργουμεν δια τηϲ πιϲτεωϲ μη γενοιτο αλλα νομον ιϲτανομεν"
        ],
        [
            "τι ουν ερουμεν ευρηκεναι αβρααμ τον προπατορα ημων κατα ϲαρκα",
            "ει γαρ αβρααμ εξ εργων εδικαιωθη εχει καυχημα αλλ ου προϲ θ̅ν̅",
            "τι γαρ η γραφη λεγει επιϲτευϲεν δε αβρααμ τω θ̅ω̅ και ελογιϲθη αυτω ειϲ δικαιοϲυνην",
            "τω δε εργαζομενω ο μιϲθοϲ ου λογιζεται κατα χαριν αλλα κατα οφειλημα",
            "τω δε μη εργαζομενω πιϲτευοντι δε επι τον δικαιουντα τον αϲεβη λογιζεται η πιϲτιϲ αυτου ειϲ δικαιοϲυνην",
            "καθαπερ και δαυιδ λεγει τον μακαριϲμον του ανθρωπου ω ο θ̅ϲ̅ λογιζεται δικαιοϲυνην χωριϲ εργων",
            "μακαριοι ων αφεθηϲαν αι ανομιαι και ων επεκαλυφθηϲαν αι αμαρτιαι",
            "μακαριοϲ ανηρ ου ου μη λογιϲηται κ̅ϲ̅ αμαρτιαν",
            "ο μακαριϲμοϲ ουν ουτοϲ επι την περιτομην η και επι την ακροβυϲτιαν λεγομεν γαρ ελογιϲθη τω αβρααμ η πιϲτιϲ ειϲ δικαιοϲυνην",
            "πωϲ ουν ελογιϲθη εν περιτομη οντι η εν ακροβυϲτια ουκ εν περιτομη αλλ εν ακροβυϲτια",
            "και ϲημειον ελαβεν περιτομηϲ ϲφραγιδα τηϲ δικαιοϲυνηϲ τηϲ πιϲτεωϲ τηϲ εν τη ακροβυϲτια ειϲ το ειναι αυτον πατερα παντων των πιϲτευοντων δι ακροβυϲτιαϲ ειϲ το λογιϲθηναι και αυτοιϲ την δικαιοϲυνην",
            "και πατερα περιτομηϲ τοιϲ ουκ εκ περιτομηϲ μονον αλλα και τοιϲ ϲτοιχουϲιν τοιϲ ιχνεϲιν τηϲ εν ακροβυϲτια πιϲτεωϲ του πατροϲ ημων αβρααμ",
            "ου γαρ δια νομου η επαγγελια τω αβρααμ η τω ϲπερματι αυτου το κληρονομον αυτον ειναι κοϲμου αλλα δια δικαιοϲυνηϲ πιϲτεωϲ",
            "ει γαρ οι εκ νομου κληρονομοι κεκενωται η πιϲτιϲ και κατηργηται η επαγγελια",
            "ο γαρ νομοϲ οργην κατεργαζεται ου δε ουκ εϲτιν νομοϲ ουδε παραβαϲιϲ",
            "δια τουτο εκ πιϲτεωϲ ινα κατα χαριν ειϲ το ειναι βεβαιαν την επαγγελιαν παντι τω ϲπερματι ου τω εκ του νομου μονον αλλα και τω εκ πιϲτεωϲ αβρααμ οϲ εϲτιν πατηρ παντων ημων",
            "καθωϲ γεγραπται οτι πατερα πολλων εθνων τεθεικα ϲε κατεναντι ου επιϲτευϲεν θ̅υ̅ του ζωοποιουντοϲ τουϲ νεκρουϲ και καλουντοϲ τα μη οντα ωϲ οντα",
            "οϲ παρ ελπιδα επ ελπιδι επιϲτευϲεν ειϲ το γενεϲθαι αυτον πατερα πολλων εθνων κατα το ειρημενον ουτωϲ εϲται το ϲπερμα ϲου",
            "και μη αϲθενηϲαϲ τη πιϲτει κατενοηϲεν το εαυτου ϲωμα ηδη νενεκρωμενον εκατονταετηϲ που υπαρχων και την νεκρωϲιν τηϲ μητραϲ σαρραϲ",
            "ειϲ δε την επαγγελιαν του θ̅υ̅ ου διεκριθη τη απιϲτια αλλα ενεδυναμωθη τη πιϲτει δουϲ δοξαν τω θ̅ω̅",
            "και πληροφορηθειϲ οτι ο επηγγελται δυνατοϲ εϲτιν και ποιηϲαι",
            "διο και ελογιϲθη αυτω ειϲ δικαιοϲυνην",
            "ουκ εγραφη δε δι αυτον μονον οτι ελογιϲθη αυτω",
            "αλλα και δι ημαϲ οιϲ μελλει λογιζεϲθαι τοιϲ πιϲτευουϲιν επι τον εγειραντα ι̅ν̅ τον κ̅ν̅ ημων εκ νεκρων",
            "οϲ παρεδοθη δια τα παραπτωματα ημων και ηγερθη δια την δικαιωϲιν ημων"
        ],
        [
            "δικαιωθεντεϲ ουν εκ πιϲτεωϲ ειρηνην εχομεν προϲ τον θ̅ν̅ δια του κ̅υ̅ ημων ι̅υ̅ χ̅υ̅",
            "δι ου και την προϲαγωγην εϲχηκαμεν τη πιϲτει ειϲ την χαριν ταυτην εν η εϲτηκαμεν και καυχωμεθα επ ελπιδι τηϲ δοξηϲ του θ̅υ̅",
            "ου μονον δε αλλα και καυχωμεθα εν ταιϲ θλιψεϲιν ειδοτεϲ οτι η θλιψιϲ υπομονην κατεργαζεται",
            "η δε υπομονη δοκιμην η δε δοκιμη ελπιδα",
            "η δε ελπιϲ ου καταιϲχυνει οτι η αγαπη του θ̅υ̅ εκκεχυται εν ταιϲ καρδιαιϲ ημων δια π̅ν̅ϲ̅ αγιου του δοθεντοϲ ημιν",
            "ετι γαρ χ̅ϲ̅ οντων ημων αϲθενων ετι κατα καιρον υπερ αϲεβων απεθανεν",
            "μολιϲ γαρ υπερ δικαιου τιϲ αποθανειται υπερ γαρ του αγαθου ταχα τιϲ και τολμα αποθανειν",
            "ϲυνιϲτηϲιν δε την εαυτου αγαπην ειϲ ημαϲ ο θ̅ϲ̅ οτι ετι αμαρτωλων οντων ημων χ̅ϲ̅ υπερ ημων απεθανεν",
            "πολλω ουν μαλλον δικαιωθεντεϲ νυν εν τω αιματι αυτου ϲωθηϲομεθα δι αυτου απο τηϲ οργηϲ",
            "ει γαρ εχθροι οντεϲ κατηλλαγημεν τω θ̅ω̅ δια του θανατου του υιου αυτου πολλω μαλλον καταλλαγεντεϲ ϲωθηϲομεθα εν τη ζωη αυτου",
            "ου μονον δε αλλα και καυχωμενοι εν τω θ̅ω̅ δια του κ̅υ̅ ημων ι̅υ̅ χ̅υ̅ δι ου νυν την καταλλαγην ελαβομεν",
            "δια τουτο ωϲπερ δι ενοϲ ανθρωπου η αμαρτια ειϲ τον κοϲμον ειϲηλθεν και δια τηϲ αμαρτιαϲ ο θανατοϲ και ουτωϲ ειϲ πανταϲ ανθρωπουϲ ο θανατοϲ διηλθεν εφ ω παντεϲ ημαρτον",
            "αχρι γαρ νομου αμαρτια ην εν κοϲμω αμαρτια δε ουκ ελλογειται μη οντοϲ νομου",
            "αλλα εβαϲιλευϲεν ο θανατοϲ απο αδαμ μεχρι μωυϲεωϲ και επι τουϲ μη αμαρτηϲανταϲ επι τω ομοιωματι τηϲ παραβαϲεωϲ αδαμ οϲ εϲτιν τυποϲ του μελλοντοϲ",
            "αλλ ουχ ωϲ το παραπτωμα ουτωϲ και το χαριϲμα ει γαρ τω του ενοϲ παραπτωματι οι πολλοι απεθανον πολλω μαλλον η χαριϲ του θ̅υ̅ και η δωρεα εν χαριτι τη του ενοϲ ανθρωπου ι̅υ̅ χ̅υ̅ ειϲ τουϲ πολλουϲ επεριϲϲευϲεν",
            "και ουχ ωϲ δι ενοϲ αμαρτηϲαντοϲ το δωρημα το μεν γαρ κριμα εξ ενοϲ ειϲ κατακριμα το δε χαριϲμα εκ πολλων παραπτωματων ειϲ δικαιωμα",
            "ει γαρ τω του ενοϲ παραπτωματι ο θανατοϲ εβαϲιλευϲεν δια του ενοϲ πολλω μαλλον οι την περιϲϲειαν τηϲ χαριτοϲ και τηϲ δωρεαϲ τηϲ δικαιοϲυνηϲ λαμβανοντεϲ εν ζωη βαϲιλευϲουϲιν δια του ενοϲ ι̅υ̅ χ̅υ̅",
            "αρα ουν ωϲ δι ενοϲ παραπτωματοϲ ειϲ πανταϲ ανθρωπουϲ ειϲ κατακριμα ουτωϲ και δι ενοϲ δικαιωματοϲ ειϲ πανταϲ ανθρωπουϲ ειϲ δικαιωϲιν ζωηϲ",
            "ωϲπερ γαρ δια τηϲ παρακοηϲ του ενοϲ ανθρωπου αμαρτωλοι κατεϲταθηϲαν οι πολλοι ουτωϲ και δια τηϲ υπακοηϲ του ενοϲ δικαιοι καταϲταθηϲονται οι πολλοι",
            "νομοϲ δε παρειϲηλθεν ινα πλεοναϲη το παραπτωμα ου δε επλεοναϲεν η αμαρτια υπερεπεριϲϲευϲεν η χαριϲ",
            "ινα ωϲπερ εβαϲιλευϲεν η αμαρτια εν τω θανατω ουτωϲ και η χαριϲ βαϲιλευϲη δια δικαιοϲυνηϲ ειϲ ζωην αιωνιον δια ι̅υ̅ χ̅υ̅ του κ̅υ̅ ημων"
        ],
        [
            "τι ουν ερουμεν επιμενωμεν τη αμαρτια ινα η χαριϲ πλεοναϲη",
            "μη γενοιτο οιτινεϲ απεθανομεν τη αμαρτια πωϲ ετι ζηϲομεν εν αυτη",
            "η αγνοειτε οτι οϲοι εβαπτιϲθημεν ειϲ χ̅ν̅ ι̅ν̅ ειϲ τον θανατον αυτου εβαπτιϲθημεν",
            "ϲυνεταφημεν ουν αυτω δια του βαπτιϲματοϲ ειϲ τον θανατον ινα ωϲπερ ηγερθη χ̅ϲ̅ εκ νεκρων δια τηϲ δοξηϲ του πατροϲ ουτωϲ και ημειϲ εν καινοτητι ζωηϲ περιπατηϲωμεν",
            "ει γαρ ϲυμφυτοι γεγοναμεν τω ομοιωματι του θανατου αυτου αλλα και τηϲ αναϲταϲεωϲ εϲομεθα",
            "τουτο γινωϲκοντεϲ οτι ο παλαιοϲ ημων ανθρωποϲ ϲυνεϲταυρωθη ινα καταργηθη το ϲωμα τηϲ αμαρτιαϲ του μηκετι δουλευειν ημαϲ τη αμαρτια",
            "ο γαρ αποθανων δεδικαιωται απο τηϲ αμαρτιαϲ",
            "ει δε απεθανομεν ϲυν χ̅ω̅ πιϲτευομεν οτι και ϲυζηϲομεν αυτω",
            "ειδοτεϲ οτι χ̅ϲ̅ εγερθειϲ εκ νεκρων ουκετι αποθνηϲκει θανατοϲ αυτου ουκετι κυριευει",
            "ο γαρ απεθανεν τη αμαρτια απεθανεν εφαπαξ ο δε ζη ζη τω θ̅ω̅",
            "ουτωϲ και υμειϲ λογιζεϲθε εαυτουϲ ειναι νεκρουϲ μεν τη αμαρτια ζωνταϲ δε τω θ̅ω̅ εν χ̅ω̅ ι̅υ̅",
            "μη ουν βαϲιλευετω η αμαρτια εν τω θνητω υμων ϲωματι ειϲ το υπακουειν ταιϲ επιθυμιαιϲ αυτου",
            "μηδε παριϲτανετε τα μελη υμων οπλα αδικιαϲ τη αμαρτια αλλα παραϲτηϲατε εαυτουϲ τω θ̅ω̅ ωϲει εκ νεκρων ζωνταϲ και τα μελη υμων οπλα δικαιοϲυνηϲ τω θ̅ω̅",
            "αμαρτια γαρ υμων ου κυριευϲει ου γαρ εϲτε υπο νομον αλλα υπο χαριν",
            "τι ουν αμαρτηϲωμεν οτι ουκ εϲμεν υπο νομον αλλα υπο χαριν μη γενοιτο",
            "ουκ οιδατε οτι ω παριϲτανετε εαυτουϲ δουλουϲ ειϲ υπακοην δουλοι εϲτε ω υπακουετε ητοι αμαρτιαϲ ειϲ θανατον η υπακοηϲ ειϲ δικαιοϲυνην",
            "χαριϲ δε τω θ̅ω̅ οτι ητε δουλοι τηϲ αμαρτιαϲ υπηκουϲατε δε εκ καρδιαϲ ειϲ ον παρεδοθητε τυπον διδαχηϲ",
            "ελευθερωθεντεϲ δε απο τηϲ αμαρτιαϲ εδουλωθητε τη δικαιοϲυνη",
            "ανθρωπινον λεγω δια την αϲθενειαν τηϲ ϲαρκοϲ υμων ωϲπερ γαρ παρεϲτηϲατε τα μελη υμων δουλα τη ακαθαρϲια και τη ανομια ειϲ την ανομιαν ουτωϲ νυν παραϲτηϲατε τα μελη υμων δουλα τη δικαιοϲυνη ειϲ αγιαϲμον",
            "οτε γαρ δουλοι ητε τηϲ αμαρτιαϲ ελευθεροι ητε τη δικαιοϲυνη",
            "τινα ουν καρπον ειχετε τοτε εφ οιϲ νυν επαιϲχυνεϲθε το γαρ τελοϲ εκεινων θανατοϲ",
            "νυνι δε ελευθερωθεντεϲ απο τηϲ αμαρτιαϲ δουλωθεντεϲ δε τω θ̅ω̅ εχετε τον καρπον υμων ειϲ αγιαϲμον το δε τελοϲ ζωην αιωνιον",
            "τα γαρ οψωνια τηϲ αμαρτιαϲ θανατοϲ το δε χαριϲμα του θ̅υ̅ ζωη αιωνιοϲ εν χ̅ω̅ ι̅υ̅ τω κ̅ω̅ ημων"
        ],
        [
            "η αγνοειτε αδελφοι γινωϲκουϲιν γαρ νομον λαλω οτι ο νομοϲ κυριευει του ανθρωπου εφ οϲον χρονον ζη",
            "η γαρ υπανδροϲ γυνη τω ζωντι ανδρι δεδεται νομω εαν δε αποθανη ο ανηρ κατηργηται απο του νομου του ανδροϲ",
            "αρα ουν ζωντοϲ του ανδροϲ μοιχαλιϲ χρηματιϲει εαν γενηται ανδρι ετερω εαν δε αποθανη ο ανηρ ελευθερα εϲτιν απο του νομου του μη ειναι αυτην μοιχαλιδα γενομενην ανδρι ετερω",
            "ωϲτε αδελφοι μου και υμειϲ εθανατωθητε τω νομω δια του ϲωματοϲ του χ̅υ̅ ειϲ το γενεϲθαι υμαϲ ετερω τω εκ νεκρων εγερθεντι ινα καρποφορηϲωμεν τω θ̅ω̅",
            "οτε γαρ ημεν εν τη ϲαρκι τα παθηματα των αμαρτιων τα δια του νομου ενηργειτο εν τοιϲ μελεϲιν ημων ειϲ το καρποφορηϲαι τω θανατω",
            "νυνι δε κατηργηθημεν απο του νομου αποθανοντεϲ εν ω κατειχομεθα ωϲτε δουλευειν ημαϲ εν καινοτητι π̅ν̅ϲ̅ και ου παλαιοτητι γραμματοϲ",
            "τι ουν ερουμεν ο νομοϲ αμαρτια μη γενοιτο αλλα την αμαρτιαν ουκ εγνων ει μη δια νομου την τε γαρ επιθυμιαν ουκ ηδειν ει μη ο νομοϲ ελεγεν ουκ επιθυμηϲειϲ",
            "αφορμην δε λαβουϲα η αμαρτια δια τηϲ εντοληϲ κατειργαϲατο εν εμοι παϲαν επιθυμιαν χωριϲ γαρ νομου αμαρτια νεκρα",
            "εγω δε εζων χωριϲ νομου ποτε ελθουϲηϲ δε τηϲ εντοληϲ η αμαρτια ανεζηϲεν",
            "εγω δε απεθανον και ευρεθη μοι η εντολη η ειϲ ζωην αυτη ειϲ θανατον",
            "η γαρ αμαρτια αφορμην λαβουϲα δια τηϲ εντοληϲ εξηπατηϲεν με και δι αυτηϲ απεκτεινεν",
            "ωϲτε ο μεν νομοϲ αγιοϲ και η εντολη αγια και δικαια και αγαθη",
            "το ουν αγαθον εμοι εγενετο θανατοϲ μη γενοιτο αλλα η αμαρτια ινα φανη αμαρτια δια του αγαθου μοι κατεργαζομενη θανατον ινα γενηται καθ υπερβολην αμαρτωλοϲ η αμαρτια δια τηϲ εντοληϲ",
            "οιδαμεν γαρ οτι ο νομοϲ πνευματικοϲ εϲτιν εγω δε ϲαρκινοϲ ειμι πεπραμενοϲ υπο την αμαρτιαν",
            "ο γαρ κατεργαζομαι ου γινωϲκω ου γαρ ο θελω τουτο πραϲϲω αλλ ο μιϲω τουτο ποιω",
            "ει δε ο ου θελω τουτο ποιω ϲυμφημι τω νομω οτι καλοϲ",
            "νυνι δε ουκετι εγω κατεργαζομαι αυτο αλλα η οικουϲα εν εμοι αμαρτια",
            "οιδα γαρ οτι ουκ οικει εν εμοι τουτ εϲτιν εν τη ϲαρκι μου αγαθον το γαρ θελειν παρακειται μοι το δε κατεργαζεϲθαι το καλον ου",
            "ου γαρ ο θελω ποιω αγαθον αλλα ο ου θελω κακον τουτο πραϲϲω",
            "ει δε ο ου θελω εγω τουτο ποιω ουκετι εγω κατεργαζομαι αυτο αλλα η οικουϲα εν εμοι αμαρτια",
            "ευριϲκω αρα τον νομον τω θελοντι εμοι ποιειν το καλον οτι εμοι το κακον παρακειται",
            "ϲυνηδομαι γαρ τω νομω του θ̅υ̅ κατα τον εϲω ανθρωπον",
            "βλεπω δε ετερον νομον εν τοιϲ μελεϲιν μου αντιϲτρατευομενον τω νομω του νοοϲ μου και αιχμαλωτιζοντα με εν τω νομω τηϲ αμαρτιαϲ τω οντι εν τοιϲ μελεϲιν μου",
            "ταλαιπωροϲ εγω ανθρωποϲ τιϲ με ρυϲεται εκ του ϲωματοϲ του θανατου τουτου",
            "χαριϲ δε τω θ̅ω̅ δια ι̅υ̅ χ̅υ̅ του κ̅υ̅ ημων αρα ουν αυτοϲ εγω τω μεν νοι δουλευω νομω θ̅υ̅ τη δε ϲαρκι νομω αμαρτιαϲ"
        ],
        [
            "ουδεν αρα νυν κατακριμα τοιϲ εν χ̅ω̅ ι̅υ̅",
            "ο γαρ νομοϲ του π̅ν̅ϲ̅ τηϲ ζωηϲ εν χ̅ω̅ ι̅υ̅ ηλευθερωϲεν ϲε απο του νομου τηϲ αμαρτιαϲ και του θανατου",
            "το γαρ αδυνατον του νομου εν ω ηϲθενει δια τηϲ ϲαρκοϲ ο θ̅ϲ̅ τον εαυτου υιον πεμψαϲ εν ομοιωματι ϲαρκοϲ αμαρτιαϲ και περι αμαρτιαϲ κατεκρινεν την αμαρτιαν εν τη ϲαρκι",
            "ινα το δικαιωμα του νομου πληρωθη εν ημιν τοιϲ μη κατα ϲαρκα περιπατουϲιν αλλα κατα π̅ν̅α̅",
            "οι γαρ κατα ϲαρκα οντεϲ τα τηϲ ϲαρκοϲ φρονουϲιν οι δε κατα π̅ν̅α̅ τα του π̅ν̅ϲ̅",
            "το γαρ φρονημα τηϲ ϲαρκοϲ θανατοϲ το δε φρονημα του π̅ν̅ϲ̅ ζωη και ειρηνη",
            "διοτι το φρονημα τηϲ ϲαρκοϲ εχθρα ειϲ θ̅ν̅ τω γαρ νομω του θ̅υ̅ ουχ υποταϲϲεται ουδε γαρ δυναται",
            "οι δε εν ϲαρκι οντεϲ θ̅ω̅ αρεϲαι ου δυνανται",
            "υμειϲ δε ουκ εϲτε εν ϲαρκι αλλα εν π̅ν̅ι̅ ειπερ π̅ν̅α̅ θ̅υ̅ οικει εν υμιν ει δε τιϲ π̅ν̅α̅ χ̅υ̅ ουκ εχει ουτοϲ ουκ εϲτιν αυτου",
            "ει δε χ̅ϲ̅ εν υμιν το μεν ϲωμα νεκρον δια αμαρτιαν το δε π̅ν̅α̅ ζωη δια δικαιοϲυνην",
            "ει δε το π̅ν̅α̅ του εγειραντοϲ τον ι̅ν̅ εκ νεκρων οικει εν υμιν ο εγειραϲ χ̅ν̅ εκ νεκρων ζωοποιηϲει και τα θνητα ϲωματα υμων δια του ενοικουντοϲ αυτου π̅ν̅ϲ̅ εν υμιν",
            "αρα ουν αδελφοι οφειλεται εϲμεν ου τη ϲαρκι του κατα ϲαρκα ζην",
            "ει γαρ κατα ϲαρκα ζητε μελλετε αποθνηϲκειν ει δε π̅ν̅ι̅ ταϲ πραξειϲ του ϲωματοϲ θανατουτε ζηϲεϲθε",
            "οϲοι γαρ π̅ν̅ι̅ θ̅υ̅ αγονται ουτοι υιοι θ̅υ̅ ειϲιν",
            "ου γαρ ελαβετε π̅ν̅α̅ δουλειαϲ παλιν ειϲ φοβον αλλα ελαβετε π̅ν̅α̅ υιοθεϲιαϲ εν ω κραζομεν αββα ο πατηρ",
            "αυτο το π̅ν̅α̅ ϲυμμαρτυρει τω π̅ν̅ι̅ ημων οτι εϲμεν τεκνα θ̅υ̅",
            "ει δε τεκνα και κληρονομοι κληρονομοι μεν θ̅υ̅ ϲυνκληρονομοι δε χ̅υ̅ ειπερ ϲυμπαϲχομεν ινα και ϲυνδοξαϲθωμεν",
            "λογιζομαι γαρ οτι ουκ αξια τα παθηματα του νυν καιρου προϲ την μελλουϲαν δοξαν αποκαλυφθηναι ειϲ ημαϲ",
            "η γαρ αποκαραδοκια τηϲ κτιϲεωϲ την αποκαλυψιν των υιων του θ̅υ̅ απεκδεχεται",
            "τη γαρ ματαιοτητι η κτιϲιϲ υπεταγη ουχ εκουϲα αλλα δια τον υποταξαντα εφ ελπιδι",
            "οτι και αυτη η κτιϲιϲ ελευθερωθηϲεται απο τηϲ δουλειαϲ τηϲ φθοραϲ ειϲ την ελευθεριαν τηϲ δοξηϲ των τεκνων του θ̅υ̅",
            "οιδαμεν γαρ οτι παϲα η κτιϲιϲ ϲυϲτεναζει και ϲυνωδινει αχρι του νυν",
            "ου μονον δε αλλα και αυτοι την απαρχην του π̅ν̅ϲ̅ εχοντεϲ ημειϲ και αυτοι εν εαυτοιϲ ϲτεναζομεν υιοθεϲιαν απεκδεχομενοι την απολυτρωϲιν του ϲωματοϲ ημων",
            "τη γαρ ελπιδι εϲωθημεν ελπιϲ δε βλεπομενη ουκ εϲτιν ελπιϲ ο γαρ βλεπει τιϲ ελπιζει",
            "ει δε ο ου βλεπομεν ελπιζομεν δι υπομονηϲ απεκδεχομεθα",
            "ωϲαυτωϲ δε και το π̅ν̅α̅ ϲυναντιλαμβανεται τη αϲθενεια ημων το γαρ τι προϲευξωμεθα καθο δει ουκ οιδαμεν αλλα αυτο το π̅ν̅α̅ υπερεντυγχανει ϲτεναγμοιϲ αλαλητοιϲ",
            "ο δε εραυνων ταϲ καρδιαϲ οιδεν τι το φρονημα του π̅ν̅ϲ̅ οτι κατα θ̅ν̅ εντυγχανει υπερ αγιων",
            "οιδαμεν δε οτι τοιϲ αγαπωϲιν τον θ̅ν̅ παντα ϲυνεργει ειϲ αγαθον τοιϲ κατα προθεϲιν κλητοιϲ ουϲιν",
            "οτι ουϲ προεγνω και προωριϲεν ϲυμμορφουϲ τηϲ εικονοϲ του υιου αυτου ειϲ το ειναι αυτον πρωτοτοκον εν πολλοιϲ αδελφοιϲ",
            "ουϲ δε προωριϲεν τουτουϲ και εκαλεϲεν και ουϲ εκαλεϲεν τουτουϲ και εδικαιωϲεν ουϲ δε εδικαιωϲεν τουτουϲ και εδοξαϲεν",
            "τι ουν ερουμεν προϲ ταυτα ει ο θ̅ϲ̅ υπερ ημων τιϲ καθ ημων",
            "οϲ γε του ιδιου υιου ουκ εφειϲατο αλλα υπερ ημων παντων παρεδωκεν αυτον πωϲ ουχι και ϲυν αυτω τα παντα ημιν χαριϲεται",
            "τιϲ εγκαλεϲει κατα εκλεκτων θ̅υ̅ θ̅ϲ̅ ο δικαιων",
            "τιϲ ο κατακρινων χ̅ϲ̅ ι̅ϲ̅ ο αποθανων μαλλον δε εγερθειϲ οϲ και εϲτιν εν δεξια του θ̅υ̅ οϲ και εντυγχανει υπερ ημων",
            "τιϲ ημαϲ χωριϲει απο τηϲ αγαπηϲ του χ̅υ̅ θλιψιϲ η ϲτενοχωρια η διωγμοϲ η λιμοϲ η γυμνοτηϲ η κινδυνοϲ η μαχαιρα",
            "καθωϲ γεγραπται οτι ενεκεν ϲου θανατουμεθα ολην την ημεραν ελογιϲθημεν ωϲ προβατα ϲφαγηϲ",
            "αλλ εν τουτοιϲ παϲιν υπερνικωμεν δια του αγαπηϲαντοϲ ημαϲ",
            "πεπειϲμαι γαρ οτι ουτε θανατοϲ ουτε ζωη ουτε αγγελοι ουτε αρχαι ουτε ενεϲτωτα ουτε μελλοντα ουτε δυναμειϲ",
            "ουτε υψωμα ουτε βαθοϲ ουτε τιϲ κτιϲιϲ ετερα δυνηϲεται ημαϲ χωριϲαι απο τηϲ αγαπηϲ του θ̅υ̅ τηϲ εν χ̅ω̅ ι̅υ̅ τω κ̅ω̅ ημων"
        ],
        [
            "αληθειαν λεγω εν χ̅ω̅ ου ψευδομαι ϲυμμαρτυρουϲηϲ μοι τηϲ ϲυνειδηϲεωϲ μου εν π̅ν̅ι̅ αγιω",
            "οτι λυπη μοι εϲτιν μεγαλη και αδιαλειπτοϲ οδυνη τη καρδια μου",
            "ηυχομην γαρ αναθεμα ειναι αυτοϲ εγω απο του χ̅υ̅ υπερ των αδελφων μου των ϲυγγενων μου κατα ϲαρκα",
            "οιτινεϲ ειϲιν ιϲραηλιται ων η υιοθεϲια και η δοξα και αι διαθηκαι και η νομοθεϲια και η λατρεια και αι επαγγελιαι",
            "ων οι πατερεϲ και εξ ων ο χ̅ϲ̅ το κατα ϲαρκα ο ων επι παντων θ̅ϲ̅ ευλογητοϲ ειϲ τουϲ αιωναϲ αμην",
            "ουχ οιον δε οτι εκπεπτωκεν ο λογοϲ του θ̅υ̅ ου γαρ παντεϲ οι εξ ιϲραηλ ουτοι ιϲραηλ",
            "ουδ οτι ειϲιν ϲπερμα αβρααμ παντεϲ τεκνα αλλ εν ιϲαακ κληθηϲεται ϲοι ϲπερμα",
            "τουτ εϲτιν ου τα τεκνα τηϲ ϲαρκοϲ ταυτα τεκνα του θ̅υ̅ αλλα τα τεκνα τηϲ επαγγελιαϲ λογιζεται ειϲ ϲπερμα",
            "επαγγελιαϲ γαρ ο λογοϲ ουτοϲ κατα τον καιρον τουτον ελευϲομαι και εϲται τη σαρρα υιοϲ",
            "ου μονον δε αλλα και ρεβεκκα εξ ενοϲ κοιτην εχουϲα ιϲαακ του πατροϲ ημων",
            "μηπω γαρ γεννηθεντων μηδε πραξαντων τι αγαθον η φαυλον ινα η κατ εκλογην προθεϲιϲ του θ̅υ̅ μενη",
            "ουκ εξ εργων αλλ εκ του καλουντοϲ ερρεθη αυτη οτι ο μειζων δουλευϲει τω ελαϲϲονι",
            "καθωϲ γεγραπται τον ιακωβ ηγαπηϲα τον δε ηϲαυ εμιϲηϲα",
            "τι ουν ερουμεν μη αδικια παρα τω θ̅ω̅ μη γενοιτο",
            "τω μωυϲει γαρ λεγει ελεηϲω ον αν ελεω και οικτιρηϲω ον αν οικτιρω",
            "αρα ουν ου του θελοντοϲ ουδε του τρεχοντοϲ αλλα του ελεωντοϲ θ̅υ̅",
            "λεγει γαρ η γραφη τω φαραω οτι ειϲ αυτο τουτο εξηγειρα ϲε οπωϲ ενδειξωμαι εν ϲοι την δυναμιν μου και οπωϲ διαγγελη το ονομα μου εν παϲη τη γη",
            "αρα ουν ον θελει ελεει ον δε θελει ϲκληρυνει",
            "ερειϲ μοι ουν τι ουν ετι μεμφεται τω γαρ βουληματι αυτου τιϲ ανθεϲτηκεν",
            "ω ανθρωπε μενουνγε ϲυ τιϲ ει ο ανταποκρινομενοϲ τω θ̅ω̅ μη ερει το πλαϲμα τω πλαϲαντι τι με εποιηϲαϲ ουτωϲ",
            "η ουκ εχει εξουϲιαν ο κεραμευϲ του πηλου εκ του αυτου φυραματοϲ ποιηϲαι ο μεν ειϲ τιμην ϲκευοϲ ο δε ειϲ ατιμιαν",
            "ει δε θελων ο θ̅ϲ̅ ενδειξαϲθαι την οργην και γνωριϲαι το δυνατον αυτου ηνεγκεν εν πολλη μακροθυμια ϲκευη οργηϲ κατηρτιϲμενα ειϲ απωλειαν",
            "και ινα γνωριϲη τον πλουτον τηϲ δοξηϲ αυτου επι ϲκευη ελεουϲ α προητοιμαϲεν ειϲ δοξαν",
            "ουϲ και εκαλεϲεν ημαϲ ου μονον εξ ιουδαιων αλλα και εξ εθνων",
            "ωϲ και εν τω ωϲηε λεγει καλεϲω τον ου λαον μου λαον μου και την ουκ ηγαπημενην ηγαπημενην",
            "και εϲται εν τω τοπω ου ερρεθη αυτοιϲ ου λαοϲ μου υμειϲ εκει κληθηϲονται υιοι θ̅υ̅ ζωντοϲ",
            "ηϲαιαϲ δε κραζει υπερ του ιϲραηλ εαν η ο αριθμοϲ των υιων ιϲραηλ ωϲ η αμμοϲ τηϲ θαλαϲϲηϲ το υπολειμμα ϲωθηϲεται",
            "λογον γαρ ϲυντελων και ϲυντεμνων ποιηϲει κ̅ϲ̅ επι τηϲ γηϲ",
            "και καθωϲ προειρηκεν ηϲαιαϲ ει μη κ̅ϲ̅ σαβαωθ εγκατελιπεν ημιν ϲπερμα ωϲ σοδομα αν εγενηθημεν και ωϲ γομορρα αν ωμοιωθημεν",
            "τι ουν ερουμεν οτι εθνη τα μη διωκοντα δικαιοϲυνην κατελαβεν δικαιοϲυνην δικαιοϲυνην δε την εκ πιϲτεωϲ",
            "ιϲραηλ δε διωκων νομον δικαιοϲυνηϲ ειϲ νομον ουκ εφθαϲεν",
            "δια τι οτι ουκ εκ πιϲτεωϲ αλλ ωϲ εξ εργων προϲεκοψαν τω λιθω του προϲκομματοϲ",
            "καθωϲ γεγραπται ιδου τιθημι εν σιων λιθον προϲκομματοϲ και πετραν ϲκανδαλου και ο πιϲτευων επ αυτω ου καταιϲχυνθηϲεται"
        ],
        [
            "αδελφοι η μεν ευδοκια τηϲ εμηϲ καρδιαϲ και η δεηϲιϲ προϲ τον θ̅ν̅ υπερ αυτων ειϲ ϲωτηριαν",
            "μαρτυρω γαρ αυτοιϲ οτι ζηλον θ̅υ̅ εχουϲιν αλλ ου κατ επιγνωϲιν",
            "αγνοουντεϲ γαρ την του θ̅υ̅ δικαιοϲυνην και την ιδιαν δικαιοϲυνην ζητουντεϲ ϲτηϲαι τη δικαιοϲυνη του θ̅υ̅ ουχ υπεταγηϲαν",
            "τελοϲ γαρ νομου χ̅ϲ̅ ειϲ δικαιοϲυνην παντι τω πιϲτευοντι",
            "μωυϲηϲ γαρ γραφει την δικαιοϲυνην την εκ του νομου οτι ο ποιηϲαϲ αυτα ανθρωποϲ ζηϲεται εν αυτη",
            "η δε εκ πιϲτεωϲ δικαιοϲυνη ουτωϲ λεγει μη ειπηϲ εν τη καρδια ϲου τιϲ αναβηϲεται ειϲ τον ουρανον τουτ εϲτιν χ̅ν̅ καταγαγειν",
            "η τιϲ καταβηϲεται ειϲ την αβυϲϲον τουτ εϲτιν χ̅ν̅ εκ νεκρων αναγαγειν",
            "αλλα τι λεγει εγγυϲ ϲου το ρημα εϲτιν εν τω ϲτοματι ϲου και εν τη καρδια ϲου τουτ εϲτιν το ρημα τηϲ πιϲτεωϲ ο κηρυϲϲομεν",
            "οτι εαν ομολογηϲηϲ εν τω ϲτοματι ϲου κ̅ν̅ ι̅ν̅ και πιϲτευϲηϲ εν τη καρδια ϲου οτι ο θ̅ϲ̅ αυτον ηγειρεν εκ νεκρων ϲωθηϲη",
            "καρδια γαρ πιϲτευεται ειϲ δικαιοϲυνην ϲτοματι δε ομολογειται ειϲ ϲωτηριαν",
            "λεγει γαρ η γραφη παϲ ο πιϲτευων επ αυτω ου καταιϲχυνθηϲεται",
            "ου γαρ εϲτιν διαϲτολη ιουδαιου τε και ελληνοϲ ο γαρ αυτοϲ κ̅ϲ̅ παντων πλουτων ειϲ πανταϲ τουϲ επικαλουμενουϲ αυτον",
            "παϲ γαρ οϲ αν επικαλεϲηται το ονομα κ̅υ̅ ϲωθηϲεται",
            "πωϲ ουν επικαλεϲωνται ειϲ ον ουκ επιϲτευϲαν πωϲ δε πιϲτευϲωϲιν ου ουκ ηκουϲαν πωϲ δε ακουϲωϲιν χωριϲ κηρυϲϲοντοϲ",
            "πωϲ δε κηρυξωϲιν εαν μη αποϲταλωϲιν καθωϲ γεγραπται ωϲ ωραιοι οι ποδεϲ των ευαγγελιζομενων τα αγαθα",
            "αλλ ου παντεϲ υπηκουϲαν τω ευαγγελιω ηϲαιαϲ γαρ λεγει κ̅ε̅ τιϲ επιϲτευϲεν τη ακοη ημων",
            "αρα η πιϲτιϲ εξ ακοηϲ η δε ακοη δια ρηματοϲ χ̅υ̅",
            "αλλα λεγω μη ουκ ηκουϲαν μενουνγε ειϲ παϲαν την γην εξηλθεν ο φθογγοϲ αυτων και ειϲ τα περατα τηϲ οικουμενηϲ τα ρηματα αυτων",
            "αλλα λεγω μη ιϲραηλ ουκ εγνω πρωτοϲ μωυϲηϲ λεγει εγω παραζηλωϲω υμαϲ επ ουκ εθνει επ εθνει αϲυνετω παροργιω υμαϲ",
            "ηϲαιαϲ δε αποτολμα και λεγει ευρεθην εν τοιϲ εμε μη ζητουϲιν εμφανηϲ εγενομην τοιϲ εμε μη επερωτωϲιν",
            "προϲ δε τον ιϲραηλ λεγει ολην την ημεραν εξεπεταϲα ταϲ χειραϲ μου προϲ λαον απειθουντα και αντιλεγοντα"
        ],
        [
            "λεγω ουν μη απωϲατο ο θ̅ϲ̅ τον λαον αυτου μη γενοιτο και γαρ εγω ιϲραηλιτηϲ ειμι εκ ϲπερματοϲ αβρααμ φυληϲ βενιαμιν",
            "ουκ απωϲατο ο θ̅ϲ̅ τον λαον αυτου ον προεγνω η ουκ οιδατε εν ηλια τι λεγει η γραφη ωϲ εντυγχανει τω θ̅ω̅ κατα του ιϲραηλ",
            "κ̅ε̅ τουϲ προφηταϲ ϲου απεκτειναν τα θυϲιαϲτηρια ϲου κατεϲκαψαν καγω υπελειφθην μονοϲ και ζητουϲιν την ψυχην μου",
            "αλλα τι λεγει αυτω ο χρηματιϲμοϲ κατελιπον εμαυτω επτακιϲχιλιουϲ ανδραϲ οιτινεϲ ουκ εκαμψαν γονυ τη βααλ",
            "ουτωϲ ουν και εν τω νυν καιρω λειμμα κατ εκλογην χαριτοϲ γεγονεν",
            "ει δε χαριτι ουκετι εξ εργων επει η χαριϲ ουκετι γινεται χαριϲ",
            "τι ουν ο επιζητει ιϲραηλ τουτο ουκ επετυχεν η δε εκλογη επετυχεν οι δε λοιποι επωρωθηϲαν",
            "καθωϲ γεγραπται εδωκεν αυτοιϲ ο θ̅ϲ̅ π̅ν̅α̅ κατανυξεωϲ οφθαλμουϲ του μη βλεπειν και ωτα του μη ακουειν εωϲ τηϲ ϲημερον ημεραϲ",
            "και δαυιδ λεγει γενηθητω η τραπεζα αυτων ειϲ παγιδα και ειϲ θηραν και ειϲ ϲκανδαλον και ειϲ ανταποδομα αυτοιϲ",
            "ϲκοτιϲθητωϲαν οι οφθαλμοι αυτων του μη βλεπειν και τον νωτον αυτων δια παντοϲ ϲυνκαμψον",
            "λεγω ουν μη επταιϲαν ινα πεϲωϲιν μη γενοιτο αλλα τω αυτων παραπτωματι η ϲωτηρια τοιϲ εθνεϲιν ειϲ το παραζηλωϲαι αυτουϲ",
            "ει δε το παραπτωμα αυτων πλουτοϲ κοϲμου και το ηττημα αυτων πλουτοϲ εθνων ποϲω μαλλον το πληρωμα αυτων",
            "υμιν δε λεγω τοιϲ εθνεϲιν εφ οϲον μεν ουν ειμι εγω εθνων αποϲτολοϲ την διακονιαν μου δοξαζω",
            "ει πωϲ παραζηλωϲω μου την ϲαρκα και ϲωϲω τιναϲ εξ αυτων",
            "ει γαρ η αποβολη αυτων καταλλαγη κοϲμου τιϲ η προϲλημψιϲ ει μη ζωη εκ νεκρων",
            "ει δε η απαρχη αγια και το φυραμα και ει η ριζα αγια και οι κλαδοι",
            "ει δε τινεϲ των κλαδων εξεκλαϲθηϲαν ϲυ δε αγριελαιοϲ ων ενεκεντριϲθηϲ εν αυτοιϲ και ϲυνκοινωνοϲ τηϲ ριζηϲ τηϲ πιοτητοϲ τηϲ ελαιαϲ εγενου",
            "μη κατακαυχω των κλαδων ει δε κατακαυχαϲαι ου ϲυ την ριζαν βαϲταζειϲ αλλα η ριζα ϲε",
            "ερειϲ ουν εξεκλαϲθηϲαν κλαδοι ινα εγω εγκεντριϲθω",
            "καλωϲ τη απιϲτια εξεκλαϲθηϲαν ϲυ δε τη πιϲτει εϲτηκαϲ μη υψηλα φρονει αλλα φοβου",
            "ει γαρ ο θ̅ϲ̅ των κατα φυϲιν κλαδων ουκ εφειϲατο μη πωϲ ουδε ϲου φειϲεται",
            "ιδε ουν χρηϲτοτητα και αποτομιαν θ̅υ̅ επι μεν τουϲ πεϲονταϲ αποτομια επι δε ϲε χρηϲτοτηϲ θ̅υ̅ εαν επιμενηϲ τη χρηϲτοτητι επει και ϲυ εκκοπηϲη",
            "κακεινοι δε εαν μη επιμενωϲιν τη απιϲτια ενκεντριϲθηϲονται δυνατοϲ γαρ εϲτιν ο θ̅ϲ̅ παλιν ενκεντριϲαι αυτουϲ",
            "ει γαρ ϲυ εκ τηϲ κατα φυϲιν εξεκοπηϲ αγριελαιου και παρα φυϲιν ενεκεντριϲθηϲ ειϲ καλλιελαιον ποϲω μαλλον ουτοι οι κατα φυϲιν ενκεντριϲθηϲονται τη ιδια ελαια",
            "ου γαρ θελω υμαϲ αγνοειν αδελφοι το μυϲτηριον τουτο ινα μη ητε παρ εαυτοιϲ φρονιμοι οτι πωρωϲιϲ απο μερουϲ τω ιϲραηλ γεγονεν αχρι ου το πληρωμα των εθνων ειϲελθη",
            "και ουτωϲ παϲ ιϲραηλ ϲωθηϲεται καθωϲ γεγραπται ηξει εκ σιων ο ρυομενοϲ αποϲτρεψει αϲεβειαϲ απο ιακωβ",
            "και αυτη αυτοιϲ η παρ εμου διαθηκη οταν αφελωμαι ταϲ αμαρτιαϲ αυτων",
            "κατα μεν το ευαγγελιον εχθροι δι υμαϲ κατα δε την εκλογην αγαπητοι δια τουϲ πατεραϲ",
            "αμεταμελητα γαρ τα χαριϲματα και η κληϲιϲ του θ̅υ̅",
            "ωϲπερ γαρ υμειϲ ποτε ηπειθηϲατε τω θ̅ω̅ νυν δε ηλεηθητε τη τουτων απειθεια",
            "ουτωϲ και ουτοι νυν ηπειθηϲαν τω υμετερω ελεει ινα και αυτοι νυν ελεηθωϲιν",
            "ϲυνεκλειϲεν γαρ ο θ̅ϲ̅ τουϲ πανταϲ ειϲ απειθειαν ινα τουϲ πανταϲ ελεηϲη",
            "ω βαθοϲ πλουτου και ϲοφιαϲ και γνωϲεωϲ θ̅υ̅ ωϲ ανεξεραυνητα τα κριματα αυτου και ανεξιχνιαϲτοι αι οδοι αυτου",
            "τιϲ γαρ εγνω νουν κ̅υ̅ η τιϲ ϲυμβουλοϲ αυτου εγενετο",
            "η τιϲ προεδωκεν αυτω και ανταποδοθηϲεται αυτω",
            "οτι εξ αυτου και δι αυτου και ειϲ αυτον τα παντα αυτω η δοξα ειϲ τουϲ αιωναϲ αμην"
        ],
        [
            "παρακαλω ουν υμαϲ αδελφοι δια των οικτιρμων του θ̅υ̅ παραϲτηϲαι τα ϲωματα υμων θυϲιαν ζωϲαν αγιαν ευαρεϲτον τω θ̅ω̅ την λογικην λατρειαν υμων",
            "και μη ϲυϲχηματιζεϲθε τω αιωνι τουτω αλλα μεταμορφουϲθε τη ανακαινωϲει του νοοϲ ειϲ το δοκιμαζειν υμαϲ τι το θελημα του θ̅υ̅ το αγαθον και ευαρεϲτον και τελειον",
            "λεγω γαρ δια τηϲ χαριτοϲ τηϲ δοθειϲηϲ μοι παντι τω οντι εν υμιν μη υπερφρονειν παρ ο δει φρονειν αλλα φρονειν ειϲ το ϲωφρονειν εκαϲτω ωϲ ο θ̅ϲ̅ εμεριϲεν μετρον πιϲτεωϲ",
            "καθαπερ γαρ εν ενι ϲωματι πολλα μελη εχομεν τα δε μελη παντα ου την αυτην εχει πραξιν",
            "ουτωϲ οι πολλοι εν ϲωμα εϲμεν εν χ̅ω̅ το δε καθ ειϲ αλληλων μελη",
            "εχοντεϲ δε χαριϲματα κατα την χαριν την δοθειϲαν ημιν διαφορα ειτε προφητειαν κατα την αναλογιαν τηϲ πιϲτεωϲ",
            "ειτε διακονιαν εν τη διακονια ειτε ο διδαϲκων εν τη διδαϲκαλια",
            "ειτε ο παρακαλων εν τη παρακληϲει ο μεταδιδουϲ εν απλοτητι ο προιϲταμενοϲ εν ϲπουδη ο ελεων εν ιλαροτητι",
            "η αγαπη ανυποκριτοϲ αποϲτυγουντεϲ το πονηρον κολλωμενοι τω αγαθω",
            "τη φιλαδελφια ειϲ αλληλουϲ φιλοϲτοργοι τη τιμη αλληλουϲ προηγουμενοι",
            "τη ϲπουδη μη οκνηροι τω π̅ν̅ι̅ ζεοντεϲ τω κ̅ω̅ δουλευοντεϲ",
            "τη ελπιδι χαιροντεϲ τη θλιψει υπομενοντεϲ τη προϲευχη προϲκαρτερουντεϲ",
            "ταιϲ χρειαιϲ των αγιων κοινωνουντεϲ την φιλοξενιαν διωκοντεϲ",
            "ευλογειτε τουϲ διωκονταϲ υμαϲ ευλογειτε και μη καταραϲθε",
            "χαιρειν μετα χαιροντων κλαιειν μετα κλαιοντων",
            "το αυτο ειϲ αλληλουϲ φρονουντεϲ μη τα υψηλα φρονουντεϲ αλλα τοιϲ ταπεινοιϲ ϲυναπαγομενοι μη γινεϲθε φρονιμοι παρ εαυτοιϲ",
            "μηδενι κακον αντι κακου αποδιδοντεϲ προνοουμενοι καλα ενωπιον παντων ανθρωπων",
            "ει δυνατον το εξ υμων μετα παντων ανθρωπων ειρηνευοντεϲ",
            "μη εαυτουϲ εκδικουντεϲ αγαπητοι αλλα δοτε τοπον τη οργη γεγραπται γαρ εμοι εκδικηϲιϲ εγω ανταποδωϲω λεγει κ̅ϲ̅",
            "αλλα εαν πεινα ο εχθροϲ ϲου ψωμιζε αυτον εαν διψα ποτιζε αυτον τουτο γαρ ποιων ανθρακαϲ πυροϲ ϲωρευϲειϲ επι την κεφαλην αυτου",
            "μη νικω υπο του κακου αλλα νικα εν τω αγαθω το κακον"
        ],
        [
            "παϲα ψυχη εξουϲιαιϲ υπερεχουϲαιϲ υποταϲϲεϲθω ου γαρ εϲτιν εξουϲια ει μη υπο θ̅υ̅ αι δε ουϲαι υπο θ̅υ̅ τεταγμεναι ειϲιν",
            "ωϲτε ο αντιταϲϲομενοϲ τη εξουϲια τη του θ̅υ̅ διαταγη ανθεϲτηκεν οι δε ανθεϲτηκοτεϲ εαυτοιϲ κριμα λημψονται",
            "οι γαρ αρχοντεϲ ουκ ειϲιν φοβοϲ τω αγαθω εργω αλλα τω κακω θελειϲ δε μη φοβειϲθαι την εξουϲιαν το αγαθον ποιει και εξειϲ επαινον εξ αυτηϲ",
            "θ̅υ̅ γαρ διακονοϲ εϲτιν ϲοι ειϲ το αγαθον εαν δε το κακον ποιηϲ φοβου ου γαρ εικη την μαχαιραν φορει θ̅υ̅ γαρ διακονοϲ εϲτιν εκδικοϲ ειϲ οργην τω το κακον πραϲϲοντι",
            "διο αναγκη υποταϲϲεϲθαι ου μονον δια την οργην αλλα και δια την ϲυνειδηϲιν",
            "δια τουτο γαρ και φορουϲ τελειτε λειτουργοι γαρ θ̅υ̅ ειϲιν ειϲ αυτο τουτο προϲκαρτερουντεϲ",
            "αποδοτε παϲιν ταϲ οφειλαϲ τω τον φορον τον φορον τω το τελοϲ το τελοϲ τω τον φοβον τον φοβον τω την τιμην την τιμην",
            "μηδενι μηδεν οφειλετε ει μη το αλληλουϲ αγαπαν ο γαρ αγαπων τον ετερον νομον πεπληρωκεν",
            "το γαρ ου μοιχευϲειϲ ου φονευϲειϲ ου κλεψειϲ ουκ επιθυμηϲειϲ και ει τιϲ ετερα εντολη εν τω λογω τουτω ανακεφαλαιουται εν τω αγαπηϲειϲ τον πληϲιον ϲου ωϲ ϲεαυτον",
            "η αγαπη τω πληϲιον κακον ουκ εργαζεται πληρωμα ουν νομου η αγαπη",
            "και τουτο ειδοτεϲ τον καιρον οτι ωρα ηδη υμαϲ εξ υπνου εγερθηναι νυν γαρ εγγυτερον ημων η ϲωτηρια η οτε επιϲτευϲαμεν",
            "η νυξ προεκοψεν η δε ημερα ηγγικεν αποθωμεθα ουν τα εργα του ϲκοτουϲ ενδυϲωμεθα δε τα οπλα του φωτοϲ",
            "ωϲ εν ημερα ευϲχημονωϲ περιπατηϲωμεν μη κωμοιϲ και μεθαιϲ μη κοιταιϲ και αϲελγειαιϲ μη εριδι και ζηλω",
            "αλλα ενδυϲαϲθε τον κ̅ν̅ ι̅ν̅ χ̅ν̅ και τηϲ ϲαρκοϲ προνοιαν μη ποιειϲθε ειϲ επιθυμιαϲ"
        ],
        [
            "τον δε αϲθενουντα τη πιϲτει προϲλαμβανεϲθε μη ειϲ διακριϲειϲ διαλογιϲμων",
            "οϲ μεν πιϲτευει φαγειν παντα ο δε αϲθενων λαχανα εϲθιει",
            "ο εϲθιων τον μη εϲθιοντα μη εξουθενειτω ο δε μη εϲθιων τον εϲθιοντα μη κρινετω ο θ̅ϲ̅ γαρ αυτον προϲελαβετο",
            "ϲυ τιϲ ει ο κρινων αλλοτριον οικετην τω ιδιω κ̅ω̅ ϲτηκει η πιπτει ϲταθηϲεται δε δυνατει γαρ ο κ̅ϲ̅ ϲτηϲαι αυτον",
            "οϲ μεν γαρ κρινει ημεραν παρ ημεραν οϲ δε κρινει παϲαν ημεραν εκαϲτοϲ εν τω ιδιω νοι πληροφορειϲθω",
            "ο φρονων την ημεραν κ̅ω̅ φρονει και ο εϲθιων κ̅ω̅ εϲθιει ευχαριϲτει γαρ τω θ̅ω̅ και ο μη εϲθιων κ̅ω̅ ουκ εϲθιει και ευχαριϲτει τω θ̅ω̅",
            "ουδειϲ γαρ ημων εαυτω ζη και ουδειϲ εαυτω αποθνηϲκει",
            "εαν τε γαρ ζωμεν τω κ̅ω̅ ζωμεν εαν τε αποθνηϲκωμεν τω κ̅ω̅ αποθνηϲκομεν εαν τε ουν ζωμεν εαν τε αποθνηϲκωμεν του κ̅υ̅ εϲμεν",
            "ειϲ τουτο γαρ χ̅ϲ̅ απεθανεν και εζηϲεν ινα και νεκρων και ζωντων κυριευϲη",
            "συ δε τι κρινειϲ τον αδελφον ϲου η και ϲυ τι εξουθενειϲ τον αδελφον ϲου παντεϲ γαρ παραϲτηϲομεθα τω βηματι του θ̅υ̅",
            "γεγραπται γαρ ζω εγω λεγει κ̅ϲ̅ οτι εμοι καμψει παν γονυ και παϲα γλωϲϲα εξομολογηϲεται τω θ̅ω̅",
            "αρα ουν εκαϲτοϲ ημων περι εαυτου λογον δωϲει τω θ̅ω̅",
            "μηκετι ουν αλληλουϲ κρινωμεν αλλα τουτο κρινατε μαλλον το μη τιθεναι προϲκομμα τω αδελφω η ϲκανδαλον",
            "οιδα και πεπειϲμαι εν κ̅ω̅ ι̅υ̅ οτι ουδεν κοινον δι εαυτου ει μη τω λογιζομενω τι κοινον ειναι εκεινω κοινον",
            "ει γαρ δια βρωμα ο αδελφοϲ ϲου λυπειται ουκετι κατα αγαπην περιπατειϲ μη τω βρωματι ϲου εκεινον απολλυε υπερ ου χ̅ϲ̅ απεθανεν",
            "μη βλαϲφημειϲθω ουν υμων το αγαθον",
            "ου γαρ εϲτιν η βαϲιλεια του θ̅υ̅ βρωϲιϲ και ποϲιϲ αλλα δικαιοϲυνη και ειρηνη και χαρα εν π̅ν̅ι̅ αγιω",
            "ο γαρ εν τουτω δουλευων τω χ̅ω̅ ευαρεϲτοϲ τω θ̅ω̅ και δοκιμοϲ τοιϲ ανθρωποιϲ",
            "αρα ουν τα τηϲ ειρηνηϲ διωκωμεν και τα τηϲ οικοδομηϲ τηϲ ειϲ αλληλουϲ",
            "μη ενεκεν βρωματοϲ καταλυε το εργον του θ̅υ̅ παντα μεν καθαρα αλλα κακον τω ανθρωπω τω δια προϲκομματοϲ εϲθιοντι",
            "καλον το μη φαγειν κρεα μηδε πιειν οινον μηδε εν ω ο αδελφοϲ ϲου προϲκοπτει",
            "συ πιϲτιν ην εχειϲ κατα ϲεαυτον εχε ενωπιον του θ̅υ̅ μακαριοϲ ο μη κρινων εαυτον εν ω δοκιμαζει",
            "ο δε διακρινομενοϲ εαν φαγη κατακεκριται οτι ουκ εκ πιϲτεωϲ παν δε ο ουκ εκ πιϲτεωϲ αμαρτια εϲτιν"
        ],
        [
            "οφειλομεν δε ημειϲ οι δυνατοι τα αϲθενηματα των αδυνατων βαϲταζειν και μη εαυτοιϲ αρεϲκειν",
            "εκαϲτοϲ ημων τω πληϲιον αρεϲκετω ειϲ το αγαθον προϲ οικοδομην",
            "και γαρ ο χ̅ϲ̅ ουχ εαυτω ηρεϲεν αλλα καθωϲ γεγραπται οι ονειδιϲμοι των ονειδιζοντων ϲε επεπεϲαν επ εμε",
            "οϲα γαρ προεγραφη ειϲ την ημετεραν διδαϲκαλιαν εγραφη ινα δια τηϲ υπομονηϲ και δια τηϲ παρακληϲεωϲ των γραφων την ελπιδα εχωμεν",
            "ο δε θ̅ϲ̅ τηϲ υπομονηϲ και τηϲ παρακληϲεωϲ δωη υμιν το αυτο φρονειν εν αλληλοιϲ κατα χ̅ν̅ ι̅ν̅",
            "ινα ομοθυμαδον εν ενι ϲτοματι δοξαζητε τον θ̅ν̅ και πατερα του κ̅υ̅ ημων ι̅υ̅ χ̅υ̅",
            "διο προϲλαμβανεϲθε αλληλουϲ καθωϲ και ο χ̅ϲ̅ προϲελαβετο υμαϲ ειϲ δοξαν του θ̅υ̅",
            "λεγω γαρ χ̅ν̅ διακονον γεγενηϲθαι περιτομηϲ υπερ αληθειαϲ θ̅υ̅ ειϲ το βεβαιωϲαι ταϲ επαγγελιαϲ των πατερων",
            "τα δε εθνη υπερ ελεουϲ δοξαϲαι τον θ̅ν̅ καθωϲ γεγραπται δια τουτο εξομολογηϲομαι ϲοι εν εθνεϲιν και τω ονοματι ϲου ψαλω",
            "και παλιν λεγει ευφρανθητε εθνη μετα του λαου αυτου",
            "και παλιν αινειτε παντα τα εθνη τον κ̅ν̅ και επαινεϲατωϲαν αυτον παντεϲ οι λαοι",
            "και παλιν ηϲαιαϲ λεγει εϲται η ριζα του ιεϲϲαι και ο ανιϲταμενοϲ αρχειν εθνων επ αυτω εθνη ελπιουϲιν",
            "ο δε θ̅ϲ̅ τηϲ ελπιδοϲ πληρωϲαι υμαϲ παϲηϲ χαραϲ και ειρηνηϲ εν τω πιϲτευειν ειϲ το περιϲϲευειν υμαϲ εν τη ελπιδι εν δυναμει π̅ν̅ϲ̅ αγιου",
            "πεπειϲμαι δε αδελφοι μου και αυτοϲ εγω περι υμων οτι και αυτοι μεϲτοι εϲτε αγαθωϲυνηϲ πεπληρωμενοι παϲηϲ τηϲ γνωϲεωϲ δυναμενοι και αλληλουϲ νουθετειν",
            "τολμηροτερον δε εγραψα υμιν απο μερουϲ ωϲ επαναμιμνηϲκων υμαϲ δια την χαριν την δοθειϲαν μοι υπο του θ̅υ̅",
            "ειϲ το ειναι με λειτουργον χ̅υ̅ ι̅υ̅ ειϲ τα εθνη ιερουργουντα το ευαγγελιον του θ̅υ̅ ινα γενηται η προϲφορα των εθνων ευπροϲδεκτοϲ ηγιαϲμενη εν π̅ν̅ι̅ αγιω",
            "εχω ουν την καυχηϲιν εν χ̅ω̅ ι̅υ̅ τα προϲ τον θ̅ν̅",
            "ου γαρ τολμηϲω τι λαλειν ων ου κατειργαϲατο χ̅ϲ̅ δι εμου ειϲ υπακοην εθνων λογω και εργω",
            "εν δυναμει ϲημειων και τερατων εν δυναμει π̅ν̅ϲ̅ θ̅υ̅ ωϲτε με απο ιερουϲαλημ και κυκλω μεχρι του ιλλυρικου πεπληρωκεναι το ευαγγελιον του χ̅υ̅",
            "ουτωϲ δε φιλοτιμουμενον ευαγγελιζεϲθαι ουχ οπου ωνομαϲθη χ̅ϲ̅ ινα μη επ αλλοτριον θεμελιον οικοδομω",
            "αλλα καθωϲ γεγραπται οιϲ ουκ ανηγγελη περι αυτου οψονται και οι ουκ ακηκοαϲιν ϲυνηϲουϲιν",
            "διο και ενεκοπτομην τα πολλα του ελθειν προϲ υμαϲ",
            "νυνι δε μηκετι τοπον εχων εν τοιϲ κλιμαϲι τουτοιϲ επιποθιαν δε εχων του ελθειν προϲ υμαϲ απο ικανων ετων",
            "ωϲ αν πορευωμαι ειϲ την σπανιαν ελπιζω γαρ διαπορευομενοϲ θεαϲαϲθαι υμαϲ και υφ υμων προπεμφθηναι εκει εαν υμων πρωτον απο μερουϲ εμπληϲθω",
            "νυνι δε πορευομαι ειϲ ιερουϲαλημ διακονων τοιϲ αγιοιϲ",
            "ευδοκηϲαν γαρ μακεδονια και αχαια κοινωνιαν τινα ποιηϲαϲθαι ειϲ τουϲ πτωχουϲ των αγιων των εν ιερουϲαλημ",
            "ευδοκηϲαν γαρ και οφειλεται ειϲιν αυτων ει γαρ τοιϲ πνευματικοιϲ αυτων εκοινωνηϲαν τα εθνη οφειλουϲιν και εν τοιϲ ϲαρκικοιϲ λειτουργηϲαι αυτοιϲ",
            "τουτο ουν επιτελεϲαϲ και ϲφραγιϲαμενοϲ αυτοιϲ τον καρπον τουτον απελευϲομαι δι υμων ειϲ σπανιαν",
            "οιδα δε οτι ερχομενοϲ προϲ υμαϲ εν πληρωματι ευλογιαϲ χ̅υ̅ ελευϲομαι",
            "παρακαλω δε υμαϲ αδελφοι δια του κ̅υ̅ ημων ι̅υ̅ χ̅υ̅ και δια τηϲ αγαπηϲ του π̅ν̅ϲ̅ ϲυναγωνιϲαϲθαι μοι εν ταιϲ προϲευχαιϲ υπερ εμου προϲ τον θ̅ν̅",
            "ινα ρυϲθω απο των απειθουντων εν τη ιουδαια και η διακονια μου η ειϲ ιερουϲαλημ ευπροϲδεκτοϲ τοιϲ αγιοιϲ γενηται",
            "ινα εν χαρα ελθων προϲ υμαϲ δια θεληματοϲ θ̅υ̅ ϲυναναπαυϲωμαι υμιν",
            "ο δε θ̅ϲ̅ τηϲ ειρηνηϲ μετα παντων υμων αμην"
        ],
        [
            "συνιϲτημι δε υμιν φοιβην την αδελφην ημων ουϲαν και διακονον τηϲ εκκληϲιαϲ τηϲ εν κενχρεαιϲ",
            "ινα αυτην προϲδεξηϲθε εν κ̅ω̅ αξιωϲ των αγιων και παραϲτητε αυτη εν ω αν υμων χρηζη πραγματι και γαρ αυτη προϲτατιϲ πολλων εγενηθη και εμου αυτου",
            "αϲπαϲαϲθε πριϲκαν και ακυλαν τουϲ ϲυνεργουϲ μου εν χ̅ω̅ ι̅υ̅",
            "οιτινεϲ υπερ τηϲ ψυχηϲ μου τον εαυτων τραχηλον υπεθηκαν οιϲ ουκ εγω μονοϲ ευχαριϲτω αλλα και παϲαι αι εκκληϲιαι των εθνων",
            "και την κατ οικον αυτων εκκληϲιαν αϲπαϲαϲθε επαινετον τον αγαπητον μου οϲ εϲτιν απαρχη τηϲ αϲιαϲ ειϲ χ̅ν̅",
            "αϲπαϲαϲθε μαριαν ητιϲ πολλα εκοπιαϲεν ειϲ υμαϲ",
            "αϲπαϲαϲθε ανδρονικον και ιουνιαν τουϲ ϲυγγενειϲ μου και ϲυναιχμαλωτουϲ μου οιτινεϲ ειϲιν επιϲημοι εν τοιϲ αποϲτολοιϲ οι και προ εμου γεγοναν εν χ̅ω̅",
            "αϲπαϲαϲθε αμπλιατον τον αγαπητον μου εν κ̅ω̅",
            "αϲπαϲαϲθε ουρβανον τον ϲυνεργον ημων εν χ̅ω̅ και σταχυν τον αγαπητον μου",
            "αϲπαϲαϲθε απελλην τον δοκιμον εν χ̅ω̅ αϲπαϲαϲθε τουϲ εκ των αριϲτοβουλου",
            "αϲπαϲαϲθε ηρωδιωνα τον ϲυγγενη μου αϲπαϲαϲθε τουϲ εκ των ναρκιϲϲου τουϲ ονταϲ εν κ̅ω̅",
            "αϲπαϲαϲθε τρυφαιναν και τρυφωϲαν ταϲ κοπιωϲαϲ εν κ̅ω̅ αϲπαϲαϲθε περϲιδα την αγαπητην ητιϲ πολλα εκοπιαϲεν εν κ̅ω̅",
            "αϲπαϲαϲθε ρουφον τον εκλεκτον εν κ̅ω̅ και την μητερα αυτου και εμου",
            "αϲπαϲαϲθε αϲυνκριτον φλεγοντα ερμην πατροβαν ερμαν και τουϲ ϲυν αυτοιϲ αδελφουϲ",
            "αϲπαϲαϲθε φιλολογον και ιουλιαν νηρεα και την αδελφην αυτου και ολυμπαν και τουϲ ϲυν αυτοιϲ πανταϲ αγιουϲ",
            "αϲπαϲαϲθε αλληλουϲ εν φιληματι αγιω αϲπαζονται υμαϲ αι εκκληϲιαι παϲαι του χ̅υ̅",
            "παρακαλω δε υμαϲ αδελφοι ϲκοπειν τουϲ ταϲ διχοϲταϲιαϲ και τα ϲκανδαλα παρα την διδαχην ην υμειϲ εμαθετε ποιουνταϲ και εκκλινετε απ αυτων",
            "οι γαρ τοιουτοι τω κ̅ω̅ ημων χ̅ω̅ ου δουλευουϲιν αλλα τη εαυτων κοιλια και δια τηϲ χρηϲτολογιαϲ και ευλογιαϲ εξαπατωϲιν ταϲ καρδιαϲ των ακακων",
            "η γαρ υμων υπακοη ειϲ πανταϲ αφικετο εφ υμιν ουν χαιρω θελω δε υμαϲ ϲοφουϲ ειναι ειϲ το αγαθον ακεραιουϲ δε ειϲ το κακον",
            "ο δε θ̅ϲ̅ τηϲ ειρηνηϲ ϲυντριψει τον σαταναν υπο τουϲ ποδαϲ υμων εν ταχει η χαριϲ του κ̅υ̅ ημων ι̅υ̅ μεθ υμων",
            "αϲπαζεται υμαϲ τιμοθεοϲ ο ϲυνεργοϲ μου και λουκιοϲ και ιαϲων και σωϲιπατροϲ οι ϲυγγενειϲ μου",
            "αϲπαζομαι υμαϲ εγω τερτιοϲ ο γραψαϲ την επιϲτολην εν κ̅ω̅",
            "αϲπαζεται υμαϲ γαιοϲ ο ξενοϲ μου και οληϲ τηϲ εκκληϲιαϲ αϲπαζεται υμαϲ εραϲτοϲ ο οικονομοϲ τηϲ πολεωϲ και κουαρτοϲ ο αδελφοϲ",
            "τω δε δυναμενω υμαϲ ϲτηριξαι κατα το ευαγγελιον μου και το κηρυγμα ι̅υ̅ χ̅υ̅ κατα αποκαλυψιν μυϲτηριου χρονοιϲ αιωνιοιϲ ϲεϲιγημενου",
            "φανερωθεντοϲ δε νυν δια τε γραφων προφητικων κατ επιταγην του αιωνιου θ̅υ̅ ειϲ υπακοην πιϲτεωϲ ειϲ παντα τα εθνη γνωριϲθεντοϲ",
            "μονω ϲοφω θ̅ω̅ δια ι̅υ̅ χ̅υ̅ ω η δοξα ειϲ τουϲ αιωναϲ αμην"
        ]
    ]
}